2000 يۈەن مائاش ئالسىڭىز ....

زۇبەيىر

	ناۋادا ئايلىق كىرىمىڭىزنى 2000 يۈەن دەپ پەرەز قىلساق، سىز بۇ پۇل بىلەنمۇ ياخشى تۇرمۇش كەچۈرەلەيسىز.          مەن سىزگە ياردەملىشىپ 2000 يۈەننى بەش ئۈلۈشكە بۆلۈپ بېرەي: بىرىنچى ئۈلۈش 600 يۈەن، ئىككىنچى ئۈلۈش 400 يۈەن، ئۈچىنچى ئۈلۈش 300 يۈەن، تۆتىنچى ئۈلۈش 200 يۈەن، بەشىنچى ئۈلۈش 500 يۈەن. بۇ پۇللارنى قانداق ئىشلىتىشكە قاراپ باقايلى:           بىرىنچى ئۈلۈش، غىزالىنىشقا ئىشلىتىلىدۇ. ئەتىگەنلىك ناشتا ئۈچۈن بىر نان، بىر تۇخۇم، بىر ئىستاكان سۈت؛ چۈشتە بىر ۋاق تاماق، بىر تال مېۋە؛ كەچتە ئۆزىڭىزگە تۇشلۇق تاماق ئېتىپ ئىككى خىل قورۇما تەييارلايسىز؛ ئۇخلاشتىن ئاۋۋال بىر ئىستاكان سۈت ئىچىسىز. مۇشۇنداق داۋاملاشتۇرسىڭىز بىر ئايلىق تاماق پۇلىڭىز 500 - 600 يۈەن ئەتراپىدا بولىدۇ.            ئىككىنچى ئۈلۈش، مۇناسىۋەت دائىرىسىنى كېڭەيتىشكە ئىشلىتىلىدۇ. تېلېفون ھەققىڭىز ئۈچۈن 100 يۈەن كېتىدۇ، ئىككى قېتىم مېھمان كۈتەلەيسىز، ھەر قېتىملىقى ئۈچۈن 150 يۈەن، بۇ پۇلغا كىمنى مېھمان قىلىسىز؟ ئېسىڭىزدە بولسۇن، سىزدىنمۇ بەكرەك پىكىر قىلالايدىغان، سىز تەشەككۈر ئېيتماقچى بولغان كىشىلەرنى مېھمان قىلىڭ. مۇشۇ يوسۇندا بىر يىل قەتئىي داۋاملاشتۇرسىڭىز، دوستلۇق دائىرىڭىز كېڭىيىپ، سىز ئۈچۈن قىممەت يارىتىدۇ. ئابرويىڭىز، تەسىر كۈچىڭىز، قوشۇمچە قىممىتىڭىز بارا - بارا يۇقىرىلايدۇ.            ئۈچىنچى ئۈلۈش، ئۆگىنىشكە سەرپ قىلىنىدۇ. ھەر ئايدا 50 - 100 يۈەنگە كىتاب سېتىۋېلىڭ. ھەر بىر پارچە كىتابنى ئوقۇپ بولغاندىن كېيىن، ئۇنى ئۆز تىلىڭىزغا ئايلاندۇرۇپ باشقىلارغا سۆزلەپ بېرىڭ. شۇنداق قىلغاندا تىل بايلىقىڭىزنى ئاشۇرالايسىز. قالغان 200 يۈەننى ساقلاپ قويۇپ، يىلدا بىر قېتىم　تەربىيەلىنىشكە قاتنىشىڭ.　           تۆتىنچى ئۈلۈش، ساياھەتكە سەرپ قىلىنىدۇ. بىر يىل ئىچىدە ئاز دېگەندە بىر قېتىم ساياھەتكە چىقىڭ. ھەر يىلى شۇنداق قىلسىڭىز، نەچچە يىلدىن كېيىن، تەجرىبىڭىز موللىشىپ، نەزەر دائىرىڭىز كېڭىيىدۇ.          بەشىنچى ئۈلۈش، مەبلەغ سېلىشقا سەرپ قىلىنىدۇ. پاي بازىرىغا مەبلەغ سالسىڭىزمۇ ياكى توردىن مال سېتىۋېلىش ئىسچوتىنى ئېچىپ ئەرزان باھادا توپ سېتىۋېلىپ، باشقىلارغا ساتسىڭىزمۇ بولىدۇ. سېتىپ بولالمىغاننى ئۆزىڭىز ئىشلەتسىڭىزمۇ زىيان تارتمايسىز. ئەگەر كۆپرەك پۇل تاپقان بولسىڭىز، ئۇنداقتا ئۇزاق مۇددەتلىك مەبلەغ سېلىش پىلانىنى تۈزۈپ، بالدۇرلا ئۆزىڭىزنى ئۇزاق مۇددەتلىك كاپالەتكە ئېرىشتۈرۈپ، ئۆزىڭىز ۋە ئائىلىڭىزدىكىلەرنىڭ كەلگۈسىدە نېمە ئىش يۈز بېرىشىدىن قەتئىينەزەر، تۇرمۇش سۈپىتىنىڭ تۆۋەنلەپ كەتمەسلىكىگە كاپالەتلىك قىلىڭ.　           كىرىمىڭىزنىڭ قانچىلىك بولۇشىدىن قەتئىينەزەر، پۇلنى بەش ئۈلۈشكە بۆلۈشنى ھەرگىز ئۇنتۇپ قالماڭ. سالامەتلىككە سالىدىغان مەبلەغنى ئاشۇرغاندا، بەدەننى ساغلاملاشتۇرغىلى؛ ئىجتىمائىي ئالاقىگە مەبلەغ سالغاندا، ئىشەنچىڭىزنى مۇستەھكەملىگىلى؛ ساياھەتكە مەبلەغ سالغاندا، نەزەر دائىرىڭىزنى كېڭەيتكىلى؛ كەلگۈسىگە مەبلەغ سالغاندا، پايدا ۋە ئۈنۈمنى كۆپەيتكىلى بولىدۇ.           مۇشۇنداق تەڭپۇڭلۇقنى ساقلىغاندا، سىزدە ئېشىنچا مەبلەغ كۆپىيىدۇ. بۇ بىر ياخشى　تۇرمۇش پىلانى: سالامەتلىك كۈندىن - كۈنگە ياخشىلىنىدۇ، دوستلار كۈندىن - كۈنگە كۆپىيىدۇ. بۇنداق ۋاقىتتا ئىجتىمائىي ئالاقە مۇناسىۋەتلىرىنى ساقلاپ قالغىلى، يۇقىرى قاتلاملىق تەربىيەلىنىشلەرگە قاتنىشىش شەرىپىگە ئېرىشكىلى، ئۆزىنى ھەر جەھەتتىن مۇكەممەللەشتۈرۈپ، تەپەككۇرنى ئېچىپ، ياخشى خاراكتېرنى يېتىلدۈرگىلى بولىدۇ.　 كەمبەغەل ۋاقىتلىرىڭىزدا، ئۆيدە ئاز ئولتۇرۇپ كۆپرەك سىرتتا بولۇڭ؛ باي بولغاندا ئۆيدە كۆپرەك بولۇپ سىرتقا ئاز چىقىڭ. ئادەم كەمبەغەل چاغلاردا　سېخىي، مەرد بولۇشى؛ باي بولغاندا ھەشەمەتچىلىك قىلماسلىقى كېرەك.　                                ( مەنبە : جۇڭگو رادىيو تورى )

