قۇتلۇق بولسۇن تويۇڭغا

korlaayxamsadir

	بايىنغولىن مۇڭغۇل ئاپتۇنۇم ئوبلاستى قۇرۇلغانلىغىنىڭ 60 يىللىغىغا بېغىشلايمەن ئايشەم سادىر قۇدلۇق بولسۇن تۇيۇڭغا كۆتۈرۈلدى  شەرقتىن،نۇرلۇق بىر قىزىل قۇياش، پۈتۈن  زىمىن يۇرىدى،نۇر چېچېپ شۇنچە  پارلاپ. قاراتۇمان،قارا ئۆتمۈشتىن قۇتۇلۇپ بارچە ئاۋام، كەلدى خوشاللىق ،كەتتى تۇمان، بىردىنلا  تاراپ. ......... يىللارمۇ  بىرـ بىرىنى قوغلۇشۇپ،بۇپتۇ 60 يىل، كۈنلىرىمىزبەك خوشال،ئۆتتى مەنىلىك بەك زىل ئىسلاھات  ئېچىۋېتىشكە، چېلىندى سىگىنال، ئازاد  زامانمىزدا،ياخشى ئىشلار بولدى كۆپ خىل. .......... مۇبارەك  بولسۇن !ساڭا، چۈشتۇق ھەممە بەيگىگە، پارتيىمىز  بار  بىزگە،مەدەد بىرەر كەينىدە. ھەرمىلەت  خەلقى ــ ئىناق،چۈشتى خوشال بەزمىگە، ئۇيناڭ  ئۇسۇل،قىزىسۇن بايرام،گۈزەل بايىغولىندە ........ نەشپۈت،چىلان،كىشمىش،بادام،ئالماـ  ئۈرۈك كۆپ شۇنچە، قورساقتوق،كيىم پۈتۈن،پارتىيىمىز باش بىز گە. ياندا  يانفۇن سۆزلۈشىمىز دوستلار ئارا شاڭخەيدە، بارمىساقمۇ ،كۈرىشىمىز،بارغاندەكلا چەتئەلگە. .......... يىرىغىمىز  يېقىن بولدى،ئاپتۇبۇسلار بېكەتتە، ئوقۇشىمىز ھەقسىز بولدى،تاماقلىرىمىز شىرەدە، چەتئەللەردە ئوقۇساقمۇ،تۇرمۇشىمىز جەننەتتە، بەھرىمەن  بولدۇق مانا،ھەرخىل تۇرمۇش ياردەمگە. .......... شەھىرىمىز بەك گۈزەل،كۈرۈپ كىتىڭ مىھمانلار، ئۈچ  چوڭ دەريا ۋادىسىدا،ئويناپ كىتىڭ قۇلۋاقتا. كۈرۈۋالىسىز،كەلسىڭىز،يەنەگۈزەل جايلار بار، كىتەي  دەپ، كىچەلمەيسىز،يىتەلەيسىز ئارمانغا. 2014 ـ يىل 8 ـئاينىڭ 8 ـ كۈنى

korlaayxamsadir

	ئەمدى مۇقۇملاشتۇردۇم

1miskal

	قۇتلۇق دەيمىز ئۇيغۇر تىلىدا . قۇدلۇق ئەمەس سىز ئوقۇتقۇچى تۇرۇپ ئانا تىلغا ھۆرمەت قىلمىسىڭىز ئوقۇغۇچىلىرىڭىز قانداق يىتشىپ چىقار ؟ خەت شەكلىنى بەك چوڭ قىلۋاپسىز .   شىئىردىكى ئاساسى خاتالىق قاپىيە پەقەتلا ماس كەلمىگەن . شىئىر زورمۇ زور قۇراشتۇرۇپ يىزىلغان . شىئىرى پۇراقتىن ئىغىز ئىچىش تەس .

alhumar137

	گۇزەلجايلار كۆپ ھەقىقەتەن

1miskal

	شائىر بولماق ئاسان ئەمەس .  ئابدۇرىھىم ئۆتكۈر    ئادىل تۇنيازنىڭ شىئىرلىرىنى كۆپرەك ئوقۇپ بىرىڭ . قاپىيە  تۇراق  بۇغۇم  ماس كەلگەندە ئاندىن شىرى تىل بارلىققا كىلىدۇ . كىينىكى قىتىمقى شىئىرىڭىزنىڭ ياخشى چىقىشىغا تىلەكداشمەن

