گــۈل - غۇنـچىلارغـا سـۆزۈم بـار

suzuk-ay

	گــۈل - غۇنـچىلارغـا سـۆزۈم بـار ئايزۆھرە ئابدۇمىجىت ( سۈزۈك ئاي)    ئاياللار بىر نەچچىنى تۇغۇپ قويغانغىلا دۇنيانىڭ ئانىسى ئەمەس ، بەلكى ئادەمىيلىكنى پەرزەنت ۋۇجۇدىدا گۈل قىلىپ ئېچىلدۇرالىغان ئاياللارلا دۇنيانىڭ ھەقىقىي ئانىسدۇر . ئايال بولۇش ئۇنداق ئاسان ئەمەس . قىز دېمەك ، ئانا دېمەك . ئانا دېمەك دۇنيا دېمەكتۇر . . . ئاياللار بىر نەچچىنى تۇغۇپ قويغانغىلا دۇنيانىڭ ئانىسى ئەمەس ، بەلكى ئادەمىيلىكنى پەرزەنت ۋۇجۇدىدا گۈل قىلىپ ئېچىلدۇرالىغان ئاياللارلا دۇنيانىڭ ھەقىقىي ئانىسدۇر . ئىنسانىيەت دۇنياسى ئايال ۋە ئەردىن ئىبارەت ئىككى جىنىستىن تەشكىل تاپقان مۇرەككەپئىجتىمائي كىشلىك مۇناسىۋەت ئۈستىگە قۇرۇلغان . ئەي ، دۇنيانىڭ ئانىسى ئاياللارنىڭ يېرىم دۇنيالىق ئورنى كۈندىن -كۈنگە تەكىتلىنىۋاتقان بۈگۈنكى كۈندە قىز ۋە ئاياللىق ئوبرازىڭىزغا قانداق دىققەت قىلىۋاتىسز ياكى ئۇنىڭغا قانداق يۈزلىنىۋاتىسىز ؟ ئايالنىڭ گۈزەللىكى ئۇنىڭ تاشقى قىياپىتىدە ئەمەس ، بەلكى ئىچكى دۇنيارىنىڭ گۈزەل بولۇشىدا . سىز ئۆزىڭىزدە بار بولغان مۇشۇ گۈزەللىكىنى ھەقىقىي بايقىيالىدىڭىزمۇ ؟ مۇشۇ گۈزەللىكنى تۇنۇپ يىتەلىدىڭىزمۇ ؟ سىزدە قانچىلىك گۈزەللىكنىڭ يۇشۇرۇنۇپ ياتقانلىقىنى بىلەلىدىڭىزمۇ ؟ ئەشۇ گۈزەللىك ئىچىدە تۇرۇپ باشقىلارغا قانچىلىك تەسىر قىلالىدىڭىز ؟ مانا مۇشۇ سۇئاللار ئۈستىدە كۆپ ئويلاندىم . ئەڭ كىچىك ھالقىمۇ سىزنىڭ گۈزەللىكىڭىزنى ياكى قەلب دۇنيارىڭىزنىڭ قانچىلىك ئىكەنلىكىنى ئېچىپ بېرەلەيدىكەن . 1- ئولتۇرغاندا ، گەپ -سۆز قىلغاندا نازاكەتلىك بولۇڭ ئولتۇرۇش ، سۆز قىلىشمۇ بىر ئايال بولغىچىنىڭ قانچىلىك گۈزەل ئىكەنلىكىنى ئېچىپ بېرىدىغان ئەڭ كىچىك ھالقا . ئولتۇرغاندا قانچە رۇس ئولتۇرسىڭىز شۇنچە روھلۇق كۆرىنىسىز ، سۆز قىلغاندا مۇلايىم ئەدەپ بىلەن ، ئاز سۆزلەش سىزنى تېخىمۇ جەزبىدار كۆرسىتىپلا قالماي ، ئىچىكى دۇنيارىڭىزنى باشقىلارغا ئېچىپ بېرىدۇ . ئاز سۆزلەش ، ئاز كۈلۈش سىزنى نازاكەتلىك كۆرسىتىدۇ . كونىلاردا :« ئاز سۆزلەش كۈمۈشكە تەڭ ، سۆزلىمەسلىك ئالتۇنغا تەڭ » دەيدىغان گەپ بار ئەمەسمۇ . 