ئېدارىغا چاقىمەن( قاراساي يۈرۈشلۈك ئەسەرلىرى)

nur8455

	گۈزەل ماكان   (نۇرمۇھەممەت قاراساي ) سەن رىۋايەتلەردىكى پەرىزاتلاردەك گۈزەل ھۆسنۈڭ ، لاتاپىتىڭ ، نازاكىتىڭ بىلەن دىل قەسرىمنى ماكان ئەتكەن شۇ قەدەر گۈزەل شەھەر سەن ! مېنى سۆيۈندۈرگەن ، پەخىرلەندۈرگەن ، ماڭا ئاشىقلىق ئوتىنى ياققان سۆيۈملۈك شەھەر سەن ! قۇياشتەك نۇر چېچىپ ، قارغايدەك قەد كۆتۈرۈپ ، ئەتىرگۈلدەك جۇلالىنىپ لوندۇن ، پارىژ ، توكيولارنى ھەيرەتتە قالدۇرغان بۈيۈك شەھەر سەن ! تاغدەك مېھرىبانلىقىڭ ، چوغدەك ھارارىتىڭ ، قاشتېشىدەك خىسلەتلىرىڭ بىلەن قەلبلەرنى ئىللىتىپ تۇرغان ئىللىق ماكان سەن !   ئۈرۈمچى ! ئاسمان پەلەك بوي تارتقان ھەيۋەتلىك ، ئېگىز بىنالىرىڭ ، گۈل-چېچەككە ، يېشىللىققا پۈركەنگەن رەت-رەت ، چىرايلىق رەستىلىرىڭ ، خۇشپۇراققا تولغان گۈزەل باغچىلىرىڭ زامانىۋىيلىق ئۇخچۇپ تۇرغان قامىتىڭگە ئۆزگىچە ھۆسۈن قوشۇپ قەلبلەرنى سۆيۈندۈرمەكتە ! باغرىڭغا جايلاشقان قىزىل تاغ چوققىسىدا قەد كۆتۈرۈپ تۇرغان تاش مۇنار ساڭا ئۇزۇن تارىخ ، ئۇلۇغ رىۋايەت ، ئۇنتۇلغۇسىز سىمۋۇل ئاتا قىلىپ قەلبلەرنى تىترىگەن زىمىندەك لەرزىگە سالماقتا ! نازىنىن قىزلاردەك ياسانغان چىرايلىق كوچىلىرىڭدا ماڭغىنىمدا ئاجايىپ تاتلىق ھاياجانغا چۆمۈلۈپ سېنىڭ گۈزەل تۇرقۇڭدىن شۇ قەدەر پەخىرلىك ھېسلارغا ئەسرار بولىمەن ، شۇنچە ئىپتىخارلىنىمەن ! زامانىۋىيلىق ، تەرەقىيات ئىزنالىرى يارقىن جۇلالىنىپ تۇرغان قامىتىڭدىن زوقلىنىپ ئۇزاقتىن-ئۇزاق ئاپىرىن ئوقۇيمەن ! رىئاللىقتىكى جەننەتتەك سىياقىڭغا بارچە سەزگۈلىرىم بىلەن قاراپ-قاراپ تويمايمەن ! ئاجايىپ-ئاجايىپ مەپتۇن بولىمەن ! شۇنداق ، شۇنداق سەن تەڭداشسىز گۈزەللىكىڭ بىلەن قەلبىمنى سېھىرلەپ ئاشىقلىق ئوتىنى سالغان گۈزەل پەرىشتىگە ئوخشايسەن ! دۆڭكۆۋرۈك ، چوڭ بازار ، قىزىل تاغ كوچىلىرى ، يەنە نۇرغۇن-نۇرغۇن كوچىلاردا قەدەم ئىزلىرىم قالدى ، قەلب ئىزھارىم قالدى ، يۈرىكىم قالدى . سەن- مەن ئايلىنىپ چىققان گۈزەل يەر شارى ئىدىڭ !   