1miskal

	تىمىنى ماس سەھىپىگە يۇتكەڭ . بۇ شىئىر تۇرسا ساغلاملىق ۋە رىتسىپلارغا يۇللاپسىز غۇ

1miskal

	ئادىل تۇنياز ھازىرقى زامان ئۇيغۇر شېئىرىيىتىدە ئۆزىگە خاس ئۇسلۇپ ياراتقان شائىر .ئۇنىڭ شېئىرلىرىنى ئوقۇغىنىڭىزدا ئىنسانىيەت مەۋجۇتلىقىنىڭ مەركىزى ئاسىيادىكى قەدىمى ئاۋازىنى ئاڭلىيالايسىز. قۇم بىلەن ئادەملەر ، بوستانلىق بىلەن شەھەرلەر  ئارىسىدىكى رېتىملىق سادانى تىڭشىيالايسىز . شۇنداقلا ئۇنىڭ  مىسرالىرىدىن بىر قەدىمقى مەدىنىيەت ئۇپۇقىدا كۆتىرىلگەن ھايات ۋە ماماتنىڭ يېڭى شولىلىرىنى كۆرەلەيسىز.   ئىنسان   تۇمان ئارا كەلدىم دۇنياغا،   تەغدىرىممۇ ئوخشار تۇمانغا.   قار قاپلىغان دەرىزىلەردەك،   سوغۇق نەزەر تاشلاپ جاھانغا.   توپا باسقان روھىمدا ئۆمىد،   ئىللىققىنا تۇرىدۇ كۈلۈپ.   كىم بىلىدۇ يوقتۇر ھېچ كىشى،   تۇرغاندىمەن بىھۇدە كۈتۈپ.   ئۇنتۇش ئازاپ ئۇنتالماسلىق ھەم   بىر ئازاپقا بولدۇم مۇيەسسەر.   كۈزدەك گۈزەل، غېرىپ قەلبىمدە،   ياشاپ كەلدىم يەنىلا قەيسەر.   ئۇنتالمايمەن   ئۇنتۇش ئۈچۈن يازغان شېئىرنىڭ   ئەسلىمىدۇر تۇنجى مىسراسى.   بەخىتلىكمەن دىگىنىم يالغان   كۈلكەمدە بار ياشنىڭ ئىزناسى.   ئۇنتالمايمەن   غەمكىن كۈلۈپ ياتقان غازاڭنىڭ   كۈللىكىدە تۇرغان باھارنى.   ئۇتالمايمەن ھامان بىر كۈنى   مەن ئۈچۈنلا ياغقان ئاق قاردا   سېنىڭ كۈلۈپ كېلىشلىرىڭنى.   ئوماق قىزچاق سەن بارمۇ يوقمۇ   كىملىكىڭنى بىلمەيمەن تېخى.   يالغۇزمۇسەن ناتونۇش ئەركەم؟   ئارلىشامدىم چۈشۈڭگە بەزەن.   غېرىپسىنساڭ يامغۇرلۇق كەچتە   خىيالىمنى قىلغىن سايىۋەن.   ئۆلۈپ كەتسەم يالغۇزچىلىقتا   قەبرە ياسا قەلبىڭگە جەزمەن!   يالغۇزمۇ سەن ناتونۇش ئەركەم؟   قۇياش پارلاپ تۇرغان دۇنيادا   ھېچكىم يالغۇز قالمايدۇ جەزمەن.   1990-يىل10-ئاي   يامغۇرلۇق كېچە   يامغۇرلۇق تۈن كەتسە يىراقلاپ،   كىرپىكلەر شام ئاقار تاراملاپ.   يەم بولىمەن كۆزلەرگە تەكرار   بىرلىرىگە ھولۇقۇپ قاراپ   بىرلىرىنى قىلىپ ئىختىيار.   بەلكىم   مەڭگۈ يېپىق ئىشىك تۈۋىدە   كۈتكەندىمەن بەختىمنى شۇنچە.   شېئىر يېزىش ئۈچۈن مەن لېكىن   تەقەززارمەن قايغۇ-ھەسىرەتكە.   مەندە يۈرەك بولغاندىن باشلاپ،   ئۆزۈمگە ئۆزۈم   تەۋە بولۇپ باقمىدىم بىر كۈن.   ياشىمىدىم سېنى دەپمۇ ھەم   ياشىمايمەن ھېچ كىشى ئۈچۈن.   ئىگەللىگەن باشقىلار ئەمما   ئوڭۇم ئەمەس چۈشۈمنى ھەتتا.   ئۆتمۈش   ئۆز لېۋىنى يامغۇرلۇق كەچتە   لېۋىم تامان كېلىدۇ سوزۇپ.   كەشتىلەيمەن خىياللىرىمغا   نۇر تۆكۈلۈپ تۇرغان بىر لەۋنى   (سىم-سىم يامغۇر كەتكەندە توزۇپ)   تاتىرىمەن نۇر بولۇپ ئاپئاق   قايتقانغا نۇر سونۇق ئەينەكتىن.   