تۇز : چۈنكى ، مەن ____________ ئادەم

.tuz.

	ئەسسىلامۇ ئەلەيكۇم بىمار بوپ ئانا يەرگە يىقىلغاندا ، پۇرىدى دەل ئاستىمدىن ئانام سۈتى. «خىزىر» بوپ تۇپراقتىكى كىندىك قېنىم ، تۇرغۇزدى مېنى يۆلەپ ساغلام پېتى. شۇڭا، يۇرت پايخان بولسا ماڭا ماتەم ، چۈنكى ، مەن ___ ھېسسىياتلىق ھايات ئادەم . تەلۋىلەر چەيلەپ ئۆتسە گۈل - چىمەننى ، ئۆرۈلەر قىر بېشىغان سەۋر قاچام . قەھرىمدىن ئوق ئۈزىمەن قۇزغۇنلارغا ، چىمەنگە قانات يېپىپ مەن ھەر قاچان . چۈنكى ، مەن _ ھېسسىياتلىق ھايات ئادەم ، گۈزەللىك پايخان بولسا ماڭا ماتەم . دىلبىرىم قوي كۆزىدىن سۇ ئىچىمەن ، دىلىدىن دىلىمغا نۇر- يورۇق ئېلىپ . جاھالەت ھامىيلىرى چاڭ توزۇتسا ، سانجىيمەن قوۋۇرغامنى پىچاق قىلىپ . چۈنكى ، مەن -ھېسسىياتلىق ھايات ئادەم ، مۇھەببەت پايخان بولسا ماڭا ماتەم . رەقىبنىڭ مۇشتى ماڭا ھېچ گەپ ئەمەس ، ھەتتاكى قىلىچقا تىك بارالايمەن . چېقىلسا قىلچە ئىززەت- ھۆرمىتىمگە ، ھەتتاكى ئەۋلىياغا يانالايمەن . چۈنكى ، مەن _ھېسسىياتلىق ھايات ئادەم ، غۇرۇرۇم پايخان بولسا ماڭا ماتەم . بىھۇدە بوزەك قىلسا كىچىكنى چوڭ ، ۋە ياكى مۇتۇھەملەر پەلۋان بولسا ؛ كۆز يۇمۇپ يۈرەلمەيمەن ئازغان ئۈچۈن _ ناتىۋان لەيلىقازاق قۇربان بولسا . چۈنكى ، مەن- ھېسسىياتلىق ھايات ئادەم ، ھوقۇقۇم پايخان بولسا ماڭا ماتەم . ئېتىقاد ، ئەقىدەم بار ئۆزەمگە خاس ، خەلقىمنىڭ رايىنى كۈچ - قانات قىلغان . ئەقەللىي كۆزۈمدىن ئوت - ئۇچقۇن يانار ، تەتۈرلىك ئىرادەمگە بولسا سۇلتان . چۈنكى ، مەن -ھېسسىياتلىق ھايات ئادەم ، ئەقىدەم پايخان بولسا ماڭا ماتەم . ئادىمىي ئادەمكى مەن ئەلگە چاكار ، لېكىن ، ھېچ بىرەرسىنىڭ  قولى ئەمەس . ئۆز كاللام ھامان مەھكەم ئۆز بوينۇمدا ، جەڭچىمەن ، ھېچ كىشىنىڭ قۇلى ئەمەس . چۈنكى ، مەن -ھېسسىياتلىق ھايات ئادەم ، خىسلىتىم پايخان بولسا ماڭا ماتەم . غەزەلخان خەلىقم ئۈچۈن يازدىم قوشاق ، ئىلھامى ئاتا قىلغاچ خەلقم _ ئانام . غەزەلسىز ياشىمايدۇ ئۇيغۇر دېگەن ، يۇرتۇمدا ھەر بىر غەزەل بىر ئىمتىھان . چۈنكى ، مەن- ھېسسىياتلىق ھايات ئادەم ، غەزلىم پايىان بولسا ماڭا ماتەم . ئاپتۇر : تاھىر تالىپ

sardor0908

	ياخشى شىئىر ئىكەن .رەھمەت ! '' ئىلھامى ئاتا قىلغاچ خەلقم _ ئانام . غەزەلسىز ياشىمايدۇ ئۇيغۇر دېگەن ، يۇرتۇمدا ھەر بىر غەزەل بىر ئىمتىھان . چۈنكى ، مەن- ھېسسىياتلىق ھايات ئادەم ، غەزلىم پايىان بولسا ماڭا ماتەم . '' مۇنۇ مىسرالار سىزنىڭ بەزى تېمىلاردىكى ئىنكاسىڭىزغا سەل زىت كىلىپ قاپتۇ .

ap~qilam

	تۇلۇقسىزنىڭ ئەدەبىيات كىتابىدا بار ئىدى ،مەن بەك ياقتۇرىمەن بۇ شېئىرنى ،قايتا يوللىغىنىڭىزغا تەشەككۈر

alhumar137

saliha24

	ئېسىل شىئېر كەن رەھمەت.

باشتۇغ

	ئىسىل شېئىر .

bulaksu2

	بۇ شېئىرنى تولۇق يوللىماپسىزغۇ؟

ئىپارە

	hakikatan yahxi xierkan. nima disak bolar ha ?

nurjahan0997

	مالىمدىن يېسەم دەشنام ماڭا ماتەم، چۈنكى مەن ھېسىياتلىق ھايات ئادەم. تۇللۇقسىزدا مشۇنداق يادلايتتۇق

mehriya

	nurjahan0997 يوللىغان ۋاقتى  2014-11-10 05:03 PM مالىمدىن يېسەم دەشنام ماڭا ماتەم، چۈنكى مەن ھېسىياتلى ... بىزمۇ شۇنداق ئۆزگەرتىۋالغان  بۇ شېئىرنى . ئەمما مەزمۇنلۇق شېئىر بۇ .