كونا ۋەدە

ئۆچمەس

	كونا ۋەدە چاپاقتاشتىن نەزەر سالدىم زەرەپشاننىڭ ھۆسنىگە، سۈپسۈزۈك سۇ، ئۆركەش ئېقىن، ئويناقشىدى باغرىدا. ئۈنچە - مارجان چېچىلغاندەك شوخچۇپ چىقتى ئۆركىشى قەلبىم دېدى ،ۋەدەڭ قېنى، ئانا دەريا ئالدىڭدا! ، ئەسكە ئالدىم زەرەپشانغا ئېيىتقان ۋەدەم ،سۆزۈمنى، سۆزلىرىمگە گۇۋاھ ئىدى تولۇن ئايلىق ئاق كېچە. دېگەن ئىدىم، سۇلىرىڭدەك سۈزۈك ياشاپ ئۆتەيمەن ھەمرا قىلىپ غورۇرۇمنى ئەزىز جېنىم كەتكۈچە. ، قېنى ۋەدەڭ، دېدى ئېقىن زەربە بېلەن تولغېنىپ، قېنى ۋەدەڭ، دېدى تاغلار زەرەپشانغا تاشلېنىپ. كەلكۈن كەلگەن ئېقىن سۇدەك قەلبىڭ تولدى لايسۇغا قېنى ۋەدەڭ، دېدى ۋىجدان يۈرىگىمنى تىترىتىپ. ، زەرەپشاندىن كەلدى سادا ،شۇنچە خۇشخۇي يېقىملىق، ئازمايدىغان ئادەم بولماس، ھاياتلىقتۇر ئۇزۇن يول. كەل باغرىمغا سۈزۈك سۈيۈم يۇيسۇن سېنى پاكلىسۇن تۇر ئورنۇڭدىن، تاپ ئۆزۈڭنى، ئەلگە يارام ئوغۇل بول. ، ئۆچمەس 2014-09-27 چاپاقتاش ـــــ يىزامنىڭ  دەريا بويىدىكى بىر تاغنىڭ ئىسمى.

99sahrayi99

	كونا ۋەدە، كونا مەھەللە، ئېسىڭىزدىن چىقماپتۇ « ئۆچمەس». بۇ قىممەتلىك كۈن ۋە ئۆمرىڭىز، كونا يارنى سېغىنىپ ئۆتمەس؟!.. قاملاشمىسىمۇ يېزىپ باقتىم، مېنىڭمۇ « كونا مەھەللە» دەيدىغان بىر شېئىرىم بار ئىدى،  يادىمغا كېلىپ قالدى.

azizyaxa

	قېنى ۋەدەڭ، دېدى ئېقىن زەربە بېلەن تولغېنىپ، قېنى ۋەدەڭ، دېدى تاغلار زەرەپشانغا تاشلېنىپ. كەلكۈن كەلگەن ئېقىن سۇدەك قەلبىڭ تولدى لايسۇغا قېنى ۋەدەڭ، دېدى ۋىجدان يۈرىگىمنى تىترىتىپ مۇشۇ مىسرالىرى ئەزىدى باشقا مىسرالىرى سەل كەلمىگەندەك قىلامدۇ نىمە؟ كۆپراق شېئىر ئۇقۇپ بىرىڭ

ئۆچمەس

	99sahrayi99 يوللىغان ۋاقتى  2014-11-18 04:52 PM كونا ۋەدە، كونا مەھەللە، ئېسىڭىزدىن چىقماپتۇ « ئۆچمەس ... كونا يارنىڭ كونا دەرتلېرى، يىڭى ئوتنى سېلىپ ئۆتەركەن. ئامالسىزمەن سۆيگۈ ئالدىدا ئاسىي قەلبىم يەنە كۈتەركەن. . ياقتۇرغان بولسىڭز  رەھمەت..

ئۆچمەس

	azizyaxa يوللىغان ۋاقتى  2014-11-18 05:04 PM قېنى ۋەدەڭ، دېدى ئېقىن زەربە بېلەن تولغېنىپ، قالغان ئىككى مىسرادىكى قاپىيداش كەلگەن سۆزلەرنىڭ ئاھاڭدارلىقى سەل ئاجىزراق بوپ قالدى، بىلىۋاپسىزدە. بەزىدە ھېسىياتنى ئىپادىلەش ئۈچۈن شۇنداق سەۋەنلىكلەرنى ئۆتكۈزۈپ قويىدىكەنمەن.

mastana888

	ياخشى يىزىپسىز

WOLKANII

	مۇبارەك بولسۇن !

arka1

	ياخشىكەن

ranjimayman

	نىمانداق يوغان خەتلەر بۇ؟ سەل كىچىكرەك يىزىڭا... سەللە بەك يوغان بوپ قاپتۇ مەن غۇ ياقتۇردۇم .

ئۆچمەس

	ranjimayman يوللىغان ۋاقتى  2014-11-20 11:23 AM نىمانداق يوغان خەتلەر بۇ؟ سەل كىچىكرەك يىزىڭا... سەللە  ... تېلفۇندا يوللىغانتىم،