تەڭرىتاغ كوماندىسى بىيجىڭ كوماندىسىنى ئۇتتى

waskitbol0903

	ئۇيغۇر ۋاسكېتبول تورى خەۋىرى؛  ئۈرۇمچى ۋاقتى 12- ئاينىڭ 3- كۈنى كەچ سائەت 30؛5 دە ،  2014-2015- پەسىللىك جۇڭگو ۋاسكېتبول بىرلەشمىسى دائىملىق مۇسابىقىسىنىڭ ئون تۆتىنچى ئايلانما مۇسابىقىسى ئىلىپ بېرىلىپ، شىنجاڭ تەڭرىتاغ يىزا سودا بانكىسى ئەرلەر ۋاسكىتبول  كوماندىسى ئۆزمەيدانى قىزىلتاغ تەنتەربىيە سارىيىدا، بىيجىڭ ئەرلەر ۋاسكىتبول كوماندىسىنى كۈتىۋالدى.  مۇسابىقە ئاخىرلىشىقا 9 سىكىنۇت قالغاندا بىيجىڭ كوماندىسى شىنجاڭ كوماندىسىدىن بىر نۇمۇر ئارقىدا قالدى، مابۇرى پاس بىرىش جەريانىدا توپنى شىنجاڭ كوماندىسى ئەزالىرى تارتىۋالدى. بىيجىڭ كوماندىسىنىڭ ئەڭ ئاخىرىقى ھۇجۇمىنى تارمار قىلىنىپ،  ئاخىرى شىنجاڭ تەڭرىتاغ يىزا سودا بانكىسى كوماندىسى 109-108 نەتىجە بىلەن بىيجىڭ كوماندىسىنى مەغلۇپ قىلدى. بىيجىڭ كوماندىسى ئۇدا ئىككى مەيدان مەغلۇپ بۇلدى. مابۇرى ئۆزىنىڭ بۇ پەسىلدىكى ئەڭ يۇقۇرى نۇمۇر ئىلىش رىكوتىنى يارىتىپ 46 نومۇر، 3 قېتىم ياردەمچى پاس بەردى.  بۇ مەيدان مۇسابىقىدە چۇڭ كولەملىك دوقۇنۇش يۈز بىرىپ مۇسابىقە  20 مىنۇت ئۈزۇلۇپ قالدى.   بۇ مەيدان مۇسابىقىدە، شىنجاڭ كوماندىسىدىن  بەش ئەزا قوش خانىلىق نومۇر ئالدى، كوماندا ئەزاسى  ئاندىرى بىراچ  43 نومۇر، 15 قېتىم گاردىن قايتقان توپ ئالدى، 4 قېتىم ياردەمچى پاس بەردى ھەمدە 3 قېتىم توپ تارىتىۋالدى؛  جۇ چى 18 نومۇر، 8 قېتىم گاردىن قايتقان توپ ئالدى ھەمدە 1قىتىم قالپاق كىيگۈزدى؛  قىرانبېك ماقان 16 نومۇر، 3 قېتىم گاردىن قايتقان توپ ئالدى؛  لىيۇۋىي 11 نومۇر،  5 قېتىم گاردىن قايتقان توپ ئالدى ھەمدە 5 قېتىم ياردەمچى پاس بەردى؛ ئىستىفان 8 نومۇر، 4 قېتىم گاردىن قايتقان توپ ئالدى، 5 قېتىم ياردەمچى پاس بەردى؛  شىرئەلىجان 8 نومۇر،  1 قېتىم گاردىن قايتقان توپ ئالدى ھەمدە 2 قېتىم ياردەمچى پاس بەردى. يىڭى پەسىللىك مۇسابىقە ئورۇنلاشتۇرۇش رەت تەرتىپى بويىچە 12-ئاينىڭ 5-كۈنى شىنجاڭ كوماندىسى داۋاملىق ئۆز مەيدانىدا جىلىن كوماندىسى  بىلەن مۇسابىقە ئوينايدۇ. ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/portal.php

