تاڭنۇر : سەھرادىكى بالىلىق چاغلار

تاڭنۇر

	سەھرادىكى بالىلىق چاغلار                                                  خەيرۇللا قۇربان ياققۇم كىلەر مەيدەمنى رەت - رەت ، سەھرايىمنىڭ تۇپراقلىرىغا . تويغۇم كىلەر دېھقان ھىدى بار ، ئانام ياققان زاغرا نانلارغا . ئىچكۈم كىلەر ئۇچۇم - ئۇچۇملار ، غەمدىن خالاس بۇلاق سۈيىنى . بالىلارچە چاينىغۇم كىلەر ، شىرنىسى بار قۇناق شېخىنى . تال چىۋىقنى ئات قىلغان چاغلار ، كەپسىزلىكىم غۇۋا ئىسىمدە . قاراۋۇلسىز باغدىن ئالمىنى ، ئېپ قاچاتتۇق تىمتاس كېچىدە . تۈن كېچىدە كىرەتتۇق ئۆيگە ، مۈكىمۈكىلەڭ ۋاللەي ئويناپ . تۇتسا ئەگەر دادام ئاچچىغى ، ئۇلۇغ ئانام قالاتتى قوغداپ . ئوت بىرەتتۇق مەرىسە قويلار ، دوستلار بىلەن ئېتىزدىن ئېلىپ . ھۇشۇق ، پاخپاق ئوينايتۇق تېخى ، بالىلىقتا مەكتەپتىن قېچىپ . دەم ئېلىشتا تەتىل كۈنلىرى ، مال باقاتتۇق قورو - قورولاپ . قىشنىڭ ئاپئاق قېلىن قېرىدا ، ئوۋ ئوۋلايتۇق ھېرىپ يورغىلاپ . ئاشۇ تاتلىق گۈزەل ئەسلىمە ، تۇيۇلىدۇ شىرىن چۈشۈمدەك . سەرەڭگىدەك بىنا ئىچىدە ، ياشالمىدىم سەھرا ئوغلىدەك .

ئالمىچى

	ھەي،،، ئۇنى بىردىمەڭ، كىچىك چاغلىرىمىزدا  تاي ئىدۇق ھازىر ئات بوپ قالدۇق، شۇ چاغدىكى ئويۇنلار، شۇ چاغدىكى مەنزىرلەر، شۇ چاغدىكى تەبىيلىكلەر، سەبىيلىكلەر تامامەن يوقالدى، ياخشى يىزىپسىز شىئىرنى، تىخىمۇ تىرىشىڭ

ئالمىچى

	ھە راس، ئىككى يىل بولدى، ماڭا ۋاقىت ناھايتى تىز ئۆتىۋاتقاندەك بىلىندى، بۇرۇن ئۇنداق بىلىنمىگەن،...... ۋاقىت راس قىسقىراپ كەتتىمۇ ياكى بەك سەزگۈرلىشىپ كەتتىممۇ----

قۇمۇش

	بەك ياخشى تەسۋىرلەپسىز .ھازىرقى سەھرادىكى بالىلارمۇ مەكتەپتىكى تاپشۇرۇقنىڭ ئىغىرلىقىدىن . مۈكۈمۈكىلەڭنىمۇ بىلمەيدۇ .

مېھرىما

	شېىرىڭىزنى ئۇقۇپ  بالىلىق چاغلىرىمغا قايتقۇم كەلدى،بىراق بۇ بالىلىقلار كەلمەسكە كەتتى،چاچلار ئاقاردى چىشلار سارغايدى،بەللەر مۈكچەيدى،كۆزلەر خىرەلەشتى،......ھەييييييييييييي شېىرىڭىزغا كۆپ رەھمەت،مەن ھۇزۇرلانغاندەك باشقىلارنىڭمۇ ھۇزۇرلىنىشىنى ئۈمۈت قىلىمەن...

musilina

	شېئىرىڭىزنى ئوقۇپ ئەسلىمىگە ئايلانغان شۇ غەمسىز،سەبىي بالىلىق چاغلىرىم ئېسىمگە كەچتى.....

@OTKAX@

	غەمسىز باللىق چاغلىرىمىزغا نىمە يەتسۇن! شۇ كارتىنلارنى كۆرگەندەك بولدۇم،تىما يوللىغۇچىغا تەشەككۈر!

hadrat

	ھەي بالىلىق ...ھەي گۈزەل ئەركە چاغلار... بالىلىقىم كەلسەڭچۇ يېنىپ، بالىلىققا كەلسەمچۇ قېنىپ؟؟

magrurjan

	ھەقىقەتەن ئىسىل شىئىر بوپتۇ قۇلىڭىزغا دەرت كەلمىسۇن!

cayyara

	ھەقىقەتەن ۋاقىت ناھايتىمۇ بەك تېز ئۆتىدىكەن ۋاقىتنىڭ بۇنچە تېز ئۆتىشى بالىلىقنى ياشلىقنى بىرگە ئېلىپ كېتىدىكەن، مەنمۇ مۇشۇ مۇنبەرگە يېڭى ئەزا بولغان ۋاقىتلىرېمدا تېخى توي قىلمىغان ئىدىم ، مۇنبەرنى يوقلىماي بىر كۈنۈم ئۆتمەيتى،كىيىن مېنىڭمۇ كىچىك ئائىلەم بولدى شۇ كۈندىن باشلاپ كومپىيوتۇر ئالدىدا ئولتۇرىدىغان ۋاقتىم بەكمۇ ئاز بولدى ، مانا ئەمدى ئانا بۇلۇپ 10ئايلىق قىزىم مەندىن كومپىيوتۇر تالىشىپ كىچىك قوللىرى كونۇپكا تاختىسىدا .....مۇشۇ بىر ئىنكاسنىمۇ تەستە يېزىۋاتىمەن. شېئىرىڭىز ئۈچۈن كۆپ رەھمەت تاڭنۇرى.