ماتېماتىكا ئوقۇتۇشىنى ياخشى ئېلىپ بىرىش ھەققىدە

deris

	قانداق  قىلغاندا  ماتېماتىكا  ئوقۇتۇشىنى  ياخشى  ئېلىپ  بارغىلى  بۇلىدۇ قۇربانجان روزى     1.ئەڭ ئاۋۋال ئوقۇغۇچىلارنىڭ ماتېماتىكا ئۆگىنىشكە بولغان قىزىقىشىنى قوزغاش كېرەك. قىزىقىش ئوقۇغۇچىلارنىڭ يېڭىلىق يارىتىش، بىلىم ئېلىش ئىستىكىنى قوزغايدىغان ھەرىكەتلەندۈرگۈچ كۈچ. ئوقۇغۇچىلاردا قىززىقىش بولغاندىلا، ئاندىن دەرسنى ياخشى ئىگىلەپ قىيىن نۇقتىلارغا بۆسۈپ كىرەلەيدۇ. شۇڭا، ماتېماتىكا ئوقۇتقۇچىلىرى ئاۋۋال ئىشنى ئىمتىھان مائارىپى سەۋەبىدىن بالىلاردا پەيدا بولغان ماتېماتىكا دەرسىنى ئۆگەنمەك قىيىن دەيدىغان ۋە بۇ دەرسكە ئېتىبارسىز قارايدىغان ھالەتنى ئۆزگەرتىشتىن باشلاپ، ئوقۇغۇچىلارنىڭ ئۆگىنىش پوزىتسىيەسى ۋە تۇيغۇسىدا بۇرۇلۇش ھاسىل قىلىش ئارقىلىق، ھەممە ئوقۇغۇچى ماتېماتىكا دەرسىنى ئۆگىنىشكە قىزىقىدىغان، ماتېماتىكا دەرسىنى مۇھىم دەپ قارايدىغان ۋەزىيەتنى شەكىللەندۈرۈشى لازىم.    2.ماتېماتىكا دەرسى ئوقۇتۇش پىروگراممىسىنى ئەستايىدىل ئۆگىنىش كېرەك. باشلانغۇچ مەكتەپ ماتېماتىكا دەرسى ئوقۇتۇش پىروگراممىسىدا ماتېماتىكىنىڭ ئالاھىدىلىكى، مۇھىملىقى، رولى، مەقسەت ۋە تەلىپى، ئوقۇتۇش ماتېرىياللىرىنىڭ تاللىنىش ۋە ئورۇنلاشتۇرۇلۇشى، ئوقۇتۇشتا دىققەت قىلىشقا تېگىشلىك ئىشلار، ھەرقايسى يىللىقلارنىڭ ماتېماتىكا ئوقۇتۇشىدىكى مەزمۇنى قاتارلىقلار كونكرېت، ئېنىق كۆرسىتىلگەن بولۇپ، بۇ پىروگراممىنى ياخشى ئۆگەنسەك دەرس مەزمۇنىغا قارىتا توغرا چۈشەنچىگە ئىگە بولالايمىز - دە، ئوقۇتۇش خىزمىتىدە تەمتىرەپ قالمايمىز ھەم دەرس پىلانىنى پۇختا، ئەتراپلىق قىلىپ تۈزۈپ چىقالايمىز. شۇڭا، ئوقۇغۇچىلارنىڭ ئەمەلىيىتىگە ئۇيغۇن كېلىدىغان مەۋسۇملۇق، ئايلىق، ھەپتىلىك، ھەتتا سائەتلىك دەرس پىلانى تۈزۈپ چىقىپ ۋە ئۇنىڭدىن تولۇق پايدىلىنىپ، ئۇلارنىڭ ئۆگىنىش قىزغىنلىقىنى يۇقىرى كۆتۈرۈشكە ئاساس سېلىشىمىز لازىم.     3.كۆرسەتمىلىك قوراللاردىن ئۈنۈملۈك پايدىلىنىش لازىم. ماتېماتىكا دەرسىدىكى كۆرسەتمىلىك قوراللار دەرسلىكنىڭ زۆرۈر تولۇقلىما قىسمى بولۇپ، ئوقۇغۇچىلارنىڭ دەرس مەزمۇنىنى چوڭقۇر ئۆزلەشتۈرۈشىدە تۈرتكىلىك ۋە ياردەمچىلىك رول ئوينايدۇ. شۇڭا، ئوقۇتقۇچى شۇ سائەتلىك دەرسنىڭ مەزمۇنىغا مۇناسىۋەتلىك بولغان كۆرسەتمىلىك قوراللارنى تەييارلاش ۋە ئۇنىڭدىن ياخشى پايدىلىنىش ئارقىلىق مۇھىم، قىيىن نۇقتىلارنى ئوقۇغۇچىلارغا تولۇق ھېس قىلدۇرۇپ، دەرستىكى قىيىن نۇقتىلارنى ھەل قىلىۋېلىشىغا شارائىت يارىتىپ بېرىشى كېرەك. باشقا پەنلەرگە قارىغاندا ماتېماتىكا دەرسىنىڭ قىيىنلىق دەرىجىسى بىر قەدەر يۇقىرى بولۇپ، ئوقۇغۇچىلار تۆۋەن يىللىقتىن يۇقىرى يىللىققا ئۆرلىگەنسېرى كۆپلەپ قىيىن، مۇرەككەپ مەسىلىلەرگە دۇچ كېلىدىغانلىقتەك رېئاللىققا ئاساسەن، كۆرسەتمىلىك قوراللار ۋە باشقا ۋاسىتىلەردىن ئۈنۈملۈك پايدىلىنىپ، ئوقۇغۇچىلار ئۈچۈن ئاكتىپ تەپەككۇر قىلىش، ئاكتىپ ئۆگىنىش شارائىتى يارىتىپ بېرىپ، تەشەببۇسكارلىق بىلەن ئۆگىنىشكە يېتەكلەش كېرەك.     4.ئارقىدا قالغان ئوقۇغۇچىلارنىڭ ئالاھىدىلىكىنى بايقاشقا ماھىر بولۇش كېرەك. بىر سىنىپتىكى ھەممە ئوقۇغۇچىنىڭ ماتېماتىكا دەرسىدىكى نەتىجىسى ياخشى بولۇپ كېتىشى ناتايىن. مۇھىمى ئوقۇتقۇچى ماتېماتىكىدا ئارقىدا قالغان ئوقۇغۇچىلارنىڭ ئۆزىگە خاس ئالاھىدىلىكى بارلىقىغا ئىشىنىشى ۋە ئۇلارنىڭ قايسى جەھەتتە ئالاھىدىلىكى بارلىقىنى ئېنىق بىلىشى، مۇشۇ ئاساستا ئۇلارنىڭ ئالاھىدىلىكىنى ماختاپ يەنىمۇ ئىلگىرىلەش ئىشەنچىسىنى تۇرغۇزۇشى، ئەمەلىي تەدبىرلەرنى قوللىنىپ، ئۇلاردىكى قانچە تىرىشساممۇ يەنىلا بۇ دەرسنى ياخشى ئۆگىنەلمەيدىكەنمەن دەيدىغان ئۈمىدسىز قاراشنى تۈگىتىشى كېرەك. (ئاپتور بورتالا شەھىرى شويىڭپەن بازارلىق ئوتتۇرا مەكتەپتىن) مەنبەسى：شىنجاڭ  مائارىپ  گېزىتى

