مىللىي IT كارخانىلىرى ھەمكارلىق يولىغا قەدەم باستى

mamkap123

	مىللىي IT كارخانىلىرى ھەمكارلىق يولىغا  قەدەم باستى بۇ يىللاردا مەيلى دۆلىتىمىز ئىچىدە بولسۇن ياكى پۈتكۈل خەلقئارا مىقياسىدا بولسۇن IT (ئۇچۇر تېخنىكىسى) ساھەسىنىڭ تەرەققىيات سۈرئىتى ھەممە ئادەمنى ھاڭ-تاڭ قالدۇردى، ئۇ خۇددى تۇيۇقسىز كەلگەن شىددەتلىك ئىقىندەك يوپۇرۇلۇپ كىلىپ، جەمئىيەتنىڭ ھەممە بۇلۇڭ پۇچقاقلىرىغىچە تارىلىپ،سىياسەت، ئىقتىساد، مەدەنىيەت، مائارىپ، پاراۋانلىق، كۈندىلىك تۇرمۇش قاتارلىقلارغا غايەت زور تەسىر كۆرسىتىپ، جەمئىيەتنى تۈپتىن ئۆزگەرتىۋەتتى. ئۇ ھەتتا ھەربىر شەخىسنىڭ كۈندىلىك تۇرمۇش ئادىتى، ئىجتىمائىي ئالاقە ئۇسلۇبلىرىغىچە ئۈسۈپ كىردى. ئۇ بۇ جەرياندا ئۇچۇر دەۋرى، زامانىۋىلىق، تەرەققىيات قالپىقىنى كىيگەن يېڭى بىر خىل ئىقتىساد ئەندىزىسى، ياشاش ئۇسۇلى شەكىللەندۈرۈپ، ئەنئەنىۋى مەۋجۇتلۇق قانۇنىيىتىگە يېڭى كىرزىس ئىلىپ كەلدى، يەنى بۇ قالپاقنى ئوڭشاپ كىيەلىگەنلەر ۋە بۇنىڭغا ماسلىشالىغانلار ھايات قالدى، تەرەققىي قىلدى، بۇ قالپاقنى كىيەلمىگەنلەر ۋە ماسلىشالمىغانلار بولسا تەبئىيلا شاللاندى ۋە شاللىنىش گىرۋىكىگە بىرىپ قالدى. شۇنىڭ ئۈچۈن ئۇچۇر تېخنىكىسىنى جەمئىيەت ئىقتىسادىنى ئالغا سىلجىتىشتا تۈۋرۈكلۈك رول ئوينىغۇچى ئەڭ مۇھىم ئامىل دەپ قاراشقا تامامەن بولىدۇ. جاھان تەرەققىيات ئەھۋالىدىن ھەممە ھەر ۋاقىت خەۋەردار بولۇپ تۇرىدىغان بۇ دەۋر بىزگە ئۆزىمىزنى ياخشى تونۇتتى، ئۆزلۈك ۋە كىملىك ھەققىدە ئويلاندۇردى، ئېنىق سىلىشتۇرما ئارقىلىق پەرقنى بىلدۈردى، ھەممە بەس-بەستە دەۋىرگە ماسلىشىش شوئارىنى توۋلىدى، شۇنىڭ بىلەن يېڭى بىر مەيدان جەمئىيەتنى ۋە ئىقتىسادنى تەرەققىي قىلدۇرۇش دولقۇنى شەكىللەندى، ھەرخىل ساھەلەردە كارخانا-شىركەتلەر قۇرۇلدى. يۇقاردا ئېيتقاندەك، يېڭى دەۋىردىكى يېڭى چولپان—ئۇچۇر تېخنىكا ساھەسىمۇ ئۇيغۇرچىلىقتىن ئورۇن ئىلىپ، دىيارىمىزدا بۇ ساھەدە يېڭى گۈللىنىش دولقۇنى قوزغالدى. ئۇچۇر تېخنىكىسى ئىقتىساد تەرەققىياتىدىكى مۇھىم ئامىل بولۇش سۈپىتى بىلەن كۆزنى قاماشتۇرغۇدەك تەرەققىيات ئىستىقبالى، كەسكىن رەھىمسىز بازار رىقابىتى ۋە پۈتمەس-تۈگىمەس يېڭىلىق يارىتىش پۇرسەتلىرىنى ياراتتى. ئۇنىڭغا ياخشى ماسلىشىش، جەمئىيەت ئىقتىسادىنىڭ تەرەققىياتىغا ھەقىقىي تۈردە ئەمەلىي تۆھپە قوشۇش ئۈچۈن ئۆز-ئارا ھەمكارلىشىش، ئۆز-ئارا ئۆگىنىش، پىكىر ئالماشتۇرۇش ۋە توختىماي ئۆزىنى كۈچەيتىپ تۇرۇش لازىم. نىيەت بىر، نىشان ئوخشاش ئەھۋالدا ھەمكارلىق ئەڭ گۈزەل نەتىجە. شىنجاڭ ئالماس يۇمشاق دېتال شىركىتىنىڭ تەشەببۇس قىلىشى ۋە دىيارىمىزدىكى باشقا سەككىز شىركەتنىڭ قىزغىن ئاۋاز قوشۇشى نەتىجىسىدە، دىيارىمىزدا «ئۇچۇر-تېخنىكىسى مۇتەخەسسىلەر مۇنبىرى» قۇرۇلدى ھەم ئاپتونوم رايونلۇق يۇمشاق دېتال ئىلمىي جەمئىيىتى تەرىپىدىن تەستىقلاندى. بۇ مۇنبەر پۈتۈنلەي بىلىم تارقىتىش، ھەمكارلىق، كۆپ ۋاستىلىق ۋە باراۋەرلىك پىرىنسىپى ئاساسىدا پەسىللىك يىغىلىش ئۆتكۈزۈش، تېخنىكا ئالماشتۇرۇش، مەخسۇس سۆھبەت، لېكسىيە قاتارلىق مەزمۇنلارنى ئورۇنلاشتۇرۇش ئارقىلىق IT ساھەسىدىكى مىللىي كارخانىلارنىڭ ئورتاق تەرەققىي قىلىشىنى مەقسەت قىلغان. مۇنبەرگە دەسلەپكى قەدەمدە دىيارىمىزدىكى 9 كارخانا ئەزا بولغان بولۇپ، مۇنبەر ئىجرائىيە ھەيئەت ئەزالىرى داۋاملىق كىڭەيتىلىدۇ، دىيارىمىزدىكى مۇشۇ ساھەدىكى شىركەتلەر داۋاملىق مۇنبەرگە تىزىملىتىپ، ئەزا بولسا بولىدۇ. مەزكۇر مۇنبەر ئۇيغۇر IT كارخانىلىرىنىڭ ھەقىقىي تۈردە ھەمكارلىق يولىغا قەدەم باسقانلىقىدىن دىرەك بىرىدۇ، بۇ قەدەملەردىن يېڭى بىر گۈللىنىش پەيدا بولغۇسى.

