ئىگىلىك تىكلەش خىيالدا بولۋاتقانلار ئۈچۈن سەمىمىي تەكلىپ .

uzum-tal

	يېزا-ئىگىلىك ئۆي قۇشلىرى باقمىچىلىق كەسپىدە ئۆي قۇشلىرى بىقىشنى ئويلىشۋاتقانلارغا تەكلىپ                       چەكلىنىپ كەتكەن كۈنلەردە بىر توردىشىمىزنىڭ  بىرەر كەسىپ بىلەن شۇغۇللىنىش خىيالى بىلەن شۇ كەسىپ ھەققىدە يىتەرلىك چۈشەنچىلەرگە ئىگە بولۇش مەقسىتىدە يازغان ياردەم تېمىسىنى كۆرۈپ شۇ توردىشىمىزغا ئەڭ مۇۋاپىق كىلىدىغان بىر كەسىپ ھەققىدە مەسلەھەت بىرىش مەقسىتىدە شۇ مۇنبەردىشىمىزنىڭ ۋە مۇشۇ مۇنبەردىشىمىزغا ئوخشاش خىيالدا بولۋاتقان كىشىلەرنىڭ ئائىلە شارائىيىتى . مۇھىيتى . ئەۋزەل بولغان جۇغراپىيلىك ئورنى  ...قاتارلىق ئامىللارنى ئالدىنقى شەرت قىلىش ئاساسىدا ئۇ مۇنبەردىشىمىز ئۆزىنىڭ ئەسلىدىن قىلىپ كىلىۋاتقان مەمۇرلۇق خىزمىتىگە دەخلى قىلمايدىغان ئائىلىسىدىكى بىر نەچچە ئەمگەك كۈچى ھۆددىسىدىن ئاسانلا چىقىپ كىتەلەيدىغان . خەتىرى  ئاز بولغان ئۆي قۇشلىرى باقمىچلىق كەسپى بىلەن شۇغۇللىنىش مەسلىھەتىنى بىرىش بىلەن بىرگە مۇشۇ كەسپىتە ئەڭ مۇھىم بولغان تۇرالغۇ ھەققىدە يىڭىچە ئوتتۇز-قىرىق لايھەنى سىزىپ چىقىپ بۇلارنىڭ ئىچىدىن ئەڭ مۇۋاپىق دەل قارالغان ۋەكىل خاراكتىرلىق بىر نەچچە خىل لايھەنى شۇ تورداشقا سۇنۇش بىلەن بىرگە مۇشۇ كەسىپ بىلەن شۇغۇللىنىش خىيالىنى قىلىۋاتقان كىشىلەرنىڭمۇ ئازدۇر-كۆپتۇر پايدىلنىۋىلىشىنى نەزەردە تۇتۇپ .  بىلمى كەمچىل بولغان كەڭ دىھقان دوسلارنىڭمۇ مۇنداقلا بىر قاراپ چۈشۈنەلىگۈدەك ۋە  ئاددىيسى  دېھقان ئاكا-ئۇكا، تاغىلارمۇ مۇنداقلا بىر قاراپ ئاسانلا چۈشۈنۈپ يىتەلىگۈدەك ھالدا رەسىملەشتۈرۈپ سىزىپ  چىقتىم . ئانا دىيارىمىزنىڭ جۇغراپىيلىك ئورنى ياخشى . ھاۋاسى ساپ .  تۇپرىغى مۇنبەت زىمىن بولۇپ مەيلى يېزا-ئىگىلك مەھسۇلاتلىرى ياكى چارۋا-مال كەسپىنى تەرەقى قىلدۇرۈش جەھەتلەردىن ۋە ياكى ئۆي-قۇشلىرى باقمىچىلىق كەسپدە بولسۇن ئالاھىيدە بولغان شەرىت-شارائىتلار تولۇق ھازىرلانغان بولۇپ بۇ كەسپىتە نەتىجە قازىنىپ مۇشۇ كەسپىنىڭ نىنى يەي دەپ ئىرادە قىلغان ئادەم چوقۇم قەتئىي ئىرادە ۋە بەلگىلىك تىرىشچانلىق