waskitbol0903

	ئۇيغۇر ۋاسكىتبول تورىنىڭ تەكلىپلىك مۇلاھىزىچىسى سامپۇل مۇلاھىزىسى؛   بۈگۈن كەچ شىنجاڭ كاماندىسى كونا رەقىبى بېيجىڭ كاماندىسىنى بىر نۇمۇر پەرق بىلەن يەڭدى!     بۇ غەلىبە نەچچە كۈندىن بېرى ئىچى بىر خىل ئاچچىق ۋە تىت- تىتلىققا تولغان شىنجاڭ توپ مەستانىلىرىغا تەسۋىرلىگۈسىز خۇشاللىق ئاتا قىلدى. بۇ خۇشاللىق ۋە بۇ نەتىجىدە شىنجاڭ كاماندىسىنىڭ چوڭ چەتئەللىك ئەزاسى بۇراچنىڭ تۆھپىسى ھەقىقەتەن زور بولدى. ئۇ بۈگۈن 43 نۇمۇر ۋە 15 گاردىن قايتقان توپ ئالدى!      ئەمەلىيەتتە بۇراچنىڭ تۆھپىسى مۇشۇ بىر قېتىملىقلا ئەمەس. بۇ مۇسابىقە پەسلى باشلانغاندىن بۇيانقى 14 مەيدان مۇسابىقىدە ئۇ ئوتتۇرا ھېساپ بىلەن 32.4 نۇمۇر ۋە 15.2 قىتىم گاردىن قايتقان توپ ئېلىپ، بىرلەشمە مۇسابىقىگە قاتنىشىۋاتقان ماھىرلار ئىچىدە ئوتتۇرچە نومۇر ئېلىشتا ئالدىنقى بەشىنچى، گاردىن قايتقان توپ ئېلىشتا ئىككىنچى ئۇرۇندا تۇرۇۋاتىدۇ. سان- مەلۇمات گەرچە مۇشۇنداق بولسىمۇ، بۇراچنىڭ مەيداندىكى جان پىدالىق بىلەن ئۆز رولىنى جارى قىلدۇرۇشتىكى ئىپادىسى، ئېغىر- بېسىق ۋە قىزغىن خارەكتىرى، ھارماس روھى ۋە ۋاسكېتبولدىكى سان بىلەن خۇلاسىلىغىلى بولمايدىغان يەنە نۇرغۇن نەمۇنە تەرەپلىرى ئۇنى شىنجاڭلىق ۋاسكېتبول مەستانىلەرنىڭلا ئەمەس، پۇتۇن مەملىكەتتىكى توپ مەستانىلىرىنىڭ ھۆرمىتىگە ئېرىشتۈردى. نۇرغۇن قېرىنداش كاماندىلار ئۆزلىرىنىڭ ئىقتىسادى كۈچىنىڭ ئاجىز ۋە تەلىيىنىڭ تەتۈر كېلىپ، بۇراچنى تەكلىپ قىلالماي قالغىنىغا ئۆكۈندى.  ھەتتا بۇ مۇسابىقە پەسلىدە بۇراچنىڭ شىنجاڭ كاماندىسىغا قۇشۇلغانلىقى ھەققىدىكى خەۋەر تارقىلىپ ئۇزاق ئۆتمەيلا  ئامرېكىدىكى NBA توپ مەستانىلىرى ئىچىدىمۇ بۇراچنى ئەركىن توپچىلار قاتارىغا چىقىرىۋەتكۈچىلەرگە نارازى بولۇش سادالىرى ئاۋۇپ كەتكەن ئىدى.    دىمەك، بۇراچ ھەقىقەتەن ماھارەت ۋە مەيدان ئىپادىسىدە تەڭ يىتىشكەن ئېسىل توپچى! ھەقىقەتەنمۇ شىنجاڭلىق توپ مەستانىلىرىنىڭ ئارزۇسىدىكى ئەڭ مۇنەۋۋەر چەتئەللىك ئوتتۇرا مەيدان ھۇجۇمچىسى!     يىللاردىن بېرى بىز مۇشۇنداق بىر ماھىرغا قانچىلىك تەقەززا بولغان ھە!    ئەپسۇس،  شىنجاڭ دەل مۇشۇنداق ياراملىق چەتئەللىك ئەزانى بىر يىل ئىشلىتىپلا كېيىنكى يىلى باشقا كاماندىغا ئۆتۈنۈپ بېرىىپ، يەنە يېڭى ئەزا ئىزدەپ تاپىدىغان  CBAدىكى ‹‹لېي فىڭ›› كاماندىلارنىڭ بىرسى. گويا ھەر يىلى باشقا كاماندىلارغا بىر يېڭى ئەزا تېپىپ بېرىش خالىس ۋەزىپىسى باردەك!   بۇ نوقتىدىن ئويلىغاندا بىز تەبىئى ھالدا بۇراچنىڭ كېيىنكى يىلىدىن ئەنسىرىنمەي تۇرالمايمىز ۋە گۇاڭخۇي كۇلۇبىنىڭ سەمىگە بۇ مۇسابىقە پەسلى ئاخىرلاشماي تۇرۇپلا بۇ ئەنسىرىشىمىزنى سۇنماي ئامالىمىز يوق. چۈنكى، بىزنى كۆپ يىلدىن بۇيان بۇ خىل ئەنسىرەشكە چۈشۈرۈپ قويغىنى دەل شۇ گۇاڭخۇي گۇروھىدۇر!   راست ئەمەسمۇ؟    يىراقنى قۇيۇپ، يېقىنقى يىللارنى ئەسلەيدىغان بولساق ئاۋال  چارىسنى، ئارقىدىن كۇنشى دۇبىنى، ئاندىن ۋون ۋافىرنى، فېيبانى، ئۆتكەن يىلى خادېسىننى ئۇزاتتۇق. ئۇلارنىڭ ھەممىسى بۇ پەسىلدىمۇ  CBAدىكى ئەڭ مۇنەۋۋەر ماھىرلاردۇر! مەسىلەن: بىزدىن ئاۋال شەنشى كوماندىسىدا ئاندىن بۇ يىل جېجاڭ چۇۋجۇ بانكىسى كاماندىسىغا  يۆتكىلىپ توپ ئويناۋاتقان چارىس بۇ مۇسابىقە پەسلىدە، ئوتتۇرا ھېساپ بىلەن ھەر مەيداندا 15.8دىن گاردىن قايتقان توپ ئېلىپ بىرىنچى ئۇرۇندا، بۇ يىل تىيەنجىن كاماندىسىغا جايلاشقان كۇنشى دۇبى ھەر مەيداندا ئوتتۇرچە 33.6دىن نومۇر ئېلىپ 3- ئۇرۇندا، لىياۋنىڭ كوماندىسدا ماكان تۇتقان خادېسىن 7.1 قېتىمدىن ئۈنۈملۈك پاس بېرىپ 4- ئۇرۇندا تۇرۇپ كېلىۋاتىدۇ. ئۇلارنىڭ ئالغان نومۇرى ۋە باشقا ئىپادىلىرى ھەقىقەتەن قالتىس بولۇۋاتىدۇ.  