ئابدۇرېھىم زۇنۇن : يالماۋۇز مەن

bulaksu2

	يالماۋۇز مەن ئابدۇرېھىم زۇنۇن تاپىنىڭدىن قانلار شورايمەن، يالماۋۇز مەن، يەتتە بېشىم بار. دەم تارتساممۇ پۈتۈن دۇنيانى، ئىچىم مەڭگۈ تولمايدىغان غار... يالماپ يۇتۇپ، كېمىرىپ يەيمەن، دۇر - گۆھەردە ناشتىلار قىلىپ. كۆزۈم تويماس پۇل- مالغا، ئىشەن، قول يەتكەننى ئالىمەن ئىلىپ. دەم تارتىمەن، شۈمۈرۈپ يەيمەن، سىڭەر كېسەك، پولات چىۋىقلار... پىلە غازاڭ يېگەندەك يەيمەن، مەندە تولا ھۈنەر ـــ قىلىقلار. يەپ ھارمايمەن، ئىچىپ تويمايمەن، ئۆزگىلەرنىڭ رىزقىنى بۇلاپ. بويۇن تاۋمنى دومۇلىتىمەن، گويا غالجىر ئىت بولۇپ تالاپ. سەندىكىنى «مېنىڭ» قىلىمەن، چىقىرىپلا بىر تەتۈر قۇيۇن. ئىچ-باغرىڭدىن تاسما تىلىمەن، ساڭا تەس ئىش مەن ئۈچۈن ئويۇن.

قورغان

	نەپسى تويماس،ئاچكۆزلەرگە راس كېلىشتۈرۈپ ،ساپسىز ئاچچىق قامچىنى،بارىكاللا!

mehriya

	قالتىس تەسۋېرلەپسىز ، بەزى كىشىلەر ھەقىقەتەن يالماۋۇزدەك ، ھەممىنى مېنىڭ قىلىۋالسام دەپلا ئويلايدۇ . ھەم شۇنچە يەپمۇ تويمايدۇ . ئۇلاردا نە بىر قانائەت ، نە بىر ئادىمىلىك بولسۇن ! ھارمىغايسىز . ياخشى مەزمۇنلۇق ئەسەرلىرىڭىز ئۈزۈلمىگەي .

م.زۇنۇن

	كاللاڭنى بىر-بىرلەپ كىسىپ تاشلايمەن ، داتلاشماس مىسران قىلچىم بار .

99sahrayi99

	بۇ كۆز ئۆلگەندە تۇپراق بىلەن تولغاندا تويىدۇ!. شۇڭا شىئەلەر ئۆلۈكنى دەپنە قىلغان چاغدا، ئۇنىڭ كۆزىگە تۇپا تىقىۋېتىدىغان ئادەت بار ئىكەن. ھەدىستىمۇ ئىنساننىڭ كۆزى قەبرىدە تۇپا بىلەن تولىدۇ دېيىلگەن. بارىكاللا!.. بەك ياخشى يېزىپسىز!.. ھارمىغايسىز!..

mahatjan

	بەزىلەر ئۆز ئۆيىدە پۈۋدەپ ئىچەر دوغنىمۇ، بەزىلەر ئۆزگە ئۆيدە يالماپ يۇتار چوغنىمۇ.

azizyaxa

	ئىمان بۇلمىسا ئىنسان ھەر ئىشلارنى قىلىدۇ پۈتكۈل دۇنيادىكى ئىنسانلار ئىتقادقا مۇھتاج شۇ ئىمانلا بىزنى گۈزەل ئەخلاققا ھالال ياشاشقا ئۈندەيدۇ ئادىمىلىك ئەخلاق نۇقتىسى ھېچ نەرسىنى چەكلىيەلمەيدۇ سىزمۇ كۆز قارشىڭىزنى يېزىپ بېقىڭ

bulaksu2

	azizyaxa يوللىغان ۋاقتى  2014-12-29 01:05 PM ئىمان بۇلمىسا ئىنسان ھەر ئىشلارنى قىلىدۇ پۈتكۈل دۇنيا ...        توغرا دەيسىز، ئىمان-ئېتىقادسىز ئادەملەرنىڭ قولىدىن ھەر بالا كېلىدۇ. شۇڭا بىزدە: «ئىنساپ، ئىنساپ بار يەردە دىن ساپ» دېگەن گەپ بار. رەھمەت!

bulaksu2

	يالماۋۇزلار تونىمايدۇ ئاللاھنى،          كۆزلەپ ماڭار نەپنى ھەتتا خالانى.          ئىنساپسىزلىق شۇنداقلارنىڭ كۆزۇرى،          دەستەك قىلار ئالار چاغدا يالانى...

bulaksu2

	بۇ مۇنبەرمۇ بىردەم بار، بىردەم يوق بولۇپ قالدى-يا!