ئامېرىكا بىر خىل لازېر نۇرى قۇرالىنى ئىشقا قويدى

bilimxumar

	ئامېرىكا بىر خىل لازېر نۇرى قۇرالىنى ئىشقا قويدى بىلىمخۇمار 2015-يىلى 1-ئاينىڭ 13-كۈنى «ناسا يېڭى تېخنولوگىيە خەۋەرلىرى» ژورنىلىنىڭ تېلېۋىزورىدا بۈگۈن خەۋەر قىلىنىشىچە، ئامېرىكا دېڭىز ئارمىيىسى يېقىندا پېرىسىيە دېڭىز بوغۇزى (Persian Gulf) دا بىر يېڭى تىپتىكى لازېر نۇرى قورالىنى ئىشقا قويغان.  بۇ قورال 2014-يىلى سىنتەبىر-نويابىر ئايلىرى «USS Ponce» دەپ ئاتىلىدىغان ئۇرۇش پاراخوتى ئۈستىدە سىناق قىلىنغان بولۇپ، ئۇ پاراخوتنىڭ بۇرۇن بار بولغان ئۆزىنى قوغداش سىستېمىسى بىلەن ناھايىتى ياخشى ماسلىشىپ، نۇخسانسىز ئىشلىگەن.  سىناق جەريانىدا ئامېرىكىنىڭ دېڭىز ئارمىيە ئەسكەرلىرى بۇ قورال بىلەن بىر دېڭىز سۈيىدە ناھايىتى تەز سۈرئەتتە كېتىۋاتقان مودېل كىمىنى، بىر كىچىك تىپتىكى ئۇچقۇچىسى يوق ئايروپىلاننى، ۋە دېڭىزدىكى باشقا ھەرىكەتلىك نىشانلارنى، مەسىلەن راكېتىنىڭ كۈچى بىلەن ماڭىدىغان گراناتلارنى، ئېتىپ ۋەيران قىلغان.   لازېر نۇرى يورۇقلۇق تېزلىكىدە سېكۇنتىغا 300000 كىلومېتىر تېزلىك بىلەن ماڭدىغان بولغاچقا، بۇ قورال ھەرىكەتتىكى نىشانلارنى شۇ ۋاقىتنىڭ ئۆزىدىلا ۋەيران قىلىۋېتەلەيدۇ.  ئەنئەنىۋى قوراللارغا قارىغاندا بۇ لازېر نۇرى قورالىنىڭ تەنەرقى تۆۋەن، ئىشقا سېلىش كۆپ ئاددىي ۋە ئاسان بولىدۇ.   ئامېرىكىنىڭ پىلانى مەزكۇر لازېر نۇرى قورالى ۋە ئۇنىڭ ۋارىئانتلىرىنى 2020-يىلىغىچە پۈتۈن دېڭىز ئارمىيىسىگە ئومۇملاشتۇرۇش ئىكەن. پايدىلىنىش ماتېرىياللىرى: [1] Behind the Scenes: Laser Weapon System Operational Demonstration https://www.youtube.com/watch?feature=player_embedded&v=D0DbgNju2wE <http://video.techbriefs.com/vide ... eapon;Photonics> [2] Zapped! U.S. Navy Deploys Laser Weapons <http://news.discovery.com/tech/g ... pons-141211.htm> 1-رەسىم: ئامېرىكا دېڭىز ئارمىيىسى ئىشقا سالغان لازېر نۇرى قورالىنىڭ بىر كۆرىنىشى. 2-رەسىم: مەزكۇر لازېر نۇرى قورالىنى كونترول قىلىدىغان ئەسۋاپنىڭ بىر كۆرىنىشى. ئەسكەرتىش: بۇ خەۋەر ماڭا ناسا ئېلخەت ساندۇقۇم ئارقىلىق كەلگەن بولۇپ، تېلېۋىزور پروگراممىسىنىڭ مەزمۇنى يۇتيۇب ۋېدىئو فىلمى ھوججىتى شەكلىدە تارقىتىلغان.  شۇڭلاشقا قېرىنداشلارنىڭ مەخپىيەتلىكنى ساقلاش مەسىلىسىدە ئەنسىرەپ قالماسلىقىنى سورايمەن.

flood

	ئ‍اللاھ ئ‍ىشلىرىڭىزنى ئ‍ۇتۇقلۇق قىلسۇن ،     يەنە قۇرۇق تالاش تارتىشلار نى قىلىپ يۈرىۋەسەك ئ‍ىش مۇشۇنداق مانا ،  مىنىڭچە مەدەنيىتىمىزنى ، كىملىكىمىزنى ساقلاپ قالىمىز دەيدەكەنمىز ، قۇرۇق دەتالاشنى ئ‍از قىلىپ  بىر بىرىمىزنى قوللىشىمىز كىرەك ، ئ‍ىتتىپاقلىق كېرەك ،  باشقىلار  ئ‍ۆز كۈچىگە تايىنىپ ئ‍ۆزىنىڭ كىملىكىنى تونىتىۋىتىپتۇ مانا،

isiyan

	ئاپلا يەرشارىغا يەنە بىر ئاپەت ئاينىپتۇ .

zulyar-apandi

	بۇ بىر ئىنقىلاپ خاراكتىرلىك قورال ئىكەن. بۇ قورال كەلگۈسى ئۇرۇشنى ئۆزگەرتىۋىتىدۇ. باشقىلار سۇدا ئۈزۇپ،كۆكتە ئۇچۇپ كەتتى يىراق، مەن گۇيا يالاڭئاياق،دەسسەپ تىكەن ماڭارىمەن.

zulpukar

	تېخنىكا كۈندىن كۈنگە ئېشىپ بېرۋاتىدۇ.........

