خورلىمىغىن ئانامنى

رەخم

	خورلىمىغىن ئانامنى رەخمىدىن قاسىم (ئۆچمىتىڭ) كېلىن بولساڭ،تۈزۈك بول خورلىمىغىن ئانامنى، ئېغىزىغا تىتىماس تائامغا،زورلىمىغىن ئانامنى. ياخشى كېلىن بولۇر دەپ،شۇڭا ئالغان مەن سىنى، مىنىڭ ئالدىمدا كۆز بوياپ،گولىمىغىن ئانامنى. سىنىڭ بىلەن دۇنيادىن،چوڭ كۆرىمەن ئانامنى، بىرلا سۆيمەن مەن سىنى،مىڭنى سۆيمەن ئانامنى. ئۆزۈمنىڭمۇ ئانسىدەك تەڭ كۆرىمەن ئاناڭنى، گويا مەندەك تەڭ كۆرۈپ خورلىمىغىن ئانامنى. ئىككىمىزنىڭ ۋەسلىگە يەتكۈزگەنمۇ شۇ ئانام، بىر يىلنىڭ تۆت پەسلىگە يەتكۈزگەنمۇ شۇ ئانام. روناق تىپىشغا ئىشىمىزنىڭ دۇئا قىلىپ ھەر كۈنى، ئائىلىمىزدە بىرنى،ئىككى ئەتكۈزگەنمۇ شۇ ئانام. ئاناڭ كەلسە ئۆيمىزگە،سېلىپ قويشىڭ يىكەنداز، ئۆز ئاناڭنىڭ ئالدىغا،سالاركەنسەن پايانداز. ئۆز ئاناڭنىڭ ئۆيمىزگە كىلىش خەۋرى ئاڭلانسا، سۈپرىپ تازلاپ ھويلىنى،داغدام ئىچلار ھەم دەرۋاز. ئۆز ئۆيىدە بىر نانغا زارلىمىغىن ئانامنى، ئاپشاركىدەك كەينىدىن پايلىمىغىن ئانامنى. ھاياتىنىڭ ئاخىرىدا تۇرۋالسۇن ئەركىنرەك، ئەمدىلىكتە بولدى قىلىپ،خورلىمىغىن ئانامنى. 2014-يىلى11-ئاينىڭ9-كۈنى ئۈرۈمچى                                              ئەسكەرتىش:بۇ تىما كېلىن ۋە قېيىنئانا ناملىق ئەسەرگە قارتىلىپ يىزىلغان ئاپتۇرنىڭ ئائىلسى بىلەن مۇناسىۋىتى يوق........

alhumar137

	بەك ياخشى چىقىپتۇ  كىلىنلەر ئەمدى بەس

Danggal

	ئۇكام تەھىمجان،ئەسەرنىڭ ئومۇمى مەزمۇنى ناھايىتى ياخشى چېققان بولسىمۇ قۇرۇلمىدا نۇرغۇن يىتەرسىزلىكلەر بار. 1-بوغۇملار تەكشىسىز.مەسىلەن ؛باشتىكى ئىككى مىسرا لار بۇنىڭ تىپىك مىسالى. 2-ئىككىمىزنىڭ ۋەسلىگە يەتكۈزگەنمۇ شۇ ئانام، بىر يىلنىڭ تۆت پەسلىگە يەتكۈزگەنمۇ شۇ ئانام. 3-ئىملاغا دېھقەت قىلماسلىقمۇ مەزمۇنغا تەسىر يەتكۈزىدۇ. مۇشۇنداق ياخشى قابىليەت، تۇيغۇ ۋە ئىنتىلىشتە بولغان ئىكەنسىز بۇ سەۋەنلىكلەرنى تۈزتۈپ كىتەلەيدىغانلىقىڭىزغا ئىشىنىمەن. مۇشۇ يەردىن باشلاپ خۇددى بۇ شېئىر ئىككى بۆلەك شېئىردەك ئەسلىدىكى قايىدىگە ئەمەل قىلماپسىز.

