يانفۇن ئويناشنىڭ راستىنلا پايدىسى يوقمۇ؟

uyghari

	يانفۇن ئويناشنىڭ راستىنلا پايدىسى يوقمۇ؟                                                                  ئەمەت ئىسھاق            يېقىنقى بىرنەچچە يىلدىن بۇيان، يانفۇننىڭ كەڭ ئومۇملىشىشى، شۇنداقلا ئۇنىڭ ياش-ئۆسمۈرلەر ئارىسىدا بىرخىل مودا ۋە سۆلەتنىڭ مۇھىم بەلگىسى سۈپىتىدە قارىلىشى، بولۇپمۇ ئۈندىدار ئىشلىتىدىغانلارنىڭ كۆپىيىشىگە  ئەگىشىپ، ئۇنىڭ ئوخشىمىغان ياشتىكىلەرگە ئېلىپ كېلىدىغان  زىيىنىمۇ ئاز بولمىدى. بۇ ھەقتە تۈرلۈك تاراتقۇلاردا خېلى كۆپ ماقالىلەر، تەشۋىقات ئېلانلىرى يېزىلدى، تارقىتىلدى، شۇنداقلا بۇ خىزمەتلەر داۋاملىق ئېلىپ بېرىلىۋاتىدۇ. بۇنىڭ بىلەن كۈندىلىك خىزمەت، ئۆگىنىش ۋە باشقا پائالىيەتلەردە يانفۇن ئويناشقا ئادەتلىنىپ، ئۇنىڭغا خۇمار بولۇپ قالغان مەلۇم ساندىكى ئاممىنىڭ ئىدىيە ۋە چۈشەنچىسىدە  ئاز-تولا چۈچۈش، ئەندىشە ۋە بۇرۇلۇشلارمۇ بولدى. بولۇپمۇ ئۇنىڭ تېخى ئۆسۈپ يىتىلىۋاتقان، خاراكتىرى خام، قېنى قىزىق، ھاياجانلىق تۇيغۇلارغا باي، يېڭى شەيئىلەرنى تېز قوبۇل قىلىدىغان ياش-ئۆسمۈرلەرگە بولغان تەسىرى تېخىمۇ زور بۇلىۋاتىدۇ. ھازىر بىرقىسىم تەھلىلچىلەر يانفۇن ئويناشنى خىروئىندىن قالسىلا ئىككىلەمچى دەرىجىدىكى زەھەرگە ئوخشاش ئىنسانلارغا تىراگىدىيەلىك يامان ئاقىۋەتلەرنى ئېلىپ كېلىۋاتىدۇ، دەپ قارىماقتا.         ئۇنداقتا يانفۇن ئويناشنىڭ ھەقىقەتەن پايدىسى يوقمۇ؟ مىنىڭچە، بۇ سۇئالغا پايدىسى يوق دەپ جاۋاب بەرسەك سەل يىنىكلىك قىلغان بولىمىز. چۈنكى تەبىئەتتىكى ھەرقانداق شەيئىنىڭ ئوخشىمىغان ئىككى خىل تەرىپى، قارىمۇ-قارشىلىققا ئىگە ئىككى يۈزى ۋە زىددىيەتلىك تەرەپلىرى بولىدۇ. شۇنىڭغا ئوخشاش، ئەقىللىق كىشىلەر تەرىپىدىن يارىتىلغان كەشپىيات ۋە بۇيۇملار  ئىنسانلار توپى تەرىپىدىن توغرا، ئىلمىي يۇسۇندا ئىستىمال قىلىنسا، ئۇ كىشىلەرنىڭ تۇرمۇشى ئۈچۈن نۇرغۇن قۇلايلىق، شادلىق ۋە خۇشاللىقلارنى ئېلىپ كېلىدۇ. ئەكسىچە، ئادەملەر ئۆزى ئىختىرا قىلغان شەيئىلەردىن ئىلمىي پايدىلىنىشنى بىلمەي، ئۇنىڭغا قارىغۇلارچە بېرىلىپ، ئۇنىڭ قۇلى ۋە ئۇيۇنچۇقىغا ئايلىنىپ قالىدىكەن، ئۆز-ئۆزىنى ھالاكەتكە ئېلىپ بېرىشتەك ئېغىر ئاقىۋەتكە دۇچار بولىدۇ. مۇشۇ نۇقتىدىن تەھلىل قىلغاندا، يانفۇن ئىشلىتىشمۇ دەل شۇنىڭغا ئوخشاش بولۇپ، ئۇنى ئىلمىي ئىشلىتىشنى بىلگەنلەربىلەن ئۇنىڭغا مەپتۇن، خۇمار بولغانلارغا ئېلىپ كېلىدىغان نەتىجىمۇ ئوخشاش بولمايدۇ. يانفۇننىڭ بالىلار، ياش-ئۆسمۈرلەرگە كۆرسىتىدىغان تەسىرى بىرقەدەر چوڭ بولسىمۇ، ياشلار بىلەن ئوتتۇرا ياشلىقلار مەلۇم چەك ۋە ۋاقىت دائىرىسىدە يانفۇن ئوينىسا، ئۇنىڭ زىيىنى يوق دەپ قارايمەن. چۈنكى، قورامىغا يەتكەنلەر يانفۇن ئويناشنىڭ تۆۋەندىكىدەك بىرقانچە جەھەتتىكى پايدىسىنى كۆرۈۋاتىدۇ:         1-يانفۇندا تۈرلۈك ئۇيۇنلارنى ئويناش، پاراڭلىشىش، پىكىرلىشىش، ئەسەر ئوقۇش قاتارلىق  مەشغۇلاتلار كىشىلەرنىڭ ئالدىراشچىلىق، جىددىي تۇرمۇش رىتىمىدا پەيدابولغان روھى ۋە جىسمانىي جەھەتتىكى تەڭشەش ئېلىپ بېرىشىدا، زىرىكىشنىڭ ئالدىنى ئېلىش قاتارلىق ئىشلىرىدا ئۆز رولىنى جارى قىلدۇرىۋاتىدۇ.         2-يانفۇننىڭ ئۈندىدار سۇپىسى ئارقىلىق كىشىلەر تېز ئالاقە، ئۇچۇر يەتكۈزۈش، پىكىر ئالماشتۇرۇش، ۋاقىت ۋە يانفۇن ھەققىنى تېجەش قاتارلىق ئىشلاردا ئاز بولمىغان ياخشى ئۈنۈملەرگە ئېرىشىۋاتىدۇ. بولۇپمۇ سىمسىز تور ئالاقىسىنىڭ بۇ جەھەتتىكى ئۈنۈمى تېخىمۇ گەۋدىلىك بولماقتا.         3- ئادەتتە كىتاب، گېزىتكە ئوخشاش مەتبۇئات بۇيۇملىرىنى كۆرمەيدىغان ياكى ئۇلارنى كۆرۈشكە شارائېتى، ۋاقتى يوق كىشىلەر يانفۇن ۋاستىسى ئارقىلىق ئەڭ يېڭى خەۋەر، تۈرلۈك ساۋاتلار، پەن-تېخنىكا يېڭىلىقلىرى، ئەدەبىي ئەسەرلەر، تارىخىي بىلىملەر، ئىبرەتلىك ھىكايە ۋە ھىكمەتلەردىن خەۋەردار بۇلىۋاتىدۇ. شۇنداقلا ئۆزىنىڭ نەزەر دائىرىسىنى كېڭەيتىپ بىلىمىنى موللاشتۇرۇۋاتىدۇ.         يىغىنچاقلاپ ئېيتقاندا، ھەممىمىز يانفۇن ئىشلىتىش، ئۇنى ئۇيۇنچۇق قاتارىدا تولا ئويناشتەك مەسىلىلەرگە كەڭ دائىرىدە ئەتراپلىق تەھلىل قىلىپ ئىلمىي نەزەردە قارايلى. شۇنداقلا يانفۇنغا توغرا ئىستىمال قارىشى  ۋە پوزىتسىيىسىدە تۇرۇپ مۇئامىلە قىلايلى.                                                      مەنبە: 10-يانۋاردىكى "شىنخۇا يانفۇن گېزىتى"