سائەت

	ھەي ئۇرۇش........ 300000ئۈچ يۈزمىڭ كىلومېتىر دېگەن ئاز ئەمەس جۇمۇ......... بىر سېكىنۇت ئىچىدە يەرشارىنى نەچچە قېتىم ئايلىنىپ چىققىنى بولىدۇ. ئامېرىكا ، روسىيە، ياپونىيە، جوڭگۇ، چاۋشەن،كورىيە، ھېندىستان،ئىسرائىلىيە ۋە يەنە كۆپلىگەن ياۋروپا دۆلەتلىرى توختىماستىن ئىلغار قۇراللارنى ياساۋاتىدۇ... بۇلار3-دۇنيا ئۇرۇشىغا ئاز قالغانلىقىدىن دېرەك بېرىدۇ. غەرىب بىلەن شەرىقنىڭ مۇناسېۋەت چېگرىسى تېز سۈرئەتتە يېراقلىشىۋاتىدۇ. يەرشارىدىكى ئەڭ چوڭ ئىككى دۆلەتنىڭ يەنى ئامېرىكا روسىيەنىڭ بۇنداق تىركىشىشى پەقەت ۋە پەقەت مەنپەئەت ئۈچۈنلا.ئۇلارنىڭ ئەڭ چوڭ غەرىزى پۈتۈن يەرشارىنى ئۆزى يالغۇز باشقۇرۇش... بۇ نىيىتىنى ئەمەلگە ئاشۇرۇش ئۈچۈن ھەر ئىككىلى دۆلەت ھەرقانداق رەزىل ۋاستىلەرنى قوللىنىپ بولسىمۇ بىر -بىرسىنىڭ دۇنيادىكى تەسىرىنى ئازايتىشقا ئۇرۇنىدۇ.. بىرىنجى دۇنيا ئۇرۇشىدىن باشلاپ ھازىرغا كەلگۈچە يۈز مىليونلارچە كىشى ئۆلدى ياكى يارلاندى، يىتىم بولدى..... ھازىر ئامېرىكا جىددى ھالدا ئاي شارىدا ھەربىي بازا قۇرۇۋاتىدۇ.. يېقىندا ئاي شارىنىمۇ تالىشامدۇ تېخى....... مېنىڭچە ئامېرىكا روسىيەدىن بىر قەدەم ئالدىدا...

سائەت

	سائەت يوللىغان ۋاقتى  2015-1-13 03:18 PM ھەي ئۇرۇش........ 300000ئۈچ يۈزمىڭ كىلومېتىر دېگەن ئاز ئەمەس  ... بۇ ئۇرۇشلار قاچانمۇ ئاياغلىشار؟؟؟؟ بىردەم ئارال تالىشىپ ئۇرۇشىۋاتقان،بىردەم دېڭىز تالىشىپ ئۇرۇشۇۋاتقان، بىردەم ھوقۇق تالىشىپ ئۇرۇشۇۋاتقان، زېمىن، پۇل،نىفىت. ئالتۇن،...دېسەم گەپ جىق........

كاشكارى

	كونتىروللىغۇچى ماڭا كىچىك ۋاختىمدا ئوينىغان سوني ئويۇنچۇقنى ئەسلىتىپ قويدى.

turmux.net

	ئامېرىكىنىڭ پىلانى مەزكۇر لازېر نۇرى قورالى ۋە ئۇنىڭ ۋارىئانتلىرىنى 2020-يىلىغىچە پۈتۈن دېڭىز ئارمىيىسىگە ئومۇملاشتۇرۇش ئىكەن قارىغاندا پىلانىتلار ئارا ئۇرۇش دەۋرىگە قەدەم قويۋاتقان چىراي

wolkan207

	مەن تۇلۇق ئوتتۇرا مەكتەپتە ئوقۇۋاتقان مەزگىلدە( 1997- يىلى ) ، لازىر نۇر توغرىسىدىكى مەز مۇنلارنى ئۆگنگەن ۋاقىتتا، فىزىكا ئوقۇتقۇچىمىزغا بىر كۆز قاراشنى ئوتتۇرغا قويغان يەنى. لازىر نۇرنىڭ يۈرۈش تىزلىكى ۋە ناھايىتى تىزلا يۇقىرى تىمپىراتۇرغا يىتەلەيدىغان ئالاھىدىلىكىدىن پايدىلىنىپ، لازىر نۇر دەستىسىنى ئالاھىدە رايۇنلارغا مەسلەن، ئېگىز تاغ، دېڭىز بويى ياكى ھاۋا بوشلىقى قاتارلىق جايلارغا ئورۇنلاشتۇرۇش، بۇنىڭ ئېتىشلى كومپىيۇتىر ئارقىلىق كونتىرول قىلىش، كومپىيۇتىرغا يەرشارى ئورۇن بەلگىلەش سېستىمىسىغا ئوخشاش سېستىمىنى ئورنىتىپ، دۇشمەن ئايرۇپىلاننىڭ ئۇچۇش يولنىشى ۋە ئورنىنى ئېنىقلاش، يەنە بۇنىڭغا رادار قاتارلىق ئۈسكۈنلەردىن پايدىلىنىپ، يامان نىيەتلىك دۇشمەن ئايرۇپىلاننىڭ تاجاۋۇز قىلىشتىن ئىلگىرى ئېتىپ چۈشۈرۈش، دىگەندەك خىيالنى ئوتتۇرغا قويغىنىمدا قاتتىق رەت قىلىنىشقا ۋە مۇمكىن بولمايدىغان ئىش دىگەندەك تەنقىدلەرگە ئېرىشكەنتىم، بۈگۈنكى كۈندە ئامىرىكا ياساپ چىقىپتۇ مانا.