كىتاپخانىدىن ھەيدەلگەندە......

gulkalam

	يىقىندىن بۇيان ھەر قايسى مەتبۇئات ۋە تور بىكەتلەردە 2015-يىلنى كىتاپ ئوقۇش يىلى قىلىش توغۇرسىدىكى تەشۋىقاتلارنى كۆرۈپ بىر تەرەپتىن كۆڭلۈم بىر خىل سۆيۈنىشكە تولسا يەنە بىر تەرەپتىن ئۈرۈمچىدىكى شىنخۇا كىتاپخانىسىدا يۈز بەرگەن بىر ئازاپلىق ئىش ئىسىمگە كىلىپ قالدى.      بۇ 2013-يىلى رامىزان ئىيى ئىدى،يۇرتىمىىزنىڭ ھاۋا كىلىماتى ئۈرۈمچى بىلەن بەك پەرىقلىنىپ كەتمىسىمۇ،يولدىشىمنىڭ تەكلىپى بىلەن بىر ئائىلە كىشىلىرى رامىزان ئۆتكۈزىش ئۈچۈن ئۈرۈمچىگە كىلىپ مەسچىتلەر توپلاشقان يەنئەن يولى ئەتراپىدىن قىممەترەك بولسىمۇ بىر ئۆينى بىر ئايلىق ئىجارىگە ئىلىپ ئولتۇردۇق.بۇ ئۆينىڭ بىر ياخشى يېرى ئاپتونوم رايونلۇق شىنخۇا كىتاپخانىسىغىمۇ يىقىن ئىدى.شۇنىڭ بىلەن ھەر كۈنى سائەت 9دىن 1 گىچە كىتاپخانىغا بېرىپ كىتاپ كۆرۈشنى پىلانلىدىم.نەق بىر ھەپتە بولدى دىگەن كۈنى (بۇ كۈنى يەكشەنبە بۇلۇپ ئادەم كۆپ ئىدى)سائەت 10 لار ئەتراپىدا كىتاپ كۆرۈپ ئولتۇراتتىم...    -بۇ كىتاپنى ئالامسىز؟   قۇلاق تۈۋۈمدىلا ئاڭلانغان بۇ ئاۋازدىن چۆچۈپ بىشىمنى كۆتىردىم،كىتاپخانا خىزمەتچىلىرىنىڭ كىيىمىنى كىيگەن 30ياشلار چامىسىدىكى بىر ئەر ئىنتايىن جىددى قىياپەتتە ماڭا قاراپ تۇراتتى نېرى بېرىنى ئويلاشمايلا جاۋاپ بەردىم    -ياق ،ئالمايمەن   -ماڭا قاراڭ مەن سىزگە دىققەت قىلۋاتقىلى نەچچە كۈن بولدى ،بۇ دىگەن كىتاپخانا كۈتۈپخانا ئەمەس كۈندە كىلىپ كىتاپ ئوقۇيدىغان ئىشىڭىز بولسا كۈتۈپخانىغا بارىسىز،ئۆزىنى بىلە دەپ گەپ قىلمىسام نىمانداق قىلىسىز!!!   مەن كىتاپنى يىرتىپ ياكى پاسكىنا قىلىپ قويىدىغانغا كىچىك بالا بولمىسام بىكار تۇرسىمۇ تۇرىدۇ ئۇنىڭدىن ئۇقۇپ پايدىلانغىنىمىز ياخشىدۇ؟   -دىدىمغۇ كۈندە ئوقۇيدىغان ئادەم كۈتۈپخانىغا بارىسىزدەپ،بۇ دىگەن تىجارەت قىلىدىغان ئورۇن !! ئېنىقراق دىمىسەم چۈشەنمەيدىغان ئوخشايسىز ،پۇلىڭىز بولسا ئوقۇيسىز بولمىسا مەرھەممەت چۈشەندىڭىزمۇ خان!!!    بۇ چاغدا كىتاپخانىدىكى 95 پىرسەنت ئادەم بىزگە ياق ماڭا قاراپ قالغان ئىدى،     -كەچۈرۈڭ مەن ئۇقماي قاپتىمەن.  شۇ گەپنى ئارانلا دىيەلىدىم دە بىشىمنىمۇ كۆتۈرمەي سىرتقا قاراپ ماڭدىم ،چىقىپ كىتىۋىتىپ ھېلىقى خادىمنىڭ ئىنتايىن جاراڭلىق ھەم مەردانىلەرچە ئېيتقان مۈشۈكنىڭ پۇلى يوق بەزگە ئامراق دىگەندەك بىىزەڭلىكىنى دىگەن گىپىنى ھەم ئاڭلىماسقا سالدىم.سىرتقا چىقىپ ئىچ-ئىچىمدىن قاپساپ كىلىۋاتقان يىغامنى زورىغا باستىم .زادى نىمىگە يىغلايمەن؟ پۇلۇمنىڭ يوقلىقىدىن نۇمۇس قىلىپمۇ؟ ياكى بىر مۇنچە كىتاپ دۆۋىسى ئىچىدە تۇرۇپمۇ زەررىچىلىك ئىلىمنىڭ توزىنىمۇ يۇقمىغان ھېلىقى خادىمدەك قېرىنداشلىرىمىزنىڭ ھېلىھەم ئارىمىزدا يەنە كىلىپ ئاشۇنداق سورۇندا مەۋجۇت ئىكەنلىكىگە ئىچىنىپمۇ؟ بەلكىم كىيىنكىسى ھازىرقى ھىسياتىمغا بەكرەك ماس كىلەر.........