سۆيەلمەيمەن ئۆزۈمنى شۇڭا   سۆيەلمەيمەن سېنى بۆلەكتىن.   خىياللىرىم بولغىچە بوۋاي   سۆيەلمەيمەن سېنى بۆلەكتىن...   يامغۇرلۇق تۈن كەلسە يېقىنلاپ   كىرپىكىم شام ئاقار تاراملاپ.   يەم بولىمەن كۆزلەرگە تەكرار   كېچە مېنى كېتىدۇ يالماپ.   1990-يىل10-ئاي   غېرىپلىق   غازاڭلار تۆكىلەمدۇ   تۆكۈلگەنمىدۇ؟   دەرەخلەر مېنىڭدەك يالغۇز قالامدۇ؟   ھاياتنىڭ مەن سالغان چىغىر يولىدا   مەن ئۆزۈم ماڭمىسام ئادەم ماڭامدۇ؟   ئۆمۈچۈك تورىدەك غېرىپسىنىشنى   قاراڭغۇ ئۆيلەردەك يالغۇز قېلىشنى   ئۈمىدسىز شېئىردەك يىغلامسىراشنى   ئۆگەنگۈم يوق ئىدى،يوق ئىدى زادى.   يەپ كېتەرمۇ تاملار توساتتىن   تاۋۇتقا ئايلىنىپ قالارمۇ كارۋات؟   جان كىرىپ قالارمۇ بۇ رەسىملەرگە   ھەممىسى دۈشمىنىم كۆزىتەر پات-پات.   سېغىندىم دوست تۈگۈل دۈشمىنىمنىمۇ   خوش بولۇپ كىتەتتىم كىم بولسا شۇ تاپ.   كۆرگۈم بار   كۆزلەرنى،يۈزلەرنى،ئىسسىق قوللارنى   يالغۇزلۇق ئەزدى بۇ يۈرەكنى ئۇزاق.   كۆرۈنۈپ تۇرىدۇ دېرىزەمدىن ئېھ   جۇل-جۇل تۇمانغا يۆگەنگەن گۇگۇم   سەدىقە بەرمىدى ھېچكىم ئۇنىڭغا...   1990-يىل11-ئاي   بېلىق بازىرى    توڭلىتىلغان بوز بېلىق.   تىرىك بېلىق.   قاسراقلىق چاقنىغان بېلىق.   سىمىز بېلىق،   قىز بېلىق،   پىلتىڭلاپ،چايقىلىپ،ناز قىلىپ،   بازارغا سالار ئىز بېلىق.   ھەي ئادەملەر بىز بېلىق،   ئاھ! خۇدا بىز قانداق سۇدا؟   شەھەرنىڭ  سىرى   بېرىلمىدى  بىزگە  ئىزاھات  ،   سېلىنماقتا  رەت  -رەت   ئىمارەت  .   ئىگىزلىگەن  تەنھالىقىمىز  .   ۋاقىت  بىر  چوڭ  شەيتان  ئەينىكى  ،   قېرى  مۈشۈك  تىكىپ  كۆزىنى   كۆرەلمەيدۇ   ئۇندا   ئۆزىنى  .   خالتا  كوچا  ئادەم  سىامانيول  ،   بۇ  شەھەردە  كېسىشكەن  بىر  نۇر  .   چېقىلماقتا   كونا  بىنالار    ئۆز  تىلىدا  سۆزلەيدۇ  ئۇيغۇر  .   چاقناپ   ئۆچەر  تۇزان  ئىچىدە    لۆم  تۈمۈرلەر  ، سەرسان  يىگىتلەر     تام  ئادەمنى  قوغلايدۇ  دەيدۇ  ،   لېكىن  قارام  تام  چاققۇچىلار    قاراملىقى  قۇترىغان  بۇقا  .   بالياتقۇ  ئۆي ئۇلار  ئۈچۈن  ،   تىكىشىدۇ  جېنىنى  دوغا  .   بىز  گويا  ئوت  سۇ  ئىچىدىكى ،   بىز  غايىپقا  سېلىنغان  بىنا  .   ئۆرۈلدى  بىر  بىنا  نەم  ، قىزىل   يىگىتلەر  تام  چېقىۋاتقاندا ...........   يات  بىر  تىلدا   سۆزلەيدۇ  تۇرمۇش   ئۆزگەرمەكتە  شەھەرلەر  پۇزۇر  .   يېڭى  بىنا  پۈتەر  ناتۇنۇش  ،   كونا  تامنى  چاققىچى  ئۇيغۇر  .   ئەي  يىگىتلەر  قاراپ  بېقىڭلار  !   شەيتان  ئەينەك   ئەمەسمۇ  شەھەر  ؟   كۆرۈنمەيدۇ  قارىساق  ئەگەر  !  ........   ئاپتۇرنىڭ  <   چۈمبەلدىكى  كۆز  >  ناملىق   توپلىمىدىن   .   