«بىلىم ئېرىسىيەت قالىدۇ»نىڭ يىشىمى

heqqaniyet

	«بىلىم ئېرىسىيەت قالىدۇ»نىڭ يىشىمى ئەسسالامۇ ئەلەيكۇم قېرىنداشلار،يىقىندا توردا بىلىم ئېرىسىيەت قالامدۇ؟ يېشى چوڭ ئادەم پەرزەتلىك بولسا بالىسى ئەقىللىق بولامدۇ؟ دىگەن گەپلەر مۇنازىرە قوزغاپتۇ. شۇ سەۋەبتىن مەن بۇ ئىشنى توغرا چۈشىنىۋېلىشىڭلار ئۈچۈن بۇ تېمىنى يېزىشقا مەجبۇر بولدۇم. مەن بۇنىڭ ئۈچۈن پاكىت كەلتۈرىشىم كېرەك. ئۇنداقتا پاكىتقا دىققەت قىلغايسىلەر. 1.ABC پەن تېخنىكا خەۋەر قانىلىنىڭ 2013-يىلى 3-ئاينىڭ 14-كۈنلۈك خەۋىرىدە  "بالىلارنىڭ ئەقلى قىسمەن گېن بىلەن مۇناسىۋەتلىك" سەرھەۋىلىك ماقالە ئېلان قىلىنغان. خەۋەردە ئېيتىلىشچە: بالىلاردىكى 20%دىن 40% كىچە بولغان ئەقىل گېن بىلەن مۇناسىۋەتلىك يەنى بۇ ئاتا ئانىدىن بالىغا ئېرىسىيەت قالىدۇ. بۇ نەتىجە ئاۋىستىرالىيە بىئولوگىيە ئالىمى بېنيامىننىڭ ئامېرىكا،ئەنگىلىيە،ئاۋىستىرالىيە،گوللاندىيە قاتارلىق دۆلەتلەردىن يىغىلغان 18000دىن ئارتۇق DNA ئەۋرىشكىسىدىن ئېرىشكەن نەتىجە ئىكەن. خەۋەر مەنبەسى:  http://www.abc.net.au/science/articles/2013/03/14/3709447.htm 2. ۋاقىتنىڭ ئەقىل بىلەن بولغان مۇناسىۋىتى توغرىسىدىكى تەجىربە: The Stability of Individual Differences in Mental Ability from Childhood to Old Age: Follow-up of the 1932 Scottish Mental Survey تېمىسى يۇقۇرقىدەك بولغان ئەنگىلىيەلىك ئالىم ئىياننىڭ تەجىربە نەتىجىسىدە ياشنىڭ چوڭىيىشىغا ئەگىشىپ ئەقىلى كۆرسەتكۈچنىڭ ئېشىپ بارىدىغانلىقى ئىسپاتلانغان. (ئەسكەرتىش: بۇ تەجىربە ساغلام كىشىلەر ئۈستىدە ئېلىپ بېرىلغان، قېرىغاندا دىۋەڭلىك كېسىلى بولۇپ قالمىغانلار دىمەكچى.) 3. بالىلىقتىن ياشلىققىچە بولغان نورمال ئەقلى قابىلىيەت ئېرىسىيەتچانلىقىنىڭ كۈچىيىپ مېڭىشى توغرىسىدىكى تەجىربە: The heritability of general cognitive ability increases linearly from childhood to young adulthood تېمىسى يۇقۇرقىدەك بولغان ماقالىنىڭ تەجىربە نەتىجىسىدە ئېرىسىي تەسىرنىڭ ياشنىڭ چوڭىيىشىغا ئەگىشىپ ئېشىپ ماڭىدىغىنىنى ئوتتۇرغا قويغان. يەنى 9 ياش-12ياش-17ياش ۋاقىتلىرىدا ئايرىم ئايرىم ھالدا نورمال ئەقلى قابىلىيىتىنىڭ ئېرىسىيەتچانلىقى تەدرىجى كۈچىيىپ 41%،55%،66% بولىدىغانلىقى ئىسپاتلانغان. ئەكسىچە مۇھىتنىڭ تەسىرى ياش چوڭايغانسىرى تۆۋەنلەپ ماڭغان. 