duran18

	بىكاردىن تىل ئىشتىۋالغۇچە سىزمۇ كۇتۇپخانىغا بارسىڭىز بولمامتى؟ كىتاپخانا دىگەن ئەسلىدىنلا كىتاپ سېتىۋالىدىغان يەر بۇنداق دىسەم مېنى باشقىچە ئويلاپ قالماڭ مەنمۇ بەزىدە كىتاپخانىلارغا كىرىپ قالسام بەزى ئوقۇغۇچىلارنىڭ سائەت سائەتلەپ يۈكۈنۈپ دەپتەرلەرگە كىتاپتىن بىر نىمىلەرنى كۆچۈرىۋاتقانلىقىنى كۆرۈپ قالسام بىر خىل بوپ قالىمەن. كىتاپخاناباشقا كۇتۇپخاناباشقا. ئەمەتنىڭ دوپپىسىنى ئېلىپ سەمەتكە كېيگۈزگىلى بولمىغاندەك بۇ ئىككى يەرنى ئالماشتۇرۇپ قويسىمۇ تازا ياخشى بولمايدۇ.

BUEREZAT

	duran18 يوللىغان ۋاقتى  2014-12-30 05:17 AM بىكاردىن تىل ئىشتىۋالغۇچە سىزمۇ كۇتۇپخانىغا بارسىڭىز  ... قىززىق،كىتابخانلىقىنى ھەممە ئادەم بىلىدۇ لىكىن كىتاپ دىگەن كۆرۈپ ئالىدىغان نەرسە ھەم يەنە ھەممە ئادەمنىڭ بۇلۇپمۇ ئۇقۇغۇچى بالىلارنىڭ ئۇنداق جىق كىتاپ ئالىدىغانغا پۇلى يوق،بۇ يەردە كىتاپخانا باشقا كۇتۇپخانا باشقا دەپ دەرىس ئۆتمىسىڭىزمۇ بۇلىدۇ،ئەگەردە پۇلى كۆپ بايىلىرىمىز كۇتۇپخانالەرنى كۆپرەك ئاچقان بولسا ئۇنداق كىشلەر كىتاپخانىغا بېرىپ خەقنىڭ ساتالماي تۇپا بېسىلىپ قالغان كىتاپلىرنى كۆرۈپ ئولتۇرمايتى،ئۇنداق ئىچى تارلىق قىلشنىڭ نىمە ھاجىتى،كىتاپنى بۇزىۋەتمەي،مەينەت قىلۋەتمەي چىرايلىق كۆرۈپ قۇيۇپ قويسا بۇلىدىغۇ،توغرا،يىتىمغا يۇتەلنىڭ نىمە ئىشى دەپ پۇلى يوق بولغاندىكىن كىتابخانىغا بېرىپ ئالالمىغان كىتاپلارنى ئۇقۇپ كىتاپخانا خىزمەتچىسىنىڭ ئىچىنى پۇشۇرغۇچە ئەڭ ياخشىسى توردا ھەرخىل كىتاپلارنىڭ PDFنۇسخىسى بار شۇنى چۈشۈرۈپ ئۇقۇغان ياخشى

