نوركا چېيى(ھېكايە)

mehriya

	ئەتتىگەن ئىشخانىغا شۇنچە ياخشى كەيپىياتتا كىرگەن ئېدىم ئەمما كەلگەن بىر تېلىفۇن بىلەنلا كەيپىياتىم لاي سۇغىلا ئوخشاپ قالدى . مۇشۇ بىز ئاياللارنىڭ نۇرغۇن ياخشى تەرەپلىرىمىزدىن نۇرغۇن ئەرلەر سۆيۈنسىمۇ ، ئەمما بەزى بىر تەرەپلىرىمىز ئۇلارنىڭمۇ دېتىغا ياقماي قېلىۋاتىدۇ . بۇ ئىشلارنىڭ مەنبەسى نېمە دېگەندە يەنىلا شۇ بىزدىكى << مودا >> ئېقىمىغا ئايىقىمىز بىلەنلا سەكرىگەنلىكىمىز . مۇشۇ چاي دېسە ، قېنى دەپ بېقىڭلار، مۇنبەردىكى خانىم -قىزلار قايسىڭلارنىڭ ئەرلىرى قوش قوللاپ قوللايدۇ ؟ مېنىڭ يولدۇشۇممۇ بۇنىڭغا قارشى . شۇڭا ئىلگىرى قوللىمىسىمۇ ، بىر تاتلىق سۆزلەر بىلەن ئۇنى ئىۋاشقا كەلتۈرۈپ ئايدا بىر ياكى ئىككى چاي ئوينايتتىم . ئەمما بالىلىق بۇلۇپ مەسئۇليىتىمىز ئېغىرلىغاندا  شۇنى ھېس قىلىپ قالدىمكى بۇ بىر ۋاقىت ، زېھىن ئىسراپچىلىقى ئىكەن . شۇڭا ئويناۋاتقان چايلىرىمدىن قول ئۈزگىلىمۇ خېلى يىللار بۇلۇپ قالغان . ئەمما بۈگۈنكى بۇ تېلىفۇن مېنى تولىمۇ ھەيران قالدۇرۇپ قويدى ؛ ـــــ ئەسسالامۇ -ئەلەيكۇم ، ياخشىمۇ سىز تۇرسۇنئاي  ، ئۇزۇن بوپتۇ ئالاقىمۇ قىلىشمىغىلى ؛ ـــــ ۋەئەلەيكۇم - ئەسسالام . زەينۇرمۇ سىز ؟ ياخشى تۇردىڭىزمۇ ؟ شۇنى دەڭە ، خېلى ئۇزۇن بوپتۇ بىز كۆرۈشۈپ باقمىغىلى ، مەھەللىدىن كۆچۈپ كەتكەندىن بېرى سىزنى تۈزۈكرەك ئۇچۇرتۇپ باقماپتىمەن . ــــ ۋاي شۇنى دەڭە ! سىز شۇ باللىرىم دەپلا ماۋۇ خۇشنىلار چېيىدىنمۇ چىقىۋالدىڭىز . چاي ئوينىمىسىڭىز مۇشۇنداق كۆرۈشەلمەي قالىدىغان ئىشكەن . ئەمدى باللىرىڭىزمۇ چوڭ بۇلۇپ قالدى ، كېلەر ئايدىن باشلاپ <نوركا >چېيىنى باشلايلى دېيىشكەن . شۇڭا سىزنىمۇ ئوينامدىكىن دەپ تېلىفۇن قىلىشىم ئېدى . ــــ ھە مۇنداق دەڭ ، ئوينىسامغۇ ياخشى بۇلاتتى ، ئەمما يەنە شۇ باللىرىمنى تاشلاپ قۇيالمايمەن ،   چوڭ قىزىم تۇلۇقسىزغا چىقتى ، كىچىكلىرى بىرىنچى سىنىپقا كىردى . كۈندە شۇ بالىلارنى مەكتەپكە ئاپىرىپ ،ئەكىلىپ ، خىزمەت قىلىپ بوش ۋاقتىمىزمۇ چىقمايدۇ . ھازىرقى بالىلارنىڭ تاپشۇرىقىنىڭ جىقلىقىنى بىر دېمەڭ . ــــ دېمەك ئوينىمايمەن دېمەكچىمۇ خوشنام ؟ ــــ ھەئە ، ئوينىيالمايمەن .  توغرا چۈشەنگەن بولسىڭىز . ــــ ۋاي خۇدا  ، ئالدىنقى قېتىملىق <خىرىستال > ، < ئالتۇن > چايلىرىمىزغىمۇ شۇنداق باھانە بىلەن قاتناشمىغان ئېدىڭىز ، بۇداقىسىغىمۇ قاتناشمايمەن دېسىڭىز ، ئەمدى سىزنى خوشنىدارچىلىقى يوقكەن دەپ قالىمىز . يا بىزنى ياراتمامسىز بىلمىدۇق ؟! ــــ ۋاي ھەرگىز ئۇنداق ئويلىماڭ ، مېنىڭمۇ سىلەر بىلەن بىرە كۈن مۇڭدۇشۇپ ئولتۇرۇپ كەلگىم كىلىدۇ . ئەمما شۇ سىزمۇ بىلىسىز ، يولدۇشۇم سىرتتا ئىشلىگەچ كۈندە ئۆيگە كىلىپ بۇلالمايدۇ . شۇڭا ئۈچ بالىنىڭ ھاجىتىدىن چىقىپ بولغۇچە كۈنلەرنىڭ قانداق ئۆتۈپ كىتىۋاتقىنىنىمۇ سەزمەي قېلىۋاتىمەن . راستلا سەت بولدى زەينۇر ، كېيىنكى چايلىرىڭلارغا قوشۇلۋالارمەن . ــــ ۋاي ئۇنداق دېمەي ئوينىڭە ، بۇداقىسى باشقا چايلارغا ئوخشۇمايدۇ ، نوركىنىڭ چىشىنى چاقىدىغان چاي بۇ ، مۇشۇنداق چاي ئويناپ كىيىۋالمىساق ئۇ نوركىنى ، ئاۋۇ ئەرلىرىمىزنىڭ ئېلىپ بېرىشىغا قاراپ ئولتۇرساق ، ئۆمۈر بويى كىيەلمەيمىز . ئوتكەنكى ئالتۇن چېيىمىزدىمۇ ، چايدىكى ئونىمىز ئالتۇنلۇق بۇلۇپ قالدۇق . مۇشۇنداق باھانە سەۋەپ بىلەن كۆزىمىزنى يۇمۇپلا ئالمىساق ، باشقىلارنىڭكىگە قاراپ ھەۋەس قىلىپلا ئولتۇرامدۇق خوشنام !  ئەمدى ئۇنىمىسڭىز خوشنىلارنىڭ ھەممىسى سىزدىن راسلا رەنجىپ قالىدۇ ، بۇ يىل ئوغلۇنى ياتقۇزىدىكەن دەپ ئاڭلىدىم سىزنى ، ناۋادا بۇداقى چايدىن چۈشۈپ قالسىڭىز ، ئوغلۇڭىزنىڭ خەتمە تويىدا كىم سىزگە ساھىپخان بۇلۇپ ياردەملىشىپ بېرىدۇ . بۇلارنىمۇ ئوبدان ئويلىشىپ قۇيۇڭ .    خوشنامنىڭ بۇ سۆزلىرىنى ئاڭلاپ ئىچىمدە توۋا دېدىم ، ئەمدى بىزنىڭ خوشنىدارچىلىقىمىزمۇ مۇشۇنداق تۈگۈمەس  چاي ئارقىلىقلا ئۆز خاسلىقىنى تاپامدىغاندۇ ؟ ئىلگىرىكى خوشنىلار ئارىسىدىكى مۇناسىۋەتتە  ، پەقەت ئىسسىق دەملەنگەن بىر چەينەك چاي بىلەنمۇ قېرىنداشتىنمۇ يىقىن بۇلىشىپ كېتەتتۇققۇ ؟! ئەجىبا بۈگۈنكى كۈندە مۇشۇ چاينى ئوينىمىسا ، ھېچ ئىش باشقا چىقماسمۇ ؟ ! ... نۇرغۇن سۇئال كاللامدا پەيدا بۇلىشقا باشلىدى ، خوشنام زەينۇر يەنە بىر مۇنچە بىر نىمىلەرنى دەپ چۈشەندۈرۈپ ھاردى بولغاي ؛ ــــ ماقۇل ئەمىسە ، ئوبدانراق ئويلىشىپ باقارسىز ، مەن يەنە تېلىفۇن قىلىمەن ، ئەڭ ياخشىسى بۇدا سەپتىن چۈشۈپ قالماڭ ، بولمىسا چوقۇم پۇشايمان قىلىپ قالىسىز ،- دېدى . مەن ئوھسىرىغان ھالدا تېلىفۇننى قويدۇم . . . مېھرىيە يازمىسى .

