 |
13-يانۋار, مۇخبىرنىڭ شىنجاڭ خەلق ئىشلىرى نازارىتىدىن ئىگىلىشىچە, 1-ئاينىڭ 10-كۈنى سائەت 14دىن 50 مىنۇت ئۆتكەندە, قىزىلسۇ قىرغىز ئاپتونوم ئوبلاستى ئاتۇش شەھىرىدە 5.0 بال يەر تەۋرىگەن.
ستاتىستىكا قىلىنىشىچە, بۈگۈنگە قەدەر, يەر تەۋرەشتە جەمئىي 560 ئاھالىلىك 2109 ئادەم ئاپەتكە ئۇچرىغان, دەسلەپكى ستاتىستىكىغا ئاساسلانغاندا ئىقتىسادىي زىيان مۆلچەرلىنىشچە 19 مىليون 610 مىڭ يۈەنگە يەتكەن, يارىلىنىش ۋە ئۆلۈش ئەھۋالى كۆرۈلمىگەن.
ستاتىستىكىغا ئاساسلانغاندا, يەر تەۋرەشتە جەمئىي 2109 ئادەم ئاپەتكە ئۇچرىغان بولۇپ, ئۆرۈلۈپ چۈشكەن ئۆي ئۈچ ئازادىلىكنىڭ ئۈچ ئېغىز ئۆيى, ئېغىر بۇزغۇنچىلىققا ئۇچرىغان ئۆي 105 ئازادىلىكنىڭ 266 ئېغىز ئۆيى, جىددىي يۆتكەپ ئورۇنلاشتۇرۇلغان ئادەم 420 ئادەم, ئادەتتىكى بۇزغۇچىلىققا ئۇچرىغان ئۆي 452 ئازادىلىكنىڭ 863 ئېغىز ئۆيى, 134 ئازادىلىكنىڭ 147 قوتىنى ئۆرۈلۈپ كەتكەن, ئۆلۈش ۋە يارىلىنىش ئەھۋالى كۆرۈلمىگەن.
يەر تەۋرىگەندىن كېيىن, شىنجاڭ ئۇيغۇر ئاپتونوم رايونلۇق خەلق ئىشلىرى نازارىتى بۇ ئىشقا يۈكسەك ئەھمىيەت بېرىپ, كۆپ قېتىم تېلېفون ئارقىلىق ئاپەت ئەھۋالىنى ئىگىلىگەن, 24 سائەتلىك دىجورنىلىق تۈزۈمىدە چىڭ تۇرۇش, ھەم ھەر دەرىجىلىك خەلق ئىشلىرى ئورگانلىرىدىن تىز سۈرئەتتە تەكشۈرۈپ ئاپەت ئەھۋالىنى, ئاپەتكە ئۇچرىغان ئاممىنى يۆتكەپ ياخشى ئورۇنلاشتۇرۇش توغرىسىدا يۇقىرىغا دوكلات يوللاشنى تەلەپ قىلغان.
شۇ يەرلىك خەلق ئىشلىرى ئىدارىسىمۇ يۈكسەك ئەھمىيەت بېرىپ, ئۆز ۋاقتىدا ئاپەتكە تاقابىل تۇرۇش خىزمەتلىرىنى ياخشى ئورۇنلاشتۇرۇپ, تىز سۈرئەتتە ئەۋەتكەن خەلق ئىشلىرى, يەر تەۋرەش, ئىدارە ئورگان پارتىيە ئەزا كادىرلىرى, خەلق ئەسكەرلىرى قاتارلىق مۇناسىۋەتلىك ئورگاننىڭ خىزمەتچى خادىملىرى دەرھال ئاپەت رايونىغا يېتىپ بېرىپ ئاپەت ئەھۋالىنى ئىگىلەپ, يېزا بازارغا ئىچكىرلەپ ئۆيمۇ-ئۆي يوشۇرۇن ئاپەتلەرنى رەتكە تۇرغۇزۇپ , بىرمۇ ئاھالىلىك, بىرمۇ ئادەم قالماسلىققا كاپالەتلىك قىلىپ, جىددىي تۈردە ئاپەتتىن قۇتقۇزۇش چېدىردىن 40 نى, ئاشلىقتىن 10 توننا, يېمەكلىك مايدىن 100 تۇڭ, كۆمۈردىن 50 توننا, ئىسسىيدىغان ئوچاقتىن 50 نى ئاجراتتى, مۇناسىۋەتلىك ئاپەتتىن قۇتقۇزۇش خىزمىتى نۆۋەتتە جىددىي تۈردە داۋاملىق ئېلىپ بېرىلماقتا.
نۇر تورىدىن : ئەلقەم ئەنۋەر
|
 |
يوللىغان ۋاقتى 2015-1-14 11:10:28 AM