basut

	ئۇ خادىمنىڭ قىلغىنى توغرا.توغرا،كىتاپ دېگەننى كۆرۈپ بېقىپ ئالىمىز،لېكىن كىتاپخانىدا ئوقۇپ بولۇپ ئالمايمىز،ھەممە ئادەم كىتاپخانىدا كىتاپ ئالماي ياخشى كۆرىدىغان كىتاپلىرىنى شۇ يەردىلا ئوقۇپ تۈگەتكىلى تۇرسا،كۈنلەرنىڭ ئۆتۈشى بىلەن ئۇ يەردىكى كىتاپلار كونىراپ كەتسە كونا كىتاپلارنى كىم ئالىدۇ؟شۇڭا كىتاپخانا خادىمىنىڭ دېگىنى توغرا .

zekiy

	كاشكى بىزدىمۇ شۇ كۈتۈپخانىلار كۆپرەك بولغان بولسا ھە! ئەپسۇس......

sardor0908

	قىززىق ئىش ئىكەن .ئەگەر مەن كىتاپخانا خادىمى بولساممۇ شۇنداق قىلىمەن . شىنخۇا كىتابخانىسى سودا خاراكتىرلىق كىتابخانا .شۇڭا سودىنى بىرىنجى ،جەمىئەت ئىھتىياجىنى ئىككىنجى ئورۇنغا قۇيىدۇ .سىز ئوقۇغان ئاشۇ كىتاب بەلكى سىز ئوقىغاندا پاكىز ،ئەيىبسىزدۇر .لىكىن،سىزدەك ئۇ كىتابلارنى ئوقۇيدىغان كۆپ سانسىز ۋاراقراقلىنىش كىتابنىڭ سۈپپىتى ۋە باھاسىغا تەسىر يەتكۈزىدۇ .سىز ھەقسىز كىتاب ئوقۇيمەن دىسىڭىز مەكتەپ ياكى ئىدارە-ئورگان كۈتۈپخانىلىرىغا بارسىڭىز بولىدۇ .سىزنىڭ ئاشۇ كىتابنى ھەقسىز ئوقۇپ تۈگۈتۈش خىيالىڭىز بار لىكىن ،سىز مۇشۇ خىيالنى كاللىغا پۈككەندە سىز ئىجدىمائى كۆزگە ئىلمىغىنىڭىزنىڭ باشلانغانلىقىدۇر.ئاپتۇرنىڭ ئەمگىكىنى ھۆرمەتلىگەنلىكتۇر .    سىزگە بىر تەكلىپ بىرەي .سىز كىتابخانا  بىر كىتابخاننى ياقتۇرۇپ قالغان بولسىڭىز شۇ كىتابنىڭ ئىسمىنى تۇتىۋىلىپ 2-قول كىتاب ساتىدىغان يەردىن پۇلغا ئىلىپ كۆرۈڭ .بۇنداق بولغان ناھايىتى ئەرزان پۇلغا شۇ كىتابنى ئالىسىڭىز .ئۇ كىتاب ئاللا بۇرۇن ئۆز قىممىتىدە سىتىلىپ ،ئاپتۇرنىڭ يازما ھەققىنى بىرىپ بولغان شۇڭا سىزمۇ ۋىجدان ئازابى تارتمايسىز .لىكىن ،ئوغۇرلۇقچە نەشىر قىلىنغىنى ئالماڭ .بۇ ئەخلەققىمۇ ،قانۇنغىمۇ ،ۋىجدانغىمۇ توغرا كەلمەيدىغان ئىش.

13289986520

	duran18 يوللىغان ۋاقتى  2014-12-30 05:17 AM بىكاردىن تىل ئىشتىۋالغۇچە سىزمۇ كۇتۇپخانىغا بارسىڭىز  ... كىتاپخاندىمۇ كىتاپ كۆرسە بولمايدۇ دەپ قانۇن بارما؟  ھاراقخانا قىمارخانا دىسكوخانا ئاشخانلاردا شۇنچە ئادەم كۆپ بۇ بىزنىڭ بىلىمسىزلىكىمىزدىن كىتاپخانغا كىرسە كىتاپ ئوقۇسا بىلىم ئالسا بۇ گۇناما مەيلى كىتاپخانا بولسۇن مەيلىكۈتۈپخانا بولسۇن ھەممىسى كىتاپ بىلەن تەمىنلەش بىلىم ئىلىش ئۈچۈن تىرشىدىغان جاي تۇرسا ......................... سىز ئاۋال بۇقىزنى ئەيىپلىمەي ئاۋۇ بىكتاپ ئارتىلغان ئىشەكنى ئەيىپلەڭ ئۇ قىز سىزنىڭ دوپپىڭىزنى خەخكە كەيگۈزمىگەندىكىن ئەمىلىڭىز ئالىي باشقۇرغۇچى ئىكەن تىخى بۇ ئەمەلنى سىزگە ئىزىپ قىلىپ بىرىلىپ قاپتۇ ئالىي باشقۇرغۇچى مىنىڭ بۇ ئنكاسىمنى كۆرۈپ ئاچچىقلىشىڭىز مۇمكىن يەنە مىنى بۇ مۇنبەردىن ئۆچۇرۇشمۇ قولىڭىزدىن كىلدۇ لىكىن مەن ھەق سۆزلەپ بۇ مۇنبەردىن ئۆچۈرلۈپ كىتىشكە رازى