Ay.sadap

	بەك ياخشى بوپتۇ، ھەمكارلىقىڭلار نەتىجىلىك بولغاي！

intizar

	ياخشى بوپتۇ،مۇشۇنداق بىر بىرمىزنى قوللىشىپ ئۆتسەك ياخشى بۇلاتتى ئەلكۇيى بىلەن ئوكيان تور بىكىتى ئوتتۇرسىدىكى ئىشتەك قىلسا ياخشى بولمايدۇ. ئەلكۇيىنىڭ بارلىق ئىشلىرىنى دەپ كەلسە باشقىلارنىڭ ئەلكۇيىگە كىرگىسىمۇ كەلمەيدۇ ئەلكۇيى ھەقىقەتەنمۇ باشقىلارنىڭ ئەمىگىكىگە ھۆرمەت قىلمايدىغان نۇمۇسسىز تور بىكەت (سۆزلىرىمنىڭ ئاساسى بار ) رەدىيە بەرمەڭ بىز ئۇيغۇرلارنىڭ ئەڭ ياخشى تور بىكەتلىرىمىزدىن ئۇلىنىش COM ئۇلىنىش CN مىسرانىم ،باغداش ،ئىزلىنىش، ئوكيان ،چىمبۇلاق ،تەڭىرتاغ ۋە تور خۇمار قاتارلىق تور بىكەتلىرىمىز بار بولسا بىر بىرمىزنى قوللىشىپ ئۆتەيلى

sardor0908

	ئۇيغۇرلار -ئۇيغۇر نامىنىڭ مەنىسىدەك ئىتىپاق ھەم ھەمكارلىقتا بولسا ئىدى ........{:31:}

izqel

	زامان ماكاننىڭ چەكلىمىسى دىسەك توغرا بولماي قالار...ئاددىيلاشتۇرغاندا جاھان ساڭا باقمىسا سەن جاھانغا باق دىگەن ئەجداد سۆزى بۇنيىچە دۇنياۋى يۈزلىنىشكە ئاۋاز قۇشۇش بىر يىڭىلىق ھىسابلىنىدۇ.تىخنىكىنىڭ ئۇچۇر ئالاقىنىڭ چىگراسى بولمايدۇ.

KUTALQESI

	بەك ياخشى بىر باشلىنىش بوپتۇ

بانكىر

	بىرەر خەۋەرنى نەچچە تور بىكەتتە ئورتاق ھەمبەھىرلىسە بۇنىڭ نىمە زىيىنى بار. تور بىكەت ھەقلىق قويغان ئىلانلاردىن باشقا: خەۋەر كۆرگەنگە، كىنو كۆرگەنگە،مۇنبەر كۆرگەنگە، ئىنكاس يازغانغا، ناخشا ئاڭلىغانغا ۋە باشقا...............تىلگىراف، كۆچمە، بىرلەشمە ۋە ياكى غەيرى ھۆكۆمەت مالىيلىرىدىن پۇل بىرەمدۇ دىسە ياق دىگەن............. بىر خەۋەرنى ئورتاق پايدىلانسا ئۇنىمىغان. قانداق ھەمكارلىق ئۇ.