iptihar2014

	ماتىماتىكا تەس پەن دەيدىغان كۆز قاراش ھەممە يەردە مەۋجۇت. بىراق بالىلارنى قىزىقتۇرۇشقا ماھىر ئوقۇتقۇچىغا نىسبەتەن تەس ئەمەس. بۇ پەقەت ئوقۇتقۇچنىڭ مىتودىغا باغلىق.

sardor0908

	ماڭىغۇ ماتىماتىكا ئەزەلدىن تەس بىلىنمەيدۇ.ماتىماتىكىغا ئەستايىدىللىق بىلەن ،ئىغىر بىسىقلىق،ئوچۇق تەپەككۇر يولى بولسىلا تەس ئەمەس .لىكىنزە مۇشۇ ئەدىبىيات بەك تەس بىلىنەتتى .يازغان ماقالىنىڭ تېمىسى بولغان يا فورمىلاسى يوق .ئىمتاھاندا جاۋاب يازسا يا توغرا خاتالىقىنى بىلگىنى بولمايدۇ .ئىشنى ئەدەبىيات بەك تەس ھەم ئاۋارىچىلىك ھىس قىلاتتىم .ماتىماتىكىدا مەنچە تەس دەپ قارايدىغانلار ئەستايىدىل ئىش قىمايدىغانلاې بولسا كىرەك .