ئىلىم بۇلاقلىرى ، ئالىي بىلىم يۇرتلىرى قوينۇڭدا نۇردەك چاقناپ ساڭا ئالەمچە ھېكمەت ، يۈكسىلىش ، قۇدرەت ئاتا قىلىپ ، مەدىنىيەت گۈزەللىكى بەخىش ئەتتى . ئاشۇ ئالىي بىلىم يۇرتلىرى نۇرغۇن ئالىملارنى يىتىشتۈردى ، سانسىز قەلبلەرنى بىلىم كەۋسەرلىرى بىلەن سۇغۇرۇپ ، ئۇلارغا پارلاق ئىستىقبال ، گۈزەل كېلەچەك ئاتا قىلدى ، ئۇلار سېنى ، گۈزەل ئانا يۇرتىمىزنى گۈللەندۈرۈش ئۈچۈن سېنىڭ ئىللىق قوينۇڭدا ، ئالىي بىلىم ماكانىدا بۈركۈتتەك ئۆسۈپ يىتىلدى ، پەرۋاز قىلىشقا ئاتلاندى !مانا بۇ ئەھۋال سېنىڭ ئىلىم-پەن بۇلىقى ، مەدىنىيەت ئۇچىقى ئىكەنلىكىڭنى نامايان قىلىپ نام-شۆھرىتىڭنى جاھانغا تۇنۇتتى !ھەر قېتىم باغرىڭدا جۇلالىنىپ تۇرغان ئونۋېرسىتت دەرۋازىسىدىن قەدەم ئېلىپ كىرگىنىمدە گويا مېھرىبان ئانامنى كۆرگەندەك ، ئۇنىڭ ئىللىق قوينىغا ئۆزۈمنى ئاتقاندەك تۇيغۇلارغا غەرىق بولىمەن ! راست ، ئونۋېرسىتت مېنىڭ ئىككىنچى ئانام ئىدى . ئۇنىڭ قوينىدا قەلبىم نۇرلاندى ، تەپەككۈرىم قېلىچتەك ئۆتكۈرلەشتى ، ۋىجدان ، غۇرۇرۇم قاناتلاندى ، بەخت-ئىقبالىم چېچەكلىدى ، ئادىمىيلىك خىسلەتلەر مەندە يىلتىز تارتتى . مۇشۇلارنى ئويلىسام سەندىكى گۈزەللىكنىڭ قاتلاملىرىغا  تاشقى گۈزەللىكىڭ ، ئىلىم-پەن ، مەدىنىيەت جەھەتلەردىكى مەنىۋى گۈزەللىكىڭگە ئىچ-ئىچىمدىن سۆيۈنۈپ قايىل بولىمەن ! كۈنسىرى يۈكسىلىۋاتقان ،گۈزەللىشىۋاتقان مەنىۋى ئالىمىڭگە ئېھتىرام بىلدۈرمەي تۇرالمايمەن !   قوينۇڭدا ياشاۋاتقان ھەر مىللەت خەلقىنىڭ ئۇيۇلتاشتەك ئىتتىپاقلىشىپ ياڭرىتىۋاتقان ئىناقلىق مىلۇدىيىسى قەلبىمگە شادلىق ئاتا قىلىدۇ ، سەندە بەختىيار مىنۇتلارغا چۆمۈلۈپ داۋاملىشىۋاتقان ھاياتلىق ناخشىسى مېنى بەخت پەيزىگە چۆمۈلدۈرىدۇ ، باغرىڭدىكى تۇتاش قەلبلەردىن بەرپا بولغان ئىتتىپاقلىق ، تېنىچلىق ، ئاسايىشلىق ، نۇرانە ئىلگىرلەشلەرنىڭ خۇشپۇراق چېچەكلىرى مېنى ھەقىقىي گۈزەللىك دۇنياسىغا باشلاپ كىرىدۇ !   ئۈرۈمچى ! گۈزەللىككە تولغان نۇرانە شەھەر ! بىز ھەر مىللەت خەلقى بۈيۈك ئىتتىپاقلىقىمىز بىلەن ، بىر ئائىلە كىشىلىرىدەك مېھرىمىز بىلەن ، تەڭ باسقان قەدەملىرىمىز بىلەن ، تەڭ ياراتقان ئەجىر تۆھپىمىز بىلەن ، تەڭ ئېيتقان ناخشا-كۈيلىرىمىز بىلەن سېنى گۈللەندۈرىمىز ! نام شۆھرىتىڭنى قىتئەلەر ئارا جەۋلان قىلدۇرىمىز ! چۈنكى ، سەن بىزنىڭ سۆيۈملۈك ئانا ماكانىمىز !   مەنبە : ئۆزۈم   ئاپتۇرى : قاراقاش ناھىيە كاۋاك ئوتتۇرا مەكتەپتە