كاشكارى

	مۇشۇ پۇرسەتتە مەنمۇ ئۆز كەچمىشىنى سۆزلەپ بېرەي.    مەن 10 ياش ۋاقتىمدىن باشلاپ كىتابخانىغا ئىشتىياق باغلىغان،دەسلەپتە كىرگەن كىتابخانا بولسا يېڭى جۇڭگو (新华)كىتابخانىسى ئىدى .شۇ مەزگىللەردە مىنىڭ بىر بۇرادىرىم بولىدىغان كىتابقا قىززىقتۇراي دەپ كىتابخانىغا بىللە كىرگەنتۇق (ئۇ كۈنى ئۇچامدا دېھقانچە پەلتو بار ئىدى،بۇرادىرىمنىڭ دادىسى يوق كىيىنىشىمۇ ئاددىي ئىدى) باشقا ۋاقىتتا ھېچنېمە دېمىگەن ئايال شۇ كۈنى ماڭا قارىتىپ ‹‹سەن تۈنۈگۈن كىتاب ئوغرىلىغاندىن شۇم شۇغۇ ماڭا چىقە ئىككىنچى ماۋۇ يەرگە كىرگۈچى بولما دەپ ئىككىيلەننى سۆرىگەندەك قىلىپ چىقىرۋەتتى ›› راستىمنى ئېيتسام شۇ ۋاقىتتا بۇرادىرىمنىڭ ئالدىدا شۇنچىلىك كۆڭلۈمگە كەلگەن(مەن كىتاب ئېلىۋالمىغان ھەم ئالدىنقى كۈنى مەكتەپتە ئوقۇپ ئۇ يەرگە بارمىغان) .    ئەتىسى مەن يەنە قىلىنلىق بىلەن كىتابخانىغا باردىم كىرىپلا ھېلىقى ئايالنى ئىزدىدىم ئەپسۇس ئۇ ئايال دەم ئاپتىكەن پەقەت تاپالمىدىم،ئەتىسى ئوقۇشقا چۈشۈپ كەتتۇق ئاخىرى دەم ئېلىشمۇ كەلدى .مەن سەھەردىلا كىتابخانىغا يۈرۈش قىلدىم ،قارىسام ئۇ ئايال بار ئىكەن .ئالدىغا ئۇدۇل بېرىپ ‹‹ماڭا قارىسا ئاچا مەن كىتاب ئوغۇرلۇمۇدۇم ،ئوغرىلىق دىگەنننى بارغۇ نوچى كىيمى يوق ئادەم قىلمايدۇ بەلكى ئىمانى ۋىجدانى يوق ئادەم قىلىدۇ.›› دېدىم ئۇ ئايال كۈلۈپ كېتىپ:‹‹ كىتابخانىدا قىممەت كىتاب يىتۈپ كېتىپ تۆلەمگە مەن قالغانتىم شۇڭا ئاچچىقىمدا سىنى شۇ ئوغرى ئوخشايدۇ دەپ تىللاپ كېتىپتىمەن،خاپا بولما ئەقىللىك بالىكەنسەن ماۋۇ ئورۇندۇقتا ئولتۇرۇپ قايسى كىتابنى ئوقۇغۇڭ كەلسە شۇ كىتابنى ئوقۇ.›› دېگىنىچە ئۆزى ئولتۇرغان ئورۇندۇقنى ماڭا سۇندى.    كېيىنچە ئىزدىنىش جەريانىدا ‹‹تەڭرىتاغ كىتابخانىسى››،‹‹قۇتادغۇبىلىك كىتابخانىسى›› ۋە ‹‹يىپەك يولى كىتابخانىسى›› دېگەندەك كۇتۇپخانىلاردا كىرىشنى ئۆگىنىۋالدىم.مەن ئادەتتە مەن ئادەتتە كىتابخانىلاردا ئادەم ئاز ۋاقىتتا كىتاب ئوقۇيمەن،ئادەم كۆپ بولسا باشقا ۋاقىتتا ئوقۇي دەپ كىتابخانىدىن دەرھال ئايرىلىمەن.