mehriya

	مەنمۇ ماتىماتىكىغا ئانچە قىزىقىپ كەتمەيتتىم . ئەدىبىياتقا قىزىقاتتىم . گىيومىتېريە ، سېتىرومىتېريە دەپ دەرسلىرىمىزنى يۈزەكىلا ئۆگۈنۈپ ئىمتىھاندىن ئۆتىۋالاتتىم . مۇشۇ چاققىچە بۇلۇڭىنى تېپىش ، ئا ، ب ، س دېسە بېشىم ئاغرىيدۇ . بەلكىم تېمىدا دېيىلگەندەك قىزىقىشىم ھەم ئوقۇتقۇچىنىڭ دەرس ئۆتۈش مىتوتى مېنى مۇشۇنداق قىزىقماس قىلىپ قويغان بۇلىشى مۇمكىن . چۈنكى ماتىماتىكا ئوقۇتقۇچىمىزنىڭ بىرىنچى سائەتلىك دەرسىدىن باشلاپلا ياقتۇرماي قالغانتىم . شۇنداق قوپال ھەم سۈرلۈك ئېدى ئۇ ئوقۇتقۇچىمىز .

UYGRAF

	مەن 17 يىل ئىزچىل ماتىماتىكا ئۈگەندىم دىسەممۇ بولىدۇ، چۈنكى ئۇ ناھايىتى قىزىقارلىق پەن. مېنىڭچە ماتىماتىكا ئۈگۈنۈشتە ئوقۇتقۇچى ئەڭ مۇھىم ئامىل، چۈنكى مەن باشلانغۇچتىن تارتىپ تا ئالىي مەكتەپكىچە ماتىماتىكا مۇئەللىمىنىڭ سىنىپ مۇدىرلىقىدا تەلىم ئالغان، شۇڭا مېنىڭ نەتىجەم تەبىئى پەنلەردە ئالاھىدە ياخشى، ئىجتىمائى پەنلەردە ئالاھىدا ناچار ئىدى.

xahanime

	مەندە مۇشۇ سانسىفىرغا قارىتا قارشى ئىنكاس بار،كىچىكىمدىن ماتىماتىكا ئەمەس سانسىفىرلاردىنمۇ قورقۇش كىسىلىم بار ئىدى  ،.ھازىرمۇ شۇنداق ھەتتا كىيۇ كىيۇدىكى ئۇزۇن خانىلىق ساننى يادلاپ بولالماي  ئىلخەت ئارقىلىق登录قىلىپ ئىشلىتىۋاتىمەن.

تەقدىر07

	قۇرۇق گەپ

تەقدىر07

	ەەەەەە

hayat

	بۇ مۇنبەرگە بۇ تېمىنى يوللىسىڭىز مەنچە مۇۋاپىق ئەمەس. چۈنكى بۇ يەردە بۇنىڭغا قىزىقىدىغان تورداشلار يوقنىڭ ئورنىدا .شۇڭا تەۋپىق مۇنبىرى قاتارلىق مائارىپ مۇنبەرلىرىگە يوللىسىڭىز ئاندىن قىممىتى بولىدۇ.