كوچا سۈپۈرگۈچى   بىر ئايال ۋە قۇيرۇقلۇق يۇلتۇز،   بىر سۈپۈرگە ۋە سامان يولى.   1991-يىل 5-ئاي   چۈمبەلدىكى كۆز   ھىندى ئۇستام كىيىم پىچتى،   قارا رەخىتتىن   ئابايى تىكتى   ياغاچقا،   مەرمەرگە،   يالقۇنغا.   كۆز بەردى بىرجۇپ   خۇدا ئۇنىڭغا.   بىر جۇپ كۆز رەخىتتە   سۆزلەيدۇ ئەرەپچە _   قۇرئاننىڭ تىلى.   گاسمۇ ئاڭلايدۇ   گاچىمۇ ئاڭقايدۇ.   ئۇستۇمدىكى كۆك كۆزلۇك ئاسمان،   سىرلارغا ئۈن - تىنسىز بولىمەن رام.   ئەرەب كالىندارى   تاڭ ئاتتى،   شەھرىزاد ھىكايىسىنى توختاتتى.   ئەزان ئاۋازى چايقاپ شەھەرنى،   دېڭىزدا مۇنچاقتەك يۇلتۇز ئوينايتتى.   قاغجىرىغان يەرلەر تېنەمدىن   ئېتىلىپ چىقار ئىسسىق ماي.   پىكابىنى توختاتتى ئەرەب،   يۈگۇرۇپ ئۆتكەندە كوچىدىن ئاي.   قۇرئان بىلەن شەيتان ئارىسىدا   بايلىق بىلەن ئايال ئارىسىدا   قەد كۆتەرگەن جەننەتتەك شەھەر   شەھرىزادنىڭ ھىكايىسى داۋاملاشماقتا   دېرىزىلەردە ئۇيقۇلۇق سەھەر.   ئەرەب كالىندارى   سىرلىق ، ئاستا.   ئۇيغۇر   بۇبىر يېشىل قەۋىمنىڭ ئسمى،   سۇبىلەن قۇم                 ئارىسىدىكى.   كىلىپ قالار ئۆمىلەپ قۇملۇق   بۇسۇغىسىغا مەلىنىڭ بەزەن.   ئاق تېرەكلەر ئىگىز ۋەروھلۇق   مەسچىتلەردىن ياڭرايدۇ ئەزەن.   ئسمىمىزنى چاقىردى بىرسى،   بېشىمىزنى كۆتەرسەك   ھىچكىم يوق   ئاسماندىن بۆلەك.   قۇياش ئۈزۈپ ئاسماندا،   ئالتۇن قاسىراق تۆكمەكتە،   ۋالىلدىغان بىرسۆز ئالقاندا.   ئاستا -ئاستا چۆكمەكتە   ئسمى ئەمەس،                 بىرتال چېچكى.   بىز ھەممىمىز نىمجان بېلىقتەك   كۈرۈنگەندە ۋاقىتنىڭ تىگى.   سۇنغان ئەينىكىدە ۋاقىتنىڭ   بىر ئادەم ۋەسان ساناقسىز يۈز،   بىز تۇغۇلۇپ تەكرا ئۈلۈمىز.   قۇتراپ تۇرغان ياۋايى كۈچنى   ساقلاپ بىركۈن ئەينەك شىشىدە   ئاندىن ئۇنى ئاچتىم كېچىدە،   ماناشۇنداق تۇغۇلدى شېئر.   مەنە سەپىرى   ئاپئاق تام،   تامدىكى يولدا   ھاشا چۈمۈلىسى سارغۇچ مېڭىپ   ئېگىز چۇشتىن كېيىنىگە   كەلمەكتە كىرىپ.   توختىدى بېرىپ،   توختاش نوقتىسى   مەنىسىزلىك   ناماز بامداتتا ئەزان   بۇ چاغدا   چۈشسىز سەھەر،   دېڭىزنىڭ ئەينىكىدە   كۆكۇش يالقۇنلار،   بېلىقلارنىڭ ئاغزىدا سەھەر.   چىقتىم سەدەپتەك   مەسچىت يوپيورۇق،   تىلىم ئۇپۇق.   قۇش ئانا   چۈشلىرىڭدە كۆرەمسەن مېنى،   يۇلتۇز كەبى يىراق شەھەردە.   جېنىم ئانا قانىتىڭ قېنى،   توزۇپ كەتتى پەيلىرىڭ نەگە؟   قارلىغاچلار كېلىپ باھاردا،   پېشايۋانغا ياسىسا ئۇۋا.   مېنى ئەسكە ئالدىڭمۇ ئانا؟   نېمە دېدىڭ بېكەتكە چىقىپ   ئۇزۇن يوللۇق ئاپتوبۇسلارغا.   ئاۋازىمنى ساقلاپ كەلدىڭمۇ،   قۇلىقىڭدا ياساپ قەبرىگاھ.   