سىنى ئۇنتۇي دەيمەن،بىراق...

miskin-ahu

	سىنى كۆرگەن ئاشۇ كۈندىن بۇيان بىر قىسمىلا بوپقالدىم،خۇددى پۇتۇن دۇنيا سەندەك،سەن پۇتۇن دۇنيادەك،كۈنلىرىم سىنىڭ بىر ئېغىز سۆزۈڭ بىلەن ياكى رەڭدارلىققا تولىدۇ ياكى قاپقاراڭغۇ بولىدۇ.ئىزلىرىڭنى سىم-سىم يامغۇرنىڭ نىداسىدىن،ئاپئاق قارنىڭ ئۇچقۇنلىرىدىن،كەچكۈزنىڭ ئىزغىرىن شاماللىرىدىن ئىزدىمەكتىمەن،بۇ ئۇزۇن يوللارنى غەيرەتكە كىلىپ ،چىشىمنى چىشلەپ بېسىۋاتىمەن.سىنى سېغىنىپ ئۆزۈمنى يوقىتىپ قوياي دىگەن چاغلىرىمدا ،تەقدىردىن نىمىشقىمۇ سەن بىلەن ئۇچراشتۇرغان بولغىيتى دەپ ئاغرىنىپمۇ قالىمەن-يۇ،يەنىلا قىسقىغىنە ھاياتىمدا سىنى ئۇچراتمىغان بولسام ،ھەقىقىي ياخشى كۆرۈش دىگەننىڭ نىمە ئىكەنلىكىنى بىلمەي ئۆتۈپ كىتەر بولغىيتىم دەپ ئۆزۈمنى بەزلەيمەن.كۈنلەر بىرىنىڭ كەينىدىن بىرىنى قوغلىشىپ بەكمۇ تىز ئۆتمەكتە ،يۈرىكىمنى ساڭا ئوغۇرلىتىپ قويغان ئىككى يىل بۇرۇنقى ئاشۇ قار ئۇچقۇنداپ تۇرغان مەنزىرە ھېلىھەم ھازىرقىدەكلا يادىمدا،شۇ چاغدىكى ھەربىر سۆزۈڭ ھازىرمۇ قۇلاق تۈۋىمدە خۇددى يېقىملىق مۇزىكا ئاۋازىدەك جاراڭلاپ تۇرىدۇ،ئەسلىمىلەر شىرىن ھەم ئاچچىق بولسىمۇ يەنىلا شۇ قاينامدا چۆرگىلەپ يۇرۇيمەن،يىغلىغۇم كەلسىمۇ كۈلۈپ ياشاشقا مەجبۇرمەن،بەزىدە ئۆزۈمگە شۇنچىلىك ھاردۇق يەتكەنلىكىنى ھىس قىلىمەن ،ئۆزەمنى تاشلىۋەتكۈم ،ھەممىدىن كەچكۈم كىلىپ كىتىدۇ،شۇنداق چاغدىمۇ« ئەگەر ماڭا بىر ئىش بولسا ،ئۇ مەندىن ئەنسىرەرمۇ،مەن ئۈچۈن كۆز يېشى قىلارمۇ »دەپ خىيالغا چۆكىمەن.ئەقلىمنى ئىشلىتىپ ئويلانسام ئۆزۈمنىڭ بەكمۇ ئەخمەق ئىكەنلىكىمنى ،سىنىڭ نەزەرىڭدە ئۆزەمنىڭ ئانچە مۇھىم ئەمەسلىكىنى ھىس قىلىمەن-يۇ،تەن بەرگۈم كەلمەيدۇ،سىنى شۇنداق تىللىۋالغۇم بار ،بىراق سىمايىڭنى كۆرگەندە خائىن كۆزلىرىم ساڭا كۈلۈپ باقىدۇ،مانا بار ئوتنى سېپ قۇيۇپ ،رىئاللققا تەن بىرىپ،ئىككى دۇنيادا ياشاۋاتقىلىمۇ خېلى بولدى ،ئەجىبا ئەقىدەڭ شۇنچىلىكمىدى؟كۆڭلۈڭ شۇنچىلىكمىدى؟ يۈرىكىمنى چاڭ قوندۇرماي ساقلىيالمايدىغان ئادەم ئېلىپ قاچمىساڭ بولماسمىدى؟سىنى يادىمغا ئالساملا كۆزلىرىمگە يىغا يامىشىدۇ،ئۇنتۇپ كەتسەم،خاتىرەمدىن يۇيۇپلىۋەتسەم دەيمەن،بىراق ئۇنداق قىلىش بەك ،بەك تەس ئىكەن ،بەندىنىڭ قولىدىن كەلمەيدىكەن.ئىگىمىزگە سېغىنماي نىمە ئامالىم؟! ھايات يەنىلا ئۆز ئىزىدا كىتىۋاتىدۇ،يەنە بىر كۈز كىردى،سارغايغان ياپراقلار يەرگە تۆكۈلگەندە ئۆزەمنى ئاشۇ يۇپۇرماققا ئوخشىتىمەن،ياق ئۇنىڭغىمۇ ئوخشىيالمىغۇدەكمەن،چۈنكى ياپراقلار باھاردا يەنە كۆكلەيدۇ،ئەمما مەنچۇ؟تىترەپ تۇرغان ئاجىز گەۋدەملا ئادەم ھىساپلانسا كىرەك،روھىيىتىم قۇپقۇرۇق،كۈلۈشنى ئۇنتۇپ كەتتىممىكىن دەپ قالىمەن ،ھايات يۇلۇمنى يەنىلا داۋام قىلماي نىمە ئامالىم،ئەمدى پەقەت مەن سۆيگەنلەر ئۈچۈن ئەمەس،مىنى سۆيگەن قېرىنداشلىرىم ئۈچۈ ياشايمەن،سەندىن ئۆتىنەي ،ئەمدى مىنى قىينىمىغىن ،چۈشلىرىمگە كىرىپ ئارامىمنى بۇزمىغىن! خىيالىڭغا كەلگەندە ،بېشىڭغا كۈن چۈشكەندە دەرت تۆكۈپ ،مىنى ئۈمىتلەندۈرمىگىن!مەن بەك ھاردىم،بەك بەك ھاردىم تولۇقلىما مەزمۇن (2014-11-12 11:38 AM): تولۇقلىما مەزمۇن (2014-11-12 12:10 PM):

