ناۋائى غەزەللىرىدىن( قىلدىلا)

99sahrayi99

	كۆڭلۈم ئالغاچ ئول پەرى مەجنۇنى شەيدا قىلدىلا، ئەقلى- ھوشۇمنى جۇنۇن دەشتىدە يىغما قىلدىلا. ئۆزگىچە زولمۇ- تەئەددىلەر بىلەن قانىم تۆكەر، تۇرپە ئەردى تۇرپە ئىشلار داغى پەيدا قىلدىلا. ھۆرمەتى تەقۋا تۇتار ئەردى ۋەلى مەست ئايلىنىپ، باشىمە چاپماق بىلەن ئالەمگە رەسۋا قىلدىلا.... ئاھىكىم چەكتىم كۆرۈپ جەۋلانىنى بى ئىختىيار، يۆشۈرۈن ئىشقىم ئۇلۇسقا ئاشىكارا قىلدىلا. دەھرى ئارا جامى لەبا-لەب كىم ئىچۈردى ھالىمە، خانىقا ئەھلى كېلىپ بىر-بىر تاماششا قىلدىلا. بىخۇد ئولغاچ زولپ زۇننارىغا دىن نەقدىن بېرىپ، ئىشقى بازارىدە كۆڭلۈم تۇرپە رەسۋا قىلدىلا. مەن -مەنۇ ئەمدى پانا دەيرىدە بولماق مەيپەرەس، مەغبىچە ئىشقى ئۇلۇسقا سىررىم ئىفشا قىلدىلا.. گەر ۋەتەن دەر ئىچرە قىلدىم كىمسەگە يوق ھېچ ئەيب، دەيرى پىرىدىن ناۋايى بۇ تەمەننا قىلدىلا... يار دەردىم سورمايىن كۆڭلۈمنى مەھزۇن قىلدىلا، جانىم ئاشۇبىنى كەم قىلماققا ئەفزۇن قىلدىلا. بەرمەيىن زەخمى جىگەر قانىغا تەسكىن گۇنەئى، لەئلى كۈلمەكلىككە ئەشكىمنى جىگەر خۇن قىلدىلا. دەفئى سەۋدا ئىستەبان لەئلى مەيىدىن بىر دەمى، ئول پەرى سۇدازدە كۆڭلۈمنى مەجنۇن قىلدىلا. ئەي كۆڭۈلكىم سەبرى تاغىن مەسكەن ئەتتىڭ ئاقىبەت، تەندە سەيلى ئەشكى ئول تاغىڭنى ھامۇن قىلدىلا. بىستۇنغەكىم سىتۇن پەرھادى بولدى قاپى ئىشق، ئول سىتۇننى بىيستۇن ئاستىدىكى نۇن قىلدىلا. قەترە خۇيلۇق ئارىزىڭ ۋەسپىن ناۋائى قىلغىلى، لوتپى تەبئى ئەبياتى نەزمىن دۇررى مەكنۇن قىلدىلا.. ئىزاھات: تەئەددى- تاجاۋۇز قىلىش مەنىسىدە تۇرپە-- بىر ئاز، سەۋەنلىك مەنىسىدە ۋەلى-- ۋە لېكىن مەنىسىدە. ئۇلۇس--- ئەل- يۇرت، خەلق مەنىسىدە. دەھرى-- زامان مەنىسىدە. لەبالەب-- لەۋ، لىقلاپ مەنىسىدە. مەھزۇن-- غەمكىن مەنىسىدە. تەسكىن-- ئارام ئالدۇرۇش مەنىسىدە. ئەفزۇن-- زىيادە مەنىسىدە. دەپئى- - تۇسۇش مەنىسىە. مەسكەن-- تۇرالغۇ،  ماكان مەنىسىدە. ئەشكى-- ياش مەنىسىدە. تەبئى -- بېسىش، نەشىر قىلىش مەنىسىدە دۇررى مەكنۇن -- يۆشۈرۈن ساقلانغان گۆھەر مەنىسىدە. بىستۇن -- تاغ مەنىسىدە. ئىفشا -- ئاشكارا مەنىسىدە. يىغما، مەغبىچە،.. ھامۇن، سىتۇن.. قاتارلىق ئاتالغۇلارنى بىلىدىغان بارادەرلەر ئىزاھلاپ قويساڭلار! مەنبە: چاغاتاي ئۇيغۇر يېزىقىدىكى« ناۋائى غەزەللىرى» ناملىق كونا كىتاپ.

guxad

	ياخشى چىقىپتۇ.مەنىلىك ھەم ئىسىل ،ياخشىكەن.

ئۆچمەس

	ناۋائى غەزەللېرىگە مەنمۇ  ئامراق ..

قورغان

	ئەجرىڭىزگە رەھمەت ! يىغما-تالان-تاراج،بۇلاڭ-تالاڭ مەغبىچە-مەيپۇرۇش ياكى مەي توشۇغۇچى ھامۇن-تۈزلەڭ،دالا،دەشت-چۆل

b1a2g

	چاھار دىۋاننىڭ يېڭىدىن نەشىردىن چىققان نۇسقىسىنىڭ «نەۋادىرۇش شەبباب » ناملىق توپلىمى مەندىمۇ بار، يېنىمدىن ئايرىمايمەن. بۇ يەردە ئۇقۇپ يەنە ھۇزۇر ئالدۇق. يوللىغۇچىغا رەھمەت

b1a2g

	چاھار دىۋاننىڭ يېڭىدىن نەشىردىن چىققان نۇسقىسىنىڭ «نەۋادىرۇش شەبباب » ناملىق توپلىمى مەندىمۇ بار، يېنىمدىن ئايرىمايمەن. بۇ يەردە ئۇقۇپ يەنە ھۇزۇر ئالدۇق. يوللىغۇچىغا رەھمەت

oghuztekin

	مىغبەچە ئەمەس مۇغبەچە. مەيپۇرۇش ياكى مەي توشۇغۇچى مەنىسدە. سىتان: سۆز بىرىكمىسىدە ئالغۇچى، بويسۇندۇرغۇچى دېگەن مەنىنى بىلدۈرىدىكەن.

99sahrayi99

	oghuztekin يوللىغان ۋاقتى  2014-11-14 12:30 PM مىغبەچە ئەمەس مۇغبەچە. مەيپۇرۇش ياكى مەي توشۇغۇچى مەنى ... رەھمەت سىزگە! .. ئەمدى بىلدىم!.. باركەنسىز- ھە ئۇكام!..

99sahrayi99

	قورغان يوللىغان ۋاقتى  2014-11-14 11:25 AM ئەجرىڭىزگە رەھمەت ! رەھمەت سىزگە، ئەمدى بىلدىم! سۇدازدە گۇنە ئاشۇب بۇ ئاتالغۇلارنىڭ مەنىسىىنىمۇ ئىزاھلاپ قويغان بولسىڭىز!

oghuztekin

	99sahrayi99 يوللىغان ۋاقتى  2014-11-14 01:38 PM رەھمەت سىزگە! .. ئەمدى بىلدىم!.. باركەنسىز- ھە ئۇكام!.. ئەرزىمەيدۇ ئاكا، مەن بار. يېقىندا ئىمتىھان دەپ تورغا ئانچە چىقىپ كەتمىدىم شۇ. ئاشۇب: غوۋغا، توپىلاڭ گۇنە: رەڭ، تۈس، تۈر