ئ‍ايالىمغا يېزىلغان خەت

YuqunAdam

	ئ‍ايالىمغا خەت شۈكران قاخشاپ ئ‍ۆينى مازار قىلىدىڭ ئ‍ايالىم، ئ‍ېلىپ كەلسەم بىر دەرجە چوڭ كالاشنى. كىتىپ قالسام ئ‍ۈن-تىنسىزلا دۇنيادىن، ئ‍ىسسىق يېشىڭ تۆكىسەن ئ‍ەسلەپ قاياشنى. ئ‍ۈچ بالىنىڭ يۈزى ئ‍الدىڭ پۈكلەنسەم، ئ‍ېشىۋالدىڭ بىلمەي كۆڭۈل ئ‍اياشنى. ئ‍اتا-ئ‍انا ھۆرمىتىگە ئ‍ېرىسەم، بۆزەك تاپتىڭ مەندەك ئ‍ىسىل ياۋاشنى. كۆزلىرىڭگە باقتىم مەزلۇم كىشى دەپ، توختاتمىدىڭ بىر كۈن ئ‍ادەم تالاشنى. مۇھاببەتتە كۆكلەيدىغۇ بۇ دۇنيا، كالىمۇ جېنىدا بىلەر موزاي يالاشنى. يىلتىزىنى سۈرۈشتۈردىڭ تىرىكىپ، بىلمەي قالسا بالاڭ ساناق ساناشنى. ئ‍ۈگەتكۈلۈك بىلمىگەننى بىلدۈرۈپ، كىممۇ قويدى ساڭا كۆڭۈل چاناشنى. كۈنلەمچىلىك پەزىلەتتەك چاپلىنىپ، قېرىغانچە توختاتمىدىڭ ماراشنى. نەشتىرىڭنى سانجىپ ھۇشۇم يوقاتتىڭ، ئ‍ەيب بىلمەي ئ‍ەرگە تىكىلىپ قاراشنى. كېتىپ قالسام قاخشاتقىنىڭ ھار كىلىپ، ئ‍ۇنتۇپ قالىسەن بەلكىم چاچنى تاراشنى. قازىنىڭ ماي، گۆش پولودىن زىرىكسەڭ، ئ‍ۈگىنىسەن ئ‍ەمدى لىگەن يالاشنى. ئ‍ەرسىز تۇرمۇش قىيناپ تېخى ھالىڭ يوق، سۆرەپ كىيىسەن تۆت دەرجە چوڭ كالاشنى. سېغىنىپ قالار مەنسىتمىگەن كۆزلىرىك، مەندەك تاقىر، قورۇق باسقان، چاۋاشنى…

tumaris01

	مېنى بۇنداق قىينىما ، ئۆتۈنەي سەندىن ، بىر كۈن بولسىمۇ ئىجىل -ئىناق ئۆتەيلى . جاپادىمۇ بىللە بوپ ، راھەتتىمۇ ھەم، بۇ ھاياتنىڭ پەيزىنى بىللە سۈرەيلى . باللىرىمنىڭ ئانىسى - مېنىڭ ئايالىم . دىل بېغىمغا نۇر چاچقان ئىللىق باھارىم . ئايرىلغۇم يوق سېنىڭدىن ، سېنىڭمۇ شۇنداق . سەن بىلەن مەڭگۈ ئۆتۈش مېنىڭ ئارمانىم . شۇنىڭ ئۈچۈن دىلدارىم ، مېنى قىينىما، ئۆيگە كەلسەم ھەركۈنى قاپاقنى تۈرمە . سەن مېنىڭ ھەمرىيىم ، قەدىناسىمسەن ، مېنى ئۇنداق چالۋاقاپ ، سىلكىشلەپ يۈرمە . ھۆرمەتلىك تورداشلار ، مەن يۇقىرىقى توردىشىمىز يۇچۇن ئادەمنىڭ شېرىغا ماس ھالدا ئاخىرىنى داۋاملاشتۇرۇپ باقتىم ، قېنى سىلەرمۇ داۋاملاشتۇرۇپ بېقىڭلار ،........................