kawa

	چاي ئويناپ نوركا پەلتۇ كىيدىغان گەپ.تۇۋا.......

zubayra1

	ئاخشام تىخى بۇ ئائىلىگە قاراڭ دىگەن كىنونى كۆرۇپ ئولتۇرۇپ  ئابدۇكىرىم ئابلىز بىلەن خانسىيەت قۇرباننىڭ قۇلقىدىن تۇتۇپ نەچچىنى سۆيۇۋەتكىم كەپكەتكەن ئىدى ،شۇنىڭدىمۇ مۇشۇ چاي توغۇرلۇق تەربىۋىي ئەھمىيەتكە ئىگە مەزمۇنلارنى سۆزلىگەن ئىدى ، ھەم مۇشۇ چاي ئويناپ ئۆزىنى بىلەلمىگەن كىسپۇرۇش خوتۇنلا ئۆزىنى كۆرگەندەك بولغانمىدۇ دەيمە ...............

musilina

	يېڭى چىققان چاي تۈرى ئوخشىمامدۇ بۇ؟ قاتار چايسىزمۇ بولىۋاتقان ئادىمەتچىلىكلەر ئادەمنى بەك ھارغۇزۇپ قويىۋاتىدۇ،نېمانداق قائىدە -يوسۇنلىرىمىز جىقتۇ بىزنىڭ....؟ ياخشى قامچىلاش بوپتۇ يازمىڭىز.......

