سۇمبۇلنىڭ كۈلكىسى

madonna

	سۇمبۇل 24 ياشلىق زىلۋا بوي ، چاچلىرى قوندۇزدەك  ئۇزۇن قاپقارا ، چىرايى نۇرلۇق ، قاش - كۆزلىرى قاملاشقان ، قاڭشارلىق كەلگەن، ئەخلاق - پەزىلىتى چوڭ كىچىك ھەممىنى قايىل قىلدىغان سۆيۈملۈك بىر قىز . سۇمبۇلنىڭ ئالىي مەكتەپنى پۈتتۈرگىنىگىمۇ ساق ئۈچ ئاي بولدى . بۇ ئۈچ ئاي ئىچىدە سۇمبۇل، مەلۇم ئاھالىلەر كومىتىتىدا خىزمەت تاپتى . گەرچە سۇمبۇلنىڭ ھازىرقى خىزمىتى جاپالىق ، مۇئاشى تۆۋەن بولسىمۇ يەنىلا بۇ خىزمەتكە كۆنۈپ قالدى .سۇمبۇل تۇرمۇشنى ،گۈزەللىكنى سۆيىدۇ .مۇھەببەت نەپرىتى ئىنىق .تۇرمۇشقا بولغان تەلپۈنىشى كۈچلۈك . ئەزەلدىن سۇمبۇلنىڭ چىھرىدىن مەيۈسلۈك كۆرۈنۈپ باقمىغان ، باشقىلارغا ئاز تولا ياردىمى تەگسە ،سۇمبۇل ئۈچۈن بۇ بىر خوشاللىق ئىدى . سۇمبۇلنىڭ ھەركۈنلۈك خىزمىتى ئاھالىلەرنىڭ تۇرالغۇ ئۆي مەسىلىسى ، تۆۋەن تۇرمۇش كاپالىتى ،نوپۇس  قاتارلىق بىر تۈركۈم ئىشلارنى تىزىملاش ،رەتلەش ۋە شۇ ئىشلارنى بىجىرىش قاتارلىق ئىشلار بىلەن مەشغۇل بولاتتى . دەل شۇنداق ئالدىراش يۈرگەن كۈنلەرنىڭ بىرىدە ، ئاھالىلەر كومىتىتىغا بىر يىگىت كىرىپ كەلدى . -ياخشىمۇسىز ؟ دېدى يىگىت سۇمبولغا تەبەسسۇم بىلەن . -ياخشىمۇسىز.. بىرە ئىشىڭىز بارمىتى ؟. دېدى سۇمبۇل كومپىيوتىر كونۇپكا تاختىسىدىن بىشىنى يىگىت تەرەپكە بۇراپ . -ھە ئە ! مەن بانكىدىن قەرز ئىلىش ئىشى توغۇرلۇق كىرگەن ئىدىم . ئىگىلىك تىكلىمەكچى بولغانلارغا بانكا ئۆسۈمسىز قەرز بېرىدىكەن . مەن ئىگىلىك تىكلەش بويىچە تەربىيلەنگەن . ھەم گۇۋاھنامىمۇ ئالغان ، شۇ گۇۋاھنامە بولسا ، ئاھالىلەر كومىتىتىغا ئىلتىماس قىلغاندىن كىيىن مۇناسىۋەتلىك ئورۇنلار ئۆسۈمسىز قەرزنى ھەل قىلىپ بېرىدۇ دەپ ئاڭلىغان ئىدىم . شۇ ئىش بىلەن كىرىشىم ئىدى . - ھە....   ئىگىلىك تىكلىمەكچى بولغانلارغاھەقىقەتەن  ئۆسۈمسىز قەرز بېرىدۇ . بىراق سىزنىڭ تىجارەت قىلغاندىكى تىجارەت كىنىشكىڭىز بارمۇ ؟ - ياق . تىجارەت كىنىشكەم يوق . مەن تېخى تىجارەت باشلىمىدىم . - ئۇنداقتا سىز يېڭىدىن تىجارەت باشلىماقچىكەنسىزدە ؟ - شۇنداق . - ئۇنداق بولسا سىزدە قەرز ئىلىش ئۈچۈن رەنىگە قويغىدەك ئۆيىڭىز ۋە ياكى بىرە مۇقىم خىزمەتلىك كىشى سىزگە كىپىللىك بولىشى شەرت، بولمىسا قەرز ئالغىلى بولمايدۇ . - ھە ..  بىراق مىنىڭ بۇ خىل شەرتلەرگە شارائىتىم يار بەرمەيدىكەن . مەن باشقا ئامال قىلىپ باقسام بولىدىغان ئوخشايدۇ . - مەيلى ئەمسە .  دېدى سۇمبۇل .      سۇمبۇلنىڭ بۇ سۆزى تۈگىشى بىلەن يىگىت سۇمبۇل بىلەن خوشلىشىپ چىقىپ كەتتى . سۇمبۇلنىڭ خىزمىتى ئالدىراشچىلىق ئىچىدە ئۆتىۋاتاتتى . بىر كۈنى سۇمبۇل ئىشتىن چۈشۈپ ئۆيگە قايتىش ئۈچۈن ئاپتۇبوس بىكىتىگە كەلدى . بىكەتتە تونۇش چىراي بىر يىگىت تۇراتتى . سۇمبۇل دەرھال ئىسىگە ئالدى . بۇ يىگىت دەل قايسى كۈنى ئاھالىلەر كومىتىتىغا ئۆسۈمسىز قەرز ئىشى توغۇرلۇق كىرگەن يىگىت .سۇمبۇل بۇ يىگىتنىڭ ئالدىغا كىلىپ سالام قىلدى . - ياخشىمۇسىز ؟ يىگىت دەرھال بۇ قىزغا قاراپ تونىۋالدى . ياخشىمۇسىز ؟ بۇيەردە يۈرۈيسىزغۇ ؟ دېدى يىگىت . - ئىشتىن چۈشۈپ ئۆيگە مېڭىشىمتى. سىزنىڭ ئۆيىڭىز مۇشۇ تەۋەلىكتىمۇ ؟ سۇمبۇل يىگىتتىن يىنىشلاپ سورىدى . - ھەئە . مۇشۇ يەردە . مەن كېچىلىك سىمىنىدا ئىشلەيمەن بۈگۈن ، خىزمەتكە مېڭىشىم . دېدى يىگىت . - ھە... قەيەردە ئىشلەيسىز ؟ - يەنئەن يولىدىكى شەخسىي بىر بىر شېركەتتە . كومپىيوتىردا ئېلان لاھىيلەش . - خىزمىتىڭىز ياخشىكەن . مەنمۇ شۇ ئەتراپقا ماڭىمەن . ئۆيۈم شۇ تەرەپتە . - ھە... بىر ئاپتوبوسقا چىققۇدەكمىز .   ئىسمىمىزنى سوراشماپتۇق راس . ئىسمىم مىرزات . سىزنىڭچۇ ؟ - ئىسمىم سۇمبۇل . ئۇلار شۇ پاراڭلاشقىنىچە يەنئەن يولىغىچە پاراڭلىشىپ ماڭدى . بۇ جەرياندا مىرزات ئۆز ئارزۇلىرى ۋە ئالىي مەكتەپنى مەلۇم سەۋەبلەر بىلەن ئوقۇيالمىغان بولسىمۇ، ئىگىلىك تىكلەش ئىرادىسىنىڭ بارلىقى ، بۇندىن كىيىنكى پىلانلىرى قاتارلىق جەھەتلەردە سۆزلەپ ئۆتتى . سۇمبۇلمۇ ئۆز خىزمىتى توغۇرلۇقمۇ ئاز تولا سۆزلەپ ئۆز ئارا چۈشۈنشىپمۇ قالدى . ئاپتوبوستىن چۈشىدىغان ۋاقىتتا سۇمبۇل : ئۆسۆمسىز قەرز ئىلىش ئىشىدا مەن سىزگە ياردىمىم تىگىپ قالسا ئەجەب ئەمەس . بولسا تېلفون نۇمۇرىڭىزنى قالدۇرۇپ قويۇڭ .ياردەم قىلالىسام چوقۇم تېلفون قىلىمەن .   مىرزات يىنىدىن ئىسىم كارتوچكىسىنى سۇمبۇلغا بەردى .بۇلار خوشلىشىپ ، بىرسى ئۆز ئۆيىگە قاراپ ماڭسا يەنە بىرى خىزمىتىگە قاراپ ماڭدى . كىيىن بۇلار يەنە بىر نەچچە قىتىم ئۇچۇرشۇپ قالدى . ھەرقىتىم پاراڭلىشىش جەريانىدا ئۆز- ئارا چۈشىنىش كۆپىيەتتى . مىرزات سۇمبۇلنىڭ ئەخلاق پەزىلەتلىك قىز ئىكەنلىكىنى تونۇپ يەتتى .  شۇنىڭ بىلەن بىللە سۇمبۇلمۇ مىرزاتنىڭ ئىرادىلىك مىجەز - خارەكتىرىنىڭ ئىسىل يىگىت ئىكەنلىكىنى ھەر ھالدا تونۇپ يەتتى . بىر قىتىم ئىككىسى بىللە تاماقمۇ يىدى . بۇ قىتىم مىرزات ئۆز پىلانىنى سۆزلەپ  ئۆتتى . مىرزاتنىڭ شۇنچە تىرىشچانلىقىنى ،  كىچىك بىر ئېلان لاھىيلەش ۋە ئىشلەش شېركىتىدىن بىرنى قۇرۇش ئارزۇسىنىڭ بارلىقىنى بىلگەن سۇمبۇل مىرزاتقا قايىل بولدى . سۇمبۇلنى ئالىي مەكتەپتە قوغلاشقان يىگىتلەر ئازمۇ ؟ ئەمما سۇمبۇل ئۇلارغا قاراپمۇ قويمايتى . چۈنكى ئۇ يىگىتلەر سۇمبۇلنىڭ كۆڭلىدىن ئورۇن ئىلىشقا ئەرزىمەيتتى . بۇ ئايدىن ئۇ ئايغا ئاتا - ئانىسى بەرگەن پۇلنى يەتكۈزەلمەي بەتخەجلىك قىلىپ ئاتا-ئانىسىغا ئىچى ئاغرىمايدىغان  ، دەرس تاشلاپ ھاراق ئىچىپ ئۇيۇندىن باش كۆتۈرەلمەي يۈرگەن شۇ يىگىتلەر قانداقمۇ سۇمبۇلنىڭ سۆيىشىگە ئەرزىسۇن ؟ سۇمبۇل مىرزاتنى بۇ يىگىتلەرگە سېلىشتۇرسا سۇمبۇلنىڭ قەلبىدە مىرزاتقا نىسبەتەن ئىللىق بىر سىزىم پەيدا بولاتتى . ئەمما مىرزاتقا ئۆسۈمسىز قەرزدىن ئىبارەت بۇ ياردەمنى قىلىش نىيتىگىمۇ كەلدى . بىر كۈنى سۇمبۇل مىرزاتقا تېلفون قىلدى . ھەم بىرقۇر ئەھۋاللاشقاندىن كىيىن . - مىرزات ، مەن سىزنىڭ ئۆسۈمسىز قەرز ئىلىش ئىشىڭىزغا ياردەم قىلايمىكىن دەيمەن . يەنى مەن ئۆزۈم كىپىل بولۇپ سىزگە ئۆسۈمسىز قەرز ئىلىپ بېرىشنى خالايمەن . - سىز...   