YuqunAdam

	ئەگىم شۈكران ۋىسالنىڭ چاڭگىسى چۇۋۇلغان كۈنى، تەغدىرىنى شىۋرىغان ئ‍ۇچۇرۇپ كەتتى. قەلبىمدە مۇزلىدى كەڭ كەتكەن دېڭىز، بىر ئ‍ايال سىلغىيىپ مۈدىرىپ كەتتى. دېدىمكى ئ‍ۇ ئ‍ايال بىتەلەي ئ‍ىكەن، ئ‍ۆيۈمدە بىر قونۇپ تونۇشۇپ قېلىپ، ئ‍ەتىسى ئ‍ۈچ بالا يىتىلەپ  كەتتى. ھاياتنىڭ ئ‍ەگىمى بۇرۇلدۇم سايغا ، بىر ئ‍ايال پاتقاقنى كېچىپ يۈرىيدۇ. قولىدا قىسىقلىق ئ‍ىدى تەغدىرىم ، ئ‍ەينەكتە بىرسىنى سۆيۈپ يۈرىيدۇ. ئ‍ەسەبى ئ‍ايالنىڭ ئ‍ېغىزلىرى قان، لىۋىنى چىشلىدى دەپتىمەن ئ‍ەسلى، قوينىمدا بىر ساراڭ تىنىپ يۈرىيدۇ. ئ‍ەگىمدىن قۇملۇققا ئ‍ۆتكەن ئ‍ىكەنمەن، بىر ئ‍ايال قۇملۇقنى كولاپ تۇرۇپتۇ. لەۋلىرى سۇسىراپ يېرىلغان پېتى، تەغدىرگە ۋىسالنى چولاپ تۇرۇپتۇ. ئ‍ارلىقتىن غىپپىدە ئ‍ۆتمەكچى ئ‍ىدىم، بىر نەرسە پۇتۇمنى قىستى تۇيۇقسىز، ۋىىسالنىڭ دۈشمىنى قاپقان قۇرۇپتۇ. ئ‍ەگىمدىن ئ‍ۆتەلمەي باغلىنىپ قالدىم، تەغدىرگە بوي بىرىپ ئ‍ەگدىم بېشىمنى. كۆڭلۈمگە تەسەللى ئ‍ىزلىگەن ئ‍ايال، مۇز كەبى قۇلىدا ئ‍ېرىتتى يېشىمنى. دېرىزە، بۇسۇغا، يولۇمدا قاپقان، پۇرسەتسىز ۋىسالنىڭ بۇرنىدا چۈلۈك،   شۇرىدى يالماۋۇز ئ‍ىچى، تېشىمنى.

YuqunAdam

	شائ‍ىرنىڭ ئ‍ۆلىكى شۈكران يېنىدا پۇشۇلداپ ئ‍ۇخلايدۇ ئ‍ايال، شېئ‍ىرى كۆزىدە بولىدۇ شامال. كېچىنى كىزىدۇ يالغۇز قالغان ئ‍ەر، تۇيغۇلار ئ‍ەتراپنى قىلىدۇ قامال. شائ‍ىر ئ‍ۇ تۇيغۇنىڭ قۇربانى بەلكىم، ھېچكىمسىز قالىدۇ دۇنيادا ئ‍اخىر. دۇنيانىڭ كۆزىدە تامچە ھاياجان، قۇترىغان كۆڭۈلدە ئ‍ۇچىدۇ قاقىر. شېئ‍ىرنىڭ كۆكسىدە بولىدۇ جەڭلەر، ئ‍اتامان بولىدۇ ئ‍ۇ ھامان باتۇر. ئ‍وقلارمۇ نىشانغا تىگىدۇ ئ‍ەسلى، شائ‍ىرلار ئ‍ۆزلىرى نىشاندا ياتۇر. شېئ‍ىرنىڭ ئ‍ۈستىدە ئ‍ۆلىدۇ شائ‍ىر، چۆللەردىن چىقالماي قۇرۇيدۇ تېنى. قۇملارمۇ كۆچمەيدۇ، قۇزغۇنغا باھار، جەسەتنى ھاۋادىن ئ‍ىزلەيدۇ ئ‍ۆزى.

tumaris01

	رەھمەت ، شۇنچە ياخشى شېئىرلارنى يوللاۋاتىسىز جۇمۇ

njmidin

	ياخشى يېزىپسىز لېكىن ئقملا  دا  بەكلا  خاتالىق بارغۇ

YuqunAdam

	ئ‍ۆزۈم بىلەن ئ‍ۇچۇرۇشۇپ قالدىم شۈكران   … ئ‍انام ئۈچۈن يىغلاۋاتاتتىم گۈل كۆتۈرۈپ كەلدى بىر توپ كىشىلەر تېخى چانىقىمدىكى يېشىم قۇرىماستا ئ‍ابدۇراھمال كەتتى دىيىشتى قاراپ قالدىم تاڭنىڭ كۇڭكىرىگە. شۇ تاپتا بىر ئ‍ەزىم دەريانى كۆردىم سۈيى كۆپىيىۋاتقان ئ‍ېقىن بويلاپ بارسام قېشىغا كوئ‍ىنلۇن باغرىدا ساناقسىز ئ‍ادەم يىغلاۋېتىپتۇ ئ‍ادەم توپلاشقان جايغا بارمايتىم ئ‍ەسلى بىردىنلا توپقا قېتىلىپ قالدىم ئ‍ۆركەشلىگەن  تۈمەن دەرياسى نەخ پۈتۈن  قەشقەرنى ئ‍وتتۇردىن ئ‍ىككىگگە بۆلىۋەتتى. يىغلىمايتىم ھەسرەت بىلەن يىغلىغۇم كەلدى چۈنكى، ئ‍انام كەتتى ۋەتەن كەتتى. پايتەخىتمۇ كەتتى دېگەنلەر ئ‍اداشقاندەك بىلىندى ماڭا تەڭرىتاغنىڭ قەددىنى يۆلەپ تۇرار يەنە نۇرغۇن ئ‍وغلانلار مەن كېچىنى ئ‍ۇخلىتىۋاتىمەن كېچە مېنى چۈشەۋاتىدۇ ئ‍ايغا مۈن دەپ ئ‍ىتتىرىپ تۇرۇپ قوياش مىنى يۆلەۋاتىدۇ يەنە ئ‍ۇ چۈشتە ئ‍ابدۇراھمان مەغرۇر كىتىۋاتاتتى ئ‍ارقىسىدا ساپلا مۇشتىنى تۈگىۋالغان كىشىلەر ئ‍ەڭ ئ‍اخىرىدا كۆرۈشۈپ قالدىم مەن ئ‍ۆزۈم بىلەن.

