تەنھالىق

oygurum

	تەنھالىق تەنھالىق گويا بۇ ئالەمگە مەن ئۈچۈنلا ئاپىرىدە قىلىنغاندەك ، مىنىڭ ئەزگۈ خىياللىرىمغا يۈگەن سالماقتا . كەڭرى كەتكەن بۇ مۇھەببەت چۆلىدە قاغجىراپ ھالىدىن كەتكەن ئەزگۈ خىياللىرىم، ئېغىرلاشقان قەدەملىرىنى ئاستا-ئاستا يۆتكەپ قانداقتۇر بىر بىپايان چەكسىزلىككە قاراپ تىنىمسىز ئالغا ئىلگىرلىمەكتە. بۇ كېچە مەن يەنە يالغۇز... غېرىپ كۆلبەر روجەكلىرىدىن تاشقىنلار تولۇن ئاينى مۇڭلاندۇرۇپ، پۈتكۈل كېچە ھاياتلىقىنى سۈكۈت قوينىغا غەرىق ئەتكەن ئەشۇ قەلىبلەرنى لەرزىگە سالغۇچى مۇڭلۇق كۈي، بەلكى مىنىڭ تەنھالىق ئۈستىدىن قىلغان شىكايىتىم بولىشى مۇمكىن . مەن قولۇمغا قەلەم ئېلىپ ، قەلبىمدىكى بۇ مۇڭلۇق كۈينى قەغەز يۈزىگە بايان ئەتمەكچى بولدۇم . شۇنداقلا قەغەز يۈزىگە سىڭىۋاتقان بۇ ئىلھامنى«تەنھالىق» دەپ ئاتىدىم . شۇ كېچىدىن باشلاپ، قەلبىم روجەكلىرىدىن ئوخچۇپ چىقىۋاتقان بۇ نىدانى  كەڭ ئۇقۇرمەنلىرىمگە قالدۇردۇم. سەن كېتىپ مەن قالدىم قاراڭغۇ ئالەم، يۈرىكىم يىغلىدى ياش تۆكۈپ شۇئان . تەسەللى بېرىپ، بەس - دېدى كۆڭلۈم، چىن سۆيگۈم ،ئەقىدەم بولغاندا پايخان . سەن كېتىپ مەن قالدىم قاراڭغۇ ئالەم ، تىتىردى دۇنيامۇ  ياش تۆكتى  ئاسمان . ۋەدىلەر بېرىشىپ  ئايرىلمايمىز دەپ ، ياشايمىز بىر ئۆمۈر مەڭگۈگە ھامان . سەن كېتىپ مەن قالدىم قاراڭغۇ ئالەم ، ماڭا بەك ناتونۇش ئۇشبۇ يەر-جاھان . بىلمىدىم نەسەۋەپ ئايرىلدىڭ مەندىن ؟ قولۇمنى قويۋىتىپ ماڭدىڭسەن قايان . سەن كېتىپ مەن قالدىم قاراڭغۇ ئالەم، شۇ دەقىق مەن ئۈچۈن ھازىدار ئاسمان. بەك شېرىن ئەسلىمە قالدى ئاھ! جېنىم يۈرەكتە بەك ئاچچىق نىدا بار جانان. قارا ، ئامرىقىم ،  ھەر قېتىم كۆزلىرىڭگە تىكىلگەن ۋاقتىمدا پۇت - قوللۇرۇم كونتۇرۇللۇقىنى يوقۇتۇپ قوياتتى . كۆزلىرىمنى كۆزلىرىڭدىن ئېلىپ قېچىشقا تىرىشاتتىم ، چۈنكى مېنىڭ بۇ بىر جۈپ«ئاسى»كۆزلىرىم قەلىب سىرلىرىمنى ساڭا بىمالال ئاشكارىلاپ قوياتتى. بىلەمسەن ھاياتىم؟  كۈندە تېلىفۇن نۇمۇرۇڭنى نەچچە رەت باسىدىغانلىقىمنى بىلمەيمەن ، ئەمما ئۇرالمايمەن ،«نىمىشقا » دەمسەن  ؟  