قەشقەر شەھەرلىك 1-ئوتتۇرا مەكتەپتە مىننەتدارلىق تەربىيىسى

aljani

	بىز ئاۋۋال قەشقەر شەھەرلىك 1-ئوتتۇرا مەكتەپتە ئوقۇغان جەمىيەتتەنىڭ ھەر قايسى ساھالىرىدە ئۆزىنىڭ ھالال ئەمگىكى بىلەن ياشاۋاتقان بارلىق ئوقۇغۇچىلارغا، ئاتىلىرىمىزغا، ئانىلىرىمىزغا ھۆرمەت بىلدۈرىمىز.       ئەزىزانە قەشقەرنىڭ ياقۇت كۆزى، تالاي شىر يۈرەك ئەزىمەتلەرنى، پەرىشتىدەك خانىم-قىزلارنى جەمىيەتكە تەربىيلىگەن بەرگەن پەن-مەرىپەت ئوچىقى قەشقەر شەھەرلىك 1- ئوتتۇرا مەكتەپتە 2014-يىلى 10-ئاينىڭ 31- كۈنى مىننەتدارلىق پائالىيىتى ئۆتكۈزۈلگەن.      بۇ پائالىيەتكە ئوقۇتقۇچى-ئوقۇغۇچى، ئاتا-ئانىلار بولۇپ 6000 دىن ئارتۇق ئادەم قاتناشقان بولۇپ، بۇ پائالىيەتنىڭ ئەنئەنىۋى تەربىيەچانلىقى،  تەسىرلەندۈرۈش كۈچى ۋە ئۈنۈمى ناھايىتى كۈچلۈك بولۇپ، ئوقۇغۇچىلارغىلا ئەمەس ئاتا-ئانىلارغىمۇ ناھايىتى ياخشى بىر قېتىملىق  ئۈنۈملۈك تەربىيە بولغان. بۇ بىر قېتىملىق پائالىيەت قەشقەر شەھىرىدە مىسلى كۆرۈلمىگەن پائالىيەت بولۇپ، جەمىيەتتە ناھايىتى كۈچلۈك تەسىر قوزغاپ، قەشقەر شەھەرلىك 1- ئوتتۇرا مەكتەپنىڭ شۆھرىتىنى شۇنداقلا، ئۇيغۇر مىللىي مائارىپىنىڭ ئەھمىيىتى كەڭ ئۇيغۇرلارغا يەنە بىر قېتىم تونۇتتى ۋە ئاتا-ئانىلارنى بىر قېتىم ئويغىنىش ۋە ئىدىيە يېڭىلاش پۇرسىتىنى ئاتا قىلدى.       پائالىيەتنىڭ تەشكىللگۈچىسى قەشقەر شەھەرلىك 1- ئوتتۇرا مەكتەپنىڭ بىرگە ماھىر، كۆپكە قادىر قابىل ئوقۇتقۇچىسى گۈلجاھان غولام قارىقاشتىكى مىننەتدارلىق پائالىيتىدىن ئىلھام ئېلىپ، ئۇزۇن مەزگىل تەييارلىق قىلىپ، ئاخىرى بۇ پائالىيەتنى روياپقا چىقاردى. بۇ جەرياندا قەشقەر شەھەرىنىڭ مۇئاۋىن شەھەر باشلىقى بىلىقىز ئىمىنھاجى، خوتەن ۋىلايەتلىك مىللەتلەر دىن ئىشلىرى كومتىتىدىن گۈلباھار  ئەھمەدلەر پائالىيەت مەزمۇنىغا دائىر كۆپ ياردەملەرنى قىلدى.       ئۇنىڭدىن باشقا قەشقەر شەھەرلىك مائارىپ ئىدارىسىنىڭ مۇئاۋىن باشلىقى قەيسەر ئابلىز، قەششقەر شەھەرلىك ئىشچىلار ئۇيۇشمىسىدىن مىنەۋەر ئابدۇللا، ئىتتىپاق كومىتىتىدىن روشەنگۇل تاھىر تاھىر قەشقەر شەھەرلىك 1- ئوتتۇرا مەكتەپ مۇدىرى ئەنۋەر ئەركىن، مۇئاۋىن مەكتەپ مۇدىرى دىلنۇر سەيدۇللا،  مەكتەپ پىسخىكا ئوقۇتقۇچىسى گۈلجەمىلەم، تولۇق ئوتتۇرا تىل-ئەدەبىيات ئوقۇتۇش گۇرۇپپىسىدىن غېنىزات كامىل مۇئەللىملەر يېقىندىن قوللاشتا بولدى ۋە ياردەم قىلدى.        مىكرو فىلىم سالونىمىز نامىدىن بۇ پائالىيەتنى تورغا يوللاپ، تارقىتىش ئۈچۈن تەمىنلەپ بەرگەن قەشقەر شەھەرلىك 1- ئوتتۇرا مەكتەپ تولۇق ئوتتۇرا تىل-ئەدەبىيات ئوقۇتۇش گۇرۇپپىسىدىن غېنىزات كامىل مۇئەللىمگە رەھمەت ئېيتىمىز. 1- قىسمى http://v.qq.com/page/j/g/8/j0144gulvg8.html 2- قىسمى http://v.qq.com/page/z/h/7/z0144hfdah7.html 3-قىسمى http://v.qq.com/page/u/1/j/u01444qfv1j.html 4-قىسمى http://v.qq.com/page/h/g/o/h0144q4gcgo.html

