ئوتتۇز ياش ئادەمنىڭ ئەڭ ئېسىل چېغى

KUMALTAGH

	ئوتتۇز ياش ئادەمنىڭ ئەڭ ئېسىل چېغى ئەمەتجان زۇنۇن ئارتۇچ ئەجرىدىن گۈللەيدۇ قاقاسلىق تېغى ، خۇشپۇراق پۇرايدۇ نىممەتلىك بېغى . ئەقىل - كۈچ ئۇرغۇيدۇ ئۈمىتلەر پارلاق ، ئوتتۇز ياش ئادەمنىڭ ئەڭ ئېسىل چېغى . مۇھەببەت كۆكلىگەن يۈرەكلەردە ئوت ، روھىدىن قوغلانغان يامان ئىللەت ، جۇت ، قانماستىن سۆيىدۇ ئالەمچە شاد ، قۇت ، ئوتتۇز ياش ئادەمنىڭ ئەڭ ئېسىل چېغى . ھاياتقا ، ئالەمگە سۆيگۈسى تاشقان ، ئەل -يۇرتقا ئىزىدىن ئىپارلار چاچقان ، ئوتىدا كۆيىدۇ سۈيىدە ئاققان ، ئوتتۇز ياش ئادەمنىڭ ئەڭ ئېسىل چىغى . جاسارەت ، ئېرادە ئويغانغان تولۇق ، دىيانەت ، پەزىلەت يوللىرى يورۇق ، ھەق - ناھەق ، مۇھەببەت - نەپرىتى ئوچۇق ، ئوتتۇز ياش ئادەمنىڭ ئەڭ ئېسىل چېغى . ياغىدۇ مېھرىدىن ئىنسانىي شەپقەت ، ھەر باسقان قەدەمدىن ئامەت ھەم بەركەت ، قۇچاقلاپ قانمايدۇ مەنزىلدە نۇسرەت ، ئوتتۇز ياش ئىنساننىڭ ئەڭ ئېسىل چېغى . دىلىنىڭ ساپلىغى سەھەردەك سۈزۈك ، پاك نىيەت ، خىسلىتى ئالەمچە بۈيۈك ، قىلغان ھەر ئىشلىرى يارايدۇ تۈزۈك ، ئوتتۇز ياش ئادەمنىڭ ئەڭ ئېسىل چېغى . مىھنەتلەر ئىلكىدە خۇشال يايرايدۇ ، بۇلبۇلدەك ئەل -يۇرتنى كۈيلەپ سايرايدۇ ، ئەل ئۈچۈن ، ھەق ئۈچۈن ھامان ھارمايدۇ ، ئوتتۇز ياش ئادەمنىڭ ئەڭ ئېسىل چېغى . ئۇلۇغۋار ئارمانلار شېخى باراقسان ، گۈل ئۆمۈر قوينىدا مەردانە كارۋان ، ھەق ۋىسال سىھرىدە جانغا پاتماس جان ، ئوتتۇز ياش ئادەمنىڭ ئەڭ ئېسىل چېغى . مەنبە ؛ ئىجادىيىتىم

يولتۇز

	ئۇتتۇز ياش ھەقىقەتەن ئىسل چاغ ، ھەر بىر يېشىمىز قەدىرلەشكە ئەرزىيدۇ ، شرىڭىز كىشىگە بىرخىل جۇشقۇنلۇق بېغىشلايدىكەن  ، ئىسل شىئىركەن ، رەھمەت .

مەھمەت94

	مىنىڭ ئەڭ ئىسىل ۋاقىتلىرىم بۇ يىلكەندە،

babur99

	راىست ،30-40ياشلار ئارلىقى ئەركىشنىڭ مەيلى كەسىپ ياكى تۇرمۇشتا پىشپ يېتلىدىغان ،ئۇتۇق قازنىدىغان دەۋرى .40تا كۆزگە كۆرۈنەلمىگەن كىشى ،شۇندىن كېيىن بىىر ئىشنى باشقا چىقرالمايدۇ .

nasif

	ھەردەۋىرنىڭ ئۆزىگە خاس ھوزورى بولىدۇ. ھازىرىمىزدىن قانائەتلەنسەكمۇ، بىلىپ-بىلمەي يەنە شۇ ئۆتكەن چاغلارنى ئەسلەپ قالىمىز، شۇ ۋاقىتلىرىمىزنىڭ يەنە قايتا كىلىشىنى خىيال قىلىمىز. شېئىرىڭىزغا بىر يۈرەك چەكتىم.

Gvlbargi0999

	ياخشى چىقىپتۇ،ھەي،ئوتتۇز يېشىم ئۆتۈپ كەتتى-دە

tograkmalikisi

	40ياش ئەرلەرنىڭ ئەڭ قىران چېغى، دەيدىغان بىر شئېر بولدىغان بۇ شېرىنىمۇ شۇنداق ياقتۇردۇم

otkax0903

	40 ياش ئەرلەرنىڭ ئەڭ قىران چېغىدىن ئۆزلەشتۈرمە ئوخشىمامدۇ؟ ئۆمەر مۇھەممەتئىمىن كىرورەننىڭكىدەك چىقماپتۇ.