zulpukar

	بىرلا ئېغىز گەپ........   ھەرقانداق نەرسىنى  قانداق ئىشلىتىشنى بىلگەندە ئاندىن ئۆنىمى بۇلىدۇ....  قانداق ئىشلىتىشنى بىلمىگەندە ئۇنى پايدىسىز دەپ بىلىدۇ.......

ilim-pen

	يانفۇننى «ئويناش»دېگەن قانداق گەپ ؟   ئەمەت ئىسھاق........... "ئويناش"؟

15001506547

	zulpukar يوللىغان ۋاقتى  2015-1-11 01:10 AM بىرلا ئېغىز گەپ........   ھەرقانداق نەرسىنى  قانداق ئىشلىت ... توغرا دەيسىز ئەلى مۇئەللىم دىدىغۇ پالتا   ئەسلى قاتىللق قورالى ئەمەس لىكىن ئادەم چانىسا قاتىللىق قورالىغا ئايلىنىدۇ  دەپ بەزەن  نەرسلەنى قانداق ئىشلىتشىتە بۇ  تىمىمۇ بوپ  قاپتۇ

subat786

	بۇ تىيما ئىنتايىن ياخشى يېزىلىپتۇ. يانفۇننى ئۇيۇنچۇقلا قىلىۋالماي مۇنبەر كۈرۈپ كىتاپ ئۇقۇپ نەزەر دائىرىمىزنى تېخىمۇ كىڭەيىدىغان ئىشنى قىلايلى!

flood

	zulpukar يوللىغان ۋاقتى  2015-1-11 01:10 AM بىرلا ئېغىز گەپ........   ھەرقانداق نەرسىنى  قانداق ئىشلىت ... توغرا

flood

	لېكىنزە ئ‍ادەمنىڭ ۋاقتىنى ئ‍الامەت ئ‍ىسراپ قىلىۋاتىدۇ دىسە

ferux

	گەپ يانفوندا ئەمەس بەلكى ئۆزىمىزدە

mametemen

	قىسقىسى  بۇ  ئۆزىمىزدىكى  مەسىلە  ئاددىي قىپ ئېتقاندا  ماڭا تىلفۇن  بولمىسا  زادى  ساراڭ  بولماسمەن  ئەمما باشقىسىغا بىرنەرسە دىيىش  تەس. چۇنكى  مىنىڭ تۇرۋاتقان  ئورنۇم بىر قەدەر چەت  رايۇن بولغاچقا بۇ  ئەڭ ياخشى جاھان يىڭىلىقلىرىدىن خەۋەردار بولۇش قۇرالىم ۋە بىلىم  ئىېلىش قورالىم

agadar

	قانداق ئىشلىتىشكە باغلىق،   مەسىلەن   دەپ   كەلسەك   ئېغىزنىڭمۇ  يامان   تەرىپى   بار   بولمىسا