‹ئۇيغۇر كارتونچىلىقىنى تەرەققىي قىلدۇرۇش› تەتقىقات يىغىنى

yodobashi

	بۇلتۇر، يەنى 2013-يىلى 9- ئاينىڭ 18-كۈنى چارشەنبە كۈنى، ياپونىيە دىگىتال ھوللىۋۇد ئۇنىۋېرستېتى مەزمۇنلۇق دىگىتال مۇناسىۋەتلەر ئاسپرانتى ئېرپان يارمۇھەممەت، ئىلىكترون بىناسى 6- قەۋىتىگە جايلاشقان سابا تىل تەربىيىلەش مەرىپەت مەركىزىدە ‹ئۇيغۇر كارتونچىلىقىنى تەرەققىي قىلدۇرۇش› توغرىسىدا شىنجاڭدىكى كارتونغا مۇناسىۋەتلىك ئورگان ۋە قوللىغۇچىلار، ئىشلىگۈچىلەرنى يىغىپ ،زادى قانداق قىلغاندا ئۇيغۇر كارتونچىلىقىنى تەرەققىي قىلدۇرغىلى بولىدىغىنىنى ۋە ھازىرقى ئۇيغۇر جەمئىيىتىدىكى كارتون تەرەققىياتىغا توسقۇنلۇق قىلىدىغان مەسىلىلەر، ئۇيغۇر كارتونچىلىقىنىڭ كەلگۈسى قاتارلىق مەزمۇنلار ئاساسىدا تۇنجى تەتقىقات مۇھاكىمە يىغىنى ئۆتكۈزدى. بۇ يىغىنغا قاتناشقان ئىرپان شىركىتى، شىنجاڭ مائارىپ نەشىرياتى ۋە شىنجاڭ ئۇنىۋېرستېتى شۇنداقلا CGIگرافىك تەربىيىلەش بازىسى قاتارلىق ئورگان ۋە شىركەتلەر ۋەكىللىرىدىن باشقا كارتون كەسپى بىلەن شەخسى شۇغۇنلىنىۋاتقان كىشىلەر ۋە ئالىي مەكتەپ كارتون كەسپىدىكىلەرمۇ قاتناشتى ھەمدە ئۆزلىرىنىڭ قىممەتلىك پىكىرلىرىنى بايان قىلدى. ئېرپان يارمۇھەممەت ئالدى بىلەن چەتئەل ۋە دۆلەت ئىچىدىكى كارتون بازىرىنىڭ ئەھۋالى ھەمدە ئۆزىنىڭ تەتقىقات نىشانى شۇنداقلا كەسپى جەھەتتىكى مۇھىم بىلىملەرنى يىغىنچاقلاپ چۈشەندۈرگەندىن كېيىن، مېھمانلارنىڭ پىكىر- تەلەپلىرىنى قۇبۇل قىلغان ئاساستا ئۆز كۆز قارىشىنىمۇ ئوتتۇرغا قويۇپ، بۇ يىغىننى مۇۋېەپپەقىيەتلىك ئاخىرلاشتۇردى. گەرچە بۇ قېتىملىق يىغىن ئۇنىڭ ئەتىسى ياپونغا قايتىدىغان كۈنىگە توغرا كېلىپ قالغان بولسىمۇ، مېھمانلارنىڭ قىممەتلىك پىكىرلىرىنىڭ ناھايىتى ئورۇنلۇق ۋە ئەتراپلىق بولغانلىقىدىن پەخىرلەنگەن ئۇ مۇنداق دەيدۇ: - بۇ مەن ئۈچۈن ئەڭ قىممەتلىك ۋە ئەڭ ئۇنتۇلغۇسىز يىغىن بولدى.شىنجاڭنىڭ كارتون ئىشلىرىغا بۇنچىلىك ئەتراپلىق پىكىرلەرنى بەرگەن مېھمانلارغا چىن قەلبىمدىن رەھمەت ئېيتىمەن، ھەمدە پىكىر ئالماشتۇرۇش شۇنداقلاشىنجاڭنىڭ كارتون ساھەسىنى تەرەققىي قىلدۇرۇشتا كۆپچىلىك بىلەن بىر سەپتە بولالىغىنىمغا ئىنتايىن خوشالمەن.

aptap104

	ياخشى بىز قوللايمىز . بىزنىڭمۇ بىزنىڭكىگە خاس چىقىشىنى ئۈمۈت قىلىمىز .

