ۋەسىيەت(ئۇمۇن)

ئۇمۇن

	ۋەسىيەت ئۇمۇن ئەڭ ئاخىرىدا، سۆيۈش بىلەن سۆيۈلۈشنىڭ قىسمەتلىرىدە، دەلدەڭشىگەن كوچىدىكى ئارچا سايىسدا، يىغلاپ ئولتۇرغان ماڭا تەسىللى بىرىۋاتاتتىم. ئىچىدىن ئۆكسۈپ-ئۆكسۈپ يىغلاۋاتقان يۈرەككە ئىنسانلارنىڭ پەلسەپەۋى ئۇتۇقلىرىنى چۈشەندۇرۇپ تىنجىتىشقا ئۇرىنىۋاتاتتىم. ئەپسۇس كەلمىسىگە تەكرار ئۈسسۈگىنىمدە قەلبىم مەندىن ئەقىللىق چىقتى. ياشاش نىمە ئۈچۈن؟ دىگەن سوئالنى ئاڭلىغاندا، يۈرۈكۈم توختىدى مەن يىغلاشقا باشلىدىم. ھەقىقەتكە قەلبىم سۆيدى. ئەقلىم ئۆكۈنۈشلىرىنى ئۆكسۈشكە ئايلاندۇرۋەتتى. باھارنىڭ كەلگىنى بىلەن قىشنىڭ كەلگىنى نىمىدىن دىرەك بىرىدۇ؟؟ رەھىمسىز ۋە مەنىسىز ھىچنىمىدىن. كۈنلەر قىش ۋە ياز تونىنى كىيىۋىلىپ كىشىلەرنى مازاق قىلىدۇ. كىشىلەر كۈنلەرنىڭ كۆڭلىنى يىرىم قىلماسلىق ئۈچۈن مازاق بولىدۇ. كۈنلەرنىڭ بوينىغا رەھىىمسىز مەنىسىزلىك مىنىۋالغاندا كىشىلەر ئۆزىگە تەسەللى ئىزدەيدۇ. ئۆلۈشنى ئۇنتۇش ئۈچۈن، يوقۇلۇشنى ئۇزۇتۇش ئۈچۈن، كۈنلەرگە ئۇنتۇلىدۇ ۋە ئۇزۇتىلىدۇ. دىڭىز بويىدا، چىڭدالغان قۇمدەك، دولقۇنلارنىڭ قۇسۇشى،  كۆپۈكلەرنىڭ ئىتىلىشىدەك، ھىچنىمىگە تەۋە بولمايدىغان دىڭىزغا چۈشكەن يامغۇردەك، پەرىقسىز سىڭىشىپ كەتكەن مەنگە نەپرەت بىلەن قارايدۇ كۆڭلۈم. پالما دەرىخىنىڭ ئەڭ ئاجىز يوپۇرمىقىنى تاتلىق-تاتلىق سۆيگەن شامالغا نەپرەت بىلەن ئالايغىنىمدا، قىلبىمدە بىرنەرسە تىپراۋاتتى،تىپچەكلەۋاتاتتى. ئەقلىم بىلەن يەلكىسىدىن بىسىپ تۇرغان تۇيغۇلىرىم پاچاقلىنىشىم بىلەن قەلبىمنى قورشاپ ئالدى. گۇمران بولۇش ئىستىكىنىڭ قۇلى بولغان چىغىمدا ھۆرلۈككە ئەڭ يىقىن ئىنسان بولىمەن. يوقۇلۇش..... ھىچنىمىگە ئايلىنىش ئۈچۈن بۇ نىجىس تىنىم پىدا بولسۇن .... يوقۇلۇشقا ئىنتىلىش يوقۇلۇشتەك لەززەتلىك ئەمەس. ئۆزۈمنى ئۆلتۈرۋىلىش پەيتىمدە مىنى ئۆلدى ئەمەس ھىچنىمىگە ئايلىنىپ بىزنى ساقلاۋاتىدۇ دىيىشىڭلارنى ۋەسىيەت قىلاي.   تەشنالىق  ئۇمۇن تۇپراقلاردا، ئۆزۈمنى ئۆزۈم كۆرگۈم يوق پەقەت. مەجنۇنتالنىڭ ياپراقلىرىدا، ئۆزمگە قاراپ كۈلىدۇ نەپرەت. ھەميىنىمدىكى رەسىمىمنى تەتۈرگە ئۆرۈپ قويدۇم. ئالبۇملارنى كارۋىتىمنىڭ ئاستىغا چۆرۈپ قويدۇم. چىدىغۇسىز شاۋقۇن ئاستىدا، جىمجىتنىڭ كۆكسىدىن نەپەس ئىلىۋاتىمەن. غەزەپلىرىمنى ئاپتاپقا سىلىۋاتىمەن. ئەللەي كىبى ئانامنىڭ قۇچۇقىدا تاتلىق-تاتلىق ئۇخلىۋالسام، سۆيگۈنۈمنىڭ كۆكسىدە ئۆكسۈپ-ئۆكسۈپ يىغلىۋالسام، بالامنىڭ مەڭزىگە قىنىپ-قىنىپ سۆيىۋالسام، قاغجىرغان تۇپراقتەك چاڭقاق كۆڭلۈم قىستا-قىستاڭ يالغۇزلۇقنى يانجاپ تاشلىۋىتەتتى. دىڭىزلارغا ئارلىشىپ، يامغۇرلارغا سىڭىشىپ كەتكىنىمدە، ئۆتمۈشلەردىن ئۆچۈرۈلۈپ،كىلەچىككە يىتەلمىگەن مىنى، ئەسلەش ھارۋىسىغا سىلىپ بىر ئۆمۈر سۆرەيدىغان كۆڭۈلگە غايىۋىي ئاشىق بولدۇم، ھاياجانغا تولدۇم. ئازاپلىنىۋاتىمەن...... نىمىگە ئازاپلىنىۋاتقىنىمنى بىلمىگەنلىكىم ئۈچۈن تىخىمۇ ئازاپلىنىۋاتىمەن. كۈنلەر يەلكەمنى تاغدەك بىسىۋاتىدۇ. مىنۇتلار كۈچلۈك قولغا ئايلىنىپ گىلىمنى سىقىۋاتىدۇ. دەقىقىلەر مەنىللىرىمنى دارغا ئىسىۋاتىدۇ. كەچكۈز ئەڭ ئاخىرقى قىزىل يوپۇرماقنى دوزاققا ئۇزاتقاندا قەبرە تىشىمنى قۇچاقلاپ ياتقان ساڭا سالاملار بولسۇن.   مەنىسىزلىك ئۇمۇن قان تامدۇرۇپ تۇرغاندا تەغدىر، ياشاشقا كىم بىرىدۇ جۈرئەت. بوشلۇققا ئوخشاپ قالغاندا يىللار. تەسەللى بىرىدۇ سارغايغان سۈرەت. ئۆلۈمگە خىتاپ قىلغاندا قىممەت، نەقەدەر بىچچارە قالىدۇ ياشاش. قاراڭغۇ كەينىدىن كۈلىدۇ شەپەق، كىچىنى دەپسەندە قىلغاندا قۇياش، چەكسىز ئۇپۇققا قاتقاندا قارچۇق. دەرىتكە مىنگىشىپ قالىدۇ تۇيغۇ. مەنىسىز قالىدۇ تارىخ،كىلەچەك . روھىڭ ئىسياندا،قۇترايدۇ قايغۇ. ھەربىر ھاياتلىق ئاخىرقى ئۆمۈد. ئۆچىدۇ يالقۇنجاپ ھامان بىر كۈنى، ئۆلۈم ۋە ياشاشقا ئوقۇيدۇ نەپرەت، يانجىپ تاشلانغان ئەقىلنىڭ ئۈنى.