nur8455

	مۇئەللىم بىز                                                                                                                          (ساتىرا)           نۇرمۇھەممەت مۇھەممەتئمىن قاراساي ‑ئەل ئىچىدە يالغان گەپ ،ساتمايدىغان مالىم بىز ھە دىسىلا قۇرۇق پو ،ئاتمايدىغان مالىم بىز .   ئەۋلات ئۇچۇن ئىزدىنىپ ،ياتمايدىغان مالىم بىز ،   زەر ھالالغا ھارامنى ،چاتمايدىغان مالىم بىز ،   ھەر سەھەردە مەكتەپكە ،قاتنايدىغان مالىم بىز .           مەرىپەتكە بۇپ شەيدا ،جاھالەتتە يوق پايدا ،   بۇ''قوش تىللىق ''مائارىپ ،ئەۋىج،ئالدى جاي -جايدا.   تۇنمىساق نەقىسمەت ئالتۇن ياتسىمۇ سايدا،   خاراپ بولسا مائارىپ ،ئەۋلات قايدا بىز قايدا ،   ئۆگەنگەنچە بىلىمنى ،ھارمايدىغان مالىم بىز .       تەكشۇرۇشلەر كەپ تۇرار ،سەپ بۇلۇشۇپ رەتمۇ -رەت ،   تەييارلىقلار ئۈستىگە، بېسىپ تۇرار كۈندە خەت ،   ھەقىقەتنى سۆزلىسەك .كۆرىنىمىز كۈزگە سەت .   بۇدۇنيادا يامانكەن ،دەرت ئۇستىگە ياغسا دەرت ،   گۇناھلارنى باشقىغا ،ئارتمايدىغان مالىم بىز .   بىلىنىدۇ ئارمانىم، قېپ قالغاندەك يىراقتا ،   مۇھەببىتىم ،سىردىشىم ،ساقلىغاندەك قىرغاقتا ،   ئوتقا چۆشكەن قىل كەبى ،يۆرەكلىرىم پىراقتا،   نىمىشقىكىن قەلبىمنى، بىر ۋەھىمە تىلماقتا ،   مۇھەببەتتە ،خىزمەتتە ،چانمايدىغان مالىم بىز .     شۇئارىمىز بۇپ قالدى، بىر گە چىقماس گىپىمىز ،   بور -تۇزاندە ھامىنى، بىر كۈن ئۇلۇپ كىتىمىز،   چارچىساقمۇ ھارساقمۇ، مالىم بىزنىڭ ئېتىمىز ،   بەزى يالغۇز ئولتۇرۇپ ،ئاچچىق ھەسرەت چىكىمىز ،   مەنزىلىدىن ئارقىغا ،يانمايدىغان مالىم بىز .   كىملەر قويغان بىلمەيمىز، بىزگە مالىم بۇلۇشنى ، ھېيت ،بايرامدا تەتىلدە ،جىبەرلىكتە قۇنۇشنى ،   كۈندە ئىشلەپ بىلمەيمىز ،پۇت-قولنىمۇ سۇنۇشنى .   ئىسپۇروپكا ئېپ بىرەي، تېپىپ بىرەر تۇنۇشنى ،   دەپ سۆرەن سەپ ،مەكتەپكە پاتمايدىغان مالىم بىز . مەنبە.ئۆزۈم.كاۋاك ئوتتۇرمەكتەپ 2009-يىلى 8-ئاينىڭ 13-كۈنى

