توقماق:ھەممىدىن مۇنبەرگە باشلىق بولماق تەس!

توقماق

	ھەممىدىن مۇنبەرگە باشلىق بولماق تەس! قاسىم سىدىق (مەرھۇم روزى سايىت ئېزىدىن) بىرسى ساق كىرىدۇ،بەزىلىرى مەس، مۇنبەردە ھەممە بار، ساپا ئىگىز -پەس. مورىنىڭ دەردىنى غەيرىسى بىلمەس، ھەممىدىن مۇنبەرگە باشلىق بولماق تەس!. بەزىلەر قەستەنگە بۇزىدۇ ئىشنى ، ئاغرىقنى قالدۇرۇپ،تارتىپ ساق چىشنى. كەسىپ قىپ تاللىغان نېزا تېرىشنى، ھەممىدىن مۇنبەرگە باشلىق بولماق تەس. بەزىلەر ئويلايدۇ:"ئاتالسام باتۇر"، شۇ مەقسەت تۆپەيلى چاغلىماي ئاتۇر. بو ئوقنىڭ دەردىنى شۇ باشلىق تارتور، (چاي ئىچور،مۇما يەر،ھەپسىدە ياتۇر) ھەممىدىن مۇنبەرگە باشلىق بولماق تەس! بىر“باتور” دەستىدىن مۇنبەر تاقالغان، بىر ئىلىم سەيناسى-سەھنە يوقالغان. دەرىت كەلسە بۇ “باتۇر”-تەلۋە يوقالغان، ھەممىدىن مۇنبەرگە باشلىق بولماق تەس! بەزىلەر ئورۇنسىز غەلۋە قىلىدۇ، پايتىمىسىنى سەللە قىلىدۇ، يازمىسى ئىنساننى رەللە قىلىدۇ، ھەممىدىن مۇنبەرگە باشلىق بولماق تەس! بەزىلەر ئىچىشقان تۆھمەت بازىرى، بەزىلەرنايناقلاپ شەھۋەت بازىرى. تارايغان ئىززەت ھەم ھۆرمەت بازىرى، ھەممىدىن مۇنبەرگە باشلىق بولماق تەس!. ئەمگەككە سەھنە تار ،پىتنىلەرگە كەڭ، دەلىلسىز سۈيىقەسىت،“قەتلى”لەرگە كەڭ، نە ئۈچۈن بۇ جاھان رەزگىلەرگە كەڭ؟!، ھەممىدىن مۇنبەرگە باشلىق بولماق تەس!. شاكالنى شاللىغىن جەۋھەر قالسۇن ساق، ھەممىنى رەت قىلساڭ ،بولماس يۇزۆڭ ئاق، بولمىغىن ھەسەتخۇر،قۇسۇرچى،قىلتاق، ھەممىدىن مۇنبەرگە باشلىق بولماق تەس!. بەزىلەر بىر يەرگە داتلاپ بارىدۇ، بىر بولسا ئون قىلىپ قاتلاپ بارىدۇ، شەيتاننى مىنىپ يا ئاتلاپ بارىدۇ، ھەممىدىن مۇنبەرگە باشلىق بولماق تەس!. ئەل ئۈچۈن ئىش قىلاي،بېرەي دەپ بەدەل- مەن مۇنبەر ئاچقانغا تويغان بىر مەھەل، نە ئۈچۆن بىزدە كۇپ ،نېزا ۋە جىدەل؟. ھەممىدىن مۇنبەرگە باشلىق بولماق تەس! 2015.1.16

kok-sultan

	ياخشى يېزىپسىز، تور دۇنياسىدىكى ناچار ئىللەتلەر خىلى كۈچلۈك يۇرۇتۇلۇپتۇ....

توقماق

	روزى سايىتنىڭ مىسرالىرى ئەينەن ئارىلىشىپ كەتتىمۇ-يوق،ھازىر بىلمەيمەن.

ئەلچۈن

	ئەسسالامۇ ئەلەيكۇم!!! نەچچە كۈندىن بۇيان يېڭى بىر قاسىمكامنى كۆرۈۋاتىمىزغۇ! قوللىرىغا قايتىدىن قەلەم ئېلىپلا دە قاسىمكا!  شېئىرلىرى بۇرۇنقىدەكلا تېتىملىق چىقىپتۇ، بۇندىن كىيىن مۇشۇنداق شېئىرلىرىنى كۆپرەك كۆرۈپ تۇرساق دەيمەن!

xajarim

	قاسىمكا   فىزىكىنى تاشلاپ ئەدىبىياتقا  ھۇجۇم قىلدۇقما ئەمدى

توقماق

	xajarim يوللىغان ۋاقتى  2015-1-16 01:58 PM قاسىمكا   فىزىكىنى تاشلاپ ئەدىبىياتقا  ھۇجۇم قىلدۇقما  ... ئۇنداق ئىش يوق.فىزىكىنى ئۆلگەندىلا تاشلايمەن.