sawda571

	مەن 20 يىللىق ماتېماتېكا ئوقۇتقۇچىسى ،بىراق قانداق قىلسا دەرسنى ياخشى ئۆتكىلى بولىدۇ دىگەن تىمىدا گەپ قىلىشنى ئورۇنسىز دەپ قارايمەن.چۈنكى ھەربىر ئوقۇتقۇچنىڭ ئۇسلۇبى بولىدۇ ،شۇ ئۇسلۇپ بىلەن نەتىجە كۆرۈلگەن بولسىلا دەل شۇ ئوقۇتقۇچىغا نىسبەتەن شۇ ئۇسلۇپ ئەڭ ياخشى . بىزنىڭ مائارىپىمىزدىكى مەغلۇبىيەت دەل ماۋۇ ئۇسۇل ئارقىلىق دەرس ئۆتسەڭ ئەڭ ياخشى دىيىش ! ئوقۇتۇش ئۇسۇللىرىنى ئومۇملاشتۇرۇش ،قېلىپلاشتۇرۇش. بۇغۇ بىزنىڭ قان-قېنىمىزغا سىڭىپ كەتكەن ،ھەتتا مەكتەپلەردە ئىلمى بۆلۈم ئەزالىرى يەنە نامدار ئوقۇتقۇچىلارنىڭ دەرس ئاڭلىشى بىلەن ،دەرس ئۆتكۈچىنىڭ دەرىسىنى باھالىغاندا كۈلگۈمنى كەلتۈرۈپ بىر قېلىپتا باھالاپ كىتىشلىرى،ئۆزىنىڭكىگە ئوخشىمىسا باھا ناچار ،ئۆزىنىڭ دەرس ئۆتۈش ئۇسۇلىغا ئوخشايدىغان يەردىن بىرنى تېپىۋالسا دەل شۇ نوقتا ئالاھىدىلىك، ياخشى ئۇسۇل .مەن خىزمەتكە چىقىپلا 3 يىل توشماي، كونا - يىڭى خىزمەتداشلىرىمدىكى بۇ كىسەللىكنى بايقىغان .شۇنىڭدىن كېيىن ئىزچىل ئۆزىنى ئوقۇتقۇچى چاغلايدىغان، بىراق دەرس ئۆتمىگىلى ئۇزۇن بولغان رەھبەرلەرۋە ئۆزلىرىنى رەھبەر چاغلايدىغان رەھبەرچاقلار،ئىلمى بۆلۈمگە كىرىۋېلىپلا نەتىجىسىنى ئۆزى ئىشلەيدىغانلار بىلەن 7 - 8 يىل توقۇنۇشتۇم .سەۋەپ ئۇلار كۆرسەتكەن ياخشى ئۇسۇللارنى قوبۇل قىلمىدىم ،ئۇلار تۈزۈتۈشنى تەلەپ قىلغان خاتا ئۇسۇللىرىمنى تۈزەتمىدىم .ئۇنداق- مۇنداق دىگەندەك ئوقۇتۇش ئۇسۇللىرىنى قوللانمىدىم ،ھەتتا رەت قىلدىم . قول دوسكىسىغا تۆت قۇر خەتنى يېزىپ كىرىپ نىشانلىق ئوقۇتۇش ئۇسۇلى دەۋالغاندىمۇ ئۇلارغا ئەگشمەي، ئۆزۈم توغرا دىگەن ئۇسۇلدا دەرسنى ئۆتىۋەردىم،ئەمىلىيەتتە مەندە ھېچقانداق ئۇسۇل قېلىپمۇ يوق ئىدى .ئۆتكەن دەرسلىرىمنى ناچار دىمىسىمۇ ياخشى دىمىدى .بارا- بارا رەھبەر ۋە رەھبەرچاقلارنىڭ نەزىرىدە گەپ ئاڭلىماس ،كىچىك تۇرۇپ چوڭلارنى كۆزگە ئىلماس ئادەم ئاتالدىم ،نەتىجەم خېلى ياخشى چىقاتتى بىراق ئىتىراپ قىلىنمايتتىم  مىنىڭ پەرۋايىم پەلەك ئىدى .ھەر خىل ئىلغارلارنى سايلاش ۋاقىتلىرىدا يىغىنلارغا قاتناشمايتتىم ،ھېلىمۇ ئىسىمدە 1999- يىلى ئىلغارلارنى سايلايدىغان يىغىنغا قاتناشماي مەيداندا كىتاپ ئوقۇپ ئولتۇرسام ،مەكتەپ مۇدىرىمىز كىلىپ سىز نىمىشقا يىغىنغا قاتناشمايسىز دەيدۇ ،مەن سايلاش ۋە سايلىنىش ھوقۇقۇمدىن ۋاز كەچتىم شۇڭا قاتناشمىدىم دىسەم، مەكتەپ مۇدىرىمىز ماڭا قاراپلا قالغان .ئاخىرى 7 - 8يىل بولغاندا نەتىجەمنىڭ ئزچىل ئوتتۇرا سىزىقنىڭ ئۈستىدە تۇرۇش سەۋەپلىك ئىتىراپ قىلىندىم بولغاي .شۇنىڭدىن بۇيان دەرىسىمنى ئاڭلاپ بېقىش ئۈچۈن قىززىققۇچىلار ئاڭلاپ باقىدۇ بولۇپمۇ يېڭى خىزمەتكە چىققانلار .كونا ئوقۇتقۇچىلار ياكى تەڭتۈشلىرىم سىنىڭ نەتىجەڭ نىمىگە بۇنداق ياخشى چىقىدىغاندۇ دەيدۇ . مەن گەپ قىلمايتتىم ،مەنچە ئوقۇغۇچىلارنى مەلۇم بىر دەرسكە ئۆچ دىگىلى بولمايدۇ بىراق مەلۇم ئوقۇتقۇچىنى ياقتۇرمايدۇ ........................