nur8455

	ئىدارىغا چاقىمەن نۇرمۇھەممەت قارساي سوغا سالام ئەپ كەلسەڭ, گۆش پولودا باقىمەن، ئوتلىرىڭدا  كۈل بۇلۇپ ، سۇلىرىڭد ا ئاقىمەن. سۇ قۇيمىسا قۇدۇققا، سۇ بەرمەيدۇ بىر چىلەك، شۇنچىلىكنى بىلمىسەڭ, ئدارىغا چاقىمەن. يۆتكىلىمەن  دىيىشمە  ئارىمىزدا  توختام بار، بىكار بولساڭ تەرمەمسەن, تېرىپ قويغان پاختام بار، ئىسمى زاتىڭ  پۈتۈكلۈك , بىر مېتىرلىق  تاختام بار، قىلنى پىلدەك كۆرسۈتۈپ, ئىدارىغا چاقىمەن. كىتەلمەيسەن يۇرتۇڭغا , تۆت بەش يىللىق دىڭشاڭسەن، قىش كۈنلىرى  دوخوپكا  ياز كۈنلىرى   بىڭشاڭسەن. مەن توۋلىسام توۋلايسەن، ئۈچ مىڭ ۋاتلىق يىڭشاڭسەن، بولالمىساڭ  شاتۇتتەك , ئىدارىغا  چاقىمەن. بېرىپ قالسا  ئىدارە  , مال  باھانىڭ پەرقىنى ، ئۆستۈرىمەن شۇ چاغدا, كۇۋاڭگۇڭنىڭ نەرقىنى. پو ئېتىشىپ يۈرگەنلەر, ئەمدى نىمە دەر قېنى، ئىنىڭ مىنىڭ دىيىشسەڭ, ئىدارىغا چاقىمەن. سىنىڭ, مىنىڭ دىيىشمە، ئىسسىق تاماق يىيىشمە، رۇخسەت ئالماي مىنىڭدىن ,ئولتۇرۇپمۇ سىيىشمە. بۇرۇت ساقال ئەپ يۈرۈش، دوپپا تۇماق كىيىشمە، يازدا تۇماق كەيدى دەپ،ئىدارىغا چاقىمەن. تەنتەربىيە  سايمىنى  ,ئايرىلمىسۇن  مەيداندىن، رەتلىك يۈرسۈن مەكتەپتە، يۈگىرەپ كەلسۈن زەيداندىن. گەر سۇغۇق  سۇ بولسىمۇ ، ئۈزۈلمىسۇن  چەيداندىن، ئەگەر  بىرسىڭ  چاندۇرساڭ , ئىدارىغا چاقىمەن. ئۈچ ۋاق پولو بەرگەندەك,  چىقسۇن تاماق تىزىمى، ھەرۋاق تاماق ئەتكەندە,  قالسۇن گۆشنىڭ يېرىمى. ھە! شۇ چاغدا ئاشمامدۇ, ھەممىمىزنىڭ كىرىمى، ئەگەر ئۇنداق قىلىمىساڭ, ئىدارىغا چاقىمەن. دەرھال كۆچۈش ئۆي تېپىپ، يۇقۇلۇشقىن مەكتەپتىن، ياتاقلارنى  بىكارلاش ، توختاشمىغىن  ھەركەتتىن. چىدىمايمەن سەنلەرنىڭ، بەھىر ئالساڭ راھەتتىن، كۆچۈشمىسەڭ  ياتاقت  ئىدارىغا  چاقىمەن. دەرھال كۆچۈش ئۆي تېپىپ، بۇ مەكتەپنىڭ ياتىغى، سەن ئولتۇرۇپ دۈم