توقماق

	karluk2009 يوللىغان ۋاقتى  2015-1-16 02:24 PM قاسىمكا...قاملاشمىغان ئادەمكەنلا... «لۈكچەكلەر مارشى» د ... ئۆچىرىۋەتكەن بولسىڭىز بۇ سىزنىڭ ھوقۇقىڭىز.بۇ شېئىرنىڭ مەقسىدى ۋە ئۇزىدە باشقىلارنى سوقۇشقا سالىدىغان مەزمۇن يوق.مەن سىزدەك قارىمايمەن.ئۇ شېئىردىمۇ قارشى پىكىر بەرگەن ئادەم لۇكچەك دىگەن گەپ يوق.قايتا قاراپ بېقىڭ،تورداشلارمۇ قاراپ باقسۇن،مانا: شۇنچە چوڭ بىر قەۋىم تۇرۇپ،بىرەر مارشىنىڭ بولماسلىغىغا ئىچىم پۇشتى .شۇڭا بۇ مارىش تېكسىتىنى  زاتى مەۋھۆم،ساداسى ۋە زېيىنى ئاشكارە بىرقەۋىمگە سەدىقە قىلدىم.جىن-شاياتۇن ئوركىستېرىنىڭ تەڭكەش قىلىشى ئاستىدا،ئۇز ئىچىدىن يوقۇرى ئاۋازلىق ئېشەكلەر كوللىكتىۋى تەشكىللەپ ئۇزلىرى ئورۇنلىۋالسا بولىدۇ! مۇنبەر لۆكچەكلىرىنىڭ مارشى ئىچى ئاغىرىپ ھەدېھيە قىلغۇچى:قاسىم سىدىق تىل ئۇچىدا ئىناقلىقنى ياقلايمىز، تاڭلايلاردا پىچاق،شەمشەر ساقلايمىز. ئېغىزىمىز_ مىلتىق،قورال دىگەن شۇ، “مىلتىق”لارنى نىجاسەتتە ئوقلايمىز. نەقرات: شۇ تەرىقە مۇنبەرلەرنى يوقلايمىز، شىكار قىلىپ قوساقلارنى توقلايمىز! دېتلالمىساڭ ئەقىل يەتمەي تېمىنى، لەڭ ئورغۇزۇپ،چۈكەر بونداق كېمىنى. يەۋاتقاندەك بولۇپ ئەلنىڭ غېمىنى، قاملىشىدۇ دەۋەرسەڭ ھەرنىمىنى. نەقرات: بىزلەر چاقچى پالتا-پىچاق چاقلايمىز، جىدەل چىقسا روناق تېپىپ،چاقنايمىز! باش كۆتەرسەڭ،شۇئان ئۇرۇپ بېشڭغا، ئىنسان كەلمەس قىلماق مەقسەت قېشىڭغا. شۇ تەرىقە كېلەلمەيسەن ھوشۇڭغا، تەڭ تۇرماق تەس بىزنىڭ مەۋھۆم قۇشۇنغا. نەقرات: زاكاز ئېلىپ،كىرىمنى ئون قاتلايمىز، شەيتان بىزنى...،بىز شەيتاننى ئاتلايمىز! مەقسەت سوقماق كاللىلارنى كاللىغا، تېكەن تەرمەك گۆلنى يۇلۇپ ھويلىغا. گەپلىرىمىز چىقمىسمۇ چويلىغا، بىزمۇ باردەپ سېلىپ تۇرۇش يادىغا. نەقرات: بىز يوشۇرۇن،پىنھاندا جان ساقلايمىز، سەن ئاشكارە،شۇڭا قورىقماي پۇتلايمىز. “ئادالەت”نى مانا شۇنداق ياقلايمىز. رەقىپلەرنى مانا شۇنداق باپلايمىز، تېرىسىدە ئۇستۇرلارنى كاپلايمىز! 2015.1.15 خالا جايدا يېزىلدى.

hayat

	مۇشۇ تۈرلا كەم قالغان ئەمدى. بۇمۇ تولۇقلىنىپتۇ.

qaxmazulal

	زىيا ئاكىمىز بۇ يەردە توقماق نامىدىكەندە.....بىلىۋالدىم. كۆپ قىسىم تورداشلار دەپتۇ فىزىكىنى تاشلاپ قەلەمنى قولغا ئالماي دەپ. لىكىن مەن قەتتىي قوللىمايمەن.قەلەمنى ئۆزى ئۇچلاپ يازالايدۇ قاسىمكام،ئەمما فىزىكىنى تاشلاشقا بولمايدۇ.بىزنىڭ ئەڭ تىل قىسىنچىلىقىمىز بۇلىۋاتقىنى دەل شۇنداق تەبىي پەن تۈرلىرى...بىزدىكى تەبىي پەنچىلەر يەتمەيدۇ..ھەرگىز يەتمەيدۇ. قاسىمكامنىڭ بۇنىڭدىن كىيىنكى ئىشلىرىغا ئتۇق تىلەيمەن.

يولتۇز

	ھەر كاللىدا ھەر خىيال ...........