4. بىلىم بىلەن ئەقىلنىڭ مۇناسىۋىتى قانداق؟ collective intelligence دەپ ئاتىلىدىغان يەنى يىغىندى ئەقىل دەيدىغان ئەقىل بار بولۇپ بۇ نۇرغۇن بىلىملىك كىشىلەرنىڭ بىر يەرگە يىغىلىپ مەلۇم بىر ئىش ئۈستىدە مۇزاكىرە قىلىش ئارقىلىق روياپقا چىقىدىغان ئەقىلدىن ئىبارەت. بۇ گەپنى بىر ئادەمگە تەدبىقلىساق بىر ئادەم توختىماي كىتاب كۆرۈپ، ئۆگىنىش قىلىپ كۆپلەپ بىلىم ئالغاندا بۇ كۆپ بىلىملەر شۇ ئادەم مەلۇم بىر ئىشقا يولۇققاندا ئەقىل ئاتا قىلالايدۇ يەنى بۇ بىلىملەر ئەقىلگە ئايلىنالايدۇ. دىمەكچىمەنكى بىلىم ئەقىلگە ئايلىنىدۇ. خۇلاسە 1.بىلىم ئەقىلگە ئايلىنالايدۇ. ئەقىل ئېرىسىيەت قالالايدۇ. دىمەك سىز قانچە بىلىملىك بولسىڭىز شۇنچە ئەقىللىق بولۇشىڭىزنىڭ ئېھتىمالى چوڭ بولىدۇ. قانچە ئەقىللىق بولسىڭىز پەرزەنتىڭىزگە ئېرىسىيەت قالغان ئەقىلمۇ شۇنچە كۆپ بولىشى مۇمكىن. دىمەك مۇشۇنىڭدىن بىز بىلىم ئېرىسىيەت قالىدۇ دىگەن گەپنى چۈشىنىشتە قىينالمايمىز. 2. ياش چوڭ بولغانسىرى سىزدە بىلىم جۇغلىنىپ ماڭسا  ئەقلىڭىزمۇ ئېشىپ ماڭىدۇ شۇنداقلا چوڭايغانسىرى ئەقىلنىڭ ئېرىسىيىتى شۇنچە كۈچىيىدۇ. شۇنداق بولغاندا سىز بۇ ۋاقىتتا پەرزەنتلىك بولسىڭىز  بالىڭىزنىڭ ئەقىللىق بولۇش ئېھتىمالى چوڭ بولىدۇ. پايدىلانغان ماتىرياللار مەنبەسى: 1. http://www.ncbi.nlm.nih.gov/pmc/articles/PMC3182557/ 2.http://www.ncbi.nlm.nih.gov/pmc/articles/PMC3935975/ 3.http://homepages.abdn.ac.uk/j.cr ... 00_Stability_IQ.pdf 4.http://www.ncbi.nlm.nih.gov/pubmed/19488046 5.http://en.wikipedia.org/wiki/Collective_intelligence ئەسكەرتىش: تەتقىقات تېخى داۋاملاشماقتا. تەتقىقاتنىڭ چوڭقۇرلىشىشىغا ئەگىشىپ نۇرغۇن ھەل بولمىغان مەسىلىلەر ھەل بولغۇسى.

