مەن كىم زادى؟

muhurka

	نىمە چاتتىقىم كىم بولساڭ دەپ بۇ تېمىغا كىرمەي قالارمۇ دەپ ئەنسىرگەن ئىدىم. رەھمەت ،خوش كەپسىز. مېنىڭ نەرسەم مەن ئەمەس ---بۇ سۆز تۈۋەندىكى يازما مەزمۇنىنىڭ ئاساسى. ئۇيغۇرچىدا مەن دىگەن سۆز ئۆزىمىزنى بىلدۈرىدۇ. مېنىڭ دىگەن سۆز ۋە بۇ سۆز كەينىگە قوشۇپ كەلگەن ئىش شەئىيلەر مېنىڭ نەرسىلىرىم ،ماڭغا تەئەللۇق ئىش-شەئىلەرنى بىلدۈرىدۇ. مەسىلەن:مېنىڭ كىتابىم دىسەم كىتاب مېنىڭ، كىتاب مېنىڭ بىر نەرسەم. دىمەك مەن بىلەن كىتاب ئەللۋەتتە بىر نەرسە ئەمەس. يەنە بىر ئالجوقا سۆزلەردىغان بىرسى پەيدا بولدىمۇ نىمە دەپ قالماڭلار،بۇ سۆز ئۇيۇنىنى داۋاملاشتۇرۇپ باقايلى. مېنىڭ ئۆيۈم ، مەن ۋە ئۇي، مەن ئۆي ئەمەس. مېنىڭ ئاغىنەم،مەن ۋە ئاغىنەم،مەن ئاغىنەم ئەمەس. مېنىڭ بالام، مەن ۋە بالام،مەن بالام ئەمەس. مېنىڭ ئاتام-ئاپام. مەن ۋە ئاتام-ئاپام. مەن ئاتام ۋەياكى ئاپام ئەمەس. خوش،يەنە بىر قەدەم چوڭقۇرلايلى. مېنىڭ بەدىنىم؟ مەن ۋە بەدەن. ئىككىسى بىرمۇ ئىككى ئۇقۇممۇ؟ يۇقۇرقى سۆز قۇرۇلمىسىغا ئاساسەن،مەن بىلەن مېنىڭ دىگەن ئىككى ئۇقۇم، مەن بىلەن مېنىڭ دىگەن سۆزنىڭ كەينىدىكى ئىش-شەئىي بىر ئۇقۇمنى ئىپادىلمەيدۇ. مەن بىلەن بەدەن بىر نەرسە ئەمەسما؟ مېنىڭ بۇ بەدىنىم مەن بولماي باشقا ئادەمنىڭ بولۇپ قالامتى يە؟مېنىڭ بۇ بەدىنىم شۆبىھسىزكى مەن. توختاڭ،مېنىڭ نەرسەم مەن ئەمەس. پۇتى ياكى قۇلى يۇق مىيىپ كىشىلەر مېنىڭ پۇتۇم يۇق شۇڭا مەن مەن ئەمەس دەرمۇ؟مۇمكىن ئەمەس بۇنداق دېمەيدۇ ، پۇت قولۇم مېنىڭ بىر نەرسەم،ئەزايىم،بىرەر قولۇم ۋە ياكى پوتام يوقاپ كەتسە مەن مەن ئەمەس بولۇپ قالامتىم؟ ئۇنداق ئەمەس،مەن يەنىلا شۇ مەن.شۇنىڭغا قارىغاندا مېنىڭ يۈرىكىمدىن چاتاق چىقىپ ئالماشتۇرسا،بۆرەك ئالماشتۇرسا ۋە يەكى باشقا ئەزالىرى ئالمىشىپ كەتسە يوقاپ كەتسە ئىشقىلىپ ئۈلۈپلا قالمىسام مەن يەنىلا شۇ مەن،ھېلىقى ئۆزگەرمەس«مەن»،بەدەن ئەزالىرى مېنىڭ بىر نەرسەم خالاس،ماڭغا ۋاقتىنچە تەئەللۇق بۇلغان بىر شەيئى خالاس،لېكىن بۇلار مەن ئەمەس.مېنىڭ بەدىنىمۇ مەن ئەمەس .(دىن ساھەسىدىن چۈشەندۈرمەي تۇرايلىچۇ باشتا) مېنىڭ ئىسمىمچۇ؟ ئىسمىم مېنىڭ كىملىكىمنى ئىپادىلەپ تۇرىدۇ،باشقىلارمۇ بۇ ئىسمىم بىلەن مېنىڭ كىملىكىمنى بىلىپ تۇرىدۇ.راست شۇنداقمىدۇ؟ ناۋادا مېنىڭ ئىسمىم تېكىن ئەمەس باشقا بىر ئىسىم بولۇپ قالسىچۇ؟ناۋادا ئەتە مەن ئىسمىمنى ئۆزگەرتىپ باشقا ئىسىم قويسام مەن باشقا ئادەم بولۇپ كېتەرمەنمۇ؟ناۋادا ئاتا-ئانام مەن تۇغۇلغاندا مېنى تېكىن دەپ ئاتىماي باشقا بىر ئىسىم قۇيسا مەن باشقا بىر ئادەم بولۇپ چوڭ بولارمەنمۇ؟ ياق،ئىسمىم ئۆزگىرىشى مۇمكىن،لېكىن ھېلىقى« مەن» ئۆزگەرمەيدۇ. مېنىڭ ئىسمىم پەقەت مېنىڭ بىر بەلگە،بۇ ئىسىم مەن ئەمەس ھېسسىياتلىرىم! مېنىڭ ئاچچىقىم،مېنىڭ ئازابىم،مېنىڭ كۈلكەم مېنىڭ قايغۇرۇم،مېنىڭ مۇھەببىتىم! لېكىن بۇلارنىمۇ مېنىڭ ۋە مېنىڭ نەرسەم مەن ئەمەس دىگەن قېلىپقا چۈشەرسەك  بۇلارمۇ مەن ئەمەستەك قىلىدۇ،بۇ ھېسسىياتلار كېلىدۇ كېتىدۇ ،بۇلار پەقەت مېنىڭ ھېسسىياتلىرىم ،مەن ئەمەس. ھە،راست! مېنىڭ خىياللىرىم! مېنىڭ خىياللىرىم مەن مۇيە؟ مۇشۇ خىيال قىلىۋاتقان خىياللار مەنمۇ؟مۇشۇ خەتلەرنى يېزىۋاتقان خىيال مەنمۇ؟ مەن كۈندە نۇرغۇن خىيال قىلىمەن. بۇ خىياللارنى كىم قىلىۋاتىدۇ؟ مەن. قايسى مەن؟ ساراڭمۇ ماۋۇ،قايسى مەن بۇلاتتى،شۇ خىياللى قىلۋاتقان مەن بۇلمامدۇ. ئەمسە مەن بىلەن خىيالنىڭ ئۇتتۇرسىدا پەرىق بار،مەن .مەن خىيالنى قىلغۇچى،مەن خىيال ئەمەس،شۇڭا مېنىڭ خىيالىم دەيمىز. ئەمسە نېمە قالدى؟ نىمە؟ سەن رۇھ دىدىڭىزما؟ ئادەتتە مېنىڭ رۇھىم دەيمىزمۇ يا مەن رۇھ دەيمىزمۇ؟ ۋاي مېنىڭ روھىم قاچتى دەيمىز ،مەن روھ قاچتى دىمەيمىز. مېنىڭ نەرسەم مەن ئەمەس دىگەن قېلىپقا چۈشۈرسەك مەن ۋە رۇھ،مەن بىلەن روھ بىر ئۇقۇم ئەمەسلىگىنى ئىپادىلەيدۇ. تاشقى مۇھىتتىكى ئادەملەر،ئىش-شەئىي نەرسىلەر مەن ئەمەس. مېنىڭ بەدىنىم ۋە بەدەن ئەزالىرىم مەن ئەمەس،مېنىڭ ھىسىياتلىرىم مەن ئەمەس،مېنىڭ خىياللىرىم مەن ئەمەس.....ھەتتا مېنىڭ روھىممۇ مەن ئەمەس.. ھىچنىمە مەن ئەمەس.... مەن ھىچنىمە ئەمەس؟ ئەمىسە مەن كىم؟