كۆرسەتسىلا ئۈچ-تۆت يىلدىلا بەلگىلىك ئىقتىسادى قىممەت يارىتالايدۇ . بىراق ئاز ساندىكى يىڭىچە پەن-تېخنىكا بىلىملىرىدىن پايدىلنىپ ئاز-تولا ئىقتىدادى نەتىجە يارىتۋاتقان كىشىلەردىن باشقا كۆپ سانلىق كىشلەر بۇ جەھەتتە قالاق بولغان  ئەنئەنۋى باقمىچلىق كەسپىنى ئاساس قىلۋالغان بولغاچقا ،  بەلگىلىك ئىقتىدىسادى نەتىجە يارىتالماستىن پەقەت ، ئائىلىسىنىڭ سەي-كۆكتات .توك پۇلى .سۇ پۇلى...دىگەندەك ئىككى-تۆت تال چىقىمدىن ئىشىنىپ ئالدىغا پۇل تاشلىيالمايۋاتقانلار كۆپ سالماقنى ئىگەللەيدۇ . بۇ كەسپىنى قىلىشتا كەڭ يىزا-قىشلاقتىن ئىبارەت زىمىنى كەڭرى ، ئازادە بولغان بوشلۇق . ئىجارە  تەلەپ قىلمايدىغان ھەقسىز ئورۇن بولۇش بىلەن بىرگە،  كەڭ تەبىيئەتكە يىقىن سانالغان سەھرا مۇھىيتى ئىنتايىن مۇۋاپىق كىلىدىغان بولۇپ .  ئادەتتە 70000~80000 ) يەتمىش مىڭ يۈۋەندىن -سەكسەن مىڭ يۈۋەن ( پۇل بىلەن بۇ كەسپنى نورمال ماڭدۇرۇپ كەتكىلى بولىدۇ . بۇ كەسىپنى قىلىشنى ئويلىشۋاتقانلار ئەلۋەتتە ئالدى بىلەن  ئۆي قۇشلىرىنى بىقىشتا قار-يامغۇر . ئىسىق-سوغۇق ھاۋا رايىدىن ئىبارەت تۆت پەسىل روشەن ئالمىشىپ تۇردىغان تۇراقسىز ھاۋا كىلماتىدا تۇراقلىق بولغان تېمپۇراتۇرنى ساقلاپ تۇرالايدىغان . ئۆي قۇشلىرنىڭ نورمال ياشىشى ئۈچۈن تۇراقلىق بولغان مۇھىيت ھازىرلاپ بىرەلەيدىغان تۇرالغۇ مەسىلىسىنى ئالدىن ئويلىشىدۇ . بىراق كۆپ سانلىق كىىشلەرنىڭ بۇ جەھەتتە ئەمەلىي ۋە ئۈنۈملۇك بولغان تەجىربىسى كەمچىل بولۇپ ئاساسەن باشقىلاردىن ئاڭلىۋالغان ياكى مۇنداقلا كۆرۋالغان تۇيغۇسىغا ئاساسەن تۇرالغۇ ياساشتىن ئىبارەت دورامچىلىك بىر قەدەر كەڭ ئومۇملىشىپ قالغان  بولغاچقا . مۇشۇ كەسىپنى قىلىشنى ئويلىشىۋاتقان كىشىلەرگە ئاز-تولا پايدىسى بولۇپ قالسا ئەجەپ ئەمەس دىگەن خىيال بىلەن ، مۇشۇ بىر نەچچە كۈندە مەخسۇس   توخۇ ، ئۆي كەپتىرى . گۆش كەپتىرى . توشقان ، غاز قاتارلىق بىر نەچچە خىل ئۆي قۇشلىرنىڭ بەدەن فېزولوگىيلىك ئالاھىيدىلىكى ۋە ياشاش ئالاھىيدىلىكى بىلەن بىرگە مۇھىيتقا بولغان تەلىپىنى چىقىش قىلغان ئالاھىيدىلىكىگە ئاساسەن , ئايرىم-ئايرىم قىلىپ سىزىپ چىقتىم . ئەسلىدىن  ئۆي قۇشلىرى باقمىچلىقى كەسپىدە ئەزەلدىن دۇنيانىڭ ئەڭ ئالدىدا تۇرۋاتقان  خەن يولداشلارنىڭ ئۆي قۇشلىرى بىقىش تۇرالغۇسى ئىنتايىن ئاددىيلا بولۇپ يىزا-قىشلاقلاردا كەنىتلەرنىڭ تاشلاندۇق بىرەر ئامبار ئۆيى . بىرەر زاۋۇتنىڭ تاشلاندۇق ئىسكىلاتى ....