چۈشسە، ئۆزگەرمەمدۇ ئاتىغى. ئەمدى سەندەك خەق بىلەن, بۇلار كىمنىڭ چاتىغى، يوقالمىساڭ  ئۆي تېپىپ ,ئىدارىغا  چاقىمەن. ئەمگەك قىلدۇق بىر ھەپتە، ئۇدۇللىسۇن پىلاننى، قۇمۇرۋەتسۇن چاپسانراق، يېڭى سالغان چىلاننى. ئارغامچىنى كۆرسۈتۈپ  قورقىتىمىز  يىلاننى، بۇلۇشمىساڭ  گاچىدەك , ئىدارىغا  چاقىمەن. رەتلەپ قۇيۇش ئارخىپنى، تىقىپ قۇرۇق قەغەزنى، پەختەك قونسىمۇ ھىساپ، ئىگىز چىقار پەخەزنى. توختىدۇ، شاكىلاپ, يىغلاپ كەتكەن مەرەزنى، ئەگەر بىرسىڭ چاندۇرساڭ، ئىدارىغا چاقىمەن. چىقىرىۋېتىش سىنىپتىن، ساۋادى يوق چالىنى، سۇلاپ قويۇش ئۇرنىغا، تېپىپ بىرەر بالىنى. بۇقا بۇزسا ئېغىلنى, ئەدەپلەيمىز كالىنى، ماسلاشمىساڭ خىزمەتكە, ئىدارىغا چاقىمەن. زىرىكمەستىن ئاڭلايسەن، كۈندە ئاچقان يىغىننى، ئولتۇرىسەن ئۆلۈكتەك, قوغلاشمايسەن چىۋىننى. قاماللايدۇ قارچۇغا، بوي بەرمىگەن تىيىننى، بۇزساڭ يىغىن كەيپىنى, ئىدارىغا چاقىمەن. ئۈمەك كىرسە تەكشۈرۈپ، نەچچىڭ قاچتىڭ تالاغا، تەييارلىقىنى تەكشۈرتمەي، كىرىۋالدىڭ خالاغا. سەن خەقلەرنى دەپ يۈرۈپ، مەن قالايمۇ بالاغا، تەكشۈرتمىسەڭ ماتىرىيال, ئىدارىغا چاقىمەن. ئاڭلا بىزنىڭ مەكتەپنىڭ قەرىزدار  لەقەم بار، بايرام كەلدى  دىيىشمە، مالىيەدە  رەقەم بار. كۆمۈرمۇ يوق ئامباردا، قۇناق شېخى بەقەم بار، بايرام گېپى قىلىشساڭ, ئىدارىغا چاقىمەن. ھەممە ئىشنى بۈگۈندىن, پەقەت پۇلغا باغلايمىز، كىكىرسەكمۇ جەرىمانە, ئېلىپ گالنى ياغلايمىز. جەرىمانىنى تۇتۇشقا, مەخسۇس ئادەم سايلايمىز، تۆلىمىسەڭ سەن نەق پۇل، ئىدارىغا چاقىمەن. بىلىشەمسەن باشلىقنىڭ, گېپى شۇڭا چىرايلىق، پۇل تۇتۇشقا دەپتەرنىڭ, رېتى شۇڭا چىرايلىق. تۇتىدىغان پۇللارنىڭ, ئېتى شۇڭا چىرايلىق، تۇتقان پۇلنى بەرمىسەڭ, ئىدارىغا چاقىمەن. 2008-يىلى 9-ئاينىڭ 15-كۈنى ئاپتۇرى  (قاراقاش ناھيە كاۋاك ئوتتۇرا مەكتەپتە )