2- باشقىلارنى ئۆزىڭىزگە سېلىشتۇرماڭ ئۆزىڭىزنىڭ دۇنيارىدا ياشاڭ ، باشقىلار بىلەن كارىڭىز بولمىسۇن ، ھەركىمنىڭ ئۆزى بىر دۇنيا. 3-ئۆزىڭىزنى ھۆرمەتلەڭ ، ئۆزىڭىزگە ئىشنىڭ ئادەم باشقىلارنى ھۆرمەتلەشتىن بۇرۇن ئەڭ ئاۋۋال ئۆزىنى ھۆرمەتلىشى كېرەك. باشقىلار بىلەن كۈرۈشىشكە چىققاندا رەتلىك ، پاكىز چىقىش ، ئاز تولا سۇس گىرىم قىلىش ئۆزى ۋە قارشى تەرەپنى ھۆرمەت قىلغانلىق ، ئەلۋەتتە. ھەر قانداق ئىش قىلغاندا ئۈمىدۋار بولۇڭ ، ئالدىرماڭ ... ئۈمىدۋار بولۇشنىڭ ئۆزىلا مۇۋاپىقىيەتنىڭ ئاچقۇچى . 4-ئۆزىڭىزنى سۆيۈڭ ، ئۆزىڭىزگە تاينىڭ ئۆزىنى سۆيەلىگەن ئادەم باشقىلارنىمۇ سۆيەلەيدۇ. سىزدە بىر چېلاك سۇ بولغاندىلا باشقىلارغا بىر ئىستاكان سۇ بېرەلەيسىز ئەمەسمۇ ؟ ھەر ئىش قىلغاندا ئۆزىڭىزگە تايىنىڭ ، باشقىلارنى ئاز ئاۋارە قىلىڭ بۇ پەقەت ئامالسىز ئەھۋالدا بولسۇن . يۇقارقى دېگەنلىرىم بىر ئاياللىق نازاكەت يىتىلدۈرۈشتىكى مۇھىم ھالقىلا ، بۇ ھالقىلارنى ئەستىن چىقارماڭ . چۈنكى كىچىككىنە ئىشلارمۇ بىر ئادەمنىڭ قانچىلىك ساپاسى بارلىقىنى چۈشەندۈرىدۇ. ئىشىك چىكىشتىنمۇ بىر ئادەمنىڭ قانچىلىك ساپاسى بارلىقىنى بىلۋالغانغا ئوخشاش. . . مەڭگۈلۈك قۇربانلىق بېرىدىغان بىردىنبىر ئىنسان __ ئانا بىر قىز توي قىلىدۇ ، ئۇ قىز چاغلىرىدا شۇنچە لاتاپەتلىك ۋە گۈزەل ، سۆيۈملۈك ئىدى . ئۇ توي قىلىپ بالىلىق بولغاندىن كېيىن ئۆز جىسمىنى ۋە بارلىق مېھرى مۇھەببىتىنى يولدىشى ۋە ئېرىگە بېرىدۇ. ئۇ ئەڭ ئاددىيسى ئەڭ پاكىز يوتقانلاردا ياتمايدۇ ، ئۇ مېھمانلارغا تەييارلانغان ، ئەڭ گۆشلغك ، تەملىك تاماقلارنى بالىلىرىغا بېرىدۇ ، چۈنكى ئۇلار يېسە ئانا يىگەنگە ئوخشاش . ئۇ كېسەل بولۇپ قالسىمۇ ۋايسىمايدۇ ، دوختۇرخانىغا بارمايدۇ ، چۈنكى ئۇ ئىككى كۈن ئارام ئېلىۋالسىلا ساقىپ قالىمەن دەپ ئامال بار مۇشۇ ئائىلىنىڭ تىرىكچىلىكى ئۈچۈن پۇلنى ئايايدۇ . ئۇ شۇنداق ئىنسان مەڭگۈ دۇنياغا قۇربالىق ئۈچۈن تۇغۇلغان ... جەننەت __ ئانىلارنىڭ ئاياغ ئاستىدا ئەشۇنداق مىننەتسىز قۇربالىقنى بەرگەن ، ئۆزىنىڭ ئاياللىق ۋە ئانىلىق بۇرچىنى تۇلۇق ئادا قىلغان ئۇلۇغ ئىنسانلارغا جەننەت ئۇچۇق . ئەشۇ مېھرىبان ئىنسانلارغا ئازار بەرمەڭ ئۇنى قەدىرلەڭ . . . جەننەتكە لايىق ئانا بولالىدىممۇ ؟ جەننەتكە لايىق ئانا بولالىدىممۇ ؟ مۇشۇ سۇئالنى ئۆزىڭىزگە قۇيۇڭ ... بالىلارنى توختىماي « تىرىش ، تىرىش » دەيمەن-يۇ ، ئۆزۈم بىرەر قېتىم بىرەر پارچە كىتابنى قولۇمغا ئېلىپ بىر ۋاراقىنى ۋاراقلاپ ئۆزۈمنىڭ ساپاسىنى يۇقىرى كۆتۈرۈپ باقتىمۇ ؟ ئويلاپ باقتىڭىزمۇ ؟ ياكى كۈندە تېلۋىزىزۇر ئالدىدا كىنوغا بەنت بولۇپ ، تۈركىيە فىلىملىرى ئىچىگە غەرق بولۇپ كېتىۋاتامسىز ؟ بالىڭىزنىڭ قەلبىگە ئاتىنىڭ يۈكسەك ئوبرازىنى تىكلەش ئۈچۈن تىرىشتىڭىزمۇ ؟ ئۇنىڭ قەلبىدە يولدىشىڭىزنىڭ ئورنى قانچىلىك ؟ «ئەر رازى ، خۇدا رازى » ئەرلەرنىڭ كۆڭلىدە سىز قانچىلىك ئورۇنغا ئىگە . كۈندە ۋاقىت چىقىرىپ ئائىلە ئىشلىرى ۋە بالىلار توغۇرلۇق ھەركۈنى يولدىشىڭىز بىلەن مۇڭدىشىپ تۇرامسىز ؟ ئانىلىق ۋە ئاياللىق مەجبۇرىيەتلەر ئائىلىڭىزدە ئۆز قىممىتىنى تېپىۋاتامدۇ ؟ ئەرنى رازى قىلغان ئايال راھەتتـە ، جەننەتتـە ... ئۆز ئائىلىڭىزدىن رازى بولماي ، ئېرىم بولۇمسىز دەپ ئۇنىڭدىن ئاغىرنىپ ياشاۋاتامسىز ؟ سىزگە شۇنى دەي ، ئەرلەر بەزىدە كىچىك بالىغا ئوخشايدۇ . ئۇنى كىچىك بالىدەك بەزلىمەي ، كۆڭلىدىكىنى تۇلۇق چۈشەنمىسىڭىزمۇ ئۇنىڭ قەلبىنى چۈنىشكە ئۇنىڭغا يېقىنلىشىقا تىرىشىڭ ... كىچىك ۋەتىنىڭىز بولغان ئائىلىڭىز ئۈچۈن تىرىشىڭ ئەجرىنى ئاللاھ بېرىدۇ . بارلىق خانىم _ قىزلارغا ئامەت ۋە تۇرمۇشىغا بەخت تىلەيمەن .

musilina

	ھەر بىر ئايال بولغۇچى ئوقۇشقا،ئويلىنىشقا،ئۆزىگە تەدبىقلاشقا تېگىشلىك مۇھىم يازمىدىن بىرنى ئەەكپسىز.... ئەجرىڭىزگە تەشەككۈر ....

ayguzal1

	ئادەمنى ئويغا سالغۇدەك تەربىيىۋى ئەھمىيەتكە ئىگە تېمىكەن،ھەر بىر ئايال بولغۇچى بىر قېتىم ئوقۇپ چىقسا بولغۇدەك. ئەجىڭىزگە تەشەككۈر،جاپا چېكىپسىز.

زىبا.

	شۇنداق ئىسىل بىر يازما بىلەن بەھىرلەندۈرگىنىڭزگە كۆپ رەھمەت . ئايال دىمەك دۇنيا دىمەك .بەرھەق  شۇ دۇنيانىڭ ئىگىسى بولغان خانىم -قىزلار ھەمىمىز بىر ئويلۇنۇپ باقايلى .

alhumar137

	ئايالسىز دۇنيا ،دۇنيا ئەمەس جۇمۇ

باشتۇغ

	ئاياللار ئۈچۈن ياخشى نەسىھەتلەركەن .