دىگەندەك ئورۇن بولسىلا بۇلار شۇي يەردە ھەر خىل تېخنىكىلارنى قوللىنىش  ئارقىلىق بۇ كەسپتە زور ئىقتىسادى قىممەت يارىتىپ كەلگەن .  بۇلارنىڭ ئۆي قۇشلىرى باقمىچلىقىغا دىققەت قىلساق روشەن ۋە ھەممىگە ئورتاق بولغان بىر نۇقتا بار . بۇ نۇقتا بۇلار ئىنتايىن زىچ بىقىش ئۇسۇلى ئارقىلىق بوشلۇقتىن ئەڭ يۇقۇرى چەكتە بىقىش ئۇسۇلىنى قوللىنىدىغانلىقىنى بايقايمىز . بۇ ئۇسۇلدا بىقىلغان ئۆي قۇشلىرىدا ئاسانلا كىسەللىك كۆرۈلدىغان بولغاچقا ، بۇلار ،ئۆي قۇشلىرىدا دەسلەپكى باسقۇچىلاردا كۆرۈلدىغان  كىسەللەرنى دورا ئارقىلىق داۋالاش بىلەن بىرگە ، ھورمۇنلۇق تەركىپلىك  دورىلارنى كۆپلەپ ئىشلىتىش ئارقىلىق ئۆي قۇشلىرىنى ئەڭ تېز سۈرئەتتە چوڭايتىپ  تۇخۇمى ۋە جۈجىسىدىن پايدىلنىپ بولۇپ ، تۇخۇم تۇغۇش ۋە جۇجە چىقرىش نىسپىتى دورا بىرىشنى قوللىنىش ئارقىلىقمۇ  بەلگىلىك ئىقتىسادى ئۇنۇم يارىتالمايدىغان ۋاقىتقا كەلگەندە،  تۈركۈملىگەن توخۇ،توشقان . ئۆردەكلەرنى ....ئەڭ ئەزان باھادا سېتىپ قولدىن چىقىرىپ ئورنىنى ياشلاشتۇرۇلغان ئۆي قۇشلىرىغا ئالماشتۇرش ئۇسۇلى بىلەن ئىقتىسادى كىرم قىلىشنى ئاساس قىلىدۇ  .     بىراق بىزلەردە ئۆي قۇشلىرى باقمىچلىق كەسپىدە يىتەرلىك بولغان  ئاساسى  بىلىمىمىز ۋە ئەمەلىي  تەجىربىمىز يوق دىيەرلىك بولۇشنىڭ ئۈستىگە ئانا دىيارىمزىدا ھەر كۈنلىگى پايدىسىز ئىچىلدىغان يىغىن  ھەقسىز ئورۇنلاشتۇرۇلغان مەجبۇريەت ئەمگەك ۋە چۇۋالچاق ئىش-ئەمگەكلەر كۆپ بولۇش سەۋەپلىك كەسىپلەشكەن بىر ئىشقا خەن يولداشلاردەك ئىزچىل شۇ كەسىپنىڭ بىشىدا چۆرگىلەپ بولالمايمىز  .   شۇڭلاشقا قانداق قىلىش كىرەك ؟ -ئۆي قۇشلىرى باقمىچىلىقتا خەن يولداشلارنىڭ قوللانغان ئۇسۇلىدەك كىچىكىكىنە بىر ئامبار ئۆينىڭ ئىچىدە نەچچە يۈز دانە توخۇ-توشقان . غاز-ئۆردەكلەرنى باقساق زىيادە زىچ بولغان مۇھىيت ئاسانلا بۇلغىنىپ ئۆي قۇشلىرىدا ئاسانلا كىسەل بولۇپ ئىنتايىن دىققەت قىلمىساق ›› ئۈرۈك ئۈرۈكنى كۆرۈپ ئالا بوپتۇ ‹‹ دىگەندەك ، كىسەل بولغان بىرىنى كۆرسە يەنە بىرىمۇ سەندىن مەن قالامتىم دەپلا ئۆلگەننىڭ كەينىدىن ئۆلۈپ كىتىدىغان ئىش كىلىپ چىقىدۇ . كىسەل بىلەن يۇقۇملانغان ئۆي قۇشلىرىنى داۋالاش جەھەتتە كۆپ سانلىق كىشلەرنىڭ خەن يولداشلاردەك ئەمەلىي ۋە مول بولغان تەجىربىسى يوق بۇلۇش ئۇياقتا تۇرسۇن مەخۇس مۇشۇ كەسىپتە بىر نەچچە يىل ئوقۇغان مىللىي خادىملىرىمىزمۇ بۇنداق كىسەللەرنى داۋالاش ئەمەس ھەتتا كىسەلنىڭ خەلىقئارالىق بىر تۇتاش ئاتىلدىغان ئورتاق ئىسمىنى تولۇقمۇ بىلمەيدۇ دىسەك ئارتۇق كەتمەيدۇ . شۇڭلاشقا ئەڭ ئاقلانە چارە ئۆي قۇشلىرىنى ئۆزلىرىنىڭ ئەنئەنۋى بولغان تەبىيئەت مۇھىيتىنى بەلگىلىك يارىتىش ئاساسىدا يەنى كەڭ تەبىيئەتكە يىقىن بولغان شەرىت-شارائىتلار تولۇق ھازىرلانغان تۇرالغۇ ياساش ئارقىلىق ،جۈجىللىرىنى ئەكىلىپ ئورۇنلاشتۇرۇشتىن تارتىپ پەرۋىش قىلىپ باشقۇرۇش ۋە تاكى ئەڭ ئاخىرقى سىتىپ قولدىن چىقىرىشقىچە بولغان جەرايانلارنى  باشتىن-ئاخىر بىر ياكى بىر ئىككى ئادەم ھۆددىسىن ئاسانلا چىقالايدىغان باشقۇرۇش قولاي ۋە پاكىز . خەتىرى ئاز، جاپاسى يوق دىيەرلىك . خىزمەت ۋە باشقا قوشۇمچە تىجارەتلەرگە تاقاشمايدىغان كۆپ بوشلۇق ئىگەللىمەيدىغان. ھويلا-ئارامنىڭ تازلىقغا تەسىر يەتمەيدىغان بولۇش بىلەن بىرگە زىرىككەندە ئىچ-پۇشىقىنى چىقرىىش بىرگەۋدىلەشكەن ئالاھىيدە بولغان تۇرالغۇلارنىڭ رەسىملىك خەرىتسىنى سىزىپ پايدىلىنشغىڭلارغا سۇندۇم . پايدىلىنىدىغان يەرلىرى بولسا پايدىلنىپ،  يىتەرسىز يەرلىرى بولسا ئۆزۈڭلارنىڭ بىشىڭلاردىن ئۆتكەن  ئەمەلىي بولغان پايدىلىق  تەجىربەڭلەرنى زىچ بىرلەشتۈرۈپ مۇشۇ كەسپىتە بەلگىلىك ئىقتىدىسادى قىممەت يارىتىپ كۆرسەتكەن تېرىشچانلىقىڭلارنىڭ ۋە سىڭدۈرگەن ئەجرىڭلارنىڭ ئەمگەك مىۋىسىنى كۆرۈشۈڭلارغا تىلەكتاشمەن !                                       .      تەرتىپ بويۇنچە يوللىغان رەسىملەرنىڭ ئورنى مەشغۇلات قىلىش جەريانىدا ئورۇنلىرى ئالمىشپ قاپتۇ