سەۋەبى شۇكى مىنىڭ ھودۇققان ، تەمتىرىگەن ئاۋازىم ساڭا ھەممىنى ئىسپاتلاپ قويىشىدىن ئەنسىرەيمەن. بىلەمسەن ھاياتىم ،  سەندىن كەلگەن ھەر بىر ئۇچۇرنى شۇنچىلىك ئەستايىدىللىق بىلەن ئوقۇيمەنكى ، ھەم شۇنىڭ بېلەن بىرگە  ساڭا ناھايتى دىققەت  بىلەن ئۇچۇر قايتۇرىمەن .  چۈنكى ، ئازىراقلا بىخەستەلىك قىلسام خەتلىرىمدىكى مۇھەببەت تىۋىشلىرىنى ھېس قىلىپ يىتەلەيتىڭ !  مەن ساڭا يوللىغان ئۇچۇردىكى ھەر-بىر پەش چىكىتمۇ سۆزلىيەلەيتى. بېقىۋالدى كىملەرنى ھاياتنى، قىينماقچى بولغاندەك بىزنى. مۇز بوپ قالار ئىدى بۇ دۇنيا، كۆيۈشمىگەن بولساق بىز ئەسلى. بىز كىتىمىز  بۇ  ئالەمدىن، كۈتۈشلەرگە بېرىپ خاتىمە. بولدى دوسلار يىغلىماڭ ئەمدى، بۇ يۈرەكنى قىلىپ مىڭ پارە. ھەسرەتلىك يىللار بېشىمدا ئەگىپ يۈرەتتى .  تولا يىغلاپ كۆز -ياشلارمۇ  قۇرۇپ كەتكەن ئىدى. بىر قىتىم رەنجىگەن كۆڭۈللەر قايتا -قايتا ئازار يىدى. خۇددى بۇ دۇنياغا يىغلاش ، ئازابلىنىش ئۈچۈنلا يارالغاندەك.. زىيادە ئاقكۆڭۈللۈك ، ئۆزىگە ئىشنىپ كىتىش، مىنى تۈگىمەس ھەسرەت ۋە ئازاپلىق تۇرمۇش قاينىمىغا سۆرەپ كىردى. ئازاپ ئىچىدىكى ئنتىلىش ، ئارزۇ - ئۈمۈتلەر بىلەن تولغان ھايات. ئاچچىق ياشلار بىلەن نەمدەلگەن ، تېخى قۇرۇشقىمۇ ئۈلگىرەلمىگەن قوي كۆزلەر . زىدە بولۇپ كەتكەن يۈرەك. بىر - بىرىگە ئۇلۇنۇپ كەتكەن قىسمەتلەر ، بىر -بىرى بىلەن باغلىنىپ كەتكەن كۈنلەر. بۇ شۇنداق جاھان ئىكەن ، ئازاپلانغاندا ، غەمگە پاتقاندا ، قىيىنچىلىققا يولۇققاندا جانابى ئاللاھنى سىغىنىدىغان. بۇ مەن دەپ شۇئار توۋلاپ كەلگىلى خىلى زامان بوپتۇ. پاراكەندى بولغان كۆڭلۈم رىمىنۇت قىلىنماي تاشلاپ قويۇلغان كونا رادىئودەك يىگانە ، خىياللىرىم سان -ساناقسىز. توۋا دەيمەن بۇ كۈنلەرگە نىمانچە تىز ئۆتۈپ كېتىدىغاندۇ .  نىمە ئانچە قىلىدىغاندىمەن بۇ ھەسرەتلىك يىللارغا . ئۆزۈمچە خالىغان تاللىغان ئىدىم، ئۆتۈشنى باشتىلا يەككە يىگانە. ئاقىۋەت قالدىممەن يەنىلا يالغۇز، ئۆتەرمەن جاھاندىن بولۇپ يىگانە.    بىز ئايرىلدۇق قېلىپ قالدى ئەمما، ئىككى پارچە سۈرىتىڭ مەندە. قالدى بۇندا تەنلىرىم ئەمما، كىتىپ قالدى يۈرىكىم سەندە. قالدى پەقەت ماڭا ئەسلىمە، شېرىن تۈنلەر يادىگار بولۇپ. سۆيگۈ رىشتىمىز شۇنچىلىكمىدى؟ ۋۇجۇدۇمغا كەتتى دەرت تولۇپ. تۇنجى مۇھەببەت ماڭا بەخىت بەرمىدى. ۋۇجۇدۇمدا ئوت بۇلۇپ كۆيىۋاتقان، مەن بىلەن مەڭگۈ بىللە بۇلۇشقا ۋەدىلەشكەن، مەن ئۇچۇن دۇنيادا ئەڭ سۆيۈملۈك ئادەمنىڭ رەھىمسىز ئەزرائىلنىڭ مۇدھىش چاڭگىلىدىن قۇتۇلۇشقا ئىمكان بولماي، مەن بىلەن مەڭگۈلۈك ۋىدالاشقان ،  يۈرەك باغرىمنى لەختە قىلىپ ئازاپ دېڭىزىغا  غەرىق قىلغان ئەسەبى مىنۇتلار ھېلىمۇ ئېسىمدە!. بىز مەڭگۇ بىللە ياشاشقا ۋەدىلىشىپ، كۆڭۈل سىرلىرىمىزنى دىيىشەلمەي، ئارمانلىرىمىزغا  يىتەلمەي  بارلىق قەلىب سىرلىرىمىزنى ئۆزى بىلەن بىرگە قارا تۇپراققا كۆمگەن شۇ مۇھەببەت. رېتىمسىز سۇقىۋاتقان مۇزدەك يۈرىكىمنىڭ كۈچلۈك ئوتنىڭ تەپتىدە ئېرىۋاتقان ئاجىز مۇزلۇقىنى  ھېس قىلغىنىمدا  ئۆزەمنى گويا كۆپكۆك دېڭىزدا ، كۇچلۇك بوراندا  ھالاكەت گىردابىدىكى  يىگانە قېيىقنىڭ ئۈستىدە ئولتۇرغاندەك ھىس قىلماقتىمەن. شۇنچە يىللار بولغان بولسىمۇ  ئەسلىمىلىرىم ئىچىگە دەپنە قىلىنغان  ئاتالمىش تۇنجى مۇھەببەتنىڭ  ئۇنتۇلغۇسىز مىنۇتلىرى قەلىب قەسرىمدە سۆيگۈ ۋىسالى ئىزدەپ  تىنماي سۇقىۋاتقان ئاجىز يۈرىكىمنىڭ  قات قېتىغا سىڭىپ كەتكەن ئاچچىق ئەسلىمە مىنى ئازاپلىماقتا. سېنى ئۆز قوينىغا ئالغان ئەشۇ تۇپراقتىن  بىر ئوچۇم ئېلىپ كۆزلىرىمگە سۈرۈتسەم، بىز بىللە ئۆتكۇزگەن  قىسقىغىنە خوشاللىق كۈنلىرىمىزنىڭ شىرىن ئەسلىمىلىرى  نازۇك ۋۇجۇدۇمغا  كۇچ قۇۋۋەت بەرسە، سەنسىز ياش تۆككەن مەنىسىز كۈنلىرىمنىڭ زەررىچە تەسەللىگە ئېرىشىپ  مۇڭلانغان يۈرىكىم  ھاياتلىققا تەلپۇنۇپ رىتىملىق سوقسا... ئاھ.....ئاچچىق ئەسلىمىلىرىم ئىچىدىكى ئۇنتۇلغۇسىز تۇنجى مۇھەببەت... ئېيىتقىنا؟! سەندىن ئايرىلىپ تەنھالىقنىڭ ئازابىغا قانداق چىدىغاندىمەن!. مەن سېنى قەلبىمنىڭ ئەڭ چوڭقۇر قاتلاملىرىدا، سېغىنىش ئىلكىدە ئەسلەپلا قالىمەن. سېغىنىش ھەرقاچان مەن ئۈچۈن شۇنچە ئازاپلىق بولسىمۇ  قەلىب قەسىرىمنىڭ ئەڭ چوڭقۇر قاتلاملىرىدىن ئورۇن ئالغان سېنىڭدەك  سۆيگۈمدىن ئىپتىخارلىق ئىلكىدە پەخىرلىنىمەن. ئــــــــــۇيــــغــــــــۇرۇم