دەل ئاشۇ قالتىس توپچىلارنىڭ مۇتلەق كۆپ قىسمىنى شىنجاڭ گۇاڭخۇي گۇروھى تۇنجى بولۇپ CBAغا ئىلىپ كىرگەن ۋە بىر يىل ئىشلىتىپلا ئۇزۇتۇپ قويغان. گەرچە ئۇلارنى ئۇزاتقان ۋاقىتلىرىمىزدا كۇلۇب بەزى سەۋەپلەرنى ئىزاھلىغان ۋە ئۇ سەۋەپلەرگە بىز مەستانىلەرنى ئىشەندۈرمەكچى بولغان بولسىمۇ، بىز توپ مەستانىلىرى كېيىنكى يىلى ئۇ سەۋەپ ۋە ئۇ ئىزاھاتلارنىڭ تازا پۇت دەسسەپ تۇرالمايدىغانلىقىنى كۆرۈپ يەتتۇق.   مەسىلەن:  يەنە باشقىسىنى قۇيۇپ تۇرۇپ، بۇ يىل خادېسىننىڭ تەكلىپ قىلىنماي ئەكسىچە جوردان كىرافورد نىڭ تەكلىپ قىلىنغانلىقىغا قارىتا گۇاڭخۇي كۇلۇبىنىڭ لىدىرى گوجىيەن ئەپەندى ‹‹بىزنىڭ خادېسىن بىلەن توختاملاشقۇمىز بار ئىدى، ئەمما ئۇ توختام تۈزۈشنى ئىزچىل كەينىگە تارتتى ۋە توختىماي قۇشۇمچە شەرت قۇيۇپ تۇرۇۋالدى. شۇڭا بىز كىرافورد بىلەن توختاملاشتۇق. كىرافورد نۇرغۇن تەرەپلەردىن خادېسىندىن ئۈستۈن تۇرۇدىغان ماھىر›› دىگەن ئىدى. ئەمەلىيەت ئۇنداق بولمىدى. خادېسىن لىياۋنىڭ كوماندىسى بىلەن توختام تۈزۈشتىن ئاۋاللا گۇاڭخۇي كۇلۇبى كىرافورد بىلەن توختام تۈزۈپ بولغانلىقنى جاكارلىدى. خادېسىننىڭ باھاسىدىن بىر مىليونغا يېقىن يۇقۇرى باھادا تېخى!    دىمەك، لىياۋنىڭ كوماندىسى كۆنگەن خادېسىننىڭ ‹‹توختىماي ئاۋۇتۇپ تۇرغان ‹قۇشۇمچە شەرتلىرى›››گە بىز ‹چىدىيالمىدۇق›.    بەلكىم، بەزىلەر ‹‹شۇنچە كۆپ پۇل چىقارغان كۇلۇپ كىمنى ئەكەلسە ئەكەلمەمدۇ؟››، ‹‹ئاكاڭ كىمنى ئالسا، يەڭگەڭ شۇ›› دىيىشى مۈمكىن.    يۇقسۇ! ئۇنداق ئىش يوق! ئۇلار گەرچە پۇل چىقارغىنى بىلەن كوماندىنىڭ ئىسمى ئالدىغا ‹‹شىنجاڭ›› دىگەن نامنى قوللانغانلا ئىكەن، بۇ ھالدىكى كاماندا ئۆزىنى شىنجاڭلىق سانايدىغان ھەر بىر كىشىنىڭ ئورتاق كامانسىغا ئايلانغان بولىدۇ. ئۇلار ئىقتىسادىنى مەبلەغ سالغان بولسا، بىز ئەقىدە- ئىخلاسىمىزنى،  ۋاقتىمىزنى،  زېھنىمىزنى،  ھىسسىىياتىمىزنى مەبلەغ قىلىپ قوشتۇق! نەچچە مىليون توپ مەستانىلىرىنىڭ ئۇ خىل قىممەتلىك مەبلىغىنى پۇل ياكى سان- مىقدار بىلەن ئۆلچەش مۈمكىنمۇ؟!    دىمەك، شىنجاڭ گۇاڭخۇي كوماندىسى يالغۇز گۇاڭخۇي گۇروھىنىڭ ياكى بۇ يىل ئىسىم ھوقۇقىدىن پايدىلىنىۋاتقان تەڭرىتاغ يېزا - سودا بانكىسىنىڭلا كوماندىسى ئەمەس، بەلكى بارلىق ھەر مىللەت شىنجاڭ خەلقىنىڭ، پۈتۈن مەملىكەتتىكى شىنجاڭ كاماندىسىنى ياخشى كۆرۈدىغان ھەممە توپ مەستانىلىرىنىڭ ئورتاق كاماندىسىدۇر! شۇنداق ئىكەن، پۈتۈن شەھەر ئۇيقۇغا كەتكەن مۇشۇنداق ئاخشامدا بۇراچنىڭ كېلەر يىلىدىن ۋايىم يىيىش، كوماندىمىزنىڭ ياخشى- يامان تەرەپلىرى ھەققىدە ئورتاق مۇلاھىزىلەردە بولۇش ھوقۇقىمىز  ھەممىمىزنىڭ بار، ئەلۋەتتە!   گەپنىڭ نەق ئۆزىگە كەلسەك، گۇاڭخۇي  كۇلۇبى بۇراچ بىلەن بۇ مۇسابىقە پەسلىدە تۈزگەن ئاران بىر يىللىقلا توختامىنى كېلەر يىلغىمۇ، ئۇنىڭدىن كېيىنكى يىلىغىمۇ ئۇزارتىشنىڭ بۇرۇنراق كۇيىغا كىرىشى زۈرۈر. پەيتنى يەنە ئۆتكۈزۈۋېتىپ، بىز توپ مەستانىلىرىغا يەنە بىر قېتىم ‹چىرايلىق باھانە›لەردىن بىر تاغار تۆكۈپ بېرىشىنى بىز ئەمدى خالىمايمىز! بۇراچىدەك نەمۇنىچى توپچىنىڭ كوماندىمىزدا ئۇزاقراق توپ ئوينىشى ھەممىمىزنىڭ تەلىيى ۋە شەرىپى!      ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/portal.php