بۇنداق قىلساق بولماسمىكىن سۇمبۇل . - نىمىسى بولمىغۇدەك ؟ ئىگىلىك تىكلەش نىشانىڭىزدىن يىنىۋالدىڭىزمۇ؟ - ياق . ئۇنداق ئەمەس . مەن ئەزەلدىن بۇ نىشانىمدىن يىنۋالغان ئەمەس . - بىراق ..  كىيىن بۇ قەرزنى قايتۇرالماي قالسام سىزمۇ بىرمۇنچە ئاۋارچىلىقتا قالىسىز . - سىز ئۆزىڭىزگە ئىشىنشىڭىز كېرەك مىرزات . بىر ئىشنى باشلىماي تۇرۇپ ئاخىرىغا ئىلىپ چىققىلى بولمايدۇ . - ئۇنداق بولسا مەن ياخشى ئويلىنىپ كۆرەي . - ماقۇل . جاۋابىڭىزنى كۈتىمەن . شۇنداق قىلىپ ئىككى كۈن ئۆتكەندە مىرزات ، سۇمبۇلنىڭ كىپىل بولۇپ بانكىدىن ئۆسۈمسىز قەرز ئىلىپ بېرىش ئىشىغا قوشۇلدى . سۇمبۇل بارلىق رەسمىيەتلەرنى تولۇقلاپ مۇناسىۋەتلىك ئورۇنلارغا سۇندى . ئارىدىن ئىككى ئاي ئۆتكەندە ،مىرزات بانكىدىن ئۆسۈمسىز قەرزئالالىدى . مىرزات بۇ پۇل بىلەن ۋە ئۆزى يىغىپ كەلگەن بىرقىسىپ پۇللارنى قوشۇپ كىچىك بىر ئېلان لاھىيلەش ۋە ئىشلەش شېركىتىنى قۇردى . مىرزاتنىڭ بۇ شېركىتى بارا بار راۋاجلىنىپ ئىقتىسادى كىرىم يارىتىشقا باشلىدى . شېركەن قۇرۇلۇپ ئالتە ئاي بولغاندا ، سۇمبۇلنىڭ كىپىل بولىشى بىلەن بانكىدىن ئالغان ئۆسۈمسىز قەرزنى قايتۇردى . بۇ ۋاقىتتا سۇمبۇل ناھايىتى خوشال ھالدا كۈلۈپ تۇرۇپ : مانا دىمىدىممۇ مىرزات . سىز قىلالايسىز دەپ ، مەن سىزگە ئىشەنگەن . سىز ھەقىقەتەن مىنىڭ نەزرىمدە ئىقتىدارلىق يىگىت   .  سۇمبۇل بۇ گەپنى قىلىپ سەل خىجىل بولۇپ قالدى . چۈنكى سۇمبۇل مىرزاتنى ئاللىبۇرۇن ياخشى كۆرۈپ بولغان ئىدى . بىراق مىرزات قەرزنى قايتۇرغۇچە بولغان ئارلىقتا شېركەت ئىشلىرى بىلەنلا بولۇپ كىتىپ سۇمبۇلغا كۆڭلىنى بىلدۈرگىدەك بىرە سۆز قىلىپ باقمىغان ئىدى . بىراق سۇمبۇل مىرزاتقا ‹‹ مەن سىزنى ياخشى كۆرىمەن . سىز بىلەن مەڭگۈ بىرجۈپلەردىن بولۇپ ئۆتۈشنى خالايمەن ››دىگۈسى بولسىمۇ بىراق ھەرگىز بۇنداق دىيەلمەيتتى . چۈنكى كۆڭلىدىكى سۆيگەن ئادىمىغا سۆيگۈسىنى ئىزخار قىلالماسلىق قىزلاردىكى بىرخىل تۇغما ئاجىزلىق بولسا كېرەك . سۇمبۇلمۇ دەل بۇ ئىشتا ھەقىقەتەن ئاجىز ئىدى . بىراق بىر كۈنى مىرزات سۇمبۇلنىڭ كۆڭلىدىكى بۇ سۆزلەرنى سۇمبۇلغا دادىللىق بىلەن دېدى . بۇنى ئاڭلىغان سۇمبۇل مىرزاتنىڭ كۆزىگە تىكىلىپ تۇرۇپ :‹‹سىزنى مىنى چوقۇم بەخىتلىك قىلالايدۇ دەپ بىلىمەن ›› دىگۈنىچە مىرزاتنىڭ بوينىغا گىرە سالدى . سۇمبۇل خىزمىتىدىن ئىستىپا بەردى .ئىككى تەرەپ چوڭلارنىڭ رازىلىقى بىلەن بۇ ئىككى ياش ئەل قاتارى توي قىلدى . بىرمەزگىلدىن كىيىن بۇ ئىككى ياشنىڭ ئائىلىسىگە يېڭى مېھمان قەدەم ئالدى . يەنى سۇمبۇل ئۆزىگە ئوخشاش چىرايلىق ، ئوماققىنە قىز تۇغدى .        مەزكۇر ئەسەر ئۆز ئىجادىيتىم . مەزمۇنىنى قىسقا چۈشىنىشلىك قىلىپ يازدىم . ئوقۇرمەن دوسلارنىڭ تەنقىدىي پىكىرلىرى بولسا ئايىمىغايسىلەر .