quark3140

	بۇپەلسەپە. دىن،پىسخىكا،ئەدەبىيات،پەلسەپە.ئوخشىمايدىغان.جاۋاپ.بىرىدۇ. مەن.بىرجاۋاپ.بىرەي: سىز.ئەمەس.ھەممە.نەرسىنى.چىقىرىۋەتسەك.ئېشىپ.قالغىنى.سىزشۇ!

كاشكارى

	مىنىڭ بەدىنىم مەن  ئەمەس چۈنكى مەن بىر روھ بەدىنىم پەقەت روھىمنىڭ كىيىمى خالاس .مەسىلەن ئالايلۇق سىز ھايات ۋاقتىدا مىنىڭ بەدىنىم دېسىڭىز سىز شۇ دېيىشىمىز مۇمكىن ئەمما بۇمۇ ۋاقىتلىق يەنى بەدىنىڭىز ۋاقىتلىق سىز ،سىز ۋاپات بولغاندا سىزنىڭ بەدىنىڭىز سىز بولمايدۇ جەسەت بولىدۇ(ئۇ سىزگە تەۋە ئەمەس )مىنىڭ روھىم دېيىشىڭىز مۇمكىن ھېچكىم روھنى مىنىڭ دېيەلمەيدۇ چۈنكى روھ دېگەن ئاللاھنىڭ ئامانىتى .

كاشكارى

	ھەقىقى ئەمىليەتتى ئىيتقاندا روھ ئۆزىڭىز ئەمما سىزنىڭ ئەمەس.

huxhal

	سىز پەقەتلا سىز .

axik884

	ئىسمىڭىز ئۆزگىچىكەن ھە،        موخوركا

كاشكارى

	ئىنسان ھەقىقەتتىن يىراقلاشقاندا ئۆزنىمۇ ئىگىسىنىمۇ ئۇنتۇيدۇ

xahanime

	بۇرۇن olmas ئۆلمەستە موخۇركا دەپ بىرسى بولىدىغان سىز ئەمەسسىز..

munglukkadam

	مەن راس گەپنى قىلسام ئانچە چۈشنەلمىدىم قايتا بىر ئوقۇپ ئاندىن پىكىر يازاي