ئابدۇرېھىم زۇنۇن: ئۈزۈك نەپەسلەر

bulaksu2

	ئۈزۈك نەپەسلەر                      ئابدۇرېھىم زۇنۇن 1 ياخشى سەن، ھەر كۈنى باغ، ھويلاڭ ئاۋات، ئۆتىدۇ كۈنىڭ شاد، شۈمگەندەك ناۋات. ئەكسىچە، بېغىڭدا ئۇۋىلايدۇ ھۇقۇش، كويۇشۇڭ، خۇيۇڭغا باغلىق بۇ ھايات. 2 خوشۇم يوق غەيۋەتخور، قۇرۇق گەپ بىلەن، خوشۇم يوق ھۇرۇنلۇق، ھارام نەپ بىلەن. ئۆلگىدەك قورقىمەن بەدەلسىز ياشاپ ماڭالماي قېلىشتىن ئۇلۇغ سەپ بىلەن. 3   يۈرمەيمەن سەيلىلەر قىلىپ كېمىدە، يۈرمەيمەن ئاھ  ئۇرۇپ، قورساق غېمىدە. ئەيلەيمەن كۈنۇتۈن چوڭقۇر تەپەككۇر، دەپ : تېرىي يېرىمنى يامغۇر نېمىدە... 4 قىزىلگۈل كۆرىنەر  يانتاق، چاكاندا...، بىخ سۈرۈپ ئۆسكەچكە ئانا ماكاندا. مىڭ ياخشى يۇرتۇمنى كۆرۈپ ياتقىنىم، يۈرگىچە تىرىك چەت دېڭىز-ئوكياندا. 5 مەزگىلسىز كېلىدۇ تۇيغۇ كەلكۈنى، قۇلاققا دەھشەتلىك ئۇرۇلماس ئۈنى. گاھ كېلىپ-كېتىدۇ ئىلھام پەرىسى، پەيتنى تۇت، تۇرمايدۇ يوقلاپ ھەركۈنى. 6 دەيدۇ ئەل: «ئوغلۇم» كىم رايىغا باقسا، ئوتىدا تەڭ كۆيۈپ، سۈيىدە ئاقسا؛ بەختىگە تەڭ كۈلۈپ، جۇتىغا قارشى ئات سېلىپ جەڭاھقا چۈشسە، پەر قاقسا. 7 «تۇرمىغان مېھماننىڭ كەتكىنى ياخشى»، مەنزىلگە بۇرۇنراق يەتكىنى ياخشى. بولمىسا بۇ جانغا سالماستىن ئېكەك، ئېغىزنىڭ قۇلپىنى ئەتكىنى ياخشى.

flood

	شىئ‍ىرغا  بەك  ئ‍امراق مەن ،  ئ‍ىسىل شىئ‍ىركەن

qangkakkarwan

	بەك ياخشى يېزىڭسىز رەھمەت

qangkakkarwan

qangkakkarwan

	بەك ياخشى چىقىپتۇ

bulaksu2

	qangkakkarwan يوللىغان ۋاقتى  2015-1-10 04:20 PM        ماختغىنىڭىزغا رەھمەت!

bulaksu2

	مەزگىلسىز كېلىدۇ تۇيغۇ كەلكۈنى، قۇلاققا دەھشەتلىك ئۇرۇلماس ئۈنى. گاھ كېلىپ-كېتىدۇ ئىلھام پەرىسى، پەيتنى تۇت، تۇرمايدۇ يوقلاپ ھەركۈنى.

99sahrayi99

	bulaksu2 يوللىغان ۋاقتى  2015-1-11 12:01 AM مەزگىلسىز كېلىدۇ تۇيغۇ كەلكۈنى،قۇلاققا دەھشەتلىك ئ ... راست دەيلا!.. بىرى بىرىدىن ئېسىل چىققان شېئىرلاركەن!..

korlaayxamsadir

	پاھ،پاھ، ئابدۇرېھىم ئۇستاز  ھەقىقەتەنمۇ ئۇستا شائىردە! سىزنىڭ  يوللىغان شېئىرىڭىزنى  نەچچە ياندۇر ئوقۇيمەن.قۇلىڭىز بەركەتلىك بولسۇن! ئەسەرلىرىڭىزنىڭ مۇۋاپىقىيەتكە ئىرىشىگە تىلەكداشلىق بىلىدۈرىمەن. ھارمىغايسىز.ئامان بۇلۇڭ!

abdukiram0998

	رەھمەت ئۇستاز شىئىرغا تەشنا بۇ قەلبىم بۇ شىئىرىڭىزدىن ئوزۇق تاپتى.