UYGUR==DOLAN

	zubayra1 يوللىغان ۋاقتى  2014-11-27 09:00 PM ئاخشام تىخى بۇ ئائىلىگە قاراڭ دىگەن كىنونى كۆرۇپ ئولتۇ ... ۋاي مەنمۇ  نەچچە كۈندىن بېرى تېلۋۇزۇرنى ئانچە كۆرۈپ كەتمەيتىم ،ئەمما  ئىقتىساد -تۇرمۇش قانىلىىدا قۇيۇلىۋاتقان   « بۇ ئائىلىگە قاراڭ»  دىگەن  بۇ فىلىمدىن ،شۇنچىلىك سۈيۈندۈم ، ئۆزۈمچە ئويلاپ قالدىم ، بۇنداق فىلىممۇ  يارىشىدىكەنغۇ .

zulpukar

	مۇشۇ چاي دىگەننى ئاياللار ئاجايىپ ئوينايدىكەنغۇ زادى.... توۋا.......... ئىككى كۈن ئالدىدا ئاغىينەمنىڭ دوكىنىغا بارغان ئىدىم، ئاغىينەم بەكلا ئالدىراش ئىدى،  ئىككى ئايال كىرىپ ماۋۇ جەدىۋەلنى چىقىرىپ بەرسەڭلار دىگەنتى، ئۇ جەدىۋەلنى مەن ئۇرۇپ بەردىم، 21 ئادەمنىڭ تىزىملىكى ۋە تېلفۇن نومۇرى ئىكەن،،، قارىغاندا قاتا چاي ئوينايدىغانلاردەك قىلىدۇ.........   شۇلارنىڭ ئەرلىرى شۇلارنى توسمامدىغاندۇ دەپ ئويلاپ قالدىم....... يوقارقى ئىسىملار........   مەن چىقىرىپ بەرگەن شۇ جەدىۋەلدىكى ئىسىملارغا ئوخشاپ تۇردىيا ئاقسۇدىن ئەمەسسىز؟؟؟؟؟؟؟؟؟؟    سىزمۇ بۇ قاتا چاينىڭ خاتا چاي ئىكەنلىكىنى تۇنۇپ يىتىپسىز، مۇشۇ يازمىڭىز ئارقىلىق بىرقىسىم ئاياللىرمىزمۇ ھۇشىنى تېپىشى مۇمكىن

بانكىر

	[quote]zubayra1 يوللىغان ۋاقتى  2014-11-27 09:00 PM ئاخشام تىخى بۇ ئائىلىگە قاراڭ دىگەن كىنونى كۆرۇپ ئولتۇرۇپ  ئابدۇكىرىم ئابلىز بىلەن خانسىيەت قۇرباننىڭ قۇلقىدىن تۇتۇپ نەچچىنى سۆيۇۋەتكىم كەپكەتكەن ئىدى ،شۇنىڭدىمۇ مۇشۇ چاي توغۇرلۇق تەربىۋىي ئەھمىيەتكە ئىگە مەزمۇنلارنى سۆزلىگەن ئىدى ، ھەم مۇشۇ چاي ئويناپ ئۆزىنى بىلەلمىگەن كىسپۇرۇش خوتۇنلا ئۆزىنى كۆرگەندەك بولغانمىدۇ دەيمە ...............بۇ quote] .......................................................................................... ئابدۇكىرىم ئابلىزنى سۆيىۋالسىلا بوممايتىيا! چىرايلىق خوتونى بايا ئۇ ئادەمنىڭ. سىلىنىڭ سۆيگىدەك ئەرلىرى يوقما خىنىم

zubayra1

	بانكىر يوللىغان ۋاقتى  2014-11-27 11:25 PM [quote]zubayra1 يوللىغان ۋاقتى  2014-11-27 09:00 PM ئاخشام تىخى بۇ ئائ ... ۋاي خوتونى بارلىقىنى بىلمەپتىما ئەمەسما يوۋۋۋۋۋۋۋۋۋۋ ئەمدى بىلىۋالدىم رەھمەت جىما ھاجىقارى شەپقەتلىرىگە شاپاق دوپپاااااااااااااااااااااااااااااااااااااااااادەيمە

باشتۇغ

	بەك ياخشى يېزىپسىز . ئايالىنى باشقۇرالمايدىغان باشلىقلار كۆپ ھازىر . گەپ قىلىڭ دىسە گېپى چوڭ . خۇتۇن ، قىزىغا گېپى ئۆتمەيدۇ .