ئىبنۇرى-شەنىڭگە تۈمەنمىڭ گۈل دەستە تۇتاي

YuqunAdam

	شەنىڭگە تۈمەنمىڭ گۈل دەستە تۇتاي                       (ئوت يۈرەك شائىر لوتۇپۇللا مۇتەللىپ تەۋەللۇتىنىڭ 90 يىللىقىغا ئاتاپ)                                                ئىمام ئىسمائىل ئىبنۇرى                                             پۈتىمەن شەنىڭگە ئالقىشتىن داستان،                                             جۈر بولۇپ كۈلمەكتە زەڭگەر كۆك ئاسمان.                                             بارچە جان تەسسەددۇق ئۆچمەس ئىزىڭغا،                                             ئوغلانسەن مۈشكۈلدە ھەق زەپەر قۇچقان.                                            جەم بولسا كىشلىرىم ئارام كۈنلەردە،                                            تىلىدىن سەن ئۈچۈن باللار تامىدۇ.                                            ۋادىرىخ! ئەل كۆزى ئەرلەرگە ئەللىك...                                            شەنىڭگە چىن دىلدىن گۈللەر تۇتىدۇ.                                            يازدىڭسەن سايرامدەك ئۆرلەپ توختىماي،                                            زايا بوپ كەتمىدى ئوقلۇرۇڭ بىر پاي؟!                                            ئېتىپ ئۆل، نامەرتتەك يېتىپ ئۆلگىچە،                                            ئەجرىڭگە قەلىپتىن نۇرلار چاقنىغاي.                                            ئاققۇزدۇڭ ساپ قان-تەر ئەلنىڭ شەنىگە،                                            ھەر بېتى ئۆمۈرىڭنىڭ شاھىد ۋەتەنگە.                                            تىل-تۇمار ئاسقۇم بار، ئالتۇن بويۇڭغا،                                            تەڭرى ئوڭ كۆزىدە باققان ئەرەنگە ...                                            ئىجادنىڭ بېغىدا چاپتىڭ سەن ھارماي،                                            ياز-ئاياز ئەجرى قىپ كۈن-تۈن ئۇخلىماي.                                            تاڭلاردىن-تاڭلارغا ئاقتىڭ نۇر كەبى،                                         ئېلىڭگە قۇياشتەك بېقىپ خۇش چىراي.                                            چىن شائىر بولغاچقا خانتەڭرى مىسال،                                            جۇد-بوران قەھرىڭدىن بولدىغۇ ئوسال.                                            گۈلدەستە سۇنىمىز قۇتلۇق كۈنۈڭدە،                                            ئەلنىڭ چىن ئاشىقى تاپتى دەپ ۋىسال.                                           تۆكىلەر زەر ئالتۇن مىسرالىرىڭدا،                                           ئەل ئويى چېچەكلەر ھەر بىر ئويۇڭدا.                                           روھىڭدىن، ئىزىڭدىن ئۇيقىسىز ماڭدۇق،                                           خىسلەت بار ئەتىنى كۈتكەن تېڭىڭدا.                                          دوقالدىن مەڭدىمەي كىشنەپ ئاتلىدىڭ،                                          شۇمبويا تىكەندىن غەمسىز ياتمىدىڭ.                                          ھەر كىمنىڭ بېشىغا كەلگەن ئەلەمنى،                                          قەلەمگە ئەمىرقىپ، بىرگە تارت دېدىڭ.                                          تون پىشتۇق بويۇڭغا ئۇز ۋە چىرايلىق،                                          شاھانە كۆڭلۈڭدىن كۆچسۇن گادايلىق.                                          تولۇن ئاي پارلىغان ئاپئاق كېچىدە،                                          سەندىن شېئىر تىلىدى يۇرت ۋە خالايىق.                                          ئەل ئوغلى ئەل ئۈچۈن ئاققۇزغاندا تەر،                                          قاغجىراق چۆللەرمۇ بولار يېشىل يەر.                                          ئەل كەچكەن كېچىكتىن يانمىدىڭ زىنھار،                                          ئۇنتۇلماس مېھنىتىڭ ئەلدە شام-سەھەر.                                          چۆللەردە تىڭرىقاپ ئازغاندا يولدىن،                                          بەقۇۋۋەت سېزىمەن ئۈپسەم پېشىڭدىن.                                          ئۈلگۈسى بارچىنىڭ سەن بەرگەن ئۇدۇم،                                          توۋلايمەن‹‹ياشا››دەپ يۈرەك قېتىمدىن.                                          ئەل-ئاۋام ھۈرمەتتە ساڭا تۇتار گۈل،                                          شۇ گۈلنىڭ بەرگى سەن، ساڭا ئەل ئىجىل.                                          يىلتىزىڭ تارىخ بوپ ياشنايدۇ ئەلدە،                                        روھىڭ ھەم سۇلماس گويا تۆت پەسىل.                                          كۈچ-ئۆملۈك، ئىناقلىق مەڭگۈلۈك تېما،                                          ئىنسانغا ئاپەتتۇر ئاداۋەت-نىزا.                                          روھ ئېلىپ ئۇستازدىن بارچە قەلەمكەش-                                          رەزىللىك تۈنىگە چاپايلى زىيا...                                          رازى بول ئەزىمەت، رازى بول ئەبەت،                                          ئالقىشلار سەن ئۈچۈن ئاخىرقى رويخەت.                                          يوق ئارمان بىز ئۈچۈن ھايات-ماماتتا،                                          ئەل ئۈچۈن سەن كەبى بەرسەك بال-شەربەت. 2010 -يىل 19-نويابىر...شەھىرى بورتالا ئىمام ئىسمائىل ئىبنۇرى يازغۇچىلار مۇنبىرىنىڭ غوللۇق ئەزاسى ھەم ياخشى سەپەردىشىم. شائىر. شۇڭا ئۇنىڭ يۇقارقى شېئىرىنى مىسىرانىم مۇنبىرىدىكى ئوقۇرمەنلەرگە سۇندۇم. ئۆزىنىڭ ماقۇللىقىنى ئالدىم ئەلبەتتە. شېئىرغا قول تەۋرىتىۋاتقان قەلەمكەشلەرنىڭ ئوقۇپ ھۇزۇرلىنىشىنى ھەم ئىككىلىك ئىنكاسىنى ئايىماسلىقىنى ئۈمىد قىلىمەن! -شۈكران