gulqikiz09

	كۈڭلىزدە  ئۇيلغانلىرڭىزنى ياخشى ئىپادىلەپ يىزىپسىز . بۇلۇپمۇ كىرشتۇرگەن بۇ ناخشىڭزنى ئاڭلاپ  ئەسىلىملىرمىنى قايتىدىن ئۇيلاشقا مۇيەسەر بۇلدۇم . ھاتلىقتا ھىچكىم يالغۇز ئەمەس ....

سۈمەييە

	ياخشى يېزىلىپتۇ  قىستۇرغان ناخشىمۇ بەك ياخشىكەن بۇ كىچە مەن يەنە يالغۇز ، سەن بىلەن قىلىشقان ۋەدە قەسەملەر يەنە بىر قىتىم يادىمدىن كەچتى، چىن مىھرىم بىلەن قول سۇنسام ، مەسخىرلىك كۈلدۈڭمۇ ، مەن سەندىن شۇنى كۈتكەنمىدىم ئويلاپ كىتىمەن ئاۋالقى بىر يىلىمغا قايتالىسام نەقەدەر ياخشى ئىدى ھە ،،،،،،،،،،،،،،، زارىقىشنىڭ ، كۈتۈشنىڭ نىمىلىكىنى بىلمەيدىغان بىر قەلىپكە كۆڭۈل بەردىممۇ ئەجىبا ؟ تەسەللى بىرىشىڭگە كۆيۈنۈپ ئاسرىىشىڭغا مۇھتاج ئىدىم ، ھالا مۇشۇ كۈندە مىنى يالغۇزلۇق ئىلكىگە تاشلاپ قويغىنىڭغا ئىشەنگۈم كەلمىدى، قەلبىمدە بىر خىل ئۈمىد بار , بۇ ئۈمىدلىرىمنىڭ قاچانغىچە داۋام قىلالايدىغانلىقىنى بىلمىدىم ھەم بىلگۈممۇ كەلمىدى ، چۈنكى تەنھالىققا كۆنۈپ كەتتىم ، كۆندۈرۋەتتىڭ ئۆزۈمنىڭ ھالى شۇنچە خاراپ تۇرسىمۇ سەندىن ئەھۋال سورايمەن بىلەمسەن شۇنى ؟ ئۈمىد قىلىدىغىنم قەلبىمدىكى كۈتۈش سىغىنىش ساڭا بولغان ساپ ئەقىدەمنىڭ بىر كۈنلەردە نەپرەتكە ئايلىنىپ قالماسلىقىنى ئۈمىد قىلىمەن .............. مۇشۇ كۈنلەردە سۈكۈت ماڭا ئەڭ ياخشى ھەمرا ،،،،،،،،،،،،،،،،،

musilina

	تەنھالىقتا تىپىرلاۋاتقان ئاجىز يۈرەكنىڭ نىدالىرى لېرىك قۇرلار ئارىسىدا يارقىن جۇلالاۋاتىدۇ...... مۇڭ ئىچىدە ئولتۇرۇپ ئوقۇدۇم لېرىكىڭىزنى،مۇزىكىمۇ بەك ماس كەپتۇ..... بېقىۋالدى كىملەرنى ھاياتنى، قىينماقچى بولغاندەك بىزنى. مۇز بوپ قالار ئىدى بۇ دۇنيا، كۆيۈشمىگەن بولساق بىز ئەسلى. بىز كىتىمىز  بۇ  ئالەمدىن، كۈتۈشلەرگە بېرىپ خاتىمە. بولدى دوسلار يىغلىماڭ ئەمدى، بۇ يۈرەكنى قىلىپ مىڭ پارە. مۇشۇ ئىككى كۇبلىت سەل چىگىت چاققاندەك قىلىدۇ......

musilina

	مۇڭ كۈيلەر  ئىچىدىن ئاجىز سوقىۋاتقان،لىققىدە ئازابلارغا تولغان،ئاتەش كەبىي يالقۇنلۇق ھارارەت تەپتىدىن كۆيىۋاتقان نىمجان يۈرىكىمنى تىڭشاۋاتىمەن...! مۇڭلۇق كۈي ئىچىدىن ھوزۇر بىلەن كۆرگەن خۇشۋاق چۈشلىرىمنى ئىزدەۋەتىمەن....! چۈشلىرىم بىر قولۇمنى ئەسلىمە قوينىغا سۆرىسە، ئازابلىرىم بىر قولۇمنى رىئاللىققا سۆرەۋاتىدۇ،ئاھ ،قانداق قىلاي شۇ تاپتا رىئاللىق بىلەن ئەسلىمە ئارىسىدا ھالسىراۋاتقان بۇ ئاجىز جىسمىمنى...!