چانىقىڭدا ياش يۇقى دۇنيا،   ئۆگەتمەكچى بولغان ئەمەسمۇ؟   كۈلۈپ تۇرۇپ ياشاشنى ماڭا.   بولۇپ قالدىم سىم-سىم يامغۇردەك   توزۇماقتا پەيلىرىم ئانا...   بېشىڭدىكى كىرلەشكەن ياغلىق،   پۇتۇڭدىكى ئۇپرىغان ئۆتۈك   چۈشلىرىمگە تىزىلار پات-پات.   نۇردىن كىيىم كىيگۈزمەك بولار،   ۋە ئالتۇن كەش ياسايدۇ تالاي،   ئېھ،مەندىكى نامرات ھېسسىيات!   ئوقۇغۇچى گادايچىلىقتا   سېنى تېخى قىلالمىدىم شاد.   ئانىسى سەن ۋاقىتنىڭ،   چۈشنىڭ،گۈلنىڭ،نۇرنىڭ،ئۇيغۇرنىڭ.   ئانىسى سەن   كۆز يېشىدەك سۈزۈك دۇنيانىڭ   بېلىقلارنىڭ،دەل-دەرەخلەرنىڭ   توڭۇپ كەتتىم قۇش ئانا   ئىللىتىپ قوي قاناتلىرىڭدا!   1991-يىل11-ئاي   سۆيۈپ قالسام سېنى ناۋادا   قۇياش ماڭا كۆتۈرەرمۇ تىغ   سۆيۈپ قالسام سېنى ناۋادا   سەن ھەققىدە بېرەرمۇ سۆزلەپ   پورەكلىگەن گۈللەر باھاردا.   سۇ ئۇسقىلى چىقساڭ بۇلاققا   يۈتۇۋالماق بولارمۇ بېلىق.   كۆرۈپ قالسا سېنى ئاھۇلار   جان بېرەرمۇ تارتمايلا تىنىق.   زىناقلىرىڭ ئېچىلسا گۈل -گۈل   كۆمۈلەرمۇ گۈللەرگە ئالەم   چاچلىرىڭنى يايساڭ دېڭىزدەك   تاڭ ئاتارمۇ بۇندا ، ئاھ لالەم .   چۈشلىرىمگە سىغماي كۆزلىرىڭ   چۆكتۈرەرمۇ  تاشقىنلاپ مېنى.   كۆرۈپ قالسا يەپ كېتەرمۇ ئاي   كۆزلىرىڭنىڭ چوقۇپ ئېقىنى.   كۈيلەشمەكتە تىنىق يۇلتۇزلار   ئاي بىلەن كۈن سۆيۈشكەن چېغى.   بارمىغىڭنى ئويناپ ئولتۇرۇپ   مۇڭداشمىدىم قانغۇدەك تېخى.   قاقشال كاككۇك گۈلى تۈۋىدە   ھەر باھاردا ساقلىدىم سېنى.   يۈرىكىڭگە ياتسام باش قويۇپ   چۈشلىرىمدىن ھەيدەمسەن مېنى ؟   قوياش ماڭا كۆتۈرەرمۇ تىغ   سۆيۈپ قالسام سېنى ناۋادا.   سورىماسمەن ئېسمىڭنى چوقۇم   ئاسمان - زېمىن بېرىدۇ سادا .   1989.6.ئۈرۈمچى   كېسەلخانا   كەلتۈرىدۇ ئاغرىپ قالغىڭنى   ھەممە يەرنى قەپلىغان   ياش ئۆلۈكنى تىرىلدۈرگۈچى   دوختۇرخانا توغۇرلۇق ئېلان.   كۈن چىقىشتىن كۈن پېتىشقىچە   ھەممە ئادەم كېسەلدۇر كېسەل.   چىۋىن پوقى،نۇر ۋە نەي لامپا   بەكمۇ يېقىن قالغان كارۋاتقا   ئاستا،ئېغىر جىمجىتلىق ئارا.   قات-قات كېسەل   گويا قات-قات كىيىم ئىچىدە   قىپيالىڭاچ تۇرغان ئايالدەك.   دوختۇرلاردىن تۇغقىنىڭ بولسا   ئاغرىپ  ياتساڭ ھەپتە ھەپتىلەپ.   چۈشلىرىڭدە ئۆلىسەن تەكرار   ئەتىگەندىن تا كەچ كىرگۈچە.   كىرىپ چىقار يېنىڭغا پات-پات   ئاق كەپتەردەك بىر توپ پەرىشتە.   ئۇيغۇر تىلىدا                       كارۋات لەقەملىك   ئۇ ئىسسىق تاۋۇت.   قىستاپ كىرىپ يېنىڭغا ۋاقىت   ئۇزۇن-ئۇزۇن ياتار سۆزۇلۇپ،   ياتار ھالسىز گەجدەك ئاقىرىپ.   قاناتلىرى ساقىيىشنىڭ   چاقنىماقتا روجەكتىن   دادام ياتقان كېسەلخانىدا.