feruq

	ھەقىقەتەن ئۆزگىچە ئۇسۇل ئىكەن. بۇنداق بولغاندا كىشىلەردە ئىقتىسادچان بولۇش ئادىتى شەكىللىنىپ، ھەشەمەتچىلىكمۇ ئازىيىدۇ.

太阳

	نىمىدىگەن سىستىمىلىق، پۇل جىق بولسا تۈگەر ،ئاز بولسا يىتەر دىگەنىكەن كونىلار.

تارىمى

	2000 يۈەن مۇئاش ئالسىڭىز ئۆي سېتىۋالماسلىقىڭىز كېرەك ، ماشىنا سېتىۋالماسلىقىڭىز كېرەك ، ئاغىرىپ قالماسلىقىڭىز كېرەك ، خوتۇن ئالماسلىقىڭىز كېرەك ، بالىلىق بولماسلىقىڭىز كېرەك ، ، ،

basut

	دېيىش ئاسان،بىراق،ئەمەلىيەتتە بۇنداق قىلىش بەسى مۈشكۈل.

kapitan115

	«ئۆيدىكى ھىساپ تالاغا توغرا كەلمەپتۇ»  دەپ ئېيىتقان كونىلار.....

بانكىر

	بويتاقلارغىمۇ تەستە ماس كىلەمدىكىن، چۈنكى مۇھەببىتى بولماسلىقى كىرەكتەك تۇيۇلدى.

كاشكارى

	تاماققا سىزدەك ھىساپ قىلىپ بولغىلى بولمايدۇ ،يەنە ئامانلىق تازلىق توك سۇ پۇلى ئائىلە تۇتسىڭىز بىلىسىز.

blueleaf

	ئۆيدىكى ھېساب تالاغا توغرا كەممەيدۇ ،،،ئىشەنمىسەڭلار سىناپ بېقىڭلار،،،،نەرسە كېرەك شۇنچە قىممەت تۇرسا ،،،بولۇپمۇ قىز ئاياللار كىيىم كىيمىسە تېخى بوممىغان ،چاي ئوينىمىسا تېخى بوممىغان ،،توي تۆكۈنلەرگە بامىسا تېخى بوممىغان ،،ئىشقىلىپ  يەتمەيدۇ