ئۆي باھاسى داۋاملىق چۈشدىكەن

Erqal-Media

	ئۆي باھاسى داۋاملىق چۈشدىكەن ئەرقال تاراتقۇسى تەرجىمە قىلدى 2014-يىلى، سېتىۋېلىشنى چەكلەش سىياسىتى، قەرز بېرىشنى چەكلەش سىياسىتى قاتارلىق كۆپ تۈرلۈك سىياسەتلەر تەسىرىدە، ئۆي-مۈلۈك بازىرى كاساتلىشىپ كەتتى. كېيىنكى يېرىم يىلدا يەرلىك ھۆكۈمەت تەڭشەش ۋاسىتىسى ئارقىلىق تەدرىجىي چېكىنىپ چىقىپ كەتتى، مەركىزى بانكا كىرېدىتنى داۋاملىق تەڭشەۋاتقان بولۇپ، بىر قىسىم شەھەرلەردىكى پۈتۈشۈش سوممىسى جانلىنىشقا باشلىغان. ئۆي باھاسى داۋاملىق چۈشدىكەن ئىگىلىنىشىچە، نۆۋەتتە بىرىنچى، ئىككىنچى، ئۈچىنچى، تۆتىنچى قاتاردىكى شەھەرلەرنىڭ بۆلۈنۈشى كۆرۈنەرلىك بولۇپ، بۇنىڭ ئىچىدە، شاڭخەي، بېيجىڭ ئايرىم-ئايرىم ھالدا %2.46 ۋە %1.83 ئۆسكەن، لېكىن گۇاڭجۇدىكى بازارنىڭ تەمىنلىشى ئېھتىياجدىن يۇقىرى بولۇپ، بوش ئۆيلەرنىڭ كۆلىمى بارغانسېرى ئېشىپ 10 مىليون كىۋادرات مېتىردىن ئاشقان، ئىستېمال قىلىپ بولۇش مۇددىتى 15 ئايدىن ئېشىپ كەتكەن. 2014-يىلىنىڭ ئاخىرىغىچە، گۇاڭجۇدىكى ئۆي باھاسى جەمئىي %4.53 چۈشۈپ، 100 شەھەرنىڭ ئومۇميۈزلۈك چۈشۈش نىسبىتىدىن ئېشىپ كەتكەن. بۇنىڭدىن باشقا، باۋجى (宝鸡) قاتارلىق بىر قىسىم ئۈچىنچى، تۆتىنچى قاتاردىكى شەھەرلەرنىڭ ئۆي باھاسى %20 كە يېقىن چۈشكەن. يېقىندا، كۆپلىگەن ئورگانلار 2015-يىلى ئۆي-مۈلۈك بازىرىنىڭ داۋاملىق تەڭشىلىدىغانلىقىنى، بۇنىڭدا بوش ئۆيلەرنى سېتىپ تۈگىتىشنى ئاساس قىلىدىغانلىقىنى بىلدۈرگەن. كۆپ قىسىم ئۈچىنچى، تۆتىنچى قاتاردىكى شەھەرلەرنىڭ بازار ئېھتىياجى ئاللىبۇرۇن تويۇنغانلىقتىن، بەلگىلىك ۋاقىت ئىچىدە ئېشىپ قالغان ئۆيلەرنىڭ كۆپ بولۇش بېسىمى يۇقىرى بولغاچقا، ئۆي باھاسى داۋاملىق چۈشۈشى مۇمكىن. مەنبە: تېڭشۈن تورى تېخىمۇ سەرخىل خەۋەرلەر ئەرقال تاراتقۇسىدا: www.erqal.com

mehriya

	نەچچە يىلدىن بۇيان ئۆينىڭ باھاسىنىڭ يۇقۇرلىقىدا ياشلارغا بەك بېسىم ئېلىپ كەلگەن . ئەمدى ياخشى بولدى ، سەل چۈشتى ئۆينىڭ باھاسى . ھازىرقى سىياسەتمۇ ياخشى ، ئىككى ياكى ئۇنىڭدىن ئارتۇق ئويىڭىز بولسا باجنىمۇ ئوبدانلا تۆلەپ قۇيۇسىز . بىرلىرى ئۆي ئالالماي باش تاتلىسا ، بىرلىرى ئۆيىنىڭ جىقلىغىدىن باش تاتلاۋاتقان . ھەجەپ جاھان دېسە بۇ !