madonna

	بۇ يازمىڭىز ھەقىقەتەن ياخشى مەزمۇن بوپتۇ . ھەم سىزغان خەرىتىڭىزمۇ ياخشى لاھىيەلىنىپتۇ . بىراق مەن ئويلايمەن  ، يايلىتىپ بېقىلغان ياخشىمىكىن دەپ . سىزچە ئۆي قۇشلىرى باقمىچىلىقىنىڭ ئىستىقبالى قانداقراق ؟ ئۆي قۇشلىرى گۆشلىرىنى پىششىقلاپ ئىشلەپ بازارغا سىلىشقا قانداق قارايسىز ؟ رايونىمىزدا مۇنتىزىم ئۆي قۇشلىرى باقمىچىلىقى بىلەن شۇغۇللۇنۇپ مۇقىم بازار ئىگەللەۋاتقانلار بارمۇ ؟ بېقىش سىجىللىقى ئىشىۋاتامدۇ ياكى بىرخىل قىلىپتىمۇ ؟ بۇ مەسىلىلەر  ئۈستىدە سىزدىن ئاز تولار بىلىملەرگە ئىگە بولۇشنى خالايمەن .

ablat45

	ياخشى تىما … … www.uyigilik.com   نى زىيارەت قىلىڭ

jim-jit

	ياخشى   تىما   يوللاپسىز   ،   قوللىرىڭىزغا   دەت   كەلمىسۇن    .

pihani

	ياخشى تېمىكەن، بىز ياشلارغا يېتەكچى بولغىدەك .

WWW.UYHQT.COM

	ئەسسالامۇ ئەلەيكۇم ! بۇ يازما ئىشلىتىلىشچانلىقى ناھايتى يۇقۇرى،دىيارىمىز ئەمەلىيىتىنى چىقىش قىلغان،ئاۋامغا نەپ بىرىدىغان تېما بوپتۇ.مۈمكىن بولغىنىدا ھەممىمىز بىرلىكتە دىيارىمىز ئىقتىسادىنىڭ تەرەققىي قىلىشى ،بولۇپمۇ نامرات يېزىلاردىكى دېھقان قېرىنداشلىرىمىزنىڭ ھاللىق سەۋىيەگە يېتىشىگە ياردىمى بولىدىغان ماقالىلارنى كۆپرەك يوللايلى. تېما ئىگىسى قەلىمىڭىز ھارمىغاي.

uyultax11

	ئەمما رەسىمنى بەك چىرايىق سىزىپسىز .

