ئابدۇرېھىم زۇنۇن: مۇقەددەس تاغلار

bulaksu2

	يېڭى يىلىڭلارغا مۇبارەك بولسۇن، تورداشلىرىم! بۇ شېئىرىم يېڭى يىلىڭلارغا تارتۇق بولغاي! مۇقەددەس تاغلار ئابدۇرېھىم زۇنۇن ئانام سەن، ئاتام سەن مۇقەددەس تاغلار، دىلىمدىن ھېرىسمەن مۇقەددەس تاغلار. قىلىدۇ لال ئالۋۇن، سېھىر- سىرلىرىڭ، سالىمەن زوقلۇق زەن مۇقەددەس تاغلار. ئۈستۈڭدە ئالماس قار، ئاستىڭدا گۈلباغ، سەندەدۇر كۆرك، ئەن مۇقەددەس تاغلار. گۈزەللىك ئانىسى، بايلىق كانى سەن، ئاقىدۇ سۆيگۈم ئەن مۇقەددەس تاغلار. ئۆركىشى سەن ئەجداد مېنگەن تۆگىنىڭ، ھەر باقسام يايرار تەن مۇقەددەس تاغلار. قىبلەم سەن، خەزىنەم، رەھنەمايىم سەن، باغرىڭدا لىق مەدەن... مۇقەددەس تاغلار. يايلايدۇ چارۋۇلار ئېتەكلىرىڭدە، بىپايان گۈلچىمەن، مۇقەددەس تاغلار. ئۇرغۇتتى ھىممىتىڭ يۈرەكتە ھۈرمەت، ئەيلىگەچ بەھرىمەن مۇقەددەس تاغلار. بىر ئۆمۈر ئۇلۇغلاپ ئابدۇرېھىم دەر : ئاتام سەن، ئانام سەن مۇقەددەس تاغلار.

zulpukar

	تاغنى ئاتام، ئانام دىسەك قاملاشماس    چاقچاق......   ياخشى يېزىپسىز.........   سىزنىڭمۇ يېڭى يىلىڭىزغا مۇبارەك بولسۇن.......

99sahrayi99

	بەك راۋان، يېقىشلىق غەزەل بوپتۇ! ياقتۇردۇم! ھارمىغايسىز! يېڭى يىىلىڭىزغا مۇباارەك بوولسۇن!..

جۈرئىتى

	يېقىملىق چىقىپتۇ . يېڭى يىلدا يېڭى ئۇتۇقلار نىسىپ بولغاي .

باشتۇغ

	‹‹ مۇقەددەس تاغلار ›› مەڭگۈ مەزمۇت تۇرغاي . يېڭى يىل قەلىمىڭىزگە يېڭىچە ئىلھاملارنى بەخىش ئەتكەي .

hadrat

	نادىر ياخشى ئەسەركەن.ياقتۇردۇم

bulaksu2

	zulpukar يوللىغان ۋاقتى  2014-12-31 08:13 PM تاغنى ئاتام، ئانام دىسەك قاملاشماس    چاقچاق.. ...         «ھەئە، قاملاشمايدۇ» چاقچىقىڭىزغا مەنمۇ چاقچاق بەردىم. رەھمەت!

bulaksu2

	99sahrayi99 يوللىغان ۋاقتى  2014-12-31 10:35 PM بەك راۋان، يېقىشلىق غەزەل بوپتۇ! ياقتۇردۇم!          مەدەتلىرىڭىزدىن ناھايىتى زور ئىلھام ئالدىم. تىلەكلىرىڭىز ئاللاھقا يەتكەي!

0903ot

	ئېسىل شېئىرلىرىڭىز ئۈزۈلمىگەي. يېڭى يىلىڭىزغا مۇبارەك بولسۇن!