ئەجەپ دۇنيا ئىكەن مىڭ توۋا

KUMALTAGH

	ئەجەپ دۇنيا ئىكەن مىڭ توۋا ئەمەتجان زۇنۇن ئارتۇچ دىلىم ئاپئاق كۆرگىنىم قارا  ، باغرىم يۇمشاق ئىزلىرىم ئالا . يېشىم ئاشتى ئىشلىرىم چالا ، ئەجەپ دۇنيا ئىكەن مىڭ توۋا . ۋىسال ئىزلەپ دارلاردا ھالىم ، دۇنيا ئىزلەپ يارلاردا جايىم ، مېھنەت بىرلە داغلاردا بارىم ، ئەجەپ دۇنيا ئىكەن مىڭ توۋا . سۇ باشلىسام قۇرۇتلاپتۇ كۆل ، تاغ ئاتلىسام يەنە قۇملۇق، چۆل ، نامەرد دېدى: مەن ياشاي، سەن ئۆل ، ئەجەپ دۇنيا ئىكەن مىڭ توۋا . جانان دېدىم تالادا  قالدىم ، بالام دېدىم بالادا قالدىم ، ئانام دېدىم سەۋدادا قالدىم ، ئەجەپ دۇنيا ئىكەن مىڭ توۋا . ئۇرۇق سېلىپ گاھ خامان سامان ، بەخىت ئىزلەپ تەرگىنىم ھىجران ، ئۈمىت كۈتۈپ يەلكەمدە ئارمان ، ئەجەپ دۇنيا ئىكەن مىڭ توۋا . شۈكرى ئېيتتىم يۈرىگىم لەختە ، تاڭنى -تاڭغا ئۇلاپ  نەپەستە ، كۆيۈك جانغا باغلىدىم رىشتە ، ئەجەپ دۇنيا ئىكەن مىڭ توۋا . توققۇزى رەڭ پەقەت بىرى جەڭ ، بار ئادەمدە بەش قول ئەمەس تەڭ ، ھايات تۇتاش قەبرىگە ھەتتەڭ ، ئەجەپ دۇنيا ئىكەن مىڭ توۋا . مەنبە ؛  ئىجادىيىتىم  .

99sahrayi99

	پاھ!... پاھ!... كارامەت!.. نېمىدىگەن تاتلىق شېئىر بۇ!..  قاپىيەلىرىمۇ بەك كەپتۇ، ئۇنىڭ ئۈستىگە ئاھاڭدارلىقىمۇ شۇنداق!.. ياقتۇردۇم.... نادىرلىۋالغۇدەك تىما بوپتۇ!.. ھارمىغايسىز!.. سىزگە ئۇتۇق يار بولسۇن!..

saliha24

	ياخشى چىقىپتۇ ، رەھمەت سزگە.

QALIB

	راستېنلا توۋا

mastana888

	شىرىڭىز ياخشى چىقىپتۇ

ھاپىز

	ئاپىرىن قەلىمىڭىزگە كۆز تەگمىسۇن

ranjimayman

	دىلىڭىز ئاق ، يۈزىڭىز قارا. تىنىڭىز ساق، قەلبىڭىز يارا،

ah~tilek

	بۇ شىېرىڭىز بەك تاتلىق چىقىپتۇ، ئىنكاس ئارقىلىق ساخلىۋالايچۇ .

Gvlmisal

	ئەجەب ئىكەن دۇنيا.........ھەي توۋا