uzum-tal

	madonna يوللىغان ۋاقتى  2014-11-21 12:02 PM بۇ يازمىڭىز ھەقىقەتەن ياخشى مەزمۇن بوپتۇ . ھەم سىزغان  ...   يايلىتىپ   بىقىش ئۇسۇلىدا تەخمىنەن 40~30  دانىگىچە ئۆي قۇشلىردىن بىقىشقا بولىدۇ . بىراق 1000~2000 دانىغىچە بولغان ئۆي قۇشلىرىنى بىقىشتا يايلىتىپ بىقىش ھەقىقەتەن ئەپسىز .                         ئادەتتە خەنلەر توخۇ باقمىچىلىقى بىلەن كۆپرەك شۇغىللىنىدۇ . توخۇ باقمىچىلىغىنىڭ ئىقتىدادى ئۇنىمى ھەقىقەتەن يۇقۇرى . بىراق توخۇلارنىڭ كىسەللىنىش نىسپىتى بەكلا يۇقۇرى . بىراق بىز مىللەتنىڭ ئۆي قۇشلىرى باقمىچلىغىدا يۈز بىرىدىغان ھەر خىل كىسىللەرنى داۋالاش ۋە ئالدىنى ئىلىشتا بىلىمىمىز يوق دىيەرلىك . كىتاپتىكى ئۆي قۇشلىرى باقمىچىلىغىدا يۈز بىرىدىغان كىسەللەرنىڭ ئىسمىنى  ئۇيغۇرچە تەرجىمە قىلىپ پايدىلىنىشقا سۇنۇلغان بولسىمۇ بىراق بىزلەر شۇ ئىسىمنى دورا ساتىدىغان  دورىگەرگە دىسەكمۇ دەل ئۆزىمىز ئىھتىياجلىق بولغان دورىلارنى ئىلىشىمىز بىر قەدەر قىيىن . شۇڭلاشقا مەن كىىشلەرنىڭ ئىمكان بار تەبىيئەتكە يىقىن بولغان مۇھىيت ھاسىل قىلىپ بىر قەدەر كەڭ . ئازادە بوشلۇق ئىچىدە بىقىلسا ئۆي قۇشلىرىنىڭ كىسەللىنىش نىسپىتى بىر قەدەر تۆۋەن بولىدۇ دەپ توغرا دەپ قارىغان ئاساستا ئۇ تۇرالغۇدا بۇ نۇقتىنى ئەڭ ئالدىنقى شەرىت قىلغان .    ئۆي قۇشلىرى باقمىچىلىغىدا  ئۆي قۇشلىرى گۆشلىرىنى پىشىقلاپ ئىشلەپ بازارغا سىلىش مەسىلىسىدە مەن چوڭقۇر پىكىر يۈرگۈپ باقماستىن پەقەت مەلۇم بىر رايۇننى مەركەز قىلىپ  ئۆي كەپتەرى . گۆش كەپتىرى ، باچكا  ،توخۇ . توشقان .....قاتارلىق مەھسۇلاتلارنى شۇ رايۇن ۋە شۇ رايۇنغا قوشنا بولغان رايۇنلاردىكى ئاشپۇزۇل ، رىستۇران ، كۆڭۈل ئىچىش سورۇنلىرى ۋە بازار ...