musilina

	توردىشىمىز مىسقال ياخشى تەكلىپلەرنى بېرىپتۇ. 1.شېئىردا ئىملا خاتالىقى كۆپ.ماۋزۇدىكى ‹‹قۇدلۇق››دېگەن سۆز ‹‹قۇتلۇق››دەپ يېزىلىدۇ. 2.شېئردا قاپىيە زورلاپ قۇراشتۇرۇلغان. 3.شېئىر خۇددى جۈملە تىزمىسىىغا ئوخشاپ قالغان. 4. 5. ....................... ئىشقىلىپ شېئىرىي ئۆلچەمگە پەقەتلا يېقىن كەلمىگەن...... گېپىم جىقتى،ھەممىسىنى دەپ بولغۇچە ھېرىپ قالغۇدەكمەن....

barstekin

	ئەڭ مۇھىمى ئاپتۇرغا تەربىيە بولغۇدەك پىكىرلەر بولسا بېرەيلى، چۈنكى مۇنبەرداش دىمەك، بىرقىيىققا تەڭ چىقتۇق دىگەنلىكتۇر. بىرقىيىققا چىققان ئىكەنمىز بىرقېرىنداشنىڭ قاراپ تۇرۇپ سۇغا چۈشۈپ كېتىشىگە چىدىمايدىغاندىمىز ھەرقايسىمىز؟.

ap~qilam

	بىر مىسقالغا ئەگەشتىم