Gvljahan

	بۇ راستمۇ ؟ئۇنداقتا بالىنىڭ مەلۇم ئىلىمگە بولغان قىزىقىشى ۋە يۇشۇرۇن تالانتىنى قانچە ياش ۋاقتىدا ئەڭ رۆشەن بايقىغىلى بولىدۇ ؟ مەسىلەن : مىنىڭ بالام بۇ يىل 5 ياشقا كىرىدى ، مەن دوختۇر ئەمەس ، ئائىلىدە دوختۇرلۇق قىلىدىغانلارمۇ يوق ئەمما مىنىڭ بالام دائىم مەندىن ئادەم فىزىئولۇگىيىسىگە ئائىت ۋە يۈرەك ، مېڭە  قاتارلىق مۇھىم ئەزالارنىڭ ساغلاملىقىغا مۇناسىۋەتلىك مۇھىم سۇئاللارنى سورايدۇ .ھەتتا بىر قېتىم مەندىن «ئاپا ، كالىنىڭ مېڭىسىنى يەنى بېشىنى كۆچۈرسە كالا ياشىيالامدۇ ؟» دەپ سورىدى ، مەن ئۇنىڭغا « بالام ، ھازىر تەرەققى قىلغان ئەللەردە بەزى ئالىملار مايمۇننىڭ بېشىنى كۈچۈرۈش ئارقىلىق كېسەل بولغان ئادەمنىڭ بېشىنى كۈچۈرۈشنى تەتقىق قىلىۋاتىدۇ ، بەلكىم كالىنىڭ بېشىنى كۈچۈرۈش ئارقىلىقمۇ مەلۇم مەزگىلگىچە كالىنى ياشىتىش مۇمكىن »دەپ جاۋاب بەردىم ، مىنىڭچە مەن بالامنى كەلگۈسىدە دوختۇر بۇلۇش ئېھتىماللىقى بار دەپ ئويلىسام ۋە شۇ جەھەتتە تەربىيىلەش قىلسام بولامدۇ ؟ مەن ھازىر بالامغا بەك دىققەت قىلىدىغان بۇلۇپ قالدىم .ئۇ بەزىدە خۇددى سەھنىدە رول ئېلىۋاتقاندەك جەمىيەتتىكى ھەرقاتلام ئادەملەرنىڭ كەسپىنى دوراپ مەن بىلەن پىكىرلىشىدۇ ،مەن قايسى جەھەتتىن بالامنىڭ يۇشۇرۇن تالانتىنى تەرەققى قىلدۇرۇش ھەققىدە كەسكىن ئويلىنىشقا چۈشتۈم .بالام كۆپۈنچە بەزىدە چوڭ ئادەملەرمۇ سورىمايدىغان تىببى ئىلىمغا دائىر قىيىن مەسىلىلەرنى مەندىن سورايدىغان بولۇپ قالدى .