pariay

	بەك ياخشى بوپتۇ ، ئۆي باھاسىنىڭ يىلدىن يىلغا ئۆرلەپ كىتىشى نۇرغۇن ئاتا - ئانىلارنىڭ باش ئاغرىقى بۇلۇپ  كەلگەن ئىدى ،  ئۆي ئالالماي توي قىلالمىغان ياشلارغا ئەمدى پۇرسەت كەپتۇ دىسە

gadankax010

	قارىغاندا ‹‹بىر قىسىم كېشىلەرنى ئالدىن بىيىتىش›› سىياسىتى ئەمەلىيلىشىپ بوپتۇ - دە.

azrat705

	بىزنىڭ دىيارىمىزدا ھەر ھالدا سەل ياخشىراق ، بېيجىڭ شاڭخەي خاڭخۇ قاتارلىق شەھەرلەردە ئۆينىڭ ھەر كۇۋادىرات مېتىرىنىڭ باھاسى كەم بولغاندا 20 مىڭ ، 50 كۇۋادىرات مېتىرلىق بىر ئېغىز ئۆي ئېلىش ئۈچۈن بىر مىليون بولمىسا ئالغىلى بولمايدۇ دېگەن گەپ ، چۈشسىمۇ چۈشسۇن زادى ، بىزلەرمۇ چوڭ بۇلۋاتىمىز ، ئۆي لازىم بولىدۇ، بەك قىينالمايلا ئۆي ئېلىۋالايلى

سەدەف

	ئۈرۈمچىدە ئۆي باھاسى بەك چۈشمەسمىكىن.بۇ ئىچكىرىدىكى سېتىلماي ئەخلەتخانىغا ئايلىنىپ كەتكەن قەۋەتلىك بىنالارنى قۇتقۇزۇش ئامالىمىكىن؟

ruhsanam

	لىكىن ئۆيلەرنى قىممەت باھادا سېتىۋالغان ئۆيلەرنى ئەرزان باھادا سېتىۋاتسا ئۇلارغا بەكلا زېيان بولغۇدەك ھەي ،،،،،،

izqel

	2000- يىللاردا پۇلى بارلار ئۆينى ئالە ئال،ئالە ئال بولۇشۇپ ئەمدى 80-90-يىللاردا تۇغۇلغان ياشلارمۇ ئۆي ئىلىپ بولغاندا  نەچچە يىرىدە ئۈيى بار كىشىلەر يا ئەرزىنىغا ساتالماي ئىجارە بىرىپ بىقىپ تاشلىنىپ تۇرۋاتقان ئۆيمۇ ئاز ئەمەس. ئىشقىلىپ ھازىر ئادەمدىن ئۆي جىقمىكىن دەيمەن.

OKYA116

	ئەمدى بۇ ئىشلارمۇ ياخشىلانغىدۇك ، مەنمۇ ئۆيلەنسەم ئۆي ئالسام بولاتتى ۋاقتى كەلگەن ئوخشايدۇ. ئۆينىڭ باھاسىنى سىياسەت بەلگىلەپ چۇشۇردىكەن مۇشۇ توۇلۇقنىڭ زىيادا يۇقىرى بولىشىنى قانداق قىلىپ تەڭشە ھە ! ! !

م.زۇنۇن

	ياخشى ئىش بوپتۇ  ،  يەنىمۇ بەك چۈشسىكەن