تاڭنۇر : نامەرت تېمىسىدىكى روبائىلار

تاڭنۇر

	نامەرت تېمىسىدىكى روبائىلار ئاپتورى : خەيرۇللا قۇربان نامەرتلەر خۇيىدۇر ياراڭنى تاتىلاش ، خىسلىتى ئۈزۈمسىز باراڭنى ماختاش . ھەق ناھەق ئارلاشقان دۇنيا ئالدىدا ، كەلمەيدۇ قولىدىن ھەقىقەت ياقىلاش . نامەتلەر تاپىدۇ ئىشىڭىدىن پۇتاق ، قەۋمىنى ساتىدۇ تويغۇزۇپ قۇرساق . نامەرتتىن يىراق تۇر بەرمىگىن مىھىر ، نامەرتلەر قوينىدا يۇشۇرار پىچاق . نامەرتلەر چىھرىدە بولمايدۇ كۈلكە ، ھەركىتى بەئەينى ھىلىگەر تۈلكە . ئالدىراپ سىرىڭنى بەرسەڭ ئەگەردە ، ياش ئاققان كۆزۈڭنى كۆپتۈرەر كۆلگە . نامەرتلەر قىش دەيدۇ ھەتتا يېزىڭنى ، تىكەنگە ئورغۇسى كىلەر بېغىڭنى . ئەگەردە نەپ يەتسە نامەرتكە سەندىن ، چىگىشتىن يانمايدۇ ئىشتانبېغىڭنى . نامەرتكە يارىماس بۇلبۇل ناۋاسى ، يارايدۇ ئۇلارغا پۇلنىڭ ئاۋازى . مەنپئەتنىڭ ئالدىدا ئىتتەك سوكۇلداپ ، تەمەدە ياشايدۇ ئۆلۈپ ساپاسى . نامەرتكە يولۇقساڭ ئىشىڭ ئاقسايدۇ ، باپلاشتىن سەل بۇرۇن راسا ماختايدۇ . سۈتى بار دەپ قويساڭ توخۇنى ئەگەر ، تۇخۇمدىن چىققۇچە چۈجە ساقلايدۇ . نامەرتتە بولمايدۇ ئەركەك زىننىتى ، قېنىدا ئاقىدۇ داۋراڭ مىننىتى . نامەرتتىن بولغاچقا بارچە ئەل بىزار ، نامەرتلەر شەيتاننىڭ ئەزىز مېھمىنى . نامەرتكە ئامال بار يېقىن يولىما ، ئېزىقساڭ ھەتتاكى يولمۇ سورىما . ھاياتلىق قانچىلىك قىينىسۇن سېنى ، نامەرتىنىڭ ئىزىنى ھەرگىز بويلىما . نامەرتتىن تېپىلماس ئىنسانى غورۇر ، نامەرتىنىڭ نىشانى سۈرۈشتۇر ھوزۇر . ھاياتىڭ بېغىدا ئېچىلسا گۈللەر ، نامەرتلەر تىكەن دەپ تاپىدۇ قۇسۇر . نامەرتلەر گوياكى سايىسىز تېرەك ، نامەرتكە مال دۇنيا خۇشامەت كېرەك . نامەرتتىن ياخشىدۇر بەتپۇي بولسىمۇ ، زىرائەت ئاستىغا تۆكۈلگەن تېزەك . نامەرتلەر ئەزەلدىن كېلەر تېگى پەس ، بىخەستە بولساڭلار قىلار ساڭا قەس . ئالدىراپ ئىشەنمە شىرىن سۆزىگە ، نامەرتلەر ۋاپادار مىھرىبان ئەمەس . نامەرتنىڭ ھىلىسى قىلتىقى تۇلا ، نامەرتكە لەنەت ھەم ساتىرا دورا . كۈندەشلىك قىلىدۇ كۆكتىكى ئايغا ، سېخى ئاي بارچىغا چاچقاچقا شولا . نامەرتتە بولمايدۇ ئىنسانى مىھىر ، ۋەلىكىن ئاقىدۇ قېنىدا كىبىر . نامەرتكە تىل سېلىپ گەپ تالاشقۇچە ، تىلىگەن ياخشىدۇر ئاللاھدىن سەبىر . نامەرتلەر ياشايدۇ خەقنىڭ ئەجرىدە ، باغلايدۇ تېنىنى ئىللەت كەمرىدە . ئەجىرسىز شەرەپنى راھەت دەپ بىلىپ ، ياشاشنى ئويلايدۇ شاھلىق قەسرىدە . نامەرتنىڭ دىلىدىن شۈملۇق تۆكۈلەر ، نامەرتنىڭ تىلىدا ياخشى سۆكۈلەر . نامەرتلەر گاھىدا تۆت پۇتلۇق بولۇپ ، ھايۋاندىن خۇي ئېلىپ ئىتتەك ئۆمۈلەر . نامەرتلەر ئەل ئۈچۈن ئاپەتتۇر - ئاپەت ، نامەرتكە مۇھتاجلار ئامەتتۇر - ئامەت . ئالدىدىن ئەركىلەپ كەينىدىن چىشلەش ، نامەرتلەر توپىغا ئادەتتۇر - ئادەت .

alhumar137

	نىمە قىلسا قىلدى نامەردلەر يۇرەكلەرنى تىلدى نامەردلەر 不错

باشتۇغ

	نامەرتنىڭ تۈلكىگە ئوخشار مىجەزى ، نەپ ئۈچۈن قاۋايدۇ گاھى ئىت كەبى . بىر پارچە سۆڭەككە ساتىدۇ ۋىجدان ، بۇ ئۇنىڭ ئادىتى بولغاچقا تەبىئىي . مەزمۇنلۇق يېزىپسىز ، ھۇزۇرلاندىم .

ئىپارە

	namartlar pakat ozini oylaydu, yahxilik kilgan adimigumu oqmanlik kilidu. . kilgan yahxilikingizga hasat kilidu!

mahatjan

	يا ھەزرەت پۇلنىمۇ تاپقاننى كۉردۅم، پۇل ئۅچۅن ھەر تەرەپ چاپقاننى كۉردۅم. پۇل ئۅچۅن ئار نۇمۇس ۋىژداندىن كىچىپ، جان-جىگەر دوستىنى ساتقاننى كۉردۅم.

mahatjan

	يا ھەزرەت پۇلنىمۇ تاپقاننى كۉردۅم، پۇل ئۅچۅن ھەر تەرەپ چاپقاننى كۉردۅم. پۇل ئۅچۅن ئار نۇمۇس ۋىژداندىن كىچىپ، جان-جىگەر دوستىنى ساتقاننى كۉردۅم.

99sahrayi99

	ياخشى روبائىلاركەن، ياقتۇردۇم. ھارمىغايسىز!..

ayguzal1

	مەزمۇنى چوڭقۇر،تىىل ئۆتكۈر چىققان رۇبائىلاركەن.... ئۆتمە نامەرت كۆۋرىكىدىن ، سۇلار سېنى ئاقتۇرسىمۇ. يېمە نامەرت ئېشىنى، ئاچلىق سېنى ئۆلتۈرسىمۇ. كىمنىڭ شېئىرى ئىكەنلىكى ئېسىمدىن چىقىپ قاپتۇ...