oygurum

	سۈمەييە يوللىغان ۋاقتى  2014-11-13 02:15 PM ياخشى يىزىلغان شىئىركەن ، قىستۇرغان ناخشىمۇ بەك ياخشى ... ياختۇرغىنىڭىزدىن  مەمنۇن بولدۇم ، رەھمەت سىزگە  .   ۋاقىت بۇلىقى  مېنى  ئۆزىگە  باشقا ۋەجىدىن  ئەمەس ،  بەلكى  سېنىڭ گۈلدەك  چىرايىڭنى  كۆرسەتكەنلىكى  ئۈچۈن  مەپتۇن قىلىۋالغان .  تەبىئەت ئەركىسى   باھار  مېنى  ئۆزىگە  تۈرلۈك - تۈمەن يېڭىلىقلارنى  ئەكەلگىنى  بىلەن ئەمەس   ،  بەلكى  سېنىڭ ئەتىرگۈلدەك  چىرايىڭنى  كۆرۈش پۈرسىتىگە نائىل  قىلىۋالغانلىقى بىلەن قارىتىۋالغان .

oygurum

	musilina يوللىغان ۋاقتى  2014-11-13 03:22 PM مۇڭ كۈيلەر  ئىچىدىن ئاجىز سوقىۋاتقان،لىققىدە ئازابل ... ئەسسالامۇ ئەلەيكۇم  خۇش كەپسىز  ھەدە  ،   نەسىر  دىگەننى  باغۇ  يېنىلا  سىزدەك  ئۇقۇتقۇچى  ئۇستازلار  يازسا بولغۇدەك .  بىر چاغلاردا  ئەلكىندە   يۇلتۇزئاي   بىلەن  يېزىشىپ  قوياتتۇق   ھاسىز  خوشياقماسلا بوپتۇ .  قەلەملىرىڭىز بەرىكەتلىك ،  تىنىڭىز  سالامەت  بولسۇن ھەدە  .

WOLKANII

	كۆپ ئەجىر قىپسىز.

musilina

	بىلسەڭ قەلبىم بىر پارچە داغ تەگمىگەن ئاپاق قەغەز ئىدى،سەن جادۇ كۆزلىرىڭ بىلەن مېنى سېھىر قىلىپ،  بۇ ئاپئاققىنە  قەغەزنى ئاستاغىنە ئېلىۋالغان ئىدىڭ،بۇ ئاق قەغەزگە ئىسمىڭنى،سۆيگۈڭنى،كۈلكەڭنى،قايغۇڭنى،يىغاڭنى خەت قىلىپ يېزىپ چىققان ئىدىڭ....! بۇ قەغەزگە يېزىلغان ھەر قۇر يۈرىكمگە چوڭقۇر ئورنىغان ئىدى،ئۇنى يۈرىكىم قېتىدىن چىقىرىۋېتىشنى ئەسلا ئويلاپ كۆرمىگەن ئىدىم ،ھالا بۈگۈنگە كەلگەندە ئۆز قولۇڭ بىلەن يۈرىكىمگە كەشتىلىگەن بۇ خەتلەرنى رەھىمسىزلىك بلىەن ئۆچۈرىۋتىشكە قولۇڭ بارغىنىغا ھېچبىر ئىشەنگۈم كەلمەيدۇ،بىراق رىئاللىق شۇنداق تۇرسا ئىشەنمەيمۇ نە ئامالىم بولسۇن...!

