يۈرۈكۈمنى بىرىمەن ئانا

toltap

	يۈرىكىمنى بىرىمەن ئانا                      مۇھەممەد ئەمىن ئابدۇلئەزىز خوش بالام! دېگەن ئانام. دىماغىمدىن ھىدى كەتمەستە. يىغلاپ قالغان مېنىڭ ئارقامدىن، مەنزىلىمگە تېخى يەتمەستە. لېكىن مەن ئانچە ئىرەن قىلماپتىكەنمەن، جاھان كۆرەي دەپ، راھەت سۈرەي دەپ، شۇ يىراققا تەلپۈنگەن ئوتنى يۈرىكىمدىن ئىلغاپتىكەنمەن. خىياللىرىم باشقا ياقلاردا، يۈرگىنىمدە مۇساپىر بولۇپ. تىلەپ ئانام ئامانلىقىمنى، ئولتۇراركەن فاتىھە ئوقۇپ. دەرھەقىقەت، راست ئىكەن، ئانىنىڭ كۆڭلى بالىدا ئىكەن، بالىنىڭ كۆڭلى دالىدا ئىكەن. ئانا كۆيەركەن بالىسىغا، بالا كۆيەركەن باشقىسىغا. ئويناپتىمەن، يايراپتىمەن، بۇلبۇل بولۇپ سايراپتىمەن. بىراق ئانام قولىدىكى تەسۋىرلىرىدىن ئۆتكۈزەركەن مېنىڭ ئىسمىمنى. تاقەت قىلىپ ئارمانلىرىغا، سېغىناركەن روھ ۋە جىسمىنى. ئاھ ئانا! تۇزكور بوپتىمەن. تاشلاپ قويۇپ سېنى يىگانە، ئاشۇ مىسكىن غېرىب كەپىدە. شادلىق ئىزدەپ يۈرۈپتىمەنغۇ ھوي! ۋاقىت ئىسراپ قىلىپ بىھۇدە. ئەمدى بىلسەم دۇنيادىكى ئەڭ زور شادلىقىم ئانام ئىكەن، ئانام، ئەسلىدە. جېنىم ئانا! كەچۈرەرسەنمۇ؟ ھالا ئەمدى بارسام ئالدىڭغا. كەل بالام دەپ پەپىلەپ مېنى، باسارسەنمۇ ئىللىق باغرىڭغا؟... ●●●     ●●●     ●●● ماڭا بۇنداق قارىما ئانا، كۆزلىرىڭگە قارىيالمىدىم. ھاپاش قىلىپ سېنى مەككىگە، ھەج قىلغىلى ئاپىرالمىدىم. خەيرىيەت! ئەجرىڭگە جاۋاب قىلالمىساممۇ، سېنى رازى قىلىمەن ئانا، يۈرىكىڭنى بېرەلمىسەممۇ، يۈرىكىمنى بېرىمەن ئانا.          2012 - يىل 8 - نويابىر، تەيجوۋ خوتەن ۋىلايەتلىك تەجرىبە ئوتتۇرا مەكتەپ تولۇق 3-يىللىق 6-سىنىپ ئوقۇغۇچىسى

barnakiz886

	ھىسىياتنى ياخشى ئىپادىلەپسىز،ئاتا-ئانىلارشۇنداق سېخى كىلىدىكەن،بىزلەرنى يىمەي يىگۈزۈپ ،كەيمەي كىيگۈزۈپ ئوقۇتىدىكەن،يەنە تېخى ساۋاقداشلىرى ئالدىدا بويۇن قىسىپ قالمىسۇن دەپ بار ئاماللار بىلەن تاپقان تەرگىنىنى بىزگە ئەۋەرتىدىكەن....لىكىن مۇشۇ قەرىزلەرنى قايتۇرالايدىغان ،ھېچ بولمىسا ئۇلارنىڭ جاپاسىنى ھىس قىلالايدىغان،ئۇلارغا ھىسداشلىق قىلالايدىغان پەرزەنىتتىن قانچىلىك باردۇر؟؟؟

kok-sultan

	ئانىلارغا قىلىنغان ھۆرمەت ئەڭ كاتتا ھۆرمەتتۇر.

ۆمۈتۋار

	ياختۇردۇم ،، ئاتا ئانا لىرىمىز بىزگە ھەقىقى كۆيۈندىغان كىشلارىمىز

eskandar⢸

	ياخشى يىزىپسىز ،توغرا ئاتا -ئانلىرمىز  بىزگە ھەققيى كۆيۈندۇ

سەدەف

	ئوتتۇرا مەكتەپ ئوقۇغۇچىسىنىڭ شېئىرى يۈرەككە تەككۈدەك يېزىلىپتۇ. پىشىپ-يېتىلگەنسېرى شېئىر ئىجادىيىتىدە ئالدىغا ئۆتۈشىدە ئۈمىد بار ئىكەن. ئانىلار ھەقىقەتەن ئۇلۇغ.شۇڭا ۋەتەنگە سىمۋۇل قىلىنىدۇ.

سەدەف

	شۇنىمۇ ئۇنۇتماسلىقىمىز كېرەككى،ئاتىلار دۇنيانى بىنا قىلغۇچىلاردۇر. ئۇلار زۆرۈر تېپىلغاندا،ئارغىماقلىرىغا مىنىپ،قامچىسىدىن قارس چىقىرىپ،ئوقيالىرىنى،مىلتىقلىرىنى قەھرى-غەزەپتە  ئېتىپ،ئەشۇ جاپاكەش ئانىلارنى،ئەشۇ ئۇلۇغ  ۋەتەن ئانىنى قوغدىغان ئىدى.

99sahrayi99

	ياخشى يېزىپسىز!.. قوللىرىڭىز بەركەتلىك بولسۇن!.. نادىر تىمىللىرىڭىزنىڭ رۇياپقا چىقىشىغا تىلەكداشمەن!..

mehriya

	مۇشۇنداقلا تېرىشسىڭىز ياخشى شائىر بۇلۇپ كەتكىدەكسىز . شۇڭا بەل قۇيۇۋەتمەڭ .

toltap

	mehriya يوللىغان ۋاقتى  2015-1-7 11:47 AM مۇشۇنداقلا تېرىشسىڭىز ياخشى شائىر بۇلۇپ كەتكىدەكسىز .  ... رەھمەت ، چوقۇم تىرىشىمەن !