[مۇھاكىمە] فىزىكا ، ماتېماتىكا ئالىملىرىمىزغا مۇراجىئەت (1)
كەمىنە ئەلپەنچى 2013-يىلى داۋالىنىش مەزگىلىدە ، قاسىم سىدىق مۇئەللىمنىڭ يېقىندىن قوللىشى ، تاشپولات روزى دوكتور ئاكىمىزنىڭ دەسلەپكى ئارگىنالىنى قىممەتلىك ۋاقتىنى ئاجرىتىپ كۆرۈپ بېرىشى ۋە كوپ قېتىم تېلېفون ئۇرۇپ ، خەت يېزىپ مەدەت بېرىشى ، شىنجاڭ ئۇنىۋېرسىتېتى فىزىكا پاكولتىتىدىكى دوكتور مەمەت رىشات مۇئەللىم ، بۇرھان مۇئەللىم ۋە نۇر ئىلى قاتارلىق ئۇستاز ، ئاسپىرانتلارنىڭ مۇشۇ ماقالىنىڭ دەسلەپكى ئارگىنالىغا ياكى پىششىقلاپ ئىشلەش جەريانى ۋە ياكى باشقا ماقالىلەرنى يېزىش جەريانىدا قىممەتلىك پىكىرلەرنى بېرىشى ، بىلىمخۇمار دوكتور ، ئۇستاز يازغۇچى مەمتىمىن ھوشۇر ، بىلگەجان دوكتور ، بىلىگ ئەپەندى ، بىلگەيار ئەپەندى ، قۇمباغ ئەپەندى ، تېۋىلغا ئەپەندى ، ئابدۇرۇسۇل راخمان ئەپەندى ... قاتارلىق ئۇستاز، ئاكىلار ۋە بارلىق تورداشلارنىڭ ئىلھاملىرى بىلەن ئىككى پارچە ماقالە يازغان ئىدىم.
شۇ ۋاقىتتا يازغان << مۇقىم ئوقتا ئىنېرتسىيەلىك ئايلىنىۋاتقان ماددىي نۇقتا سىستېمىسىنىڭ ئىنېرتسىيەلىك تۈز سىزىقلىق ھەرىكەت جەريانىدىكى ئالاقىدار سىمىتىرىكلىكنىڭ نىسپىيلىك نەزەرىيەسى خاراكتېرلىك بۇزۇلۇشى توغرىسىدا يۈزەكى مۇھاكىمە >> （ۋە ئۇنىڭ ئەڭ دەسلەپكى نۇسخسى） دېگەن تىمىدىكى بىر پارچە ماقالىنى ماڭا ياردەم بەرگەن ، بۇ (ۋە ياكى باشقا ) ماقالىنى كۆرۈپ ، قىممەتلىك تەكلىپ-پىكىر ، مەدەت بەرگەن تاشپولات روزى دوكتور، مەمەت رىشات دوكتور قاتارلىق ئۇستازلار ۋە بارلىق تورداشلارغا، 1996 -يىلى شىنجاڭ ئۇنىۋېرسىتېتى بىيولوگىيە فاكۇلتېتىدا ئوقۇۋاتقان مەزگىلىمدە يازغان << يەر شارىنىڭ سۇ- مۇز دەۋرىنى باشتىن كەچۈرۈشنىڭ سىرى توغرىسىدىكى دەسلەپكى ئويلىنىش >> دېگەن تىمىدىكى ماقالەمنى كۆرۈپ بېرىپ ، ماڭا ئۆزى يازغان << نىسپىيلىك نەزەرىيەسى ۋە كوسمولۆگىيە ئاساسلىرى >> دېگەن كىتابىنى سوۋغا قىلىپ ، مېنى نىسپىيلىك نەزەرىيەسى يولىغا باشلاپ كىرگەن مەرھۇم ئۇستاز غاپپار غېنى (ياتقان يىرى جەننەتتە بولغاي) مۇئەللىمنىڭ روھىغا ، جۈملىدىن مېنى بېقىپ ئۆستۈرگەن ئاتامغا ، مەرھۇم ئانام (ياتقان يىرى جەننەتتە بولغاي) نىڭ روھىغا ، مېنى قوللاپ كېلىۋاتقان مەمەتجان قاتارلىق قېرىنداشلىرىم ۋە ئايالىمغا شۇنداقلا بارلىق قېرىنداش - تورداشلارغا سەمىمىي تەشەككۈر ئېيتىپ ، بىر قىسىم ئامىللارنى نەزەرگە ئېلىپ ھازىر ئېلان قىلىمەن .
تاشپولات دوكتور ۋە مەمەت رىشات دوكتور ، بۇرھان مۇئەللىملەردىن ئۇلارنىڭ تەلىپى بۇيىچە ماقالىنى ئۆزگەرتەلمىگەنلىكىم ۋە قىسقارتالمىغانلىقىم ئۇچۇن كەچۈرۈم سورايمەن .