UYGRAF

	ئاپىرىن! ئانا مەكتىپىمگە ۋە ئۇستازلىرىمغا تەشەككۈرلەر بولسۇن.

كاشكارى

	مىنىڭ ئانا مەكتىۋىممۇ دەل شۇ 1.ئوتتۇرا مەكتەپ،ئانا مەكتىۋىمنى ئەسلەيمەن.

nurjahan0997

	مانا بۇ ھەقىقى لىكسىيە...كۆزلەردىن چىققان ياشلارمۇ ھەم يالغان ئەمەس........

كاشكارى

	nurjahan0997 يوللىغان ۋاقتى  2015-1-9 12:39 PM مانا بۇ ھەقىقى لىكسىيە...كۆزلەردىن چىققان ياشلارمۇ ھەم  ... بەلكىم...

xajarim

	ئەجدادلارنى چۈشۈرمەيمۇ   لىكسيە سۆزلىگىلى بولدىكەن ھە   !

م.زۇنۇن

	بەكمۇ تەسىرلىك ئىش بوپتۇ

كاشكارى

	مەن بۇ لىكسىيەدىن بىر ‹‹نۇر››نى كۆرگەندەك بولدۇم،بۇ ھىچقانداق مەكتەپ لىكسىيەسىگە ئوخشىمايدىكەن.بۇرۇن يىغىن ئاچسا بەك تويۇپ كىتەتتىم.

Azizan

	ساڭا مەدھىيەلەر ياغقانلىقىدىن خۇرسەن بولدۇم . لېكسىيەڭ ھەقىقەتەن ياخشى چىقىپتۇ . ئاخشام ئۈندىداردا تەسىرلىنىپ كۆرۈپ كەتتىم . بۇندىن كېيىن تېخىمۇ تىرىشقىن . ئەۋلادلارنىڭ ياخشى يېتىشىپ چىقىپ ، سوتسىئالىستىك زامانىۋىي ئىناق جەمئىيەت قۇرۇپ چىقىشقا ، جۈملىدىن ئۇيغۇر دېگەن مىللەتنىڭ نامىغا داغ تەگكۈزمەيدىغان ، تۈرمىگە كىرىپ قالمايدىغان ، ياخشى كىشىلەردىن بولۇشىغا ئۈمىدۋارمەن . سۈف~

UYGUR==DOLAN

	قىززىق ئىش - بۇلتۇر مەن خوتەندە ئېلىپ بېرىلغان لىكسىيەنىڭ  MP3نۇسخىسىنى  ئاڭلاپ بەك تەسىر قىلىپ كەتىمۇ ،بىلمىدىم . يىغلاپ  ئولتاسام ،  ئايالىم  كۈرۈپ قېلىپ  راسا مازاق  قىلمامدۇ   ، ئاچچىقىمدا ، تازا تىللاي دەپراق ، توختاپ تۇرە -دەپ ئاڭلاپ بېقىڭ  دەپ  قۇيۇپ بىرىپ  چىقىپ كىتىپ بىدەم تۇرۇپ كىرسەم ، ئاللا بۇرۇن ، شورپىلىرى ئىقىپ كىتىپتۇ …