ئەگەر بەخت تۇيغۇسىنى رەتكە تۇرغۇزغىلى بولسا

nadira

	ئەگەر بەخت تۇيغۇسىنى رەتكە تۇرغۇزغىلى بولسا،سىز قايسى خىل بەخت تۇيغۇسىنى بىرىنچى رەتكە تىزغان بولاتتىڭىز؟ بەخت ئەمەلىيەتتە كىشىلەرنىڭ ۋۇجۇدى،روھىيىتى، مەشخۇل بولۇۋاتقان ئىش- ئوقىتى ،نىكاھ تۇرمۇشى دېگەندەك بىر قاتار ئامىللار بىلەن چەمبەرچاس باغلىنىپ كەتكەن بولىدۇ. بەزىلە: ‹‹خىزمەت قىلماي تۇرۇپ كىرىمگە ئېرىشىش ئەڭ كاتتا بەختتۇر››دېيىشىدۇ.ئەمەلىيەتتە بولسا ئىشلىمەي تۇرۇپمۇ كىرىمگە ئېرىشىپ يۈرۈيدىغان ئاياللار ھېچقانچە بەخىتلىك ئەمەس. يەنە بەزىلەر: ‹‹ساغلاملىق ئەڭ زور بەخت›› دەپ ئاھ ئۇرۇشىدۇ.ئەمەلىيەتتە بولسا ئۆزىنىڭ بەخىتلىك بولالمايۋاتقانلىقىدىن قاقشاپ يۈرگەن نۇرغۇن كىشىلەر ناھايىتى ساغلام،بىجىرىم كىشىلەردۇر. ياش توكۈشنىڭمۇ بىر خىل بەخت ئىكەنلىكىنى ئويلاپ باقتىڭىزمۇ؟شۇنداق، بۇمۇ بىر خىل بەخت ،چۈنكى بەزىلەر ھەقىقەتەن سىزنىڭ ياش تۆكۈشىڭىزگە ئەرزىيدۇ. ئۆزگىلەرنىڭ زەربە بېرىشى ،ھەسەت قىلىشىغا ئۇچراشمۇ بىر خىل بەخت ،چۈنكى بۇ سىزدە خەقلەر زەربە بەرگۈدەك، ھەسەت قىلغۇدەك تەرەپلەرنىڭ بارلىقىنى چۈشەندۈرىدۇ. بىراۋنىڭ سىزگە خائىنلىق قىلىشىنىمۇ سىز ئۈچۈن بىر خىل بەخت دېيىشكە بولىدۇ،چۈنكى بۇ ئارقىلىق سىزكىمنىڭ ھەقىقىي دوست،كىمنىڭ ھەقىقىي دۈشمەن ئىكەنلىكىنى ئېنىق ئايرىۋالالايسز.                              ھەتتا ئۈمۈتسىزلىنىشمۇ بىر خىل بەخت،چۈنكى ئادەمنىڭ قەلبىدە ئارزۇ - ئۈمىدلەر بولغاندىلا ،ئاندىن ئۈمۈتسىزلىنىش بولىدۇ. ئۆزىمىزنىڭ بەختلىك ئىكەنلىكىنى ھېس قىلالماي يۈرۈشىمىزدىكى سەۋەپ:بەزىبىر ئازاپ-ئوقۇبەت ،ئۈمۈتسىزلىك،ھەسرەت نادامەتلەرنىڭمۇ ئۆز نۆۋىتىدە بىر خىل بەخت ئىكەنلىكىنى تونۇپ يېتەلمىگەنلىكىمىزدە. مەنبە: شىنجاڭ مائارىپى

musilina

	ياخشى تېمىكەن... مەن ئۆزۈمنىڭ اللاھنىڭ رەھمىتى بىلەن مۇشۇنچىلىك ساقايغانلىقىمنى ئەڭ زور  بەختىم دەپ ھېسابلايمەن....

sawry

	مىنىڭچە بەخىت ئۇ قانائەت قىلىشتۇر ،  قانائەتسىز كىشى ئالتۇن كۇرسىدا ئولتۇرسىمۇ ئۆزىنى يەنىلا بەخىتسىز سىزىدۇ ، قانائەتچان كىشى ئىرىشكەنلىرىنىمۇ ئىرىشەلمىگەنلىرىنىمۇ بەخىت دەپ بىلىدۇ ! ھەممىمىزگە بەخىت يار بولسۇن !