خەنزۇچە ۋە ماتېماتىماتىكىلىق (ئالى مەكتەپتە بىئومىتىرىيەدىن باشقا ماتېماتىكىغا بىۋاسىتە مۇناسىۋەتلىك پەن ئوقۇمىغان ، خەنزۇ تىلىدىمۇ بەك ئاجىز ئىدىم ) ئىپادىلەش سەۋىيەرىمنىڭ تۆۋەنلىكى ،خەنزۇ تىلى ، ماتېماتىكا ، فىزىكىنى ئۆزلۈكۈمدىن ئىشتىن سىرت ئۆگەنگەنلىك ، ماتېرىياللارنىڭ تولىمۇ كەمچىللىك ۋە ئۇستازلارنىڭ قۇلىدا سىستېمىلىق تەربىيلەنمىگەنلىك .... قاتارلىق ئوبيېكتىپ ، سۇبيېكتىپ سەۋەبلەر تۈپەيلىدىن ئىپادىلەش ، تەپەككۇر يولى ، ماتېماتىكىلىق كەلتۈرۈپ چىقىرىش ۋە يېزىش ئۇسلۇبىدا نۇقسانلارنىڭ بولۇشى تەبىئىي ، ئۇستازلار ۋە تورداشلارنىڭ كۆرسىتىپ بېرىدىغانلىقىغا ئىشىنىمەن.
ئەسلى بۇ ماقالىنى ئىلمى ژۇرناللارغا ئەۋەتكەن بولسام توغرا بۇلاتتى ، بىراق ، مەندىكى كەسىپ ئىگىسى بولماسلىق، ئىقتىسادى ئەھۋال ( بىر قىسىملار بىلەن ئالاقىلەشكەن ،ھەجىمى چوڭ ئىكەن ، بىر نەچچە سانغا بولۇپ ئېلان قېلىشقا توغرا كېلىدۇ ، شۇڭا ، ھەربىر تاۋاققا ئۈچ مىڭ يۈەندىن ھېسابلىساقمۇ يۈز مىڭ يۈەن ئۆپچۆرىسىدە پۇل كېتىدۇ دېگەن جاۋابنى ئالدىم ) ...ئەڭ مۇھىمى ماقالە سەۋىيەسىنىڭ تۆۋەنلىكى قاتارلىق ئىشلار ۋەجىدىن مەزكۇر ماقالە نەشرىيات يۈزى كۆرۈش پۇرسىتىگە ئېرىشەلمىدى .
بارلىق ئۇستازلارنىڭ بولۇپمۇ فىزىكا ، ماتېماتىكا ئالىملىرىمىزنىڭ بۇ ماقالىنىڭ تەپەككۇر يولى ، ماتېماتىكىلىق كەلتۈرۈپ چىقىرىشلار ۋە ساقلانغان مەسىلىلەر توغرىسىدا قىممەتلىك پىكىر بېرىشىنى ، مۇمكىن بولسا بۇنىڭدىن كىيىنكى ئىزدىنىشلىرىم (ئاساسلىق قىزىقىدىغان ساھەلەر : بوشلۇق ئەگرىلىكى شارائىتىدىكى كۈچلەرنىڭ تەسىر قىلىش مىخاينىزىمى (كۈچلەرنى بىرلىككە كەلتۈرۈش ) ، نىسپىيلىك نەزەرىيەسى (ئاساسلىقى <<غەيرى نۇقتا >> ، ماكسىمۇم زىچلىق قاتارلىقلارغا چېتىلىدۇ) ، يۇقىرى ئېنېرگىيە فىزىكىسى (ئالەملىك تارتىش كۈچىنىڭ زەررىچە ئولچىمىدىكى تەسىرى بىلەن مۇناسىۋەتلىك) ، تىرمۇكوسمۇلۇگىيە ، يەرشارى فىزىكىسى (يەرشارى پوستى تىمىپىراتورىسىنىڭ دەۋرىيلىكىنىڭ كېلىپ چىقىش مىخاينىزىمى بىلەن مۇناسىۋەتلىك) ) غا يېتەكچىلىك قىلىپ قويۇشىنى ئالى ئېھتىرام ، سەمىمىي نىيەت بىلەن مۇراجىئەت قىلىمەن.
خەنزۇچە يېزىلغان ماقالىنى ئۇيغۇرچە تورغا بەرگەنلىكىم ئۇچۇن كۆپچىلىكنىڭ كەچۇرۇشىنى ئۆتۈنىمەن.
تور بېكەتلىرىمىزنىڭ مەزكۇر ماقالىگە ئۇرۇن بەرگەنلىكىگە تەشەككۈر .
كۆپچىلىككە رەھمەت !
بارلىق ئۇستازلارغا ۋە كۆپچىلىككە يۈكسەك ھۆرمەت بىلەن: مۇھاكىمە
2015.1.6
يوللىغان ۋاقتى 2015-1-7 10:35:04 PM