326ayixa

	قىسقا مەنىلىك چىقىپتۇ ، مىنىڭچە سەل  راۋانلاندۇرسا تېخىمۇ ياخشى بىر ئەسەر بولۇپ  چىققۇدەك .  ھازىر بىر ئوقۇستا كىشىگە سەل كەمتۈكلۈك تۇيغۇسى بېرىدىكەن . (پەقەت شەخسىي كۆز قارىشىم )

تارىمى

	ۋاقتىڭىزنى تېخىمۇ ئەھمىيەتلىك ئىشقا سەرىپ قىلىڭ ،

musilina

	ھېكايىڭىز مەزمۇنلۇق، ئەھمىيەتلىك چىقىپتۇ.... بىراقزە ۋەقەلىك تەرەققىياتى تېز،تىل تەسۋىرلىرى ئاددىي بولۇپ قاپتۇ،تىنىش بەلگلىرىنىڭ ئىشلىتىلىشىمۇ مۇۋاپىق ئەمەس....

madonna

	326ayixa يوللىغان ۋاقتى  2014-11-29 11:03 PM قىسقا مەنىلىك چىقىپتۇ ، مىنىڭچە سەل  راۋانلاندۇرسا تېخ ... توغرا . قىسقا ئاددىي قىلىپلا يازدىم . بەك ئۇزۇن يىزىۋەتسەم زېرىكىپ قالمىسۇن ئوقۇرمەنلەر دەپ ئويلۇدۇم .

alhumar137

mastana888

	ياخشى يىزىپسىز تىرىشىڭ

tizimlitiman

	بىشىنى ئوقۇپ ئ‍ىلانمىكىن دەپتىمەن

mehriya

	يامان ئەمەس يېزىپسىز . ھارماڭ قېرىندىشىم

dilsuz990

	مىرزاتجان بۇ سۇمبۇل كىمۇ ئەمدى؟