كەلسە ئەگەر باھالاش (ساتىرا)

toltap

	كەلسە ئەگەر باھالاش           مۇھەممەد ئەمىن ئابدۇلئەزىز چۆچۈپ كېتەر يۈرەكلەر كەلسە ئەگەر باھالاش، ھەممە يېڭى تۈس ئالار كەلسە ئەگەر باھالاش، قايناپ كېتەر مەھەللە كەلسە ئەگەر باھالاش، ئىشقا چۈشەر «خېزىر»مۇ كەلسە ئەگەر باھالاش، ھەر كۆڭۈلدە مەخپى سىر كەلسە ئەگەر باھالاش. «ئامانەت» بۇپ نامراتقا يىتىپ كېلەر ئاشلىقمۇ، ئېشەكلەر كۆپ ھاڭرىماس يوقاپ كېتەر شاشلىقمۇ، بوۋاي،موماي سەكرىشىپ قايتىپ كېلەر ياشلىقمۇ، دېھقانلارغا قول شىلتىپ تىللىيالماس باشلىقمۇ، ئايەم كېلۇر تەرتىپسىز،كېلىۋەرسە باھالاش. چولاقلارمۇ ئېتىزدا ئىشلەپ كېتەر جاپالىق، زاكىدىكى بوۋاقمۇ بولۇپ كېتەر ھايالىق، تۇل خوتۇنمۇ توي قىلىپ ياسىنىدۇ چىرايلىق، ئېغىلدىكى ئىنەكمۇ بولار تۆت-بەش موزايلىق، ھەممە نەرسە ئۆزگىرەر كەلسە ئەگەر باھالاش. ساۋاتسىزمۇ ئالىم بوپ پەرۋاز قىلار ئاسماندا، ھەممە ئۆيدە قوي سويۇپ مانتا پىشار قاسقاندا، مۈشۈكلەرمۇ مەردلىشىپ نەزەر سالماس چاشقانغا، شەيتانلارمۇ توۋا دەپ يول كۆرسىتەر ئازغانغا، ئەزرائىلمۇ «دەم ئالار» كەلسە ئەگەر باھالاش. مۇھىت ئاسراپ ئوت ياقسا ئىس چىقارماس تۇرخۇنمۇ، ئۇستا دوختۇر بوپ كېتەر باخشى،جىنكەش،پىرخۇنمۇ، قايتىپ كېلەر يۈگۈرۈپ يامانلىغان خوتۇنمۇ، ئىناق ئۆتەر ۋاقىتلىق لاچىن،كەپتەر،قۇزغۇنمۇ، ھەممە ئادەم خۇشچىراي كەلسە ئەگەر باھالاش. باھالىسا ياخشى دەپ تاپار باشلىق بەختىنى، ساقلاپ قالار شۇنداقلا ئەمەلدارلىق تەختىنى، يىرتىۋىتەر بىر دەمدە ياسالمىلىق رەختىنى، بىلمەي ياشار بىر ئۆمۈر ئۆز-ئۆزىنىڭ ئەپتىنى، نېمىدىگەن ياخشى ھە ، كۈندە كەلسە باھالاش. 2011-يىلى لوپتا يېزىلدى. 2015-يىلى يوللاندى. خوتەن ۋىلايەتلىك تەجرىبە ئوتتۇرا مەكتەپ تولۇق 3-يىللىق 6-سىنىپ ئوقۇغۇچىسى

axpaz

	ئاپرىن

hadrat

	ياخشى يىزىپسىز،مۇنۇ ساتىرىك شېئىرنى ئۇقۇپ باشلىق كىلىدۇ دىگەن ناخشىنى ئاڭلىغۇم كەپقالدى دىسە،ئىزدەپ بىر ئاڭلايچۇ؟

xopur

	بۇ بالىغا شىئېر يىزىشنى ئۈگىتىدىغان ئەدەبىيات مۇئەللىمى يوقمىدۇ. .. ئەمما تىرىشچانلىقىغا ھۆرمەت بار.

Gvlmisal

	مېنى مۇنبەرگە قايتۇرۇپ كىرگەن شېئىر....

abbasjan

	قالتىس بوپتۇ

heqqaniyet

	ياخشى ئوقا ئۇكام. ئەلى قۇربان مۇئەللىمدەك ھەقنى ئەقلى بىلەن سۆزلىيەلەيدىغان بىلىملىك ئادەم بول. شېئىر ئادەمنى ھېسىياتچان قىلىۋېتىدۇ. شۇڭا ساڭا تەكلىۋىم كۆپىرەك ئەسقاتىدىغان بىلىملەرنى ئىگەللىگىن. ھېكايە پوۋىست رومان كىتابلىرىنى بەك كۆپ ئوقۇما. ھېسىيات بىلەن يېزىلغان يازمىلارنى ئاز ئوقا. مەسىلەن ئۆزلۈك ۋە كىملىك دىگەندەك كىتابلارنى ئاز ئوقىغىن.

yarbexi

	Gvlmisal يوللىغان ۋاقتى  2015-1-13 08:23 AM مېنى مۇنبەرگە قايتۇرۇپ كىرگەن شېئىر.... پەيزى ناخشا ، ئەتىگەندە ھەجەپ مۇڭلىنىپ ئاڭلاپتىمەن   ماۋۇ ساتىرامۇ ياخشى يېزىلىپتۇ

biruyghur

	xopur يوللىغان ۋاقتى  2015-1-13 04:32 AM بۇ بالىغا شىئېر يىزىشنى ئۈگىتىدىغان ئەدەبىيات مۇئەللى ... تۈزۈتۈپ بەرسىڭىز بولىدىغۇ سىز بىلسىڭىز

كاشكارى

	Gvlmisal يوللىغان ۋاقتى  2015-1-13 08:23 AM مېنى مۇنبەرگە قايتۇرۇپ كىرگەن شېئىر.... مۇشۇنداق ئۈن ئاۋازلىرنى سىن كۆرنىشلىرنى قانداق چىقىرىدۇ ؟ئۈگۈتۈپ قويسىڭىز بوپتىكەن!