دىگەندەك ئورۇنلارغا ئۆتكۈزۈپ قولدىن چىقرىش ئۇسۇلىنى كۆزدە تۇتۇپتىمەن . سىز دىگەن ئۆي قۇشلىرى گۆشلىرنى پىشىقلاپ ئىشلەش كەسپىنى كۆپ سانلىق ئاۋام باشقا ئىلىپ چىقالمايدۇ . بۇ كەسپىكە مەخۇس بازار ئىچىش كەسپى ، بازار ئىگىلىكى ....قاتارلىق كەسىپلەردە مەلۇم دەرىجىدە  تەربىلەنگەن ۋە بەلگىلىك ئىقتىسادى كاپتالى بار كىشىلەر ئويلىشىپ باقسا بولىدۇ دەپ قارايمەن .    مۇشۇ كەسىپ بىلەن شۇغۇللىنىۋاتقان كىىشلەردىن نامى تونۇلغان كىىشلەرنى ئانچە بەك تونۇپ كەتمەيدىكەنمەن . بىراق بىزنىڭ رايۇندا ئۈچ-تۆتەيلەن بار . بىرسىنىڭ 2000 دانىدىن ئارتۇق توخۇسى بار . يەنە بىرەيلەننىڭ 5000 دانىگە يىقىن ئۆي كەپتىرى بار . يەنە بىرەيلەننىڭ 200 نەچچە ئۆي توشقىنى بار .  توخۇ بىلەن ئۆي كەپتىرى بىقىقۋاتقان كىىشلەر دان. دورا ، ئەمگەك كۈچى . قاتناش ھەققى ...دىگەندەك  بارلىق چىقىمنى چىقىرۋىتىپ ھەر يىلى تەخمىەن 50000~ 40000 يۈۋەنگىچە كىرىم قىلىدۇ . كەپتەر بىلەن توخۇ باققان ئاداش ئەسلى بۇ كەسپىنى قىزىقىپ قالغانلىقتىن ئەمەس بەلىكى ھەر يىلى يۇقۇردىن ھەر بىر ئائىلىگە مەجبۇرى تاڭىدىغان جۈجىلەر بولدىغان . كىشىلەر پەرۋىش قىلىپ مەنپەت ئىلىپ بولالماي قاغا ، مۈشۈككە تاشلاپ بەرگۈچە دەپ يۇقۇردىن مۇشۇ ئىشن تەكشۈرۈپ كىلدىغان باشلىقلارنىڭ ھەر قىتىملىق تەكشۈرشىدىن ئۆتىۋىلىشى ئۈچۈن كەنىت ۋەدە قىلغان ھەر خىل تۆۋەن ئۆسۈملۈك قەرىز بىرىش . مەجبۇر ئەمگەكلەرنى كۆتۈرۋىتىش ...قاتارلىق ئىشلارغا چىقماسلىق بەدىلگە ئالۋاڭغا بىقىپ قويغان جۈجىلەر ئىدى . ئۆلگەنلىرى ئۆلۈپ ساق قالغانلىرى چوڭ بولۇپ كاكىلغان تۇخۇملىرى قازاندىن ئىشىپ بازاردا سېتىپ ئازدۇر-كۆپتۇر پۇل بوپ قالغىنى ئۈچۈن ئاندىن ھەقىقى قىزىپ مۇشۇ يولغا كىرىپ قالغانلار . لىكىن زادى بىر قىلىپ باقاي دەپ مەبلەغ سالغانلار ئەمەس . بەلىكى مۇشۇ ئىشنى كەسىپلەشكەن ئۇسۇلدا قىلىپ نىنى يەي دىگەن ئادەم قىلسا ئىش باشقىچىرەك بولىدۇ .

