يۇقۇملاندى روھىم بىر خىل ۋىروستىن .

KUMALTAGH

	يۇقۇملاندى روھىم بىر خىل ۋىروستىن ئەمەتجان زۇنۇن ئارتۇچ مۇھەببەت مەنزىلى بارسا كەلمەس يول ، يۈرەكلەر ياشنايدۇ ئەسلى بەزمىدىن . نەپ ئۈچۈن ھەر يەردە بولىمەن چۇل - چۇل ، نام - مەنسەپ ئىشقىدا مەجنۇن ھەممىدىن . ئاقىللار نەسھىتى - ئاخماق خىسلىتى ، ئاتىلار ھېكمىتى - ۋاختى ئۆتكەن مال . غەيۋەتلەر ، تۆھمەتلەر  ئاقىللىق يولى ، ياخشىلار يولىنى قىلىمەن قامال . ئىشەنگۈم كەلمەيدۇ ھەقىقەت نېمە ؟ چىشىنىڭ بارىدا گۆش يىگەن نوچى .                  دۇنيا دەپ ئۆزۈمنى دەيمەن پەرىشتە ، گاھ ئىتمەن ، گاھ رەققاس ، گاھى يولۇچى . زەر قەسىر ئىچىدە ئۈزۈلمەس كۈيۈم  ، دۇنيا دەپ ، مەئىشەت سۈرگىنى دەل - مەن . پۇلدارمەن بولماقتا ھەركۈنى تويۇم ، ھەممىنى سورۇيمەن كۈلگىنى دەل - مەن . مەسىتلىكتىن ، نەسلىكتىن تاپىمەن ئارام ، ئەسلىمنى ، ۋەسلىمنى ئۆلچەپ زەر بىلەن . قېرىنداش ، دوسىتلاردىن ياتلىشىپ تامام ، پەسلىكتە ، خەسلىكتە ئېگىز  ئۇچىمەن . ئاق - قارا ... بارچىنى قىلىپ مالىمان ، يۆلەيمەن كۈچۈمگە - كۈچ قاتسا قايسى . ئاجىزنى - يىتىمنى قاخشىتىپ ھامان ، تويمايمەن ، تويمايمەن بۇلاپ رىسقىنى . نازىنىن سەتەڭلەر پەرۋانە ماڭا  ، تۈمەن خىل سوۋغاتلار ئىلكىدە شاتمەن . تۇققۇنۇم نائىلاج سەرسان كوچىدا ، تىرىكلىك ئىپىدە  بەندىمەن پاكمەن . قىزىمنىڭ ئىشىدا زەرگە كۆمۈلدۇم ، تالاينى يىغلىتىپ باردىم مەككىگە . ئوغلۇمنىڭ كويىدا تەرگە چۈمۈلدۈم . ۋەز - دۇئا سىھرىدە كۆيدۈم بىر ھەپتە . قانمىدىم پۇل -دۇنيا ، ئەمەل - مەنسەپكە ، ئۆرلىدىم توختىماي شوتىدۇر  يارىم  . قانمىدىم تېخىچە ھەرخىل ھەۋەسكە ، بېسىقماس ھېچقاچان نەپكە خۇمارىم . ئويلايمەن ، تويمايمەن جاھان رەپتىگە ، ئۆزگە ھېچ غېمىم يوق بىر مەن كۈلۈشتىن . ياشايمەن ئۆزۈمنىڭ ئامەت - بەختىگە ، يۇقۇملاندى روھىم بىر خىل ۋىروستىن  . مەنبە ؛ ئىجادىيىتىم

دېڭىز.

	بەك ياخشى يېزىپسىز.....شۇنداق ئىنسانلارغا ئوبدان قامچا بوپتۇ يازمىڭىز....ئىسىل ئەسەرلىرىڭىز ئۈزۈلۈپ قالمىسۇن.....رەھمەت.

م.زۇنۇن

	مۇھەببەت  مەنزىلى بارسا كەلمەس يول ، دېگەن مىسىرالارنى بەكمۇ ياختۇرىدۇم ، غەيرەت قىلىڭ ، ياخشى چىقىپتۇ !