alhumar137

	مۇشۇ كارتونغا كىچىك بالىلار .ەمەس مەنمۇ بەك ئامراق ئەگەر بالام ئىكىراننى توسىۋالسا ئاچىقىم كەپ بالام بىلەن ئۇرشۇپ تۇرۇپ كۆرمەن  بولسا تىخمۇ زور نەتىجىلەرنى قولغا كەلتۇرشىنى تىلەيمەن

nurjahan0997

	ياپونىيەگە ماڭغان بولسا مىيازاكى ئەپەندى بىلەن كۆرۈشۈپ بىر پىيالە چاي قەھۋە ئىچكەچ تەجىرىبىلىرىنى ئۆگىنىپ كەلسە بولغۇدەك...... مىيازاكى ئەپەندى ئىشلىگەن 天空之城ناملىق كارتوننىڭ مۇزىكىسى.....بىزنىڭ كارتون مەنبەلىرىمىز كۆپ ...كارتونچىلىق ساھەسىدىكى قېرىنداشلىرىمنىڭ شۇ مەنبەلەدىن ۋە يۇقىرى تېخنىكىلاردىن پايدىنىپ ئۇيغۇر كارتونچىلىقىدىكى بوشلۇقنى تولدۇرالايدىغىنىغا ئىشىنىمەن

zulpukar

	كارتون فىلىمگە ئاجايىپ ئامراق جۇمۇ مەن.........

Rujak

	مەنمۇ كارتۇن فىلىمغا بەكلا ئامراق ،بولوپمۇ مۈشۈك بىلەن چاشقاننى  بەكلا ياقتۇرپ كۆرىمەن ،ھازىرغا قەدەر شۇ كارتۇننىڭ 600 قىسىمدىن كۆپرەكىنى  كۆرۈپ بولدۇم ،تىخى يىقىندا 2014.يىللىق يىڭىچە نۇسخىلىرىمۇ توردا پەيدا  بوپتۇ، ئۇنىمۇ ئازراق كۆردۈم ،مۈشۈك سەل سەمىرىپ قاپتۇ .چاشقان بوسا بارغانسىرى ئوماقلىشىپ ئادەمنىڭ خام يىۋەتكۈسىنى كەلتۈرۋەتكىدەك گاۋداڭلىشىپ چىقىپتۇ ،

دىلئۈز

	مۇشۇك چاشقاننىڭ قۇچىقىنى كۇرىۋىرىپ بىر ياشلىق قىزىمنىڭ كاللىسىغا تەسىر قىلىپ قالغانمىكى ئىككى كۇن ماڭا چاشقان ئەكىلىپ بەر چاشقان يەيمەن دەپ يىغلىغان ئىدى . ئۇنىڭغا تۇغرا چۇشەندۇرۇپ يۇرۇپ ئاران قايىل قىلىپ ئۇنداق دەپ يىغلىمايدىغان قىلغان ئىدىم . ھەي شۇ كۇنلەرنى ئەسلەپ قالدىم . كارتۇن فىلىم ھەقىقەتەن بالىلارنىڭلا ئەمەس چۇڭلارنىڭمۇ ئەقلىنى ئاچىدۇ ... كارتۇن فىلىم ئىشلىگۇچىلەرنىڭ ئىجادىيەتلىرىگە زۇر ئۇتۇقلارنى تىلەيمەن . ھارماڭلار...

ARMANI123

	ئەسسالامۇ ئەلەيكۇم قېرىنداشلار يېڭى ئەزادىن سىلەرگە سالام. مەنمۇ كاتۇن فىلىمگە بەك ئامىراق بۇلۇپمۇ ،ياپۇنىيە كارتۇن فىلىمى ( ۋاسكىتبول ماھىرى، يەنە ساكۇراگى)

ئارزۇ01

	ياخشى بىزدىنمۇ كارتۇن ئىشلىيەلەيدىغانلار چىقىپتۇ

ranjimayman

	ئۇيغۇرلار كارتۇن ئىشلىسە بەك ياخشى بولاتتى. ھازىر كارتۇن  ئىلانلارمۇ خىلى ياخشى ئىشلىنىۋاتىدۇ. مەن ئۇيغۇر  ياشلىرىغا ئىشىنىمەن.لىكىن زە ياشلاردا ئۆزىنى بىغىشلاش روھى كەمچىل...توي قىلغۇچە..زادى..ئىرادە باغلاپ ،ئاسمانغا چىقدىغاندەك شىجائەت بىلەن ئىش باشلايدۇ.توي قىلدىمۇ بولدى...ھەممە ئىشى تاشلىنىپ قالىدۇ. مەن ئەر كىشى بولغان بولسام..توي قىلماي بىر ئىشنى باشقا ئەپ چىقاتتىم. مەن كارتۇنغا بەك ئامراق.猫和老鼠，蜡笔小新，海绵宝宝，灰姑娘，白雪公主，长发公主，少年阿凡提دىگەنگەكلەرنى..قايتا قايتا كۆرۈمەن.بولۇپمۇ نەسىردىن ئەپەندىم بەك ياخشى ئىشلەنگەن.خەنزۇ ئىشلىگەن بولسىمۇ مەن بەك ياقتۇرىمەن. قاچانمۇ ئۇيغۇرلار شۇنداق كارتۇن فىلىمنى بازارغا سالا دەپ كۆزۈم تۆت. ھىچ بولمىسا نەۋرەم بولسىمۇ ئۇيغۇر ئىشلىگەن كارتۇندىن ھۇزۇر ئالسا دەيدىغان .ارزۇدىمەن.