ئەنسىز كىچە

可爱的我

	بۇ كىچە تولىمۇ ئەنسىزلىك ئىچىدە ئۆتتى . بۇ كىچە چىرايىم تولىمۇ سۇلغۇن . ئىچ ئىچىمدىن يىغا قايناپ كۆز يىشىم دەريا كەبى ئاققان بۇ كىچىدە ، ماڭسام خىيالىمدا سەن .كۆز ئالدىمدىن مەڭگۈ كەتمەيسەن . سىمايىڭ مەڭگۈ قەلبىمدە : ئۈن -تىنسىز يىغلىسام يەنىلا سىنى ئەسلەيمەن . خۇددى سىنى ھازىرلا كىلىپ ماڭا، تەسەللى بەرسىكەن . ماڭا خۇشاللىق ئاتا قىلسىكەن دەپ ئويلايمەن . ئەمما بۇنداق ئويلىشىمنىڭ نەقەدەر ئەخمىقانىلىق ئىكەنلىكىنى ھىس قىلالمايمەن .        بەزىدە ئەخمىقانە خىياللارنى قىلىشمۇ ئادەمگە خۇشاللىق ئىلىپ كىلىدىكەن: ئەمما مەن بۇ ئەنسىز كىچىدە ، ئۆزۈمنى شۇنچىلىك بەخىتسىز ، شۇنچىلىك نادان دەپ ئويلۇدۇم .  بۇ كىچە ماڭا نىسبەتەن قايغۇ ھەسرەتكە تولغان ، كۈلكە ساداسى مەڭگۈ يوشۇرۇنغاندەك مەلۇم بولدى .      بۇ كىچە سىنى شۇنچە ئىزلىدىم ، شۇنچە توۋلۇدۇم ئەمما سەندىن ھىچبىر سادا كەلمىدى . ھەتتا ئۆزۈڭنى كۆرەلمىسەممۇ ئاۋازىڭنى بولسىمۇ ئاڭلاشقا ئىنتىزار بولدۇم .  بىراق يەنىلا سەن يوق . سىنى ھاياتىم بەدىلىگە سۆيدۈم ، پۈتۈن ۋۇجۇدۇم جان دىلىم بىلەن سۆيدۈم .  سەن بۇنى بىلمىدىڭ ، بۇلدۇقلاپ ئىقىۋاتقان كۆز ياشلىرىمغا پەرۋامۇ قىلمىدىڭ ............................. پۈتكۈل ھاياتىمنى ،مىھىر-مۇھەببىتىمنى ساڭا بىغىشلىدىم . يەنىلا پەرۋا قىلمىدىڭ .   ئەنە ! ئاشۇ گۈزەل مىنۇتلارنى ئەسلەشكە ئۇرۇندۇم .ينىمدا يەنىلا سەن يوق . بۇ ئەنسىز كىچە مەن ئۇچۇن ئۆلۈمدىنمۇ قورقۇنۇچلۇق ھەتتا ئۆلۈمدىنمۇ ئازابلىق بولدى . گۈزەل ئارزۇلۇرۇم بەربات بولدى . خىيالىم پەقەت سەندىلا . سىنىڭ كىلىشىڭنى كۈتمەي نە ئامال مەندە . ئەمما سەن پۈتكۈل ئارزۇ- ئارمانلىرىمنى ، گۈزەل ھىس تۇيغۇلىرىمنى بەربات قىلدىڭ . ساڭا بولغان كۆز يىشىم ئىقىپ قۇرۇدى ، ساڭا بولغان مىھىر-مۇھەببىتىم سۇسلاشتى . سىنى كۈتۈپ بولالمىدىم . سىنى ساقلاپ جىنىم قىينالدى . غەمسىز كۈنلىرىم قايغۇ-ئەلەم ، يىغا زارغا ئايلاندى . خۇشاللىقىمدىن ئەسەرمۇ قالمىدى . كۆزۈم ياش ، يۈرۈكۈم لەختە-لەختە قان ، پۈتكۈل ھاياتىم سىنى سۆيۈش، سىنى ساقلاش بىلەن ئاخىرلاشتى . ئەپسۇس ،نەقەدەر ئەپسۇس سىنى سۆيۈپ خاتا قىلدىم . دەريا كەبى ئاققان كۆز يىشىم ، قايغۇ - ئەلىمىم سىنىڭ خاتالىقىڭ .ماڭا بولغان سۆيگۈڭدىن گۇمانلاندىم . مەن سىنى سۆيگەندەك مىنى سۆيمىدىڭ . سۆيگۈمنى خار قىلدىڭ .  مەندە ئۇرغۇپ تۇرغان ھىسيات پەقەت ساڭىلا بولغان ھىسياتىم ئىدى . كۆڭلۈمگە باشقىنى سىغدۇرالماس ئىدىم . خىيالىم پەقەت كىچە كۈندۈز سىنى ئويلاش ، سىنى ئەسلەش ئىدى . ھاياتىم ، قان تەر -بەدىلىمىگە كەلگەن بۇ سۆيگۈمنى خارلىدىڭ . سۆيۈش-سۆيۈلۈش ، مۇھەببەت-نەپرەت ھەممىسى ئىنىق بولدى . بۇلار سەن ئۈچۈن بەرىبىر ، ئەمما مەن ئۈچۈن تۈگىمەس ئازاب-ئوقۇبەت بولدى . يۈرىكىمدە تۈگىمەس داغ ئىزى قالدۇردۇڭ . ساڭا بولغان نەپرىتىم ئاشتى . ئىھ ،يايرىم ماڭا قىلغانلىرىڭ ئۆزۈڭگە يانمىسۇن ، ۋىجدانلىق ئەركەك بول ، سالاپەتلىك ، مىھرىبان ، كۆيۈمچان ئەر بول . گۈزەل دۇنيا ساڭا قاراپ كۈلسۇن . ساڭا قۇچاق ئاچسۇن ، خەيىر ئامان بول .                                                     مەنبە ئۆز قەلىمىم .   可爱的我

nawa02

	لىرىكىڭىز ياخشى چىقىپتۇ،يەنىمۇ تىرشىڭ

nawa02

	لىرىكىڭىز ياخشى چىقىپتۇ،يەنىمۇ تىرشىڭ

nawa02

	لىرىكىڭىز ياخشى چىقىپتۇ،يەنىمۇ تىرشىڭ

nawa02

	لىرىكىڭىز ياخشى چىقىپتۇ،يەنىمۇ تىرشىڭ

nawa02

	لىرىكىڭىز ياخشى چىقىپتۇ،يەنىمۇ تىرشىڭ

可爱的我

	nawa02 يوللىغان ۋاقتى  2014-11-7 12:34 PM لىرىكىڭىز ياخشى چىقىپتۇ،يەنىمۇ تىرشىڭ تەكرار يوللانغان ئىنكاس

Abdul

	رومانتىككەنسىز !

مېھرىما

	يامان ئەمەس چىقىپتۇ.يەنىمۇ تىرىشىشىڭىزنى ئۈمۈت قىلىمەن،غەيرەت   قىلىڭ!!!!!!!!!!!!!!!