ئەرقال كارخانىچىلار كۇلۇبى خوتەندە

Erqal-Media

	ئەرقال كارخانىچىلار كۇلۇبىنىڭ 2015-يىللىق تۇنجى مەيدان كارخانىچىلار لېكسىيەسى خوتەندە ئۆتكۈزۈلىدۇ! خوتەندىكى كارخانىچىلار، سودىگەر-تىجارەتچىلار ۋە خوتەندىكى ئىگىلىك تىكلەش يولىدا ئىزدىنىۋاتقان بارلىق قېرىنداشلارنىڭ ئېھتىياجىنى كۆزدە تۇتۇپ، 2015-يىلى 1-ئايدا «ئەرقال كارخانىچىلار كۇلۇبى» خوتەن تارمىقى دەرس باشلايدۇ. شۇ مۇناسىۋەت بىلەن خوتەندە بىر مەيدان لېكىسيە ئورۇنلاشتۇردۇق. تەپسىلاتى تۆۋەندىكىچە: لېكسىيە ۋاقتى: 2015-يىلى 1-ئاينىڭ 2-كۈنى جۈمە  ئۈرۈمچى ۋاقتى كەچ سائەت 6:00 دە باشلىنىدۇ. لېكسىيە ئورنى: خوتەن شەھىرى مىرەن (كىرورەن) سانائەت بازىسى تەربىيەلەش مەركىزى (جېجياڭ سانائەت رايونى خاڭجۇ يولى 56-نومۇر) لېكسىيە كۈنتەرتىپى: 07:30-06:00    1-لېكسىيە — ماكرولۇق ئىقتىسادنىڭ كەلگۈسى ئۈچ يىللىق يۈزلىنىشى ۋە كارخانىلارنىڭ تەدبىرلىرى 09:00-07:30    2-لېكسىيە — داڭلىق ماركا ئىستراتېگىيەسى لېكسىيە سۆزلىگۈچىلەر: قۇدرەت ياقۇپ ئەرقال كاپىتالىنىڭ بىرلەشمە قۇرغۇچىسى ۋە لىدېرى يابۇلى جۇڭگو كارخانىچىلار مۇنبىرىنىڭ ئەزاسى ئاپتونوم رايونلۇق مىللىي سودا ئۇيۇشمىسىنىڭ دائىمىي مۇئاۋىن رەئىسى ۋال كوچىسىدىكى مەبلەغ سېلىش ئورگىنىدا خىزمەت قىلغان قوشۇن تەشكىللەپ كىرىمنىي جىلغىسىدا ئىگىلىك تىكلىگەن خارۋارد ئۇنىۋېرسىتېتى ئىقتىساد فاكۇلتېتىنى پۈتتۈرگەن تۇرسۇن ئەلى ئەرقال كاپىتالىنىڭ بىرلەشمە قۇرغۇچىسى ۋە مۇئاۋىن لىدېرى شىنجاڭ مالىيە-ئىقتىساد ئۇنىۋېرسىتېتى كارخانا ئىستراتېگىيە كافېدىراسىنىڭ مۇئاۋىن مۇدىرى گېرمانىيە مىيۇنخېن ئۇنىۋېرسىتېتىدا بىلىم ئاشۇرغان شىنجاڭ ئارمان گۇرۇھى، جېجياڭ تيەنرۈن گۇرۇھى قاتارلىق كارخانىلارنىڭ ئىستراتېگىيە مەسلىھەتچىسى بولغان شىنجاڭ  ئۇيغۇر ئاپتونوم  رايونلۇق  ياشلار بىرلەشمىسىنىڭ  دائىمىي  ھەيئەت  ئەزاسى بېلەت باھاسى: 300 يۈەن قاتناشقۇچىلار: 300 نەپەر بىلەن چەكلىنىدۇ بېلەت سېتىش ئورنى: خوتەن شەھىرى 315-دۆلەت يولى 115-نومۇر ئانا تۇپراق تەبىئىي قاشتېشى مەركىزى (2-نومۇرلۇق گاز قاچىلاش پونكىتى ئۇدۇلىدا)   ئۈرۈمچى شەھىرى ئەرقال كۈتۈۋېلىش ئورنى (تاشقى سودا ئالىي مېھمانسارىيى 4-قەۋەت) تېلېفون نومۇرى: 2887000-0991      15099083154

anatil888

	ئەستاغفىرۇللا،،خوتەندە بولغان بولسام،قاتنىشاركەنمەن ھە؟300يۈئەن سەل قىممەتمۇ قانداق؟يا بىر لىكسىيەنىڭ سىن كۆرۈنىشىنى بىرەر قېتىم بولسىمۇ ئاشكارلىمىدى؟ئاۋۋال بىر كۆرۈپ بېقىپ ئاندىن قانچىلىك سەۋىيەدە سۆزلەيدۇ بىلىپ بېقىپراق بارمامدۇق دەيمەن؟ ماندا مەكتەپنى پۈتتۈرگەن،مانداق ئۇنۋان ئالغان دىگەن بىلەن قۇرسۇقىدىكى ئۇمىچىنى بىلگىلى بولمىسا يە؟