زەردار007

	ئاخشامقى مۇسابىقە بەك قىزىدى بولمىسا......

akbarjan2015

	راست بەكلا قىززىدى

كۆلەڭگە

	مۇسابىقە ئوبدانلا قىزىپ قويدى ، شىنجاڭ كوماندىسى بەكلا غەيرەت قىلدى. ئاۋۇ      ما قارۋايىنڭ سەل خورىكى ئۈسۈپ قاپتۇ .  بولاچى نى سەل بوشاڭمىكىن دېسەم يامان بالىكەن بۇ. ئوتتۇرچە نۇمۇرى 32.4 بوپتۇ، داۋامىلق ئالغا.

nijatkurban

	بۇ يىل لياۋنىڭ كوماندىسى چېمپىيون بولىدىغاندەك تۇرىدۇ. خۇدىسون لياۋنىڭ كوماندىسىغا بەك كۈچ بەردى. ھازىرغىچە بارلىق كۈچلۈك كوماندىلارنى سۈپۈرۈپ تاشلاپ جۇڭگو تارىخىدا رېكورت ياراتتى. شىرئەلىجاننىڭ ئىپادىسىمۇ بالدۇرقى يىللاردىكىدەك ياخشى بولمايۋاتىدۇ. بەك ئەپسۇس!

kudiratjan

	تەستە ئۇتتى    بەشىنجى ئۇرۇندا تۇرۇپ توققۇزىنجى ئۇرۇندىكى دۇڭگۇەنگە ئۇتتۇرۇپ  ئۈچىنجى ئۇرۇندىكى بىيىجىڭنى ئاران ئۇتتى

turna001

	بۇ مۇسابىقە ھەقىقەتەن قىززىدى جۇمۇ