مۇھەببەتكە مۇھەببەت كىرەك

KUMALTAGH

	مۇھەببەتكە مۇھەببەت كىرەك ئەمەتجان زۇنۇن ئارتۇچ ئىنسان ئۇلۇغ بولسا ئوت يۈرەك ، يۈرىگىدە  تۇرسا ساپ تىلەك . مۇھەببەتسىز جاھان قىيامەت ، مۇھەببەتكە مۇھەببەت كىرەك . مۇھەببەت بار قىلدى ھەممىنى ، باغلاپ ئوتلۇق ، پۈتمەس رىشتىنى ، بەردى جاندىن بۈيۈك ئىشقىنى ، مۇھەببەتكە مۇھەببەت كىرەك . مۇھەببەتسىز ياشاش مەنىسىز ، مۇھەببەتسىز ئادەم قەدىرسىز ، مۇھەببەتسىز بولماس يورۇق ئىز ، مۇھەببەتكە مۇھەببەت كىرەك . مۇھەببەتنىڭ تۇغى ۋاپادۇر ، ھەق -ئادالەت ، ئەخلاق ، ھايادۇر ، مۇھەببەتنىڭ ۋەسلى ، لاۋادۇر ، مۇھەببەتكە مۇھەببەت كىرەك . مۇھەببەتتىن تۆكۈلگەن بەركەت ، مۇھەببەتتىن ئويغاق ھەقىقەت ، مۇھەببەتتىن قۇچىمىز نۇسرەت ، مۇھەببەتكە مۇھەببەت كىرەك . مەنبە ؛ ئىجادىيىتىم

KUMALTAGH

	چىن مۇھەببەت قېنى سەن قېنى ئەمەتجان زۇنۇن ئارتۇچ خازان بولدى پاك سۆيگۈ بېغى ، يۈرەكلەردە دەرت - ئەلەم دېغى . باستى ھىجران ، ئاھانەت تېغى ، چىن مۇھەببەت قېنى سەن قېنى . دۇنيا ئىزلەپ روھلار سەرسانە ، مەئىشەت دەپ ئۆيلەر ۋەيرانە ، ياخشىلارغا ياغدى ئەپسانە ، چىن مۇھەببەت قېنى سەن قېنى . قېرىنداشلار نەپ ئۈچۈن ئازدى ، كۆڭۈللەرنى ۋەسۋەسە ئالدى ، ئاقىللارنى ئەندىشكە سالدى ، چىن مۇھەببەت قېنى سەن قېنى . ئۇنتۇلماقتا گۈزەللىك ، ئەخلاق ، خۈنۈكلشپ ئۆچمەس ئىز ، پىراق ، مۇڭغا چۈمدى ئالتۇن قوڭغۇراق ، چىن مۇھەببەت قېنى سەن قېنى . قېنى شېرىن تاغ كەسكەن پەرھاد ، ئانا زىمىن چەكمەكتە پەرياد ، چاڭقاقلىققا چۈمۈلدى ھايات ، چىن مۇھەببەت قېنى سەن قېنى . ئادىمىيلىك ياتلىشىپ كەتتى ، ئىنساب يوقاپ تابلىشىپ كەتتى ، ھالال - ھارام ئارلىشىپ كەتتى ، چىن مۇھەببەت قېنى سەن قېنى . خەسسىسلەرنىڭ كۆزلىرىدە قان ، غېرىبلارنىڭ كۆزلىرىدە نان ، پۇلنى كۆزلەپ سېسىماقتا جان ، چىن مۇھەببەت قېنى سەن قېنى . ھاياتلىقنىڭ جېنى مۇھەببەت ، ئۇلۇغلۇقتىن تۆكۈلگەي بەركەت ، ئەھلى قۇچقاي مەنزىلدە نۇسرەت ، چىن مۇھەببەت قېنى سەن قېنى . مەنبە ؛ ئىجادىيىتىم

KUMALTAGH

	مۇھەببەتتە ھەققىم بار بىلسەڭ ئەمەتجان زۇنۇن ئارتۇچ مۇھەببەتتىن تۆكۈلىدۇ نۇر ، مۇھەببەتتىن ياشايمەن مەغرۇر، بېرەر ۋىجدان دىيانەت، غورۇر، مۇھەببەتتە ھەققىم بار بىلسەڭ. مۇھەببەتتىن كۆز ئاچتىم ،كۈلەي، جان كەتسىمۇ ئىشقىدا كۆيەي، سۈيۈندۈرەي سۆيدۈرەي سۈيەي، مۇھەببەتتە ھەققىم بار بىلسەڭ. ئىشقىسىزغا يولىما كۆڭلۈم، ئەقىدىسىز ياشىماق ئۈلۈم، ۋىسال ئۈچۈن مەيلى نە  كۈرۈم، مۇھەببەتتە ھەققىم بار بىلسەڭ. مەنبە ؛ ئىجادىيىتىم