Gvlmisal

	بايا تېخى بۇ شائىرىمىزغا بېغىشلانغان ناخشىنى ئاڭلىغان ئىدىم.ئەمدى بۇ شىئېرنى ئوقۇپتىمەن.تېما ئىگىسى ۋە شائىرى ئاق يوللۇق بولسۇن!

WOLKANII

	شۇكران ئەپەندىنىڭ ئەمگىكىگە ئاپىرىن !

泽普boy

	ئىبراھىم قۇربان سالام لۇتپۇللا دىگەن ناخشىنى بەك ياخشى ئىيتىپتۇ

泽普boy

	ئىبراھىم قۇربان سالام لۇتپۇللا دىگەن ناخشىنى بەك ياخشى ئىيتىپتۇ

gadankax010

	بىلىشىمچە تۇمەن 1000 نى كۆرسىتىدۇ. مىڭ دېگىنىمىزمۇ ئادەتتە 1000 نى كۆرسىتىدۇ. ‹‹شەنىڭگە تۈمەنمىڭ گۈل دەستە تۇتاي›› دېگەنلىك، شەنىڭگە 1000، 1000 گۈل دەستە تۇتاي دېگەنلىك بولۇپ لوگىكىلىق خاتالىق كەپ چىقامدۇ قانداق؟ياكى  مېنىڭ سەزگۇرلىكىم ئىشىپ كەتتىمۇ، بىلمىدىم.

qaraxani

	ئىبنۇرى بۇ شېئىرىدا ئۆزىنىڭ مەنىۋى قۇۋۋىتىنى ئىپادە قىلىشقا خېلى كۈچىگەن ئۇنىڭ بۇ روھى ئەتىراپىدىكى ماشىنا ،ئولتۇراق بىنا  ۋە ئاللىقانداق تىرىكچىلىكنىڭ ۋەسۋەسىسىگە پاتقانلارنىڭ تەشۋىشلىك روھىدىن ئەللۋەتتە نەچچە ھەسسە قىممەتلىك.

YuqunAdam

	gadankax010 يوللىغان ۋاقتى  2014-11-3 09:42 PM بىلىشىمچە تۇمەن 1000 نى كۆرسىتىدۇ. مىڭ دېگىنىمىزمۇ ئادەت ... ئۇكام ‹تۈمەنك › دىگەن مىڭ ئەمەس. ئونمىڭ.  تۈمەنمىڭ ‹ دېگەن ‹مىڭدىن ئونمىڭى› يەنى بەك كۆپ گۈللەرنى ‹گۈلدەستە› دەيمىز.

gadankax010

	YuqunAdam يوللىغان ۋاقتى  2014-11-4 01:16 PM ئۇكام ‹تۈمەنك › دىگەن مىڭ ئەمەس. ئونمىڭ.  تۈمەنمىڭ ‹ دې ... ھە راست. ئەمدى بىلىم.

باشتۇغ

	ئوت يۈرەك ئوغلان ئۈچۈن قەلەم تۇتقان قوللىرىڭىزغا بەرىكەتلەر يار بولغاي .