بالىلىققا قايتقۇم بار

umidwar.

	بالىلىققا قايتقۇم بار چۇلغىۋالدى يۈرىكىمنى ئەلەملەر، ھالسىرىدىم ھەسرەتلىرىم ئىچىدە. كۈندۈزلىرى ئەلەم  ئەزسە يۈرەكنى، مۇدھىش چۈشلەر ئارام بەرمەس كېچىدە. ئۇنتۇپ دۇنيا غەملىرىنى بىر مەھەل، ئارام ئالسام مېھىرلەرگە بۆلىنىپ. ئۇخلاپ كەتسەم ھېچنىمىنى تۇيماستىن، خىياللىرىم ياستۇقىغا يۆلىنىپ. بالىلىققا قايتالىسام دەقىقە، چۇلغاپ ئالسا بالىلىق ھېس دىلىمنى. دوسىتلار بىلەن كېپىنەكلەر قوغلىشىپ، ئۇنتۇپ كەتسەم ھەسرىتىمنى، غېمىمنى. خىياللىرىم كۆكتە پەرۋاز ئەيلىسە، ئەركىن قۇشتەك كېزىپ چىقسام سامانى. دالىلاردا شوخ كىيىكتەك قىيغىتىپ، سۈمۈرۋالسام ساپ، خۇشپۇراق ھاۋانى. دوسىتلار بىلەن راسا ئويناپ ھارغاندا، قايىتىپ كەلسەم مېھرى ئىسسق ئۆيۈمگە. جان ئانامنىڭ قۇچىقىغا تاشلىنىپ، ئۇخلىۋالسام قېنىپ ئىللىق مېھرىگە. ************** لىكىن ئەپسۇس، شىرىن خىيال بۇ پەقەت، ئۆتكەن ۋاقىت قايتىپ كەلگەن نەدە بار. ئارمانلارغا بۆلىنىپلا ئۆتەرمەن، شۇڭا مىسكىن يۈرىكىمدە زىدە بار.                 ئۈمىدۋار 2014-يىل 10-نويابىر دۈشەنبە

زاغرا

	قايتالمايلا، مۇمكىن ئەمەس

uygurjan09

musilina

	زاھىر بۆرھاننىڭ ‹‹بالىلىققا قايتقۇم بار ››دېگەن ناخشىنى قىستۇرغان بولسىڭىز تېخىمۇ پەيزە بولاتتىكەن... ياخشى يېزىپسىز...

ۆمۈتۋار

	ياخشى يېزىپسىز... بۇ ناخشا مۇ بەك ماسكەپ تۇ

bulaksu2

	ياخشى چىقىپتۇ. ئالغا!

(شەيدا)

	بالىلىققا قايتقىلى بولسا، يەنە بىللە پادا باقاتتۇق. ئۈرۈك ، شاپتۇل ئوغىرلاپ باغدىن، ئىت قوغلىسا بىللە قاچاتتۇق. خورازلارنى قوغلاپ تۈك يۇلۇپ، ساڭا تەپكۈچ ياساپ بىرەتتىم. ئويۇنلاردا تەگىشىپ قالساق، سەندىن ئاۋال قاپاق تۈرەتتىم. ........................................ شۇ قايتقىلى بولمايدىكەن ئەمەسمۇ بولمىسا بەك ياخشى بولاتتى مىھىرلەرگە بۆلىنىپ، خوشال-خورام بەخىتلىك ياشىۋالغان بولاتتىم.

alhumar137

	كىمنىڭ شۇنداق قىلغۇسى يوق

قورغان

	بالىلىقنىڭ تاتلىق ھېسلىرىنى چۈچۈك تىللىرىڭىز بىلەن شۇنداق ئېسىل سۈرەتلەپ بېرىپسىز...ھارمىغايسىز!

Janbar

	بالىلىققا قايتالمايمىز . بىلەت يوق.