خىياللىرىڭ كىمنىڭ ئىسمىدۇر

Gvlmisal

	خىياللىرىڭ كىمنىڭ ئىسمىدۇر؟ كېچىلەرنىڭ باغرىنى يىرتىپ، كىرىپ قالسام سېنىڭ چۈشۈڭگە. چىرايلىقىڭ مەلىكەڭ بىلىپ، ئالارسەنمۇ مېنى ئېسىڭگە. كەچكۈزدىكى سېرىنگۈل بەرگى، چاچالامدۇ يەنە خۇشپۇراق. ئېيتچۇ قانداق ئاشىقلىق رەڭگى، ۋىسال بىزگە ئاچامدۇ قۇچاق. كۆزلىرىمدە تۈمەنمىڭ سۇئال، قاچان كېلىپ بېرىسەن جاۋاب. ئايدەك يۈزلەر خازانغا مىسال، سۆيگۈنۈم ئۇ خۇمارلىق ئازاب. خىياللىرىڭ كىمنىڭ ئسىمىدۇر؟ قاراقلاردا بارمۇ سۈرىتىم؟ يۈرىكىڭگە ئاققان يېشىمدۇر... بەلكىم شۇنداق ئۆتەر كۈنلىرىم. ئاي بەرگى 2014.11.10

Gvlmisal

	نىمە قىلسام نىمە قىلسام ياش تۆكمەيدۇ كۆزلىرىڭىز، نىمە قىلسام كۆرەلەيسىز گۈلزارلارنى؟ نىمە قىلسام يۈرىكىمنى زار ئەتمەيسىز، نىمە قىلسام بىلەلەيسىز مەككارلارنى؟ كۆك قەھرىدە ئۇھسىنغاندا تەنھا ھىلال، ئاھ يىگانەم بولدىڭىزمۇ ئاڭا سىرداش؟ گۈلىستاندا يەنچىلىپتۇ لالە-رەيھان، گۈلزارىڭىزدا بارمۇ يەنە ئاڭا تەڭداش؟ نىمە قىلسام بىلەردىڭىز يۈرىكىمنى ، نىمە قىلسام كۆرەتتىڭىز كۆزلىرىمنى . يۈرىكىڭىز قوشۇلامتى يۈرىكىمگە، نىمە قىلسام ئاڭلايتىڭىز سۆزلىرىمنى. ئايسىز ئاسمان، يۇلتۇزۇمنى مەن كۆرمىدىم، گۈلئۇزارىم ،جانىمغىنەم كۆردىڭىزمۇ؟ ئىككىمىزنىڭ تەقدىرى شۇنداقكىنە ، ۋاپاسىز دەپ زارلاپ يەنە يۈردىڭىزمۇ؟ كۆرگىنىڭىز مىنىڭ تاتلىك كۈلكىلىرىم، بىلەلمەيسىز قەلبتىكى ئازابلارنى. بىلەلمىگەن بۇرۇندىمۇ ،بىلمەي قويۇڭ .... سەزمەي قېلىڭ ئەمدى ئوتلۇق نىگاھلارنى. مەنسىزلىك كۆزلىرىم كۆزۈڭدىن يۈتتى ئاسمانلاردىن مىنى ئىزدىمە نىھايەت يۇلتۇزۇمنىمۇ تاپمايسەن يىپى ئۈزۈلگەن مارجاندەك ھەريان چېچىلدۇق مەنسىزلىككە كۆندۈڭ ئېھتىمال شاماللارغا قوشۇلۇپ يۈزلىرىڭنى سۆيەلمەسىمەن باھار  يامغۇرى بۇلۇپ لەۋلىرىڭگە چۈشمەيمەن ئەمدى سەن ئۈچۈن بىلسەڭ مەنسىزلىكنىڭ تەمى ئۆزگىچە كېچىلەرنىڭ پەردىسىنى يىرتىپ يامغۇرلارغا نەپرەتلەنمە يېنىڭدا قالغىنى مىنىڭ ئوتلۇق ئاھىم

قورغان

	بەكمۇ ئېسىل لىرىكىكەن،قەلىمىڭىزدىن سۆيۈندىم.

alhumar137

	راستلا ياخشى چىقىپتۇ .موزىكا بىلەن بەلەن ماسلىشىپتۇ

99sahrayi99

	بەك بەلەن چىقىپتۇ، ھارمىغايسىز!..

bulaksu2

	مەنمۇ ياقتۇردۇم.

musilina

	ئاجايىپ بىر خىل ھېسلار قوينىغا چۆمدۈردى مېنى  لېرىك قۇرلىرىڭىز... بەك  تاتلىق يېزىپسىز ئاپئاق...... مۇزىكا تېخىمۇ جان كىرگۈزۈپتۇ شېئىرلىرىڭىزغا.....

zulayha

	تولىمۇ ياقتۇردۇم گۈزەل مىسرالىرىڭىز بىلەن كۈيلىرىڭىزنى. قەلەملىرىڭىزدىن گۈل ئۈنسۇن تاتلىق...

musilina

	نېمە قىلسام ماڭا سۆيگۈ بېرەلەيسىز، نېمە قىلسام ماڭا قاراپ كۈلەلەيسىز. يۈرىكىڭىز دىل ئازابىم ھېس قىلمىدى، نېمە قىلسام سۆيگۈ بېغىمغا كىرەلەيسىز.

musilina

	zulayha يوللىغان ۋاقتى  2014-11-11 05:32 PM تولىمۇ ياقتۇردۇم گۈزەل مىسرالىرىڭىز بىلەن كۈيلىرىڭىز ... ئۇزۇن بوپتىكەن سىزنى مۇنبەردە كۆرمىگىلى،تېتىتمىلىق ،يۈرەككە تەككۈدەك لېرىكىلىرىڭىزنى ئوقۇمىغىلى..... يوقاپ كەتمەڭ جانىم،سىزنى شۇنداق سېغىندۇق مۇنبەرداشلار...