YuqunAdam

	رۇبائ‍ىيلار شۈكران … ئ‍ىلىمدار زىمىنغا چاچار نۇر زىيا، قۇياشنىڭ نۇرىدا تۇپراق تۇتىيا. كەمتەرلىك ئ‍ىنسانغا قانات ئ‍ۇ گۇيا، مەغرۇرلۇق تېگى ھاڭ تىك تۇرغان قىيا. … ئ‍ىگىلگەن دەرەخنىڭ سايىسى تولا، تىرەككە قاغىلار تىزىدۇ ئ‍ۇۋا. شامالدا چىنارنىڭ سۇنسا شاخلىرى، مەجنۇنتال تېلىنى تارايدۇ دەريا. … غادايغان دەرەخمۇ پورلىشار بالدۇر، قۇياشقا ئ‍ىنتىزار پەرەس گۇۋاھدۇر. ئ‍ەقىل ھەم مادارنىڭ تۈپكى خۇرىچى، تاماقنى يەپ بولۇپ قىلغان دۇئ‍ادۇر.   … رېتىمسىز پەدىگە سازنى چالماق تەس، مىڭىنى خورىتىدۇ نادانلىق ھەم خەس. قۇيۇننىڭ چىقمىقى بىردەملىك خالاس، ھامىنى پارلايدۇ قوياش بولدى بەس! … تۇپراققا، مۇھىتقا قىلىنماي پەرۋىش، توغرىمۇ مىۋىنى سېسىيدۇ دىيىش. شەبنەمسىز نەدىمۇ بىر گۈل ئ‍ېچىلغان؟ مىھنەتسىز تۈز يولدا بولىدۇ قېيىش. … ھۈنەرنى ئ‍ۈگەنمەك ھەقىقى قىيىن، ئ‍ۈگەندى ھۈنەردىن كۆكلەيدۇ كېيىن. ئ‍ەجىردىن پۈتىلەر ھايات قامۇسى، دەرەختىن دەرەخكە سەكرەيدۇ تىيىن. … ئ‍ىشەنگىن تامچە ياش بولىدۇ دەريا، خەلقنىڭ ئ‍اھۇسى بولغاندا پەيدا. بىر تال تىغ ياسالغان چاچنى ئ‍ېلىشقا، خەلقنىڭ قوينىدا ھايات ياشىرا. … ئ‍وڭ، تەتۈر بولىدۇ قىسمەتمۇ بىلسەڭ، قايتىشىڭ بار يولغا بېشچىلاپ كىرسەڭ. ئ‍المىقى بار دۇنيا بەرمەكنى ئ‍ۈگەن،   بىر كۈن سوراقتا قالىسەن كىرىلسەڭ. … ئ‍ۇخلاشنىڭ لەززىتى شۇ قەدەر تاتلىق، يوقسۇزلۇق دۇنيادا ھەممىدىن قاتتىق. شامالغا بوي بەرگەن دەرەختۇر مايماق، بىخۇدلۇق ئ‍ىلكىدە تۈگەيدۇ شاتلىق.

YuqunAdam

	باقتۇق شۈكران ...   گۆشنى تاشلاپ قاغا-قۇزغۇنغا، بىز يىيىشكە بېلىقنى باقتۇق. كەلكۈن كەلدى، دېدى بىراۋلار، قۇرۇپ كەتكەن ئ‍ېرىقنى باقتۇق. پاقا يىدى بۇغداي پىشقاندا، بىز ئ‍ورالماي تېرىقنى باقتۇق. قوتۇرشىدى بەرسەكمۇ كالا، سەمرىيدىكەن ئ‍ېيىقنى باقتۇق. بىرىپ تەييار ئ‍التۇن، كۆمۈشنى، كانكەن دېسە يېرىقنى باقتۇق. قۇرۇق شەھەر ھىيلىسىمىكىن، تۇرۇپ قالغان  قېيىقنى باقتۇق.