mehriya

	كېلىن بىلەن قېيىنئانا مۇناسىۋىتى تولىمۇ ئىنچىكە ، سەل دىققەت قىلمىسا ئۈزۈلۈپ كىتىدىغان مۇناسىۋەتكە كىرىدۇ . مەيلى كېلىن بۇلايلى ياكى قېيىنئانا بۇلايلى  بۇ مۇناسىۋەتكە بەك دىققەت قىلمىساق كۆڭۈل قېلىشلار تۈپەيلىدىن ئائىلىنىڭ ئىناقلىغىغا زور دەرىجىدە تەسىر يەتكۈزىدۇ . كېلىن بولغۇچىمۇ ئائىلىدىكى كېلىنلىك مەجبۇرىيىتىنى ياخشى ئادا قىلىشى ، ئائىلىدە يۈرۈش -تۇرۇشقا دىققەت قىلىشى ، گەپ -سۆزلەرگىمۇ دىققەت قىلىشى كېرەك . ئەمما بەكلا بىر ئىشلارنى تۈجۈپلەپ كەتسىمۇ قارشى تەرەپكە ساختا تەسىر بېرىپ قۇيىدۇ . كۆپرەك قېيىنئانىسى بىلەن مۇڭدىشىپ تۇرۇشى ، نىمىگە ئامراق بولسا شۇنىڭ گېپىنى جىقراق قىلىپ قېيىنئانىسىنىڭ كۆڭلىنى ئېلىۋېلىشى كېرەك . ئەڭ اددى بىر مىسال ؛ كېلىن بولغۇچى سىز بازاردىن ئۆزىڭىزگە كىيىم سېتىۋالغان چېغىڭىزدا قېيىنئاپىڭىزغىمۇ سېتىۋېلىڭ . ئۆزىڭىز ياختۇرۇپ يەيدىغان تاماقلارنى سىرتلاردا يەپ قالسىڭىز قايتقىچە قېيىنئاپىڭىزغىمۇ ئۇنىڭ ياقتۇرۇپ يەيدىغان تاماقلىرىدىن ئالغاچ كىلىڭ . كۆڭۈل دېگەن شۇنداق نەرسە كىچىككنىە نەرسىلەردىنمۇ سۆيىنىپ  كىتىدىغان . قېيىنئانىلارمۇ كېلىنىنى ‹ كېلىنىم › دېمەستىن ‹ قىزىم › دەپ ئاتىشى كېرەك . چۈنكى بىزدەك كېلىنلەر ئۆز ئانىمىزنىڭ ئۆيىدىن ئايرىلىپ يېڭىچە بىر مۇھىتقا بارغاندا سەل تەمتىرايمىز . ئەلۋەتتە شۇ ياخشى بۇلۇش ئۈچۈن . ئەمما ئىشنى قانداق يەردىن قىلىشنى بىلىپ كېتەلمەي چوڭلارنىڭ ئالدىدا بەزىدە شۇ ئۆزىمىزنى خار قىلىۋالدىغان ئىشلار بۇلۇپ قالىدۇ . بۇنداق چاغدا قېيىنئانا بولغۇچىمۇ ‹ۋاي خوتۇنىڭ ئۇ قىلدى ، بۇ قىلدى › دەپ ئوغلىغا تاپا تەنە ياكى ئۆزىگە چىرايىنى ئاچماستىن گەپ قىلسا كىچىك ئىش تېخىمۇ چوڭىيىپ كۆڭۈللەرگە دەز كىتىپ قالىدۇ . مۇشۇنداق چاغدا قىيىنئانا بولغۇچى چىرايلىقچە ‹ قىزىم › دەپ تۇرۇپ بىر ئىشلارنى چۈشەندۈرسە ، مېنىڭچە بىز كېلىنلەرنىڭ يۈرىكىمىز ئۆز ئانىلىرىمىز ئۈچۈنلا كۈيۈپ سوقمايدۇ ، بىزدىمۇ ‹ ماۋۇ ئانام ، خاتا ئىش قىلىپ قويسام ئەيىپلىمەستىن چىرايلىق گەپ قىلغاندىكىن ئەمدى ئىككىنچى بۇنداق ئىشنى سادىر قىلمايچۇ › دەپ قىيىنئانىسىغا ئامراقلىغى كىلىدۇ . بۇنداق مىساللار جىق . ئەمما يەنىلا قىيىنئانام ياخشى دەيدىغان ئاياللارنىڭ سانى يەنىلا ئاز سانلىقنى ئېگىلەيدۇ .

azizyaxa

	ياخشى يېزىپسىز داۋاملىق يوللاپ تۇرۇڭ

سۈمەييە

	ھەر كىم قىلسا ئۆزىگە ،،،،،،،،،،،،،،،،،، كىلىن بولغۇچى قىين ئانىسىغا ياخشى قارىسا كىيىن مەن ئۇلار قىرىغاندا ئۇلارنىڭ كىلىنلىرىمۇ ياخشى قارايدۇ دەپ ئويلايمەن

ئىپارە

	بىر ئانىنى بىقىشقا ، ئاللاھ پۈتۈن ئانىلارنى باققاننىڭ ساۋابىنى بەرگەن.

mastana888

	مەيلى كىلىن بولسۇن ياكى قىيىن ئانا بولغۇچى بولسۇن  بىر بىرىنى ھۆرمەتلىگەن ئاساستا بىر بىرىگە يول قۇيۈشى لازىم دەپ ئويلايمەن