مەخەت ئابدۇرېھىم:سۇغا قوشۇلغان ھىسياتىم(نەسىر)

mahatjan

	سۇغا قوشۇلغان ھىسياتىم                                (نەسىر)                          مەخەت ئابدۇرېھىم     يول بويىدىكى ئۆستەڭدە ئېقىۋاتقان سۇغا قاراپ ئولتۇراتتىم،ھىسياتىم ئېقىن سۇنىڭ شىلدىرلاپ ئېقىۋاتقان رېتىملىرغا قوشۇلۇشقا،كۆزلۈرۈم سۇغا مۇھەببەت ئىزھار قىلغاندەك قايتا-قايتا مىدىرلاشقا باشلىدى.تەپەككۇرۇم سۇ بىلەن سەپەرداش بولوپ تۇپراقنىڭ باغرىغا ئۆركەش ياساپ ئېقىشقا تەمشەلمەكتە ئىدى.ئېقىن سۇنىڭ ئېقىشلىرىغا زوقۇم كىلىپ،سۇدىن سۇئال سوراپ قالدىم؛    -ھەي،سۆيۈملۈك سۇلار!ئېرىق-ئۆستەڭنىڭ لەۋلىرىگە مەڭزىڭلارنى يېقىپ قەيەرگە ماڭدىڭلار؟:-     سۇئالىمغا ھەيران بولغاندەك قىلىپ،سۇمۇ دەرھال سۆزلەشكە باشلىدى:    -بىز ئاسمان پەلەكتىن چۈشۈپ،تاغ-چوقىلارنى،دەل-دەرەخلەرنى يۇيۇپ،ئېرىق-ئۆستەڭلەرگە يىغىلىپ،كەڭ زىمىنغا ئېقىپ بېرىپ تۇپراقتىكى ماۋجۇداتلارنىڭ ئۇسسۇزلىقىنى قاندۇرىمىز.ئۆچەي دەپ قالغان ۋە يېنىشقا تەمشىلىۋاتقان ھايات شامىنى ياندۇرىمىز.بىزنىڭ ماكانىمىز چەكسىز زىمىن،شۇڭا ئېرىق- ئۆستەڭلەردە كىرپىك قاقماي ئەركىن ئۈزۈپ زىمىن باغرىدىكى ھاياتىق ئىلمىنىتلىرىنى ئويغۇتىمىز.تۇپراقتا گۈل ئېچىلدۇرۇش بىزنىڭ مەجبۇرىيتىمىز ۋە ئىسىل خىسلىتىمىز.بۈتۈن كائىنات قىزىققىدەك سۈپ-سۈزۈكتۇر ھۆسنىمىز.ماۋجۇداتلار ئالدىدا خېلى ئۈستۈندۇر ھۆرمىتىمىز.كىمىكى بىزنى باشلىسا ،چۆل-جەزىرە،تاغۇ-دەشتىلەرنى گۈللىتىمىز.بىزگە تەشنا سەپەرداش ۋە قەلىبداشلارغا ئۈنچە-مارجان چاچىرتىمىز؛-دىدى-دە سۇ كىتىپ قالدى سۆيۈپ ئۆستەڭ قىرلىرىنى،مەنمۇ بىلىۋالدىم سۇنىڭ خىسلەتلىرىنى.     مەن سۈزۈك سۇدەك ھىسياتىمنىڭ يىتەكچىلىگىدە ئۆز-ئۆزۈمگە«مەنمۇ تامچە سۇدەك ئېقىپ،خەلىقنىڭ تەپەككۇر دەرياسىغا قوشۇلۇپ ئويغاتسام تەسەۋۋۇر خىياالىمنى،ئىپادىلىسەم ھاياتلىق باھارىمنى.مەنمۇ شۇ ئېقىن سۇدەك ياشناتسام ئانا تۇپراق دىيارىمنى»دىدىم-دە سۇ ئېقىۋاتقان ئۆستەڭنى بويلاپ،كەڭ زىمىنغا قاراپ تەپەككۇر قىلىشقا باشلىدىم.                                    ئاپتۇرى:مەخەت ئابدۇرېھىم

hayat

	ئىچىڭىزدىكى ئاجايىپ بىر قايناق ھېسسىياتنى كۆرگەندەك بولدۇم. بىراق شۇ قايناق ھېسسىياتىڭىز قەغەز يۈزىدە ئۆز ئىپادىسىنى تاپالماي قاپتۇ.

mahatjan

	hayat يوللىغان ۋاقتى  2014-11-30 03:56 AM ئىچىڭىزدىكى ئاجايىپ بىر قايناق ھېسسىياتنى كۆرگەندەك ب ... ھايات مەن ئۈچۈن ھەممىدىن قىممەت، ھاياتتىنمۇ قىممەت ساغلام مۇھەببەت. ۋە لىكىن كىچىمەن ھەر ئىككىلىسىدىن، سۈزۈك سۇدەك ھىسياتىم ئۈچۈنلا پەقەت.

hayat

	mahatjan يوللىغان ۋاقتى  2014-11-30 04:08 AM ھايات مەن ئۈچۈن ھەممىدىن قىممەت، ھاياتتىنمۇ قىممەت س ... ھەقىقىي بىر ئەدىب باشقىلارنىڭ ئەسىرىنى مۇنداق ئۆزگەرتمەيدۇ. ئۇنىڭ ئۈستىگە مۇنداق بىر جەڭگىۋار شېئىر سىزنىڭ ئۇ ھېسسىياتىڭىز ئۈچۈن زايە كىتىدۇ. (چاقچاق )

mehriya

	مەنمۇ تامچە سۇدەك ئېقىپ،خەلىقنىڭ تەپەككۇر دەرياسىغا قوشۇلۇپ ئويغاتسام تەسەۋۋۇر خىياالىمنى،ئىپادىلىسەم ھاياتلىق باھارىمنى.مەنمۇ شۇ ئېقىن سۇدەك ياشناتسام ئانا تۇپراق دىيارىمنى .   بۇ قۇرلار شۇ چاغدىكى ھەقىقي ھېسياتىڭىزنى ئىپادىلەپتۇ . سىزگە سالامەتلىك ، قەلىمىڭىزگە بەركەت تېلەيمەن

mahatjan

	mehriya يوللىغان ۋاقتى  2014-12-1 12:19 PM مەنمۇ تامچە سۇدەك ئېقىپ،خەلىقنىڭ تەپەككۇر دەرياسىغا ق ... رەھمەت ئۇكام،ماڭا كۆڭۈل بۆلگەنلىرىگە.