سەھرايى: ئۈششۈك پەسلى

99sahrayi99

	ئۈششۈك پەسلى ئەلەم مامۇت سەھرايى ئۈششۈك تەگكەچ گۈل-چېچەكلەرگە، تىترەر ئەلەم دەستىدىن يۈرەك. تەبىئەتنىڭ يۈزى تۇپا- چاڭ، گۈل ئىززىتى بولدى دەپسەندە، يېرىم- يالىڭاچ قالدى دەل- دەرەخ!.. ٭٭٭ مۇڭغا چۈمگەن كوچا- بازارلار، باشلاردا غەم، چىرايلار سۆرۈن. يوللارمۇ ھەم شاۋقۇن- سۈرەنسىز، دوپپا- تۇماق تالىشار ئورۇن. ٭٭٭ قېيدىماقتا پۇلسىز يانچۇقلار، يوقسىزلىقتىن قاتتىق ئوھسىنىپ. ئىگىسىگە قاراپ كېۋەزلەر، مەسخىرىلىك كۈلەر ھىجىيىپ. ٭٭٭ ئوغرى ئاپتاپ ئوينار مۈكۈشمەك، چېپىپ يۈرەر ھەر يان قۇيۇنتاز. سوغۇق شامال چېكەر ئىشىكنى، يۇپۇرماقلار يەرگە پايانداز.. ٭٭٭ قار ئارىلاش ياققان يامغۇردا، قىممىتىنى تاپتى ئوتۇنلار. ھاردۇق يېتىپ، رايى ياندىمۇ، ئىشتىن توختاپ قالدى خوتۇنلار. ٭٭٭ ئوتۇن ئۆلەر پالتا بىسىدا، ئۇسۇل ئوينار ئوچاقتىكى ئوت. مورا قاخشار تۈتۈن ئىسىدا، تۈتۈن سالار كۆككە ئاتاپ دۇت. ٭٭٭ يېتىملەرنىڭ كەپىسى سوغۇق، كېسەل بۇۋاي ياتار ھۆتىلىپ. چۈشۈپ كەتكەن ئۈنى ئىچىگە، قەدىناسنىڭ قەدرى ئۆتۈلۈپ. ٭٭٭ ھەممە نەرسە پەسلىدى مانا، پەسلەپ قالدى كۆكتە قۇياشمۇ. كۆڭۈللەردە سۇسلاشتى مىھىر، يىراقلاشتى تۇققان- قاياشمۇ. ٭٭٭ «كۈز، ئۆزۈڭنى تۈز» ئەي سەھرايى، كەتكۈزمىگىن پۈرسەتنى بىكار. بىخۇت يۈرسەڭ ئۈششۈك پەسلىدە، قىش خەنجىرى يۈرەككە پاتار!.. ٭٭٭ يوپۇغىدا يېزىلدى، مەنبە: ئۆز ئىجادىيىتىم 2014- 11 -  ئاي

99sahrayi99

	تېلفۇندا ئۇرغانتىم، باشقۇرغۇچىلارنىڭ رەتلەپ قويۇشىنى ئۈمىد قىلىمەن!...

ئىپارە

	بۇ دەردىڭىزنى ئاللاھقىمۇ ئېيتىشىڭىز كېرەك! رەھمەت  ياخشى يىزىپسىز يۈرەككە تەگدى!

99sahrayi99

	ئىپارە يوللىغان ۋاقتى  2014-11-9 08:53 PM بۇ دەردىڭىزنى ئاللاھقىمۇ ئېيتىشىڭىز كېرەك! رەھمەت  ياخ ... سىز دېگەندەكمۇ قىلىمەن، مېنى قوللىغىنڭىزغا رەھمەت!.. سىزگە تەشەككۇر!..

ap~qilam

	٭٭٭ قېيدىماقتا پۇلسىز يانچۇقلار، يوقسىزلىقتىن قاتتىق ئوھسىنىپ. ئىگىسىگە قاراپ كېۋەزلەر، مەسخىرىلىك كۈلەر ھىجىيىپ. شۇ مەنزىرە كۆزۈمدىن ئۆتتى

musilina

	بەدئىي ۋاستىلار ياخشى ئىادىسىنى تېپىپتۇ شېئىرىڭىزدا.... ياقتۇرۇپ ئوقۇدۇم... 1-كۇبلىت شېئىرنىڭ مۇقەددىمىسى بولدىمۇ ياكى قاپىيە ئەركىن ھالەتتە يېزىلدىمۇ؟

مېھرىما

	ياخشى يىزىپسىز.قەلەم تۇتقان شۇ قوللىرىڭىزغا دەرت بەرمىسۇن.

mastana888

	ياخشى يىزىپسىز ھارمىغايسىز

99sahrayi99

	musilina يوللىغان ۋاقتى  2014-11-9 09:59 PM بەدئىي ۋاستىلار ياخشى ئىادىسىنى تېپىپتۇ شېئىرىڭىزدا... ... ئەركىن قاپىيە شەكلىنى قوللاندىم دېسەممۇ بولىدۇ، كۆڭلۈمدىكى سۆز ئېشىپ قالغاندەك ھىس قىلىپ شۇنداق ئالغان ئىدىم!.. مېنى قوللىغىنىڭىزغا رەھمەت!.. كۆپرەك يول كۆرسىتەرسىز!..

mehriya

	ئاپىرىن سىزگە . شۇنداق تىلى راۋان ھەم چۈشۈنىشلىك يېزىپسىز . مەزمۇنى راسلا كىشىنى ئويغا سالىدىكەن . تۈنۈگۈن ئاڭلىسام پاختىنى كىلوسىنى بەش سومدىن سېتىپتۇ . بىر كىلو پاختىنى ئىككى سومدىن باشقىلارغا تەدۈرسە قالغان ئۈچ سوم دېھقاننىڭ سالغان مەبلىغىغا چىقىش قىلامدۇ دەيمەن ؟!