oygurum

	musilina يوللىغان ۋاقتى  2014-11-13 09:17 PM بىلسەڭ قەلبىم بىر پارچە داغ تەگمىگەن ئاپاق قەغەز ئىد ...   سۆيۈملۈكۈم ، بىز ھەممىمىز  ئالدامچى ماڭا  تەلمۈرۈپ  تۇرغان كۆزلىرىڭنىڭ ئارقىسىدا  يەنە بىر كۆزۈڭنىڭ بارلىقىدىن گۇمانلانمايمەن .  خۇددى سەنمۇ  مېنىڭ  تىلىمنىڭ  ئاستىدا  تىلىم بارلىقىنى   بىلىپ قالغاندەك .  مەن سېنى  سۆيىمەن  دېدىم ، سەنمۇ  مېنى  سۆيىدىغانلىقىڭنى  دېدىڭ .  مەن سېنى  سۆيمىسەم بولمايتى .  چۈنكى مەن سۆيۈلۈشۈم كېرەك !  سەن بارماقلىرىمنى  ئوينىدىڭ ، مەن شۇئان ،  سەن ياقتۇرغان قىياپەتتە دائىم  چىڭ  تۇتۇۋالىدىغان بارماقلىرىم بىلەن  چاچلىرىڭنى  تاراپ قويدۇم .  سەن يۈرىكىمگە   قول ئۇزاتتىڭ ،  ئۇ سېنىڭ  تەئەللۇقاتىڭغا  قوشۇلسا ، سەن خاتىرجەم بولاتتىڭ .  مەنمۇ ئوڭ قۇلۇمدا  يۈرىكىمنى  ساڭا  تۇتۇپ ، سول قولۇمنى  ساڭا  سۇندۇم . سەن ئەندىككىنىڭنى بىلىندۈرمەي ، نازلىق  كۈلۈپ ، ئۆز ئىختىيارلىقىڭ بىلەن بەرگەن قىياپەتتە يۈرىكىڭنى  ماڭا  سۇندۇڭ . بىزنىڭ  ئۆزىمىزگە خاس ئۆيىمىز بولغان  كۈنى مەن « بۇ ئۆي بىزنىڭ ۋەتىنىمىز » دېدىم . سەن « سىز بۇ ۋەتەننىڭ سەلتەنەتلىك شاھى ، مەن پۇقرايىڭىز » دېدىڭ .  ئەمەلىيەتتە  سەن مەندىن ،  سىز  مېنىڭ  خانىشىم ، دەپ قويۇشۇمنى  تاما  قىلۋاتاتتىڭ . شوڭا  مەن تېزلا « ياق ، سىز مېنىڭ ئەڭ سۆيۈملۈك  ۋاپادار  خانىشىم » دېدىم .  سەن تاتلىق ، ئەمما سىرلىق  كۈلۈپ قويدۇڭ .  بۇ كۈلۈشۈڭدىن  « ھامان  بۇ سەلتەنەتكە  مەن شاھ ، سەن بۇقرا  بولىسەن »  دېگەن  يۇشۇرۇن  سادا كەلدى . سەن ئاغىرىپ قالدىڭ ، مەن بەكمۇ  جىددىي قىياپەتتە   « بولۇڭ ، دوختۈرخانىغا  بارايلى ، سىز  قىينالسىڭىز  ،  يۈرىكىم  ئېچىشىدۇ » دېدىم - يۇ ، قورقۇپ كەتتىم .  چۈنكى  سەن   « تېز  ساقايغىن ، ماڭا  كىم تاماق  ئېتىپ بېرىدۇ ، كىم كىر يۈيۈپ ، بالىغا كىم قارايدۇ  ، ئۆيلەرنى  كىم تازلايدۇ ؟ » دېگەن  غەلىيانلىرىمنى  ئاڭلاپ قالغاندەك ، كۆزۈمدىكى  ئالدامچى نۇرلارنى  بايقاپ قالغاندەك قىلاتتىڭ .  شوڭا  ساڭا تىكىلىپ قاراشقا  پېتىنالماي ، تەمتىرەپ  تۇرۇشۇمغا ،  سەنمۇ  دەرھاللا « مەن  دوختۇرخانىدا يېتىپ قالسام  سىز  قىينىلىپ كېتىسىز ، سىز  مەن بولمىسام  ھەتتا  چايمۇ  دەملەپ   ئىچەلمەيدىغان  تۇرسىڭىز  ،  بالا  بىلەن  قىينىلىپ  كېتىسىز  ،  ئۆيلەر  پاكىز  تۈرمىسا  ،  روھىي ھالىتىڭىزگىمۇ  تەسىر يېتىدۇ » دېدىڭ .  