تۇز: يامانلىق قىلىپ ياخشىلىق كۈتمە

.tuz.

	ئەسسىلامۇ ئەلەيكۇم لوقمان ھەكىم بىر بايغا خىزمەت قىلىۋاتقان كۈنلەرنىڭ بىرىدە باي ئۇنىڭغا يەرگە بۇغداي تىرىشنى بۇيرۇپتۇ . لوقمان ھەكىم باينىڭ ئىنتايىن ئوسال ئادەم ئىكەنلىكىنى بىلگەچكە باينى مات قىلىش ئۈچۈن يەرگە ئارپا تېرىپتۇ. بۇنى بىلگەن باي : __ مەن ساڭا بۇغداي تېرى دىسەم ، نېمىشقا ئارپا تېرىدىڭ !؟ ___ دەپتۇ غەزەپ بىلەن . ____ ئارپا تېرىسام بۇغداي ئۈنمەمدۇ ؟ _____ دەپتۇ لۇقمان ھەكىم ئەدەپ بىلەن . ____ ئەقلىڭ جايىدىمۇ ؟ ئارپىدىن ھېچقاچان بۇغداي ئۈنمەيدۇ ! __ ئۇنداق بولسا ____ دەپ جاۋاپ بېرىپتۇ لوقمان ھەكىم بايغا _____ نېمىشقا دائىم خەلىققە زۈلۈم قىلىسىز ، نېمە ئۈچۈن بوزەك قىلىسىز ، يامانلىق قىلىپ تۇرۇپ ، ئۇلاردىن ياخشىلىق ئۈمىد قىلىسىز ؟! ياخشىلىققا ياخشىلىق ، يامانلىققا يامانلىق يانىدۇ . ئاپىدىن بۇغداي ئۈنمىگەندەك ، خەلىققە ئازار بەرسىڭىز ، يامانلىق قىلسىڭىز ئۇلاردىن ياخشىلىق ئۈمىد قىلماڭ .                   پەرىق ___ ئالىم -دانىشمەن بىلىملىك كىشىلەر ، ئاددى كىشىلەردىن نېمىسى بىلەن پەرقلىنىدۇ ؟ _____ دەپ سورىدى بىرەيلەن ئەپلاتوندىن . ئەپلاتون شۇنداق جاۋاب بەردى : ____ ئالىم - دانىشمەن ، بىلىملىك ھەم ئىلىملىك كىشىلەر ئوچۈق يۈزلىك ، يۇمشاق سىلىق سۆزلۈك ، كەڭ -قورساق  ئەپۇچان بولىدۇ .يامانلاردىن ، نادانلاردىن ئۆزى ھەققىدە بولمىغۇر سۆزلەرنى ئاڭلىسىمۇ خاپۇ بولۇپ كەتمەيدۇ . ماختاش - ئالقىشلىرىغا ئۈچۈپ ، مەغرۇرلىنىپ كەتمەستىن ، كەمتەر بولىدۇ . __ پەيلاسوپ ئالىم كىشىسەن ، قېنى ئېيتقىن ، نەچچە يىللار جاپا - مۇشەققەت چىكىپ ئوقۇدۇڭ ، بىلىم ئالدىڭ ، ئالىم بولدۇڭ ، نېمە نەتىجىگە ئېرىشتىڭ ؟ ______كەمىنە پېقىر ئالىم بولۇپ  پەقەت بىر نەرسىنى چۈشەندىمكى  ، ___ مەن ھېچ نەرسىنى بىلمەيدىكەنمەن . مەن شۇنى تونۇپ يەتتىم ، __ دەپتۇ . مەنبە : ئۈگىنىپ دانا بولۇر مۇنبەرگە يوللىغۇچى : تۇز 2014- يىلى 11- ئاينىڭ 6- كۈنى ئەزىزانە شەھرى قەشقەر

saliha24

	رەھمەت سزگە ،يوللىغان تىمىللىرىڭىز بىر - بىرىدىن ئىسىلكەن ئاللا رازى بۇلسۇن. ھەر قاچان كىشىلەرگە مۇئامىلە قىلساڭ ،ئۇلارنىڭ ساڭاقانداق مۇئامىلە قىلىشنى خالىغان بۇلساڭ،ئۇلارغا ھەم شۇنداق مۇئامىلە قىلغىن. چۇنكى بۇ ھەقتە رەسۇلىمىز مۇھەممەت سەللەللاھۇ ئەلەيھى ۋەسسەللەم مۇنداق دىگەن ئىكەن «سىلەرنىڭ بىرىڭلارئۆزى ئۈچۈن ياخشى كۆرگەن نەرسىنى باشقىلار ئۈچۈنمۇ ياخشى كۆرمىگىچىلىك ئۇ كىشىنىڭ ئىمانى مۇكەممەل بۇلمايدۇ».

alzaman

	ۋەئەلەيكۇم ئەسسالام تۇز ئەپەندى: سىلى ئۆزگىچە خاسلىق بىلەن مىسرانىم مۇنبىرىنى بىيىتىپ كىلىۋاتلا سىلىگە رەھمەت.

musilina

	‹‹باشقىلارغا قولۇڭدىن كېلىشىچە ياخشىلىق قىل،ياخشىىلىق قىلىش قولۇڭدىن كەلمىسە،يامانلىق ئەيلىمە››قايەردە ئوقۇغۇنۇم ئېسىمدە يوق بۇ سۆزلەرنى،بىراق ئېسىمدە بەك چىڭ ساقلىۋالغانمەن... ئەھمىيەتلىك يازمىلارنى يوللاۋاتىسىز.....

alhumar137

	يامانلىق قىسا ھايۋانمۇ بۇلىدۇ

yaprak2012

	باشقىلاردىن قانداق مۇئامىلىگە ئىرىشمەكچى بولساڭ ،سەنمۇ باشقىلارغا شۇنداق مۇئامىلە قىل...

xajarim

	alhumar137 يوللىغان ۋاقتى  2014-11-6 12:47 PM يامانلىق قىسا ھايۋانمۇ بۇلىدۇ ياخشىلىق قىلسا ھايۋانمۇ بىلىدۇ

alhumar137

	راست جانسىز نەرسىلەمۇ بۇلدۇ

mehriya

	پۈتۈن زېھنىڭنى يامان ئىشلاردىن يىراق تۇتۇپ ، ياخشى ئىشلارغا سەرىپ قىلساڭ ، بۇ دۇنيادا ياشىغىنىڭدىن پۇشمىنىڭ يوق كېتىسەن  دېگەن گەپ -سۆزلەرنىڭ ناھايىتى توغرا ئىكەنلىكىگە مانا ئۆمرۈمنىڭ يېرىمىنى ياشىماي تۇرۇپ تۇنۇپ يەتتىم . مەزمۇنلۇق تېمىلار ئۈزۈلۈپ قالمىغاي ، رەھمەت سىزگە .

tunlirim

	saliha24 يوللىغان ۋاقتى  2014-11-6 08:13 AM رەھمەت سزگە ،يوللىغان تىمىللىرىڭىز بىر - بىرىدىن ئىسىل ... باشقىلار ئۈچۈنمۇ ياخشى كۆرمىگىچىلىك ئۇ كىشىنىڭ ئىمانى مۇكەممەل بۇلمايدۇ». خاتالىق بار دىققەت قىلىڭ