يار سۆيسەم

KUMALTAGH

	يار سۆيسەم ئەمەتجان زۇنۇن ئارتۇچ ھوزۇر شاتلىق سۈرەرمىش زەپ قۇياش پاتقاندا يار سۆيسەم ، تېڭىپ يۈرەككە ھەسرەتلەر پىغان تاشقاندا يار سۆيسەم . جانان ھەردەم راۋاق ئۈزرە گويا غازدەك گېدەيگەنچە ، بىلەرمىش ئۆزىنى يۈكسەك بىھۇش ياتقاندا يار سۆيسەم . تامام سىرلارنى ئالماقكەن گۈزەل كۈيلەرگە چالماقكەن ، ئۇزاق سېھرىگە رام قىلمىش بەخىت قاچقاندا يار سۆيسەم . غېرىب تەقدىردە ھال -كەچمىش  سەنەم ھەر يەردە زار ئەتمىش ، ئۆزى بىر رەت سۆيۈپ باقماس بېشىم قاتقاندا يار سۆيسەم . ئەجەپ يالغان ئىكەن يالغان ۋەدە قىلغان نىيەت ، ئارمان ، كۆردى پېقىرنى گول - ئاخماق  سوغاق باققاندا يار سۆيسەم. كۆيۈپ يۈرسەم ۋىسال ئىزلەپ ئۇلۇغ مەنزىل نىشان كۆزلەپ ، ئەقىدەم خار ، جاھان بەك تار  يېشىم ئاققاندا يار سۆيسەم . مۇھەببەتنىڭ پايانىدىن  ئېغىر تەڭسىز ئازابىدىن  ، كۈنۈم سەرسان جىمى ھەيران تۇمار ئاسقاندا يار سۆيسەم . كۆنۈپ بولماس مىجەز - خۇلقى  گويا شەيتان ئىكەن ئەسلى ، تالاي شەرتىدە ئازدۇردى قارا  باسقاندا يار سۆيسەم . قىيامەتلىك ئىمىش ۋەسلى كۆيۈك ئىشقى باھار پەسلى ، بۈيۈك بىلمىش كۈتۈنۇشنى غورۇر ساتقاندا يار سۆيسەم . مەنبە ؛  ئىجادىيىتىم

KUMALTAGH

	قەدىرىمگە يېتىسەن گۈلۈم                                            ئەمەتـجان زۇنۇن ئارتۇچ ياخشى كۈنلەر تاشلاپ كەتكەندە ، ھىجرانلاردا ھەسرەت چەككەندە ، باغلىرىڭغا ئۈششۈك تەككەندە ، قەدىرىمگە يېتىسەن گۈلۈم . ئاھانەتلەر ئۆتىدۇ جاندىن ، پۇشايمانغا قاچا يوق ئاندىن ، كەتكۈڭ كېلەر يورۇق جاھاندىن ، قەدىرىمگە يېتىسەن گۈلۈم . مال -دۇنياغا تويىسەن شۇ چاغ ، چىن مۇھەببەت ئەسلى چىمەنباغ ، يۈرىگىڭنى پۇچىلايدۇ داغ ، قەدىرىمگە يېتىسەن گۈلۈم . مەنبە ؛ ئىجادىيىتىم

KUMALTAGH

	سەن بىلەن ئەمەتجان زۇنۇن ئارتۇچ يىغلاپ كەلگەن دۇنياغا كۈلەلەيمەن سەن بىلەن ، ئادەم ئاتا ھەۋۋادەك يۈرەلەيمەن سەن بىلەن . مەنزىلىدە ئۆمۈرنىڭ تالاي قىسمەت ، غەملەر بار ، بارى - يوققا شۈكرى دەپ ئۆتەلەيمەن سەن بىلەن . ئۈمىتلەرنىڭ قوينىدا ئارمانلار بار كۆكلىگەن ، سۆيگۈ ئۈچۈن ھەممىگە كۆنەلەيمەن سەن بىلەن . زىمىستاندا چوغ بولۇپ قولۇڭدىكى تۇغ بولۇپ ، نۇسرەت تامان ھەق دەپ مۇش تۈرەلەيمەن سەن بىلەن . قوشۇلغاندەك سۇغا سۇ تىنىقىڭغا قوشۇلۇپ ، ھايات پەيزى ، لەززىتى سۈرەلەيمەن سەن بىلەن . پاكلىق ، ۋىجدان ، ئادالەت ئادىمىيلىك زىننىتى ، ئەل - ۋەتەننى ، يۇرتۇمنى سۆيەلەيمەن سەن بىلەن . مۇھەببەتنىڭ مەنىسى پاك روھىنى بېغىشلاش ، ۋىسال ئۈچۈن جان نېمە ؟ ئۆلەلەيمەن سەن بىلەن . مەنبە ؛ ئىجادىيتىم

intizar

	مەن تازا چۇشنەلمىدىممۇ يا  چۇشىنىىدغان يەردىن ئۆتەپ كەتتىممۇ

intizar

	سەن بىلەن دىگەن ئەرسىڭىز ياخشى يېزىلىپتۇ ساقلىۋالدىم رەھمەت

باشتۇغ

	ئىجادىيىتىڭىزگە ئىزچىللىق يار بولسۇن .

mastana888

	ئىجادىيتىڭىزگە ئۇتۇق تىلەيمەن

ARMANI123

	ياجشى چىقپتۇ. مۇنبەردە شائىرلار كۆپكەن.

سەفەر

	شېئرلارنى ياخشى يېزىپسىز . تەشەككۈر ... سەن بىلەن ... دىگەن شېئىرىڭىز  ياخشى يېزىلىپتۇ .

umidwar.

	شىئېرلىرىڭىز بىر-بىرىدىن ياخشى چىقىپتۇ ،بولۇپمۇ سەن بىلەن دىگەن شىئېرىڭىزنى بەك ياقتۇردۇم .