ئاھ ! تەڭرىم ،  سەن شۇتاپ مەندىنمۇ  ئاشۇرۋەتتىڭ ،  مەن نېمىنى  ئويلىسام  بىلۋالامسەن ، قاقباش ؟  سېنىڭ  مېنى  ئالداۋاتقىنىڭنى  بىلمىسەم  ئىدىم ،  بەلكى  تەسىرلىنىپ  يىغلاپ كىتەر  بولاتتىم . قارا ، سۆيۈملۈكۈم ، بىز ھەممىمىز  ئالدامچى .  توي قىلىشتىن  بۇرۇن  سېنى باشقىلار  ماڭا  سايە قىلسا ، مەن ئالدى بىلەن  سېنىڭ نېمە خىزمەت  قىلدىغىنىڭنى  ،  ئاندىن تەقى - تۇرقۇڭنى  سۈرۈشتە قىلدىم .  سەنمۇ  مېنىڭ كېلىشكەن  قەددى - قامىتىمگە  ، خىزمىتىمگە  قاراپلا  نازلىنىپ ،  تاتلىق كۈلۈشۈڭ  بىلەن  دەسلەپكى  رازىلىقىڭنى  بېرىۋەتكەنىدىڭ .  ئەمما  توي قىلىشقا  ۋەدىلەشكەندە ، مەن ساڭا  « مەن ئۈچۈن ئەڭ مۇھىمى  ، سىزنىڭ ئەخلاق - پەزىلىتىڭىز   ھەم ئادىمىيلىكىڭىز » دېدىم . سەنمۇ بايلىق ، نام - ئاتاققا  ئەمەس ،  مېنىڭ ئادىمىيلىكىمگە قىزىقىدىغىنىڭنى  ئېيتىپ ، مېنى  شۇنچە  تەسىرلەندۇرۋەتتىڭ . قارا ، سۆيۈملۈكۈم   ،  بۇنداق دېدى  دەپ مەندىن  رەنجىپ يۈرمە .  بىز ھەممىمىز   ئالدامچى ! بىز  بىر - بىرىمىزنى رەنجىتىپ  قويماسلىق  ئۈچۈن دائىم يالغان سۆزلەيمىز ،  ئالدامچىلىق قىلىمىز  .  پەقەت جىسمىمىزدا  بىزنىڭ  ئالدامچىلىقلىرىمىزدىن   چارچاپ  كەتكەن  تۇيغۇلىرىمىزلا  راست سۆزلەيدۇ .  ئۇنىڭ  پارتىلىشىغا   بىز پەقەت   بۇ ئائىلىنى  ۋەيران  قىلماقچى  بولغاندىلا  يول قويىمىز . ئۇ دەل  شۇچاغدا  دەھشەت  پارتىلايدۇ ،  چوقان  كۆتۈردۇ ، يوشۇرۇپ  قالغان ، بايقاپ تۇرۇپ ئاشكارلىمىغان  بارلىق  كۆڭۈل سۆزلىرىمىزنى   ئاشكارلايدۇ . بىز ئۇ چاقدا  ھەقىقىي  ئۆزىمىزگە قايتىمىز .  ئالداش - ئالدىنىش يوق ،  راست سۆزلەيمىز  ،  بىز رەقىپلەردەك  كۆزلىرىمىزگە  مىختەك  تىكىلىمىز ،  سۆزۈمنى  چۈشەندىڭمۇ  ئامرىقىم ،  بىز  جاھاندىكى  ئەڭ سۆيۈملۈك  ئالدامچىلار ! سۆيۈملۈكۈم   ،  بىز ھەممىمىز « ئالدامچىلار   »   دەۋەتقان  مۇشۇ  ئەسنادا  يۈرىكىمدە   شۇنداق  بىر تۇيغۇ  غەلىيان قىلىشقا  باشلىدى . گۈلۈم ، ئۇنىڭ  ھەقىقىي  يۈرىكىمنىڭ  ساداسى ئىكەنلىكىگە  سېنى  قانداقمۇ  ئىشەندۈرەلەرمەن ؟ سېنى  سۆيىدىكەنمەن .  ئالدىنىش - ئالداش   تەكرارلىقى   تۇيغۇلىرىمنى  ھەقىقەتكە  باشلاۋېتىپتۇ  ، جېنىم .  گۇمانىي  تۇيغۇلاردىن  ھەممىمىز  خالاس بولغاندا  ، قولۇڭنى  ماڭا  ئۇزاتقىن .  شۇ ۋاقىتتا   يۈرىكىمنى  ساڭا بېرەي . لېكىن  كۆزلىرىڭ  ھاياجاندا  ياشلىنىپ تۇرسىمۇ  ، بۇ ساداقىتىمگە  تۇيغۇلىرىڭ  ئىسيان  كۆتۈرەرمۇ  ؟ بىلمىدىم ..   « يۈرىكىڭنى  ئوقۇپ باققۇم  بار »