تىموچىن

	ئەسسالامۇئەلەيكۇم ، مەن مەكتەپتە كۆپ ئوقۇيالمىغان ، شۇڭا بۇ يازمىنىڭ كۆپىنچە قىسمىنى چۈشەنمىگەن بولساممۇ ئازراق يەرلىرىنى ئۆزۈمنىڭ كۆڭۈل سۆزلىرىمگە سېلىشتۇرۇپ چۈشىنىپ باقتىم .    قېرىندىشىم «ئۇمۇن» نىڭ ئىشلىرىغا ئاسانلىق ، كۆڭلىگە خاتىرجەملىك تىلەيمەن .

mercury

	كۈندە  ئاز  ئازدىن  ئوقۇي ،  تاكى  بەھر  ئالغۇدەك بولغۇچە ،  ئىسىل ئەسەردەك قىلىدۇ ، چۈنكى مەن ھىس قىلدىم .

Ruin

	بېشىندىن باشلاپ ئوقۇپ  مەن نىمانچە دۆت  نىمىشقا بۇ تېمىنى چۈشىنەلمەيدىغاندىمەن ، دەپ ئۆزۈمگە ئاچچىقلىنىپ پەسكە چۈشسەم   باشقا قېرىنداشلىرىممۇ مەزكۇر تېمىنىڭ تىل قابىلىيىتى يوقۇرلىقىدىن چۈشىنەلمەپتۇ ...    چۈشەنگۈچە ئوقۇي     ، تېمىللىرڭىز مىسرانىمدىن ئۈزۈلمىسۇن ئومۇن ئەپەندىم   رەھمەت

bughra0991

	ئاۋام چۈشەنگۈدەك بىر نەرسە يازسىڭىز بولمامدۇ ھەي‹ ئاكادىمىك›

yulhun45

	شۇ شۇ شۇنى دەيمەندە گاچا قىزنىڭ تىلىنى ئانىسى چۇشىنىدۇ دىگەندەك بۇ ئاكادىمىك قىرىندىشىمىز بۇ يوللىغان تېمىسىنى ئۆزى ۋە ئۆزىگە ئوخشاش ئاكادىمىكلەر چۇشۇنىدۇ خالاس.

axik884

	ھەي ئومۇنجان  ما بىزلە چۈشەنگىدەك قىلىپ ئاددى قىلىپ يامامسىلە ۋاي،مەنغۇ ھىچ بىر مەنا تاپقاندەك تۇرمايمەن ھازىر

uzum-tal

	ئەلى قۇربان تېمىسىغا يازغان شېئىرنىمۇ شۇنداق ياخشى يىزىپتىكەنسىلەر . ماۋۇسىنىمۇ شۇنداق ياخشى يىزىپسىلەر !   ئۆزۈمنىڭ كاللامنى ئۆزۈم چۈشەنمەيمەن دىسە ! نىمىشقا ئاددىي شېئىرلارنى چۈشەنمەيمەن چۈشەنسەممۇ قەلبىمدە ھىچ بىر داۋالغۇش بولمايدۇ .لىكىن . مۇشۇنداق تىل قۇرۇلمىسى مۇرەككەپ شېئىرلار قەلبىمنى ئۆزىگە ئىختىيارسىز تارتىدۇ دىسە !

kiraman

	ئەلى مۇئەللىمدەك ئاددى تىل بىلەن ئىپادىلىمەمسىز،ئەلى مۇئەللىمنىڭ گىپىنى ئۇنتۇپ قالدىڭىزما؟ئەلى مالىمغۇ تەنقىدىڭىزنى قۇبۇل قىلمىدى سىزمۇ ئۇنىڭ تەنقىدىنى قۇبۇل قىلمامسىز؟