ئاپتاپ

	ئۈنۈمىي بولارمۇ لىكسىيەنىڭ ؟ بولۇپمۇ ھازىرقىي ئىقتىسادى كىرزىس ۋاقتىدا ...

izqel

	300x300=90.000 ئۈنىمى بولمىسا تارماقلاشتۇرماستى دەيمەن.ھەمدە بۇ ساھەگە قىزىقىۋاتقانلار كۆپكەن.

xxxYxxx

	ئولتۇرۇپ ئاڭلىغاندا ئۈنىمى ئاز تولا بولىدىكەن ، ئورنىڭىزدىن قوپسىڭىز چۈشۈپ قالىدىكەن لىكسىيە دىگەننىڭ ئۈنىمى مۇزتاغ مىھمانخانىسىدا 150 يۇەندىن 300 يۇەندىن  ئىككى قېتىم لىكسىيە ئاڭلاپ ھاياجانلىنىپ بېسىمنى ھەركەتلەندۈرگۈچى كۈچكە ئايلاندۇرماقچى ، مىللى كارخانىنى دۇنياغا يۈزلەندۈرمەكچى ، ئۆزۈمدىكى ۋە باشقىلاردىكى يوشۇرۇن كۈچنى قېزىپ ......... ئىشقىلىپ نۇرغۇن ئىش قىلماقچى بولدۇميۇ ئەمما ھاياجىنىم ئۇزۇنغا بارالمىدى . كىيىن راۋان ئىقتىساسلىقلارنى تەربىيەلەشتە دەرىس ئاڭلىدىم . شەنبە يەكشەنبە ئىككى كۈنلىكى 1200 يۈەن .    دەرىسنىڭ ئۈنىمى لىكسىيەگە قارىغاندا ياخشى بولىدىكەن بولۇپمۇ بىزدەك مەكتەپتە جىق ئوقۇماي تىجارەت ۋە كەسىپلەر بىلەن شۇغۇللىنىپ كەتكەنلەر ئۈچۈن . كىچىك بىر دۇككاندىكى تۆت بەش بالىنى جايىدا ئىشقا سېلىپ ، ھىسابىنى قېلىپلاشتۇرۇپ ئوننەچچە يىل ئىلگىرىلا بارلىققا كىلىپ قېلىپلىشىپ بولغان شىركەت كارخانا ئەندىزىسىنى ئاڭلاپ بولغىچە ئون مىڭ يۇەندىن ئارتۇق پۇل خەچلەپ بوپتىمەن ياخشى بىر ماركىتىڭ بولۇش ياكى تەربىلەشنى ئۆگۈنۈش ئۈچۈن مانچە پۇل ، بىر يىللىق كۆتۈرە دەرىس ئاڭلاش ئۈچۈن 20000 يۇەن يەنە بىر تۈرنى قوشسىڭىز 29000  يۇەن  بىر يىلدا ئوتتۇز كۈن دەرىس ئاڭلايدىكەنسىز شۇنىڭ بىلەن ئۇ دەرىسلەرنىمۇ ئاڭلاپ بولغىلى بولمىدى . ئەگەر بىرەر كارخانىنى قۇرۇپ ھەر بىر قىيىنچىلىققا دۇچ كەلسىڭىز مەسىھەت بىرىپ يول كۆرسىتىپ قويىدىكەن پۇلغا    ئەلۋتتە ھېلىقىدەك كارخا ياكى زاۋۇت ، شىركەت قۇرۇپ مەبلەغ ، ئادەم كۈچى ، بازر ، ئىشلەپ چىقىرىش  ....ۋەھاكازا تەرەپلەردە قاتتىق قىيىنچىلىققا دۇچ كىلىپ بېسىم ئاستىدا قالغاندا بۇمۇ بىر ياخشى ئىش ئىكەن ، شۇنىڭ بىلەن سىز ھېلىقى بېسىمنى كۈچكە ئايلاندۇرۇپ ئىلگىرىلەپ كىتىدىكەنسىز. ئەمما پۇل دىگەنمۇ دەھشەت كىتىدىكەن   ئارىمىزدا قانداق مېڭىشنى بىلەلمەي شۇنداق مەسلىھەتچىلەرنى قۇرۇق قول كەلسە زاۋۇت كارخانىسىغا مانچە پىرسەنت شىرىك ئىتىپ مېڭىۋاتقانلارمۇ بار بىر پۇلغا زاۋۇت قۇرسىڭىز مەسلىھەتكە بىر پۇل كىتىدىكەن سىز قۇدرەت ياقۇپنىڭ بىرسائەتلىك دەرىستە ئۈگەنگەن بىلىمىنى لىكسىيەلەردە تۇمەن پۇلغا ئۆگۈنەلمەيسىز بىر يىل ئۆگەنگەن بىلىمىنى ............... ئەگەر سىز نۆل نۇقتىدىن رادىل ئابدۇللادەك ھالغا يەتكىچە ياكى مايۇەن ۋە باشقىلاردەك ھالغا يەتكىچە ئگىلىك تىكلىگۈچىلەر كۇرسىدا ئۇقىسىڭىز مىسال ئارمان گورھىنىڭ پۇلى كىتىپ قېلىشى مۇمكىن ئەگەر كارخانا ئىشلىرىدىن ئاتلاپ باج ئىشلىرى ، دۆلەت ئىقتىسادى ، خەلىقئارا ئىقتىسات .......قاتارلىق مەسىلىلەرگە ئاتلىماقچى بولسىڭىز تەسەۋۋۇر قىلالمايسىز ئەمدى مەن بۇيەردە نىمە دىمەكچى    ئەڭ ياخشىسى مەكتەپتە بولسىڭىز ياخشى ئوقۇڭ . مۇشۇ قاتارلىق بىلىملەرنى ياخشى ئىگەللەپ ئۆزىڭىز يول ئېچىپ مېڭىڭ    ئەرزان توختايدۇ ئەگەر مەكتەپتىن چىقىپ بىزدەك پاتقاققا پېتىپ بولغان بولسىڭىز بىزنىڭ كۈنىمىزگە قالىسىز