KUMALTAGH

	تۇمۇچۇقۇم سايرىغىن خۇشال ئەمەتجان زۇنۇن ئارتۇچ زەر قەپەزگە ئەمەسسەن مەپتۇن ، تومۇچۇقۇم سايرىغىن خۇشال. سايرىشىڭدىن بولغانمەن مەجنۇن، تومۇچۇقۇم سايرىغىن خۇشال. پەرۋازىڭدىن سۈزۈكتۇر ئاسمان ، پەرۋازىڭدىن يورۇقتۇر جاھان ، پەرۋازىڭدىن سۈيۈنىدۇ جان، تومۇچۇقۇم سايرىغىن خۇشال. قانىتىڭنى توسمىسۇن بۇلۇت ، قانىتىڭنى بوغمىسۇن جۇھۇت ، قانىتىڭغا سۆيسۈن مەڭگۈ قۇت ، تومۇچۇقۇم سايرىغىن خۇشال. مەنبە ؛ ئىجادىيىتىم

KUMALTAGH

	مۇھەببەتتىن كۆكلەيدۇ ئىنسان ئەمەتجان زۇنۇن ئارتۇچ مۇھەببەتتىن يارالدى جاھان ، مەۋجۇداتقا بەردى ئۇلۇغ جان ، ئارمانلارغا ئۇلۇشۇپ ئارمان ، مۇھەببەتتىن كۆكلەيدۇ ئىنسان . سۆيگۈ رىشتى باغلىدى مەھكەم ، تاڭ جىلۋىسى ئۈمىت مۇجەسسەم ، ۋىسال ئارا تاتلىق ھىجران ، غەم ، مۇھەببەتتىن كۆكلەيدۇ ئىنسان . تۈكۆلىدۇ  ئالەمچە بەركەت ، ۋاپا ،مىھنەت ياغدۇرۇپ ھىممەت ، كامال تاپقان ئىنسانىي قىممەت ، مۇھەببەتتىن كۆكلەيدۇ ئىنسان . مەنبە ؛ ئىجادىيىتىم

KUMALTAGH

	مۇھەببەتنى ئۇلۇغلىساڭ كەل جانان ئەمەتجان زۇنۇن ئارتۇچ يۈرۈگۈمنى كۆيدۈرىدۇ بىر ئارمان، شۇ ئارمان ئەۋجىدە ياشنايدۇ بۇ جان. سۆيىدۇ قىسمەتلەر قىينايدۇ ھىجران، مۇھەببەتنى ئۇلۇغلىساڭ كەل جانان. ئاتام ئاتا ھاۋا ئانا ئىزى بىز، گويا جەننەت باغلىرىنىڭ گۈلى بىز، ئۇلۇغ سۆيگۈ مەنزىللەرنىڭ سىرى بىز، مۇھەببەتنى ئۇلۇغلىساڭ كەل جانان. نېمە يەتسۇن مىھرى ۋاپا رىشتىگە، ۋىسال تاپساق گۈللىمەمدۇ جەزىرە، كۈلدۈرىدۇ چىن ئاشىقنى ئەقىدە، مۇھەببەتنى ئۇلۇغلىساڭ كەل جانان. باقىي ئەمەس مالۇ-دۇنيا ، ھەشەمەت، باقىي ئەمەس ئەمەل-مەنسەب،سەلتەنەت، زامانلاردىن ئۇزاق ياشار مۇھەببەت، مۇھەببەتنى ئۇلۇغلىساڭ كەل جانان. مەنبە ؛ ئىجادىيىتىم

yurkimzida

	ۋاي  ۋاي ،نىمۇ ئۇ مۇھەببەت دىگەن

huxhal

	مۇھەببەت  بىرىنى چىن قەلبىدىن ياخشى كۆرۈش ، مۇنداقچە ئېيتقاندا ، باشقىلارغا مۇھەببەت بېرىش بىلەن بىللە مۇھەببەت تەلەپ قىلىشتۇر ، مۇھەببەتكە مۇھەببەت قوشۇلسا ئۇ تېخىمۇ لەززەتلىك بولىدۇ .

زوھرە

	مۇھەببەت،،،،،،،،،،،،،،،،،،ياخشى يېزىپسىز

zulqinay

	مۇھەببەت مۇھەببەتنى تۇغىدۇ.