bilgejan

	2. ۋاقىتنىڭ ئەقىل بىلەن بولغان مۇناسىۋىتى توغرىسىدىكى تەجىربە: The Stability of Individual Differences in Mental Ability from Childhood to Old Age: Follow-up of the 1932 Scottish Mental Survey تېمىسى يۇقۇرقىدەك بولغان ئەنگىلىيەلىك ئالىم ئىياننىڭ تەجىربە نەتىجىسىدە ياشنىڭ چوڭىيىشىغا ئەگىشىپ ئەقىلى كۆرسەتكۈچنىڭ ئېشىپ بارىدىغانلىقى ئىسپاتلانغان. (ئەسكەرتىش: بۇ تەجىربە ساغلام كىشىلەر ئۈستىدە ئېلىپ بېرىلغان، قېرىغاندا دىۋەڭلىك كېسىلى بولۇپ قالمىغانلار دىمەكچى.) ============================================= يۇقىرىدىكى مەزمۇن نەقىل ئېلىنغان ئىلمىي ماقالىنىڭ ئەسلى يەكۈنى بىلەن قارىمۇ-قارشى ئىكەن. بۇ تېمىنى يوللىغۇچى ئىلمىي ماقالە مەزمۇنىنى بۇراپ سەمىمىيەتسىزلىك قىپتۇ. بۇنداق سەمىمىيەتسىزلىك قىلىشتىن مەقسەت نېمىكىن بىلىمىدىم. تورداشلارنىڭ توغرا بىلىۋىلىشى ئۈچۈن تېما ئىگىسى پايدىلانغان ئەسلى ئىلمىي ماقالىدە نېمە دېگەنلىكىنى يەتكۈزۈپ قوياي. ئۈستىدە ئىسمى بېرىلگەن ئەسلى ئىلمىي ماقالىنىڭ يەكۈنىدە مۇنداق دىيىلگەن: Mental ability differences show substantial stability from childhood to late life. ئەقلىي قابىلىيەتتىكى پەرق بالىلىقتىن تارتىپ قېرىلىق دەۋرىگىچە بىر خىل تۇرىدۇ. يەنى، بۇ يەردە تەتقىقاتچىلار ياشانغان كىشىلەرنىڭ ئەقلىي قابىلىيتىنى بالىلىق دەۋرىدە ئۆلچەنگەن ئەقلىي قابىلىيەت قىممىتى بىلەن سېلىشتۇرغاندا ئاساسەن ئۆزگىرىش بولمىغانلىقىنى بايقىغان. تېما ئىگىسى نەقىل ئالغان ئىلمىي تەتقىقاتتا ئەقىل ياشنىڭ چوڭىيىشىغا قاراپ ئاساسەن ئۆزگەرمەيدۇ دەپ خۇلاسىلىگەن بولۇپ (تېما ئىگىسى بۇنى تەتۈر تەرجىمە قىلىپ يەتكۈزگەن)، بۇ ئەقىلنىڭ مۇقىم تۇرىدىغانلىقى ۋە بىلىمنىڭ ئېشىشى بىلەن ئېشىپ قالمايدىغانلىقىنى بىلدۈرىدۇ. شۇنداق بولغانلىقى ئۈچۈن بىلىم ئېرسىيەت قالىدۇ دېگەن گەپ ۋە يېشى چوڭ ۋاقىتتا پەرزەنتلىك بولسا بالا ئەقىللىق تۇغۇلىدۇ دېگەن قاراشنىڭ چەك باسمايدىغانلىقىنى چۈشەندۈرۈپ بېرىدۇ. تېما يوللىغۇچى ئىلمىي ماقالىنى توغرا چۈشىنەلمەي قىلىپ خاتا يەتكۈزۈپ قويغان دەپ ئويلىساق، بۇ ئۇنىڭ بۇندىن كېيىن بەكرەك دېققەت قىلىشى كېرەكلىكىنى بىلدۈرىدۇ. ئەگەر قەستەن قىلغان بولسا، بۇ خىل سەمىمىيەتسىزلىكى ئۈچۈن تورداشلاردىن كەچۈرۈم سورىسا مۇۋاپىق بولىدۇ.

قورغان

	‹(بىلىم ئىرسىيەت قالىدۇ)نىڭ يېشىمى› يەنىلا مۇمكىنكەنغۇ

ababakriimir

	بىلگەجاننىڭ ئوتتۇرىغا چىقىپ ئىلمىي پاكىت كۆرسىتىشى ھەقىقەتەن ياخشى بولدى،مەنمۇ ئىنگىلىزچىسىدكى بەزى خەتلەرنى لۇغەت ئاختۇرۇپ يۈرۈپ ئاران ئوقۇيالىدىم،بەزى توربەتلەرنىڭ ئۇلانمىسى ئېچىلمايدىكەن.مېنىڭچە دىيارىمىزدىكى مۇتلەق كۆپ قىسىم كىشىلەرنىڭ ئىنگىلىز تىلى سەۋىيىسى تېخى ئۇلارنى چۈشەنگۈدەك دەرىجىگە يەتمىدى مۇمكىن بولسا ئۇيغۇرچىغا تەرجىمە قىلغۇدەكلا يەرلىرى بولسا تەرجىمە قىلىۋەتكەن بولساڭلار،ئەلۋەتتە ئالاھىدە ئەسكەرتىشكە تېگىشىك نەقىل ئالمىسا چۈشەندۈرۈش تەس بولىدىغان مىساللا بۇنىڭ سىرتىدا

sardor0908

	ئاپلا ھازىر خالمۇرات غوپۇر،نىيوتون ،ئىنىشتىيىنلارنىڭ باللىرى نىمە قىلىۋاتقاندۇ ؟ئۇلارمۇ دادىللىرىغا ئوخشاش ئەقىللىقمىدۇ ؟