nur8455

	يۇرت قەسىدىسى ( نۇرمۇھەممەت قاراساي ) سەن مېنى قوينىڭغا ئېپ،ئاچقاچقا ماڭا خوشچىراي ، ئەي كاۋاك كۆيلەپ سېنى ،يازدىم قەسىدە ئۇخلىماي . ئويلىسام يوقتۇر پەقەت ،باسقان ئىزىڭدا ھېچ ئىۋەن ، خىزنىر سۈپەت دېھقاننىڭ ،تۆككەن تەرىدىن ئايلىناي . قالدى ئەل ھەيرانۇ-ھەس ،باغىڭدا پىشقان سەيۋىگە ، سەن بىلەن كۈلدى خەلق، دىھقانلىرىڭ بولغاچقا باي . ئايلىنىپ چىقسام جاھاننى ،سەن كەبى يوقتۇر ماكان ، شۇڭا بىز كەلدۇق داۋام ،سەن ۋەتەنگە پايلىماي . يۇلىمىز بولدى راۋان ،ئىشىمىز ئاندىن ئاسان، چىدىغايمەن قانداقسىگە ،سەن يۇرتۇمنى داملىماي . كەلگۇسىڭ پارلاق سېنىڭ ،ئىپتىخارىم ئەي كاۋاك، كۈندىن -كۈنگە گۈللىگىن ،تەرەققى قىل توختىماي . گەر ئۆلۈپ كەتسەممۇ مەن ،قالار دىلىمدا ھۆرمىتىڭ، بىر ئۆمۈر كۆيلەپ سېنى ،تەنبۇرلىرىمنى ياڭرىتاي . 2011-يىلى 10-ئاينىڭ 1-كۈنى ئاپتۇرى (  قاراقاش ناھيە كاۋاك ئوتتۇرا مەكتەپتە )

18139193341

	يازمىڭىز ياخشى چىقىپتۇ، دوستۇم سىز قاراقاش ناھىيە قاراساي يېزىسىدىنمۇ يە ؟ قاراساي دىگەن بۇ سۈزنى كۈرۈپ گۈپۈرلەپ كىردىمغۇ

aLMaS31

	توختى پوكان ھىكايىلىرىنى يازغان ئابلىمىت غۇجابدۇللا قارقاش دىگەننى كىم تۇنۇيدۇ باللا

axik884

	ئەسسالامۇ ئەلەيكۇم،  مۇئەللىم بىز دىگەن ساتىرايىڭىز  ئىنتايىن ياخشى چىقىپتۇ ، مەزمونىمۇ  ياخشىكەن،ماۋۇ ئىدارىگە چاقىمەنمۇ بولىدىكەن ، لىكىنزە خەنزوچە سۆز ئىبارىلەر كۆپمۇ قانداق، بىڭشاڭ ،دىڭشاڭ، يىڭشاڭ دىگەندەك.     مومكىن بولسا مۇشۇ تەرەپلەرگە دىققەت قىلسىڭىز،  ئاتىكاچىلىق قىلغىنىمنى ئەيىپكە بويرىمىغايسىز.

axik884

	ئەسسالامۇ ئەلەيكۇم،  مۇئەللىم بىز دىگەن ساتىرايىڭىز  ئىنتايىن ياخشى چىقىپتۇ ، مەزمونىمۇ  ياخشىكەن،ماۋۇ ئىدارىگە چاقىمەنمۇ بولىدىكەن ، لىكىنزە خەنزوچە سۆز ئىبارىلەر كۆپمۇ قانداق، بىڭشاڭ ،دىڭشاڭ، يىڭشاڭ دىگەندەك.     مومكىن بولسا مۇشۇ تەرەپلەرگە دىققەت قىلسىڭىز،  ئاتىكاچىلىق قىلغىنىمنى ئەيىپكە بويرىمىغايسىز.

Padixa8

	ئىدارىغا چاقىمەن  دىگىنى يامان قىززىق چىقىپتۇ  ، لىكىن ئاشۇنداق ئىشلارنى ئۆز كۆزەم بىلەن كۆرگەن  ،،،