kawa

	بۇ نەسىر شۇنداق ياخشى يىزلىپتۇ.ئىچكى ھىسياتنى ياخشى ئىپادەلەپسز.

nawa02

	لىرىكىڭز بەكلا ياخشى چىقىپتۇ،تېخىمۇ تىرىشڭ.

oygurum

	يـــــــــــــــار ســــــــــــــــــوۋغـــــــــــىسى بۇ ئوت ، بۇ سەۋدا   مېنىڭدىن باشقا  ئادەمنىڭ   بېشىغا  چۈشمىسۇن ،  گۈلۈم ! ھەر سەھەر  نەمخۈش ھاۋا  دىمىغىمغا  ئۇرۇلۇپ ، يىراق - يىراقلاردىن  سېنىڭ ئاۋازىڭ  يېتىپ  كەلگىنىدە ،   تومۇر - تومۇرلىرىمدا ئېقىۋاتقان  قانلار  كۈۋەجەپ  دولقۇن ئۇرۇشقا  باشلايدۇ .مەن قىن - قىنىمغا  پاتماي قالغان  مۇشۇ سائەتتە  قۇم  دېڭىزىدىن  ئۆرلىگەن  ئوت شارى   ئالتۇن قوللىرىنى   دەرەخ  ئاراچلىرىدىن   سۇزۇپ يۈز -  كۆزلىرىمنى   مېھرى  مۇھەببەت  بىلەن  سىلاپ  كېتىدۇ .  مەن بۇلاق  بۇيىغا  كېلىپ ، ئوچۇملاپ  سۇ ئىچىشكە   باشلايمەن .  يىراقتىن  قويلىرىنى   ھەيدەپ  ئەلە - مەھەللىنى   توپا - چاڭغا  كۆمۈپ كېلىۋاتقان   چوپان  يېنىمدىن  ئۆتكەندە  تەئەججۇپ بىلەن  قاراپ قويىدۇ . بىر قولىنى  تاغقا ، بىر قولىنى  چۆللۈككە   سوزغان  يارداڭلىقتا  ماڭا  بۇرۇندىن تۇنۇش  بىر ئېقىن  بار .   قاچانلاردا  ئۇنى  يۇرتىمىزدى كىشىلەرنىڭ مازار  ئېقىن دەپ  ئاتىۋالغانلىقىنى  مەنمۇ بىلمەيمەن ،  قارا ، گۈلۈم ! ئاۋۇ يېشىللىق  دۇنياسىنىڭ  ئىچكىرىسىدە   بىزنىڭ ئۆيىمىز ، ئۆيىمىزنىڭ  ئالدىدىكى  يولبۇيىدا  كۆلىمىز ، كۆلنىڭ ئاياغ  تەرپىدە  مېۋىلىك  بېغىمىز ، باغنىڭ كەينىدە  يىراق -يىراقلارغا  سوزۇلغان سالا - سالا  ئېتىزلىرىمىز  بار !  ئىككىمىزنىڭ  جاھاندارچىلىق قىلىپ ، بۇ دۇنيادىن  كىتىشىمىزگە  يىتىپ ئاشىدۇ  گۈلۈم .  مېنىڭ  ساڭا  بولغان  يالقۇنلۇق  مۇھەببىتىمنىڭ  ھەقىقىتىنى  بىپايان  چۆللۈكنىڭ ئوتتۇرسىدىكى  يېشىل مەرۋايىتتەك  يالتىراپ تۇرغان  بوستانلىقتىن  تاپقانلىقىمغا  زادىلا  دەر گۇمان  بولما ، ياھاتىم ! سەھەر ... ئالمىلىق باغنىڭ كەينى .  گۈلۈم ، سەن يەردىن  ئۈندۈڭمۇ ؟ كۆكتىن تۆكۈلدۈڭمۇ ؟ بىلمىدىم ،  شۇنداق تېز سۈرئەتتە  كۆز ئالىمدا  پەيدا بولدۇڭ .  سېنى  ئۇچۇرتىپ كۆڭلۈم ئاراپ تاپقان  مۇشۇ تاتلىق  ئەسنالارنى ئوڭۇممىكىن ، يا چۈشۈممىكىن  دەپ  خېلى  بىر ھازاغىچە  دېلىغۇل بولۇپ يۈردۈم . سەن مېنى  كۆرگەن  ، چىرايىمغا  تەپكەن  جىددىيچىلىككە  پەرۋا قىلماي  ئالما  شاخلىرىنى  ئويناپ  تۇرغان  مۇشۇ  ئەسنادا  كۆڭۈل خۇشۇم خۇددى  ئۇزۇن يىل  بۇغۇچلانغان  كەپتەردەك ئوتلۇق  كۆزلىرىنى  مۆلدۈرلەتكىنىچە  ساڭا  كۆڭۈل  سىرلىرىمنى  ئېيتىپ بىرىدۇ . ئاڭلاۋاتامسەن  ئامرىقىم ؟!  مېنىڭ  نالە پاريادىم  پەلەكتىن  ئاشتى ، ئەرش  ئۈستىدىكى  ھاياتبەخىش  گەپلەرنى  يەر يۈزىگە  ئېلىپ چۈشكۈچىلەر  ئىلھامىنىڭ  قۇدىرتىنى  تولۇق  ھېس قىلدۇردى .  سۆيۈش - سۆيۈلۈش  بىلەن   ئۆتكەن ھايات ئاخىرقى  پەللىسىگە  كەلدى .  مېنىڭ  دەۋىتىم  شۇ : ھەر  ئىش بولسا  باشقا كەلگەندە كۆر !  توختام  سۇدەك  ياشاشتىن قول ئۈز !...