كاشكارى

	قىرىغاندا تاپقان بالا ئەقىللىق بولىدۇ ؟ بۇ راستىنلا خۇراپىيلىق ئادەمنىڭ ئىرسى گىنىنى توپلىغان تەجرىبە ئۆزگەرتەلمەيدۇ بۇ مۇم كىن ئەمەس ئەپەندىم. بۇ خۇددى كونا قازاندا تاماق بەلەن ئوخشايدۇ دىگەنگە ئوخشاش ئەخمىقانە قاراش

abdullah5

	تىمىغا مۇناسىۋەتىسىز بولسىمۇ سوراپ بىلەي دەپ ئىنكاس يازدىم توغرا چۇشنىشىڭلارنى ئۇمۇت قىلمەن ،  مىنىڭ بىر دوستۇم يېقىندا ئىچىكىردىن كەلگەن ئۇنىڭ دىيشىچە ئىچكىردە شوپۇرلۇق مەكتەپلىرىنى تارقىتىۋىتىپ مەن ماشىنا ھەيدىيەلەيمەن ئىمتاھان بىرمەن دەپ بارسىلا ئىمتاھان ئالدىغان قىلدىكەن دەيدۇ ، ئەتىسى يەنە بىرەيلەن ئۇرۇمچىدىمۇ شۇ گەپ بار دەيدۇ ، بۇ راسمىدۇ  بىلدىغانلار بولسا  ئىنكاس يېزىپ قويساڭلار  مەن تىزىملىتىپ ئوقۇي دەپ تۇرغانتىم  توساتتىن بۇ خۇش خەۋەرنى ئاڭلاپ تۇرۇپ  تۇراي دەپ قالدىم .

كاشكارى

	ئىقتىدار ئىرسىيەت قالىدۇ ياكى ئەۋلاتتىن ئەۋلاتقا ئىشىپ ماڭدۇ بۇ توغرا لىكىن ياش ۋاختىدا تاپسىمۇ ئوخشاشلا ئىرسىيەت قىلىۋىرىدۇ.قىرىغاندا گىن شاشلىشىپ ماڭىدۇ دىسە ئازراقلا بىئولوگىيە ئوقۇغان ئادەم يانپاشچىلاپ كۈلىدۇ. ئىنسانىنىڭ گىنى ئادەتتە ئۆلگىچە ئۆزگەرمەيدۇ گىن توساتتىن ئۆزگىرىش قىلمىسىلا(مەلۇم بۇلغانغان مۇھىت ياكى باشقا نەرسىلەر سەۋەپ بولمىسىلا ئۆزگەرمەيدۇ).ئىنسان بىلىم ئالغانغا گىن ئۇچۇرلىرى ئۆزگىرىدىغان ئىش بولسا ئادەمنىڭ گىنى كۈندە تۆمەنمىڭ ياڭزا ئۆزگەرمەمتى ؟

كاشكارى

	sardor0908 يوللىغان ۋاقتى  2015-1-19 12:51 PM ئاپلا ھازىر خالمۇرات غوپۇر،نىيوتون ،ئىنىشتىيىنلارنىڭ ... نىيۇتۇن ئىنىيىشتىيىننىڭ باللىرى بىزنى ياراتماي تاشقى پىلانىت ئادەملىرىگە ئالىملىق قىلىۋاتقاندۇ بەلكىم