TAXNAI2

	بەك ياخشى تىما ئىكەن،،،   مېنىڭ شارائىتىم يار بەرگەن بولسا توشقان باقاتتىم...چۇنكى ئۇنىڭ كۆپىيشى تىز ،قىممەت يارتالايىتتى.

uzum-tal

	ئادەتتە رايۇن ،ناھىيە دەرىجىلىك شەھەرلەردە  بىرەر ئىشنىڭ پىشنى تۇتاي دىگەن ئادەم 50000 يۈۋەن بىلەن ئىش باشلىغى بولمايدۇ . ئاددىيلا بىر دۇكاننىڭ يىللىق ئىجارىسى كىمى 15000 يۈۋندىن ئالدى بىرە يۈز مىڭ يۈۋەن .  ئايلىقنى ئۇدۇلمۇ-ئۇدۇل تۆلەشكە ئۇنمايدۇ . كىمى ئۈچ ئايلىق ئىجارىسى ۋە زاكالەت پۇلىنى بەرمىسە بولمايدۇ . دۇكانغا كىرەكلىك نەرسىلەرنىڭ باھاسى بىر مەسىلە .  بۇرۇندىن ئاتا-ئانىسى قىلىپ كىلىپ شۇلارنىڭ قولدىكى تەييار دۇكاننى ئىچىۋاتقان ياكى مەلۇم مۇناسىۋەت تورىغا تايىنىپ دۇكان ئىچىپ مەنپەت ئىلۋاتقانلاردىن باشقا ھازىر يىڭى بىر ئىشنى قىلىشنى ئويلىشىۋاتقانلارغا نىسپەتەن قىيىن بىر مەسىلە .   بىراق 50000 يۈۋەن پۇل بىلەن شەھەرگە يىىقنراق بولغان يېزا-قىشلاقلاردا راۋۋۇس بىر كەسپىنى ماڭدۈرۈپ بارا-بارا تەرەقى قىلىپ يىتەرلىك ئىقتىسادى كاپتالغا ئىرىشكىلى بولىدۇ . يېزا-قىشلاقلاردا يەرنىڭ ئىجارسى ئىنتايىن تۆۋەن ھەتتا كۆپ سانلىق كىشىلەرنىڭ ئائىلسىنىڭ ئالدى كەينىدە كىمى بەش فۇڭدىن ئالدى بىر نەچچە موغىچە تاشلىنىپ قالغان بوش ئورۇن كۆپ دىيەرلىك . ئەگەر مۇشۇ ئىشنى قىلىمەن دىسە شىمال تەرەپلەردە ئەمگەك كۈچى . خش ، سېمىنۇت ..لارنىڭ باھاسى بىر قەدەر يۇقۇرى بولغاچقا 100000 يۈۋەن پۇل ئاسانلا كىتىدۇ . بىراق بىزنىڭ جەنۇپ تەرەپلەردە ھازىر خىشنىڭ ھەر دانىسى ياز پەسلىدە 2.5 مو . قىش پەسلىدە 1.6~1.78 مو. ئەمگەك كۈچىنىڭ باھاسىمۇ تۆۋەن . سىم تور بىلەن سىم تورنى تۇتاشتۇردىغان تۆمۈر گاڭگەرنىڭ باھاسىمۇ ھازىر خىلى زور دەرىجىدە چۈشتى . كەڭلىگى تەخمىەن 20 مىتىر ئۇزۇلىغنى تەخمىنەن 35~40 مىتىرغىچە بولغان رەسىمدىكىگە ئوخشاش بولغان  ئۆي قۇشلىرى بىقىش تۇرالغۇسىنى ياسايمەن دىسە 10000 يۈۋەندىن ھەرگىزمۇ ئاشمايدۇ . بولسا لاي تام ياكى خان كىسەك بىلەن قىلسا تېخىمۇ ياخشى . چۈنكى لاي تامدىن ۋە خام كىسەكتىن ھەر قانچە قاتتىق سوغۇقمۇ ئۆتمەيدۇ . قىش پەسلىدە تەخمىەن 2000~1500 يۈۋەنلىك كۆمۈر ياكى باشقا يىقىلغۇ ماتىريالى بىلەن بىر نەچچە ئايلىق قىشنى نورمال چىقارغۇزغۇلى بولىدۇ . ئەگەر  ئاستىنى توشقان باقىدىغان ئۈستىنى كەپتەر باقىدىغان نۇسخىدا  ئۈچۈنجى رەسىمدىكىدەك ئىككى قەۋەتلىك قىلىپ سىلىشقا توغرا كەلسە تەخمىنەن 30000 يۈۋەندىن ئاشمايدۇ . 20000 يۈۋەنلىك ئۆي قۇشلىرىدىن بازاردا گۆشى . تۇخۇمى . جۈجىسى بازار تىپىۋاتقان توشقان ياكى غاز دىگەندەكلەرنى  يەنە 5000 يۈۋەنلىك دان-خەشەك . ناۋادا بازار ئەھۋالدا ئازدۇر-كۆپتۇر ئۆزگىرىش بولۇپ قالسا بازار كۆتۈرلىدىغان بىر مەزگىلگىچە قىيىنچىلىق تۈپۈيلىدىن ئۆي قۇشلىرىنى سىتىپ سىلىشنىڭ ئالدىنى ئىلىش ئۈچۈن زاپاس بولغاندا تەخمىنەن 15000 يۈۋەندىن 20000 يۈۋەنگىچە زاپاس پۇل بولۇش كىرەك .  بۇ قۇرۇلمىدا خەن يولداشلاردەك ھەر كۈنى سىجىل سەككىز-ئون سائەت ئۆي قۇشلىرىنىڭ بىشىدا پەرۋانە بولۇش ھاجەتسىز . دېزىنفىكىسيە قىلىش . باشقۇرۇش . تازلىقىنى قىلىش . ...قاتارلىق قول تۇتىدىغان ئىشلار ئىنتايىن ئاددىيلاشتۇرۇلغان .      بىر ئىشنى قىلىشنى 1000 ئادەم ئويلايدۇ بىراق قىلدىغان ئادەم بىر نەچچە . دەل قالدى 900 دىن ئارتۇق ئادەم شۇ بىر نەچچە ئادەمنىڭ خىرىدارىدۇر .