Gvlbargi0999

	oygurum يوللىغان ۋاقتى  2014-11-12 04:01 PM پاھ! بۇ نەسىرمۇ بۇ ناخشا بىلەن بەكمۇ ماس كەپتۇ دىسە!ھېسسىياتقا تولغان بۇ لىرىكىڭىز ياخشى چىقىپتۇ!

oygurum

	Gvlbargi0999 يوللىغان ۋاقتى  2014-11-12 04:26 PM پاھ! بۇ نەسىرمۇ بۇ ناخشا بىلەن بەكمۇ ماس كەپتۇ دىسە!ھې ... ياختۇرغىنىڭىزدىن   مەمنۇن بولدۇم ،  ئەمما  يار سوۋغىسى  غا  دىققەت قىلىڭ !  ھا ھا ھا

Gvlbargi0999

	oygurum يوللىغان ۋاقتى  2014-11-12 04:30 PM ياختۇرغىنىڭىزدىن   مەمنۇن بولدۇم ،  ئەمما  يار سوۋغىسى ... ۋاي ئاللابۇ ئەسلى بىراۋنىڭ سىزگە قىلغان كۆڭۈل سوغىسىكەن ئەمەسمۇ!

miskin-ahu

	oygurum يوللىغان ۋاقتى  2014-11-12 04:01 PM بۇ لىرىكا بەك يېقىملىق ئىكەن،ئەسلى ئەسەرنى يوللىغاندا مۇزىكا قىستۇرۇشنى ئويلىغان بولساممۇ قاملاشتۇرالمىغان ئىدىم،رەھمەت سىزگە

oygurum

	Gvlbargi0999 يوللىغان ۋاقتى  2014-11-12 04:43 PM ۋاي ئاللابۇ ئەسلى بىراۋنىڭ سىزگە قىلغان كۆڭۈل سوغ ... تولا  ھەدىڭىزدىن  ئاشماڭ !

oygurum

	miskin-ahu يوللىغان ۋاقتى  2014-11-12 04:43 PM بۇ لىرىكا بەك يېقىملىق ئىكەن،ئەسلى ئەسەرنى يوللىغاند ... ماختىغىچىلىكى  يوق  ،  سىزگە  ئەگىشىپ  قويدۇم  ،  ئەسلىدە  سىزمۇ  بېرەر  پەدە  كەلسىڭىز  ياخشى بولاتتى ..