چۈنكى ئادەم كۆپ ۋاقىتتا باشقۇرغۇچىلار ناھايىتى چارچاپ كېتىدۇ دە ئاسانلا خاپا بولۇشى ئېھتىمالغا يېقىن.كۈتۈپ خانىدا ئوقۇشقا كەلسەك شەھەرلىك كۇتۇپخانىدا گېزىت-ژۇرنالدىن بۆلەك مىللىي كىتابلار يىل بويى يىڭىلانماي توپا بېسىپ تۇرىدۇ ھەم ساپلا رومان پوۋىسىت كىتابلار.مەكتەپنىڭ كۇتۇپخانىسىنى تاكى ئالى مەكتەپكە چىققىچە كۆرۈپ باقمىدىم.    سەن بۇنى دەپ نېمە دېمەكچى دېسەڭلار مەن شۇ ۋاقىتتا غۇرۇرۇمغا ئالغان بولسام بەلكىم مەڭگۈ كىتابخانا بوسۇغىسىغا ئاتلىيالماسلىقىم مۇمكىن ئىدى.جۈملىدىن ئۆزۈمنى كىملىكىمنى تونۇپ يېتەلمەسلىكىم ئۆز-ئۆزۈمنى تاكاماللاشتۇرالماسلىقىم مۇمكىن ئىدى .ھېلىقى بۇرادىرىم بولسا:بۇرۇن ئويۇنچۇقخانىدىن چىقماس بولغان بولسا ھازىر تورخانىدىن چىقماس بولدى(تۆت تەڭگە تاپسا شۇ تۆت تەڭگە تۈگىمىگۈچە تورخانىدا كېچىلەپ ھەتتا كۈنلەپ ئولتۇرىدۇ).    دېمەك تېما ئىگىسى بىلىم ئۆگىنىش ئۈچۈن قىلىنلىق كېرەك،شۇ قىلىنلىق سىزنى ئۇ ئالەم ھەم بۇ ئالەمدە چەكسىز بەخت،ھۇزۇرلىنىش تۇيغۇسى ھەم ئىززەت ھۆرمەتكە ئىگە قىلىدۇ.شۇڭا تەكلىپىم سىز كىتابخانىغا بېرىۋېرىڭ ئۇيەردىن ۋاز كەچمەڭ (تەكلىپىم ئادەم ئاز پەيتتە بىرىڭ ).كىتابنى قانداقتۇر ۋاقىت ئۆتكۈزۈش ئۈچۈن ئوقۇماي ھەقىقىي يۈكسەكلىك چوققىسىغا يامىشىش ئۈچۈن ئوقۇڭ سىزگە ئامەت ۋە بەخت كەلتۈرگۈچى بىلىم يار بولۇشنى تىلەيمەن!

dilk@x

	مەن كىتاپخانىغا كىرسەملا ئەڭ بۇرۇن كاللامغا كىلدىغان خىيال.مۇشۇ كىتاپخاننى مەن ئاچقان بولسام .مۇئاش بەرمىسىمۇ مەيلىتى .پەقەت كىتاپلا ئوقىۋالسام دەپ ئويلاپ كىتىمەن

كاشكارى

	دېمىسىمۇ دىيارىمىزدا ھەقىقىي مەنىدىكى كۇتۇپخانىلار ئاز ،ساخاۋەتچى ئاتىلار ۋە ئانىلارغا ھەم شۇنىڭغا ئوخشايدىغان ئورۇنلارغا تەۋسىيەرىم :ھەي  ساخاۋەتچىلەر زاكاتنىڭ ئىچىدە ئىلىمنىڭ زاكىتىدىن ئۈستۈن زاكات يوق !شۇنداق بىرەر ساخاۋەت تۈرى قوشۇلغان بولسا ئەلۋەتتە بىزمۇ قاراپ تۇرماي قوللايتۇق .