xxxYxxx

	خوتەن قەشقەر تەرەپلەردە مىللى كارخانىلارنىڭ بازىرى كەڭرى ، كارخانا قۇرۇش ئىدىيەسىدىكى كىشىلەر كۆپ تولىسىنىڭ شارائىتى ، پۇلى ، بازىرى خېرىدارى بار ئەمما قوسىقىدا ئۇمىچى ئاز شۇڭا كارخانا يىتەكلىگۈچىلەر لىكسىيەلىرىنى مۇشۇ ئەتراپقا ئورۇنلاشتۇرۇشقا بەكرەك قىززىقىدۇ ئويلاپ باقسام جاپا تارتىپ شىركەت زاۋۇت يەنە بىرنملەرنى قۇرۇپ ئولتۇرغىچە پىسخىكىنى ئۆگۈنۈپ ئېلى مالىمدەي يا ئىگىلىك تىكلەشنى ئۆگۈنۈپ يا ئابدۇكىرەم ئابلىزدەي ئىتوت ئۆگۈنۈپ ئويان قوياپ لىكسىيە قوياپ پۇل تاپقان ياخشىكەن دەيمەنغۇ قېنى سىلەرمۇ بىرنىمە دەپ باقمامسىلەر

ankar222

	anatil888 يوللىغان ۋاقتى  2015-1-1 12:19 PM ئەستاغفىرۇللا،،خوتەندە بولغان بولسام،قاتنىشاركەنمەن ... قاتنىشىپ باقسىڭىز ئوماچ بارمۇ ياكى ئاداپ بارمۇ بىلىسىز.

ArmanimⅡ

	martam يوللىغان ۋاقتى  2015-1-1 06:06 PM نىمە قىلىدىغان يەر بۇ ئەرقال دىگەن؟ پۇل تاپىدىغان

babur99

	xxxYxxx يوللىغان ۋاقتى  2015-1-1 03:50 PM ئولتۇرۇپ ئاڭلىغاندا ئۈنىمى ئاز تولا بولىدىكەن ، ئورنى ... ئەنجاندا ئوتۇن يارغانغا ئىككى پۇل بەرسە ،مەسلىھەت كۆرسەتكەنگە تۆت